時至今日，雖然換購這玩意都少了，但偶爾都見到有些商品會贈送什麼，或換購什麼...相比以前應該會欠缺一點吸引......
好可能都要睇睇所換購的是什麼，就好似近排某間超市的換購車仔，都好似幾踴躍~~
本來森伯幾廿歲，思維又接近古稀之年，都冇諗住換車仔，但見到有幾部甲蟲車仔幾靚，便刻意去留意換領日期，已經在換購的第一天下午去買去換，問過都話已經換晒.....吓~~咁快！！我當然唔會走到另一間，冇就算...又估唔到，現在的換購行動都幾踴躍…
記得上世紀有間快餐店，要儲齊咁多隻史落比狗仔，啲人為了去換，買了個漢堡包食到唔食都要掉了，呢次換購都算經典，睇到當時古板的森伯都搖頭嘆息講句......真係世風日下...XXXD
呢架厚得意的甲蟲車仔唔係森伯，是問人借來影影，佢又幾好野換到心頭好~~
森伯就唯有觀賞自己一架靚靚的甲蟲車仔...唔知大家又有冇換到車仔?!!
買乜換㗎？
回覆刪除要在超市買夠一定價錢的東西，再加$10換購……
刪除講森哥二奶。(以前啲人會叫心愛嘅如相機、汽車嘢做老婆/二奶，因為會日日摸住佢、錫住佢，愛到好似老婆咁。)
回覆刪除點解唔去多幾間問吓！！！想愛人又含羞、怕人笑唔敢表白，正一怕醜仔，咁樣會永遠單身，臨老有個伴好啲。
超市物價太貴，個換領期已過我都未儲夠印花。所以，我會送啲印花畀相熟嘅看更阿嬋，佢退休後；就喺收銀處直接問人要唔要。
有次我去超市買嘢，見後面個人用手拎住好多嘢好似想跌出黎，佢冇攞超市嘅膠籃/車仔，咪將我啲嘢撥前騰空位置畀佢放囉，喺我畀完錢執緊嘢入個袋時，個收銀問佢有冇易賞錢， 佢叫我儲埋佢啲積分，我咁有禮貌當然會講聲多謝啦！呢次叫好人有好報，多做好事都好嘅。
把至愛物件比喻為老婆二奶，森伯識解!!……你諗得多咗，車仔見靚才儲起，冇就算…如你咁講，森伯真係成屋老婆同二奶，三四五六奶……
刪除怕醜仔……你呢個比喻好唔得~~唔會去第二間，冇就算，又唔係免費~~
儲印花呢樣冇玩過，多數換廚具或餐具，興趣不大!需要的就一早買了，不需等換購，聽你咁講…你個銀包仔都有十個八個印花仔喎~~森伯真係某留意，近排有咩換呀?!
咪好，做些好事真係會有好的回報，能夠幫助別人係好事!!如果對森伯伯來講，積分都係冇咩用……
森王子後宮佳麗三百。
刪除唔係怕醜仔，咁呢個舉動顯得森哥嘅高傲。
喺收銀處收到印花就立即送畀人，無人要就唔小心留低喺超市嘅當眼處，等好心人領養阿花，所以，銀包係冇印花，而且，我呢啲窮人好少去超市買貴嘢，係買米、油、罐頭魚超過$60才有印花，一年才有十個八個印花。
積分換錢， 雞碎咁多，疊水森哥唔在乎啦！
後宮佳麗三百又冇咁多，頂多二百九十九~~~哈哈
刪除森伯細個真係怕醜仔一名，唔似一爺兄大方得體，交遊廣闊，面皮仲要幾……見得人~~大帥哥一名!!!惹人愛戴~~
差D以為一爺去到超巿會四處留情，仲擔定凳仔聽艷事，殊不知原來四處留……印花~~
現在覺得邊一度買野都係貴了，超市買野都係貪就腳，我都不時去特價貨架搜搜有冇0岩買的東西~~
邊有一爺咁疊水，我覺得儲積分好傷腦筋，寧願要即時現金回贈好過……
胃腔超市 用無名/有名 百達窿 喺超市內有部機登記，畀完錢就拍卡儲分，張賬單上會顯示有幾多分。同佢講用積分畀錢就得。
刪除八街超市 用2想錢，上易想錢網站填完表，佢會記一大、一細卡畀你，我帶細卡出街，先畀張易想錢卡個收銀員描一描張卡，啲分就儲咗。唔帶卡，嗡個戶口號碼直接輸入機或者描手機2維碼都得。
白痴仔都識，唔使用腦架，易過借火。森哥覺得用積分好師奶， 斤斤計較 ，貪小便宜，唔想破壞型仔形象。
我試過喺萬色店買嘢有印花，咁咪好心畀個阿嬋，佢𠵱𠵱哦哦完一輪話唔要，可能佢覺得我係騙子因為個樣衰，咁我行開，佢諗咗一陣又追上黎話都係要。
依家我會話唔要印花，疫情期間啲人都驚我落毒，中『印花劫』就唔好啦！
證明森伯冇呃你，我對呢類付款方法來賺取優惠真係唔熟悉，最主要自己買的東唔係多，付現金都OK……你真係可以整條片放上youtube教人簽卡，拍卡攞優惠，什麼攞優惠全攻略……
刪除你講起易賞錢，以前都有同人share用，每次去超市都要帶住，唔記得就由佢，整整吓都唔要，對我來講冇咩太大著數……
去到超市買野，拎到一包二包，大汗淋漓，都冇咩型佬可言，買完都雞咁腳走人啦……不過森伯又點可以同一爺兄相比，你拎到大包細包，在真皮銀包裡遞張八達隆或易賞錢出來嘟一嘟都型過人，森伯掹車邊都做唔到……
對於一位太太來講，忽然有個型仔走過來問佢要唔要印花，都第一時間口窒窒，正常嘅…哈哈
疫情期間唔要印花……乜仲有野換咩呢排?!!
『冇咩太大著數』……都話富貴森唔志在雞碎咁多錢啦！畀人知道係師奶森就笑到面黃。收銀有時收多咗錢(價目牌平過電腦價錢，有清貨貼紙)， 我都問佢攞翻，我好師奶架。
刪除『拎到一包二包』我喜歡用 宜十 個藍黃色膠袋$5/個抵用又噤用。森哥帶咩購物袋呀？
只係證明森伯份人，唔會下下都要著數……
刪除又唔係驚畀人話師奶森，現今世代個個人都想搵多D優惠著數，人知常情，冇人笑你，反而話你慳得叻，慳得醒……
我真係冇留意價格牌平過電腦價錢…下次留意!!
雖然不是即棄，但膠袋始終唔環保…我用一般可跣水的購物袋，森伯潔癖怪，最好易洗易乾…
森哥面皮薄講唔出口，我都要練一排才膽大，因為收銀會叫人去睇價，森哥會怕為咗拾幾蚊而阻著後面排隊顧客，好唔好意思，好似打緊心理戰，但我覺得被人欺騙，要明碼實價、據理力爭。
刪除跣水料係化學纖維織成，咪即係塑膠囉！
多謝你話森伯的面皮仲好薄，證明仲後生……其實買完東西都有對吓收據，睇吓有否收多了!!道理站在自己那邊當然要爭取到底啦!!
刪除跣水纖維是種什麼聚脂物，都係膠嗰類，但森伯只係貪佢易洗又快乾，未爛都照用……
森哥有咩護膚心德？
刪除個袋用上十年八年唔算唔環保喎！以前買啲$10跣水袋用唔夠一年個綫口就爆開，根本承受唔到重量，憑外觀係判定唔到，宜家測試過，並標明可載重量係幾多公斤，質量好好多，仲要係$5個咁抵。
真係冇咩特別護膚心得……
刪除我都有個用了不久的跣水袋，線口爆了不耐用，還在某間連鎖家品店買，而另一個用了差不多十年，很耐用…買嘢好壞都係碰彩數!!
呢類環保購物最緊要輕，而且要耐磨耐用……
森伯係屬於文初/武後時代的人...XXD
回覆刪除你認為森伯係咩年代就咩年代…
刪除認為森伯係民初文人
刪除你何以見得森伯係文人~~~~
刪除相信有睇開森博的友好都知，森伯係屬於文初時代的人...XXD，
刪除唔好當講笑，係事實……
刪除對，我也留意到車仔很快已經換購。
回覆刪除雖然我只是問了一兩次，但知道換完速度很快，一個上晝就已經冇……
刪除我都知道有很多人喜歡儲車仔，所以有一次在一間賣文具雜品店裡閒逛時，見到有一排排載著多架車仔的玩具，和一種木板(可摺疊)的木象棋，我就立買下來，送給喜歡車仔或是象棋的親戚了。當然我也買了一排黑色水筆，獎勵自己。
回覆刪除你講開文具店，雖然現在我用文具的機會不太多，但見到一些大型書局的文具精品部都有興趣逛逛，看看有冇咩有趣發現。
刪除除了早前上課要顏色筆之外，一般來講畫插圖都已經轉用電腦上色~~秋葉仲會送些禮物給一些親戚們……很難得。
幾特別，買一排黑色水筆獎勵自己，通常人都會以一些貴重物品來作獎勵，那就證明秋葉講求實用多於價值~~
那次我逛的售賣文具雜品店，好像是專賣“貨尾”，例如一些生產商為定家製造一萬件貨品，通常會製造一萬多件，而多出的就會平價賣給小商戶。
刪除其實那次我不過是出於好奇而走入去，竟然見到一些又平又靚的車仔和木象棋。
以前我都會買一些貴重的物品送給姊姊們，現在窮了，很少去買禮物送給別人了。前年只送過車仔和木象棋。記得小時姐姐問我要什麼禮物，我說最想要的是月宮殿畫紙和毛筆。其實都不貴，這已經是很好的禮物。
所以有時逛吓呢類文具精品店，隨時都會發現到一些喜歡的東西，刻意搵可能未必搵到，但隨意走進去睇睇，可能遇到心頭好……
刪除有時到荃灣，看到有間中南文具店，遠看都有幾層高，可惜現用的文具少了，冇打算去睇…記得好耐以前常常幫襯他們地舖，文具種類多，而且專業，偶爾都見到有些文儀精品……
你小時就要毛筆同月宮紙…你小時練水墨畫嗎？!
應該是小學時。
刪除小學時本來一直學水彩畫，後來來了一位國畫老師，他要我們改學水墨山水。
刪除於是東學西學，唔湯唔水。
小學已經畫水墨山水…天資好高喎，其實小朋友大都係學東學西，反觀現今小朋友，樣樣都要學少少，結果都係冇樣精………
刪除我有同事為左個仔，四圍頻撲先換齊！
回覆刪除所有儲印花的玩意，我都興趣不大。
都有些人想儲成套，不過相信都幾難，可能要搵人齊心幫手…
刪除純粹個人覺得，用印花換購的物品唔吸引…
比較鍾意黃色的甲蟲車。
回覆刪除黃色較為鮮色，睇落醒神啲靚啲……
刪除