相信到現在，仍有很多人都唔敢周圍行行逛逛，會因疫情關係留在家較穩陣，所謂避疫…我之前上課就少了外出，到現在卻因個疫情就更加少出，因為就算你願意出街，外邊的店舖都未必開門做生意，店員顧客都有點避忌，好似話銀行、食肆都要量體溫，食野帶晒口罩乜mood都冇喇，有些食肆避免客人太貼近仲隔塊透明膠板，所以都係遲下先~~
當然遲下收到政府派發的一萬元，都應該有點消費意欲，雖則話慳得就慳，但政府的原意都係想大家促進經濟，其實對森伯伯來講都唔會話突然有錢就身痕痕，要使要用的都一早買定，未來要使的都要使啦，就算唔派錢吟自己荷包都要~~
有人話出面的市道麻麻地，見很多店舖都變吉舖，難免會使人人心徨徨，就好似自己樓下的商場都有間有名的店舖話執就執，由搬來住都已經有，到某日行過就已經整間吉舖…商場成日行，轉眼間都執得一乾二淨，真係好似人生咁無常…不過旺區的生意應該唔會太影響，差唔多日日經過的荃灣都見有不少人流，相信又未必會太差……
巿道已經喺谷底，前排反對黨仲搞事，根本係唔理人死活，當然，米國喺幕後操縱，國家唯有出手，自己立國安法，要捉晒呢班扯線公仔，香港才能從戰爭和瘟疫雙重夾擊下回復和平。
回覆刪除一爺兄思路很清晰，今次香港真係要面對內外的挑戰，基本上大家齊心唔好分化，難關一定可以渡過。暫時對新法例都唔敢寄予厚望，細節未定架…其實根本世界各地經濟都係麻麻，各國都要面對……
刪除擒賊先擒王， 淨係捉啲替死鬼解決唔到。
刪除未有呢萬蚊，我已撐經濟在港消費，其實係趁難得一見嘅瘟疫價去執平貨，買咗套乾濕地拖把、一對波鞋、五件最啱夏天著嘅快乾排汗衫，差唔多係半價。衫已著感到凉快，新地拖比之前打掃快咗，而對鞋就等現役退休才用，你就知我唔係追新款，只求實用啦！
係有啲家品想買，左思右想後都決定冇必要唔買，免得日後制造家居垃圾。
先擒王……相信唔係咁易搞掂的問題~~
刪除初時聽到你話趁瘟疫價去執平貨，我仲以為你在投資界執唔少平嘢……哦，原來係一些日常用品，有時都冇周圍格價，見個價錢OK就買，我都有幾件快乾底衫，唔係時時有得買，遇到會買多幾件…現在買這些東西都會諗吓屋企有冇地方放，間屋或房間簡潔，人都會感覺舒服啲，尤其天熱，更加唔想雜物太多，所以現在都唔敢買些無謂嘢，用到就算!!
阿爺親筆，法網難逃，黎天王都要著草。
刪除迎接耄耋價值觀，2腳1伸，自己寶藏就係人哋垃圾，只不過，自己唔清麻煩人哋幫你清走一大堆垃圾啫！
睇套日本執屋達人騷就教如何整理養老屋，重點係自己親手送走過去感情嘅物品，留下現在和未來要用嘅，倆老即刻好疏爽掉走放咗半個世紀好有記念性物件、舊相片掃描儲存。
如果留底係銀紙、洋樓、股票、金銀珠寶就啲人當然好樂意去接收，其它雜物愈少愈好。我唔賣無謂嘢，留翻個錢畀人仲好，衣服唔要華麗、唔要過多， 減少珍藏，少物簡約就是美、就是愛。
睇嚟今趟都係要阿爺出馬，但搞唔搞得掂就未知……你講的黎天王係唱歌嗰位定身型豐滿嗰位呢?!!
刪除我又未必會咁諗，雖然兩腳一伸，乜都成為人世間的棄置物，但生前都應該有足夠的物資享受下，人一世物一世嘛……你講的整理養老屋，森伯現在都會儲少些雜物，騰出空間擺些實用的傢俱好過……
聽你咁講，覺得你的思想都幾負面，每個人基本上都唔會知幾時離去，你講到好似準備去逝咁…哈哈，你的財產唔駛怕啦，直接留畀你的另一半啦~~或慷慨一點直接作慈善用途，去幫助別人~~
一爺身家豐厚，難免要傷腦筋去處理自己的財產，但森伯一向家徒四壁，自在很多，唔駛太煩~~~XXD
唔係歌手啦！
刪除正氣森哥享受物資列內 含肉體？
負面思想係畀機會英雄森哥黎拯救我。
厲害森哥寥寥數筆寫到我呢個窮鬼會引人來騙財，咁森哥寫多兩句，我想光榮地有人來騙色。
咁遲覆我？唔通呢幾日忙著周旋喺班情人當中，好好享受。
初時你咁講，仲以為無端端黎天王做咗啲違法達義的義事，要搞到著草……
刪除享受物資涵蓋好多樣東西……
我都好負面，自己都未救得掂自己…仲話拯救你~~
你唔係諗騙財就騙色，思想好唔得……打開你的自我保護罩，對你可能有好處……
呢排個人熱到都唔想郁太多，你的留言一早有睇，不想手機覆又費事開部Notebook~~~
疫情留在家 有錢就身痕
回覆刪除帶罩冇乜mood 身痕自己吟
森伯唔同大夫，身痕起嚟冇錢都痕~~哈哈哈
刪除希望疫症早退，社會早日安定，經濟復甦，大家再現歡顏！
回覆刪除始終疫情都係反反覆覆，暫時未敢鬆懈，不要讓疫情影響心情，經歷一個不一樣的疫境~~
刪除的確處處有吉鋪，希望遲的可改善，香港可以上番平穩軌道。
回覆刪除有些商場，地舖吉的情況都好明顯，聽人話旺區都有街道兩旁舖頭都關門大吉……
刪除我就冇乜改變，依然都係想食就食，想買就買……😅
回覆刪除咁先係你的性格嘛…想做先做啦~~勉強就唔太好嘞......
刪除