每逢周末都會食下其他雜糧，唔一定要餐餐食飯，雖然森伯成個飯桶(遲鈍人士)咁款……不過話時話森伯平時又唔會食太多飯，總之都係適量…
講開粥，對港人都唔會陌生，在外邊食很少會食粥，而食粥很多人都認為要油條、牛脷酥先至係絕配，的確係…好似睇電視劇，逢有早餐的場境，唔係煎腸蛋就係白粥油條，試問現在香港有幾多個人或者家庭是這樣的早餐，通常都係食個包就返工返學，包括森伯自己都係……
不過自從森伯識得整饅頭後，就多了自整糕點配個粥，而且自己整落咩料或餡料都可以，真正隨自己喜歡，呢句先係我整饅頭的原意……
今趟就整個香蕉饅頭，平時香蕉蛋糕食得多，香蕉做的糕點有個特色就是有一絲絲的香蕉纖維，自己整都有架…平時奉行少糖，少鹽，而呢個香蕉糕餅，有香蕉本身的甜味就唔需要落太多糖，剛剛好，清甜而不膩……
習俗話：過了端午就開始熱辣辣，相信大家未食粽就一早換晒夏季衫，所以天時暑熱的時候，午飯食個花生豆粥，再配個糕餅都幾好！！
花生豆粥
回覆刪除香蕉饅頭
香蕉蛋糕
唔敢叫大夫吔蕉……哈哈哈
刪除以前，中小學係樓下排檔食早餐，粥檔奶茶檔二選一，揀豬腸粉夠飽肚。唔記得帶錢食覊王餐都可以賒住先，街坊有人情味。
回覆刪除我都同意森哥話可以隨心任意整乜都得，外食多限制又貴。特別為咗補血而食豆豉蒸蜆/姜蒜蒸蠔豉都得，外面就冇得咁安排。
香蕉饅頭我都未聽過，乜咁有創意，自創架？
以前天時暑熱冇胃口食飯，屋企會喺假期煲一大煲雞粥，再炒一大盤粉和麵，食足三餐，轉換吓花款都唔錯。
話每日要食吓果仁，咁我自己叮花生/合核，脆卜卜當零食，花生$13斤好抵食，自己整可以無鹽，帶有益花生衣，原來，藥材鋪賣花生衣畀人煲水飲喎！齋花生粥我未食過喎！
現在已經冇咩檔口老闆可能仲賒數，如果個個都賒數，食飽拍下籮友就話爭住先，咁當日老闆就白做，自己好少會咁做，
刪除而且呢種賒數文化現在又沒有，咁你當時有冇第二日去還返數畀老闆?!……
當然啦，自己整糕放什麼都可以，配合當時想食什麼或想加些什麼，而且對我呢種新手整糕又會幾有挑戰……最主要外邊買不到~~
你在youtube找些香蕉糕點就會有很多香蕉的食譜做法……
大多數人在周末都係食些粥粉麵飯，尤其夏天很熱，都唔想煮太多，越簡單越好~~
叮花生合桃，比森伯伯呢類燥底人士就會好熱氣……係呀花生衣都好有益，聽聞紅衣花生的紅衣可補血，這碗係眉豆花生粥，齋粥……
此情不再。全家都幫襯佢， 間唔中會揾奶茶檔買箱雞蛋，平過雜貨鋪，算大客仔，老闆住高我哋幾層樓，知道住址點都唔會走數啦！我會第二日畀返錢。
刪除屋企行返學都係3分鐘，我係冇零用錢，只得早餐錢，落樓下食早餐至袋當日早餐錢，真係會唔記得架。我個年代冇銀包，D神沙成日袋穿褲袋又要補。
現代化有轆卡、 嘟卡、 電話畀錢，冇藉口走數啦！
克服重重錯敗，最終挑戰成功，食到熱辣辣 新鮮出爐饅頭嘅成果 ， 嗰一刻係特別開心同滿足 ，佩服自己解決問題能力，增強自信心。
斯文森哥都燥底。我冇熱氣，唔知乜底，老人家得漏氣。
化學分析紅衣係花青素，冇鐵質，古人以為紅色就係鐵質係唔啱，西方有系統追求事實真相勝過中方。
因為近期食咗土耳其軟杏脯後，去得更加順暢，睇返營養標籤才發覺好高纖，佢同平好多豆類嘅纖維素相近，啱啱整咗喳咋替代蕃薯糖水做餐後甜品，想試吓用身體做實驗增加纖維素，會唔會更順，還是杏脯有其它物質。喳咋同森哥豆粥差唔多都咁有益。
哦！原來大家係隔離鄰舍，咁就易話為，以前的人較多人情味，大家街坊街里又生活在同一屋簷下就有親切感~~奶茶檔買雞蛋?!真係未聽過，家陣去油站買米都覺得匪夷所思…哈哈哈
刪除記得細個好少去買早餐，通常大人買餸的時候都順便買麵包，所以好少在街上食，幸好我個年代已經有銀包，唔駛袋穿隆，屋企離學校只是幾步路，樓下就係…所以返小學唔需要帶銀包，兼且當時學校冇小食部，有$$都冇用~~
饅頭有個好處，就係可以冷藏，剛做完的饅頭都好少即刻食，放雪櫃便可~~可以放好耐，到食時再翻熱就可以…
斯文配燥底…都唔合邏輯啦，森伯應該係粗爆配燥底先啱……
中醫藥有多年歷史，可以追溯返神農氏嘗百草開始，醫藥理論冇錯，若然沙士都可以靠中醫藥去醫治就已經有無限的可能性！紅花生衣所講的補血，唔係單單指血色素，仲可以補救血內的血小板，當人的血小板低就可以靠食花生衣補充……
土耳其杏脯成日見，但森伯好少買，因為唔可以食酸味的東西，所以冇買~~喳咋好少食唔識煲~~~~
窮人要諗💩橋慳住黎洗錢。
刪除我哋都會揾其它更平嘅早餐慳番啲錢去買零食。
咁咪唔使做家務囉？
我一定忍唔到口一口氣食幾個新鮮出爐饅頭，森哥好夠定力，呢方面出色過我。
驚訝！森哥好粗🍆
原來補呢塊板。森哥都好相信中醫，試過西醫唔掂，中醫治癒咗森病？
主打素食嘅森哥都已經食好多纖維，唔使食呢啲啦！
你話窮人要諗計慳錢……呢啲情況森伯最明白，一日都唔知要諗幾多~~~
刪除以前細個好少買零食，在家中都唔太需要做家務好矜貴，反而人老了就辛苦命幹粗活……
剛出爐的食物好難忍口，我又唔會……因為整來明天的早餐~~
粗……唔好條腰就得嘞~~~哈哈哈
中醫藥講天然，我認為對人較好，西藥見效快，不過可能有副作用……我都係睇什麼情況食什麼藥~~
乜你平時食肉好多咩?!!要食咁多纖維……
諗埋諗埋咁多，森哥過幾招呢！等我學多啲慳錢森法。
刪除有同鄰居朋友仔開零食嘅大食會。森哥身體好易病從口入，唔好亂食呢啲垃圾零食。
我老咗諗番細個時都做同樣嘢家務，做起家務時都冇咁辛苦，多得窮父母關照。
我好乖咁跟足建議嘅日日2+3都未必日日大順，係發現食咗軟杏脯後情況變好咗，唔通我係超人，特有體質需要比常人更加纖維。有話腸臟細菌群會釋放物質影響性格、體形。
可愛嘅樹熊媽媽會強迫佢嘅戒奶樹熊仔食媽媽嘅屎去續命。
森伯有時諗住慳得一蚊得一蚊，慳得一毫得一毫，好多時反而畀人話用多咗錢……所以啲慳錢方法唔多work~~
刪除平時食得健康，就係想間中可以食下垃圾食物都無所謂嘛，雪糕，鹽焗花生等等…
一爺兄嫌父母窮?!......你十足十好似現在的後生，父母畀唔到佢哋，或物質上滿足唔到佢哋就怪父母，所以很多人都覺得現在為人父母很艱難，無個錢都要被子女怪責~~一爺兄真係年少無知………
你唔可以日日大順，係唔係你少郁動呀，只係運動身體某個部位…….我指你把口，得個口郁，其他就攤在梳化睇電視，做到腸胃唔蠕動，想大順都唔易啦~~
聽過，好似話屎有些腸道益菌，細小動物吃了就係為咗增加腸道益菌，人就唔需要飲益X多就可以!!!!
點樣反而用多咗錢？講出黎畀我做反面教材。
刪除相比起森哥學識咁淵博，我當然好無知啦！我個年代，大多數人都好窮，當大家都一樣，就唔會有不平等感覺，邊會嫌棄父母架。文字中沒有一絲嫌棄意思，係森哥理解力不足，定係學咗美國總統老屈中國，阿美森哥又想安個罪名畀我。哈哈！我好聰明呢！
我每日運動 keep fit，每周都有百七分鐘，運動冇咩幫助架！反而，我睇片學咗個扭腰動作去刺激大腸蠕動，好似唧牙膏咁好見效架。
現在人，少睇電視多上網，森哥要追上時代。
睇過香港同外國醫療特輯，有醫生用某人嘅屎在處理過後畀另一個人食，等佢嘅有病痛嘅腸胃多翻某啲欠缺咗嘅益菌，真係醫到人。節目中仲話腸臟細菌嘅研究有長遠嘅發展潛力。
畀人話森伯平時去商場，超市買嘢，啲嘢一定貴啦，有時上街周圍睇吓可能搵到平價嘢買……尤其有些地區，麵包都平過人~~試問森伯又邊會為幾個包走到去深水埗呢……
刪除你話森伯屈你，森伯都唔會做呢類小動作，又係你講：多得窮父母關照~~~~呢啲仲唔係埋怨說話?!!...雖然平時森伯好傻好單純，你都唔好騙得就騙，借啲意想抹黑年紀老邁嘅森伯伯…哈哈哈
見到畀人踩到上頭頂，中國都唔係蠢啦來個反擊……你咁講~~証明你都唔係蠢啦！！
正確，做一做扭腰動作真係可以刺激大腸蠕動，彎腰伸直都可以架…
你唔好叫活在咸豐年代的森伯追上時代，森伯有時仲聽收音機，睇電視已經算時麾咗~~~
早上來覆留言，剛剛食完早餐就見你又屎又尿……唉~~~~呢個係一種療法，有醫生講迫不得已才會使用，現在的人多數用酸奶或者酸乳酪都增加腸道益菌，最主要目的係增加自身抵抗力…
森哥咁樣解讀人哋說話，呢個世界應該冇一個係好人，活得好慘，不過，做美國總統高級官員，專門抹黑其它國家就好稱職。
刪除咁你又唔需要太過灰，上天實會畀你遇到啲好人，唔駛再認為好慘~~~
刪除唔好再加多腳畀美國政客，多個月來他們的表現全世界睇到晒…
冬日，為了暖暖身，偶爾也會吃碗粥作早餐。
回覆刪除以前一到周末都會煲粥當早餐，不過現在就少了~~~
刪除香蕉饅頭配粥？
回覆刪除香蕉饅頭配花生粥幾新穎……
刪除粥、粉、麵、飯、「糕」….
回覆刪除我的五大愛好，缺一不可！
節日愉快！
節日愉快~~
刪除其實常食的又豈止這五種呢，有粥、粉、麵、飯、糕...仲有點(點心)、粽~~要每樣講都有排講~~哈哈
香蕉我聯想到西式糕點，但做中式鏝頭好特別﹗
回覆刪除對，西式糕點較多用到香蕉做材料，饅頭真係冇，所以要自己整...哈哈
刪除在超市看饅頭的說明標籤，原來用了好幾樣的化學劑，定必有防腐劑。
回覆刪除要時常吃饅頭，還是要自家製的好。
你講的超市饅頭，我間中都會買，就算平時的麵包都有用很多添加劑……尤其膨脹劑或色素~~
刪除當然自己做饅頭一定健康一點~~
咁秋葉平時有冇做些小食給家人吃呢??!!
饅頭原是北方人的主食，我的飲食很粵式，不大吃饅頭。我有時會買切片的麥方包吃；去包店買菜肉包吃。
刪除以前也曾經整馬拉糕、蘿蔔糕來吃，現在很懶，不弄了。曾經買過一本很有特色的菜譜，可惜不知去了哪裡 ? 等我找到之後，才整些特色小菜來與家人共享吧。
對港人來講，飲食習慣很多時都受西方飲食文化影響，很多時都以麵包做早餐，但市售麵包多用酥油……相比下做饅頭油鹽糖都可以少量便可，所以早幾年前就開始做饅頭，慣了就會感覺簡單得多，一點也不複雜~~
刪除哈哈，如果秋葉找不到菜譜，那家人便沒有美味的東西吃了?!!...
其實麵包我也很少吃，只是偶然想吃的時候才買來吃一下。 有時早上放一兩茶匙蜂蜜在兩片麥包上，稍蒸一下吃就是了;蒸碗豆奶一息間就得了，簡單快捷。 一般日常弄的餸菜已經沒有特色，新的菜色才吸引。
刪除自從黑暴阻街霸路，交通不便；跟著新冠疫病流行，親人來往都少了，家人都是不聽我的勸告，回來了好幾次，除了上茶樓，我煮的都好簡單。
你的早餐都唔錯，可能習慣了食麵包做早餐，都少了吃其他，有機會睇睇除了包類仲有什麼可以代替……你有時不吃方包，會有什麼選擇?!!現在維他X出了無糖豆奶唔錯，方便不需要自己整，若然無糖更有益~~
刪除其實家人都係關心你，想大家見吓面，只要防疫禦措施做好，都唔需要怕太多……
維記的無糖豆奶係唔錯，不過，因為好少食甜品，所以也會加些少糖，覺得甜些好飲些。真是要看胃口而定，早上或會喜歡整d粉、麵之類來吃的。
刪除早上若是晏起床，早餐與午餐一起吃了。責任已完，無王管，喜歡吃什麼便吃什麼。
很多人都未必會太接受豆漿冇甜味，總要加些糖比較易入口!!!不過飲慣了就沒問題，若然沒有無糖賣，就會選擇低糖飲品……
刪除早餐食粉麵會好飽嗎?!!
人生能夠自自在在，無拘束，睡到自然醒經已是很多人的夢寐……
健康過油炸鬼牛脷酥啦！
回覆刪除Gael 兄好耐冇見喇~~~~呢排去了哪裡呢?!或有咩事正忙呢?!!
刪除雖然健康，但有些人喜歡香脆的口味~~~