對於港人來講，留意疫情都是每日會做的事，總希望疫症可以快些受控，不過仍是反反覆覆，聽講限聚令都要延遲…唯有大家再等等~~
其實疫情期間，如非必要真的不想到太多人的地方，留守家中就最安全不過，就算平時森伯都係宅伯一名，影響不大，宅在家都有很多東西可以做，我諗呢排很多人都想出多種在家消遣的活動，有人煮野食、有人打機、睇書、睇電視等等，在這個疫情期間，我留意到一首歌又幾唔錯，初時都唔知哪個歌手唱，現今樂壇新面孔就多，但冇個有深印象，以為又是新歌手，就算睇到MV都未知，後來睇清楚才知道是莫文蔚，又Keep得個外貌幾好，初時仲以為邊位後生歌手，可想而知森伯的認星能力有幾唔掂…哈哈哈，或者真係要有些資歷的歌手，才會唱出比較有水準的作品喇，因為不是我一個認為好…後來在網上尋尋，才知這首歌叫《呼吸有害》，大家都不妨留意一下~~
雖然話聽歌都算是呢排留守家中的好選擇，但自己又甚少聽歌，可能要趁有些空閒時間摷返部陳年MP3出來聽下歌仔，唔好等佢封晒塵……
剛剛看到一則G Blog消息，初時仲以為要Cut咗G Blog服務，後來好似話可以換個新介面，話方便手機或平板用，如想換都可以即刻換，我諗森伯遲些少先喇…
首歌別有用森，呼應米國 'I can't breathe' ，搞到米國展現好多度美麗的風景線，子彈橫飛， 烽煙四起。
回覆刪除佢喺香港唱歌咩影都無，反而喺台灣達天后級別，差天共地。有時失敗咗都唔好咁快放棄，就要變吓再戰鬥，可能會成功。
我都估到呢首歌可能有博友會對號入座，當然不是，只是純講近來一首唔錯的歌，費事畀人覺得森伯又扯到政治來講……
刪除以前聽佢唱歌都係一般而已，冇乜手本名曲…乜佢原來台灣好紅，我都唔知?!!有時人生就係咁，轉一轉個場地，形像，風格…..等等，又可能會成功~~
我都唔明『跪』字點解係由足部同危險組合而成，直至睇咗米國呢單種族歧視案件，原來，一個膝頭哥真係可以跪C人，唔怪得造字者咁創作，好有意思。
刪除生活和工作上解決問題時都諗吓唔同範疇，唔好一本通書睇到老，揾人傾偈，從新角度思考，往往有意想不到嘅收獲，小成功、大開心。
又係喎...都話一爺兄文字根柢深厚，中文字是可以拆解，咁樣一跪真係跪出個禍......若果信因果論，就認為侵侵身為一國大總統，屬於超級大人物，都好應該積吓口德~~~當說話全世界都聽到，上天又怎會聽不到呢...
刪除幾時都唔好一本通書睇到老，通勝都要年年換啦，點可能一本睇到老~~我覺得視乎個人的慧根去到有幾高，一開竅，水到渠成就成功!!!
『扮』強勢總統，橫行霸道，心目中唔會有口德呢種規範，可是，廢柴白痴無料到。所以，我都係以牙還牙，對佢冇口德。😕
刪除通勝個例子好貼切喎！森哥好有腦筋。老媽子係拜神婆以前買好多衣紙，舖頭一年會送本通勝，好似公司送月曆咁，通勝冇乜用都係用黎摘日子。同紙有關嘅都淘汰中，隨着時間巨輪慢慢消失，由其是5G嘅快速通訊，包括 紙媒、書本、記事簿、畫紙、紙幣……
我諗都係很多白人的一種優越心態，歧視唔同膚色的人，包括華人...其他總統或者都係口不對心，但都唔會亂咁講說話，
刪除因為全世界都睇住佢~~奧巴馬比較得體~~~
現在APP STORE 乜都有，或者都有電子版通勝呢?!!第時一爺雙親要幫一爺兄擇個吉日結婚 (如適用)，打開部手機掃一掃就得喇~~XXD
咁一爺用開華X機，會否即轉用5G?!!
即係民選都有可能揀個唔合格嘅總統。
刪除有優越感好正常，白人曾經有一段時間係走在世界前端，搶盡優勢，名校效應下吸納全世界最叻人走向美國，變得更加強大。黑人處於劣勢，唔付出十倍努係難於急灣超前，像歐洲人好玩樂性格就唔可以做世界第一。近期有能力撼動白人領導地位就係日本，美國佬都有能力攪亂佢，令日本經濟裹足不前，真係經濟紮咗腳走唔郁。
中國80年代才開放，一切從零成長，美國估唔到中國咁落後會喺短短40年間追到咁貼，有被趕過嘅威脅感。印度50年代獨立，足足比中國發展早多30年，還未擠身大國之列。唔係人多，要有能力、人才。
要佢哋喺下面走上黎，APP STORE 仲未強大到有網絡接駁到另一世界，哈哈！再強嘅中國雖則有小米、5G電訊公司，都冇一個問米婆能聯通喎！
我好實際架，唔追虛榮，等5G發展成熟，有好多個人好處，又或者4G要淘汰迫我轉型。老人家慢吞吞，龜速網絡已經夠我使用。5G畀商業更大空間發展 好似無人駕駛 機械人生產 無人送貨 警察應用人面辨別，要等某些5G應用軟體對我個人有用我才轉。
民選?!!...別國的事情森伯真係唔敢發表太多~~~
刪除我覺得有這種心態的人到現在亦有唔少，學校有外國人讀好似升價十倍，公司有外國人同事忽然覺得好似跨國企業，零捨唔同，一向以來都有這種觀念~~
其實未去過外地長住，唔知歧視問題如何，聽人講就話都嚴重，相信普通非裔人士更甚~~~
你都真係好熟個國際環境，美國要保持世界一哥地位，都要用手段去維持，所以其他國家要做阿二都在所難免...中國因為本身政制關係，所以不受到外來國家的侵擾，得以發展...
唔好意思，提起你的雙親，親人真係永遠留在心中，尤其過時過節的時間~~
我亦冇追求跟貼時尚，4G都夠喇，想換機呢排都冇換，如果間電話公司可以換新電池都未必買，用開都慣咗~~~
刪除因為鬼佬係高人一等，可拉高整體水平，有好多好嘢要向佢學習，但是，接觸後，有好多質素唔高嘅鬼佬，唔好學佢哋。
歧視千萬種（國籍、性別、膚色、智商、職業、衣著、身材、年齡、財富、學歷…………），好似蟑螂無法消除，預咗要並存，只可自強，活得自我、自在。
好在森哥呢度唔使好熟，識少少都可以暢談吓，真開心。
已經大幅度超過佢哋上一代嘅壽命，佢哋都話自己冇諗過自己咁長命，賺咗好多啦！賭王都冇免死金牌，係自然現象，我冇傷心喎。不知者不罪，唔使唔好意思喎。
我記得森哥係追求古典，比一般人遲好多才用智能電話，好念舊、好長情，暫時都會停留4G階段。
人就有長處短處，唔同國家有唔同的文化背景，要學都學唔嚟……唔好話外國地方，就算香港本土都有很多歧視存在，但大前題是唔可以因為自己的歧見去影響到別人的性命，這樣就相當可怕，仍要尊重每個人，因為每個人就是不同的個體嘛~~~
刪除森伯一向都懶得fact check，所以可以畀大家暢所欲言，如果去到人身攻擊，或者得罪森伯，即刻Delete…唔好話森伯唔專制！！
壽命邊個都估計唔到，趁彼此還在的時候，就要好好珍惜…雖然咁講好鬼老土，但事實就是這樣，人的能力真係好有限，做到幾多就幾多喇……
我記得你以前話森伯追求古雅，為人老土又薯嘜…乜突然又講咁多好說話?!良心發現……
突然又講咁多好說話?!良心發現……我一直以來都講咗好多森哥嘅內在美，只不過森哥睇唔起我嘅讚美，一陣耳邊風吹散晒啫！😡
刪除邊敢睇唔起一爺兄的讚美，難得你發掘到森伯咁多內在美……你講的追求古典，好念舊，好長情…簡直赤裸裸咁講中晒森老伯的為人~~~~
刪除寫 Blog還不習慣用手機，都冇問題既，又不是天天寫。
回覆刪除用手機寫Blog極麻煩，所以都係用電腦寫較為適合森伯~~
刪除我都唔想換新版面,好怕BLOG會消失!
回覆刪除係呀!!最怕係唔識搞，搞搞吓舊的資料冇晒~~~
刪除唔換新版面
回覆刪除用電腦寫較適合
若果個新版面只供手機用，我就未必換.....
刪除新版介面我用電腦寫新網誌試用過，多了功能有些不習慣，新介面沒有相片大,中, 細選擇，相片出來好細張，早前常在家我就鑽研廚藝^_^
回覆刪除你咁快就試用過...通常初玩階段，好多都唔習慣，對於我現在的相片大小就啱啱好，如果細細張就唔太好~~
刪除羊羊幾時分享些廚藝心得來睇睇?!!...
莫文蔚以自信和氣質取勝。已經嫁了一個外國人。
回覆刪除以前拍片就曾經被周星馳玩死，要她扮演一個如老夫子畫中的惡飛仔模樣的女人，惡死騰騰的賣魚蛋，令人印象真是十分的深刻 !
秋葉唔講都唔記得佢嫁了外國人...對，講靚又各花入各眼，但勝在氣質~~很多舊歌手都是樂壇的珍寶...
刪除你講的電影是食神?!!...當中的造型好深入人心，令觀眾難忘!!
想起來那一套電影應該是「食神」，因為在電視上看過多齣星爺的舊片，片名有些都忘記了。周星馳的電影真是很逗趣，在無厘頭中，在低俗之中，有時都有些意思。他找來徐嬌合演父子的那一套，就很感人。
刪除曾經在電視上看過莫文蔚的一幕舞台表演，只見她在全身赤裸俯伏在一個台基上，背項曲線玲瓏，前面是隱閉的。至於事先宣傳有全裸演出，確是沒有說謊話。 講靚真是各花入各眼，據說有些人以媽媽作樣本，喜歡和一個似他媽媽樣子的女性結婚。
以前周星馳電影在眾多人眼中是無厘頭，很低俗的笑片...的確當時有這個感覺，所以並不是齣齣星仔的電影都留有深印象，但隨著時間過去，星仔已經沒有太多幕前演出，佢之前的作品就成為大眾的經典，成了經典後就發覺佢的電影是一個時代的代表...可能就算是無厘頭的笑料，都認為很有趣，那就是時間的價值~~
刪除你講的莫文蔚的台上表演，我冇咩印象...據你講的表演內容都算頗大膽演出，都很欣賞她那種講得出，做得到的精神!!
現代人的愛情觀，都係憑感覺的多，正所謂啱唔啱feel，等到冇晒feel時可即刻分手都會...
易來易去是近代人的戀愛模式。其實每一個人都有一種固執的己見，成因很複雜，有的在兒時形成，有的在生活的經驗上形成。
刪除好像以張國榮為例，他若是追求毛舜荺成功，生兒育女，就不會愛上唐唐啦。
又唔一定，現代人的愛情觀多樣性，都是看個人對情愛的看法而已...本身，人的情感就很複雜，不能三言兩語便可得到答案~~
刪除張國榮是一代明星，活在娛樂圈基本上感情事都很複雜，圈外人真是很難理解或評論......
我都是看過張和毛毛的多番訪問，才有這個結論，並不是胡亂的下評論。
刪除眾所週知，哥哥追求過毛毛不成功，後來與倪思蓓亦散了。後來張說：唐唐在他失意時，幫了他很多，所以在一起不分開了。
他的死拼之肝腦塗地，太震撼了！很多人都追查他以往的訪問，去年他的姐姐亦有一番解構，說他的死是宿命。
毛毛亦十分難過！一副很內疚的樣子。
有時睇電視，或者聽電台訪問歌星明星，基本上聽吓就算，他們真實內心的一面又未必會講到最真實畀大眾去知道…有時人的內心感情事也很複雜，性向更難講。明星們為著搵食或者在大眾心目中的形象，要講出的都已經篩選過，幾多成是真的就只有他們自己才知道……或者星光背後，總存在很多壓力，圈外人不得而知，一時難去面對就會做出傻事，十分可惜~~
刪除以前的名人訪問都會聽吓，現在的明星歌星都沒太大興趣聽，可能人老了…
你講起毛毛，細細個就睇佢，保養得好好…森老伯老晒佢都冇乜變…傳奇~~
雖然被訪問的內容可能很表面，但要看訪問他的人是誰 ? 要是接受老友的訪問，就會盡訴心中情，一吐鬱氣，沒有掩飾。
刪除很久之前看服裝設計師劉培基接受訪問，當時只講奮鬥歷程，多年之後，他再接受訪問，說了很多的童年往事，使我十分的震驚 ! 真想不到，一個知名的女人，竟然這樣的自私 ! 這樣對待自己的親生兒子。(當時這個女人已經去世。)
偶然我會去看一些名人訪談的視頻，聽聽別人的奮鬥史，也是一些辛酸史。
如果老友訪問可能更加表面，太過尖銳就唔會再問下去，我認為就算跟主持的關係幾熟都好，未必會講心底話~~
刪除不過都有很多人喜歡明星們的八卦新聞，不過在電視電台的訪問，揭人私隱，怕嘉賓出律師信，所以一般都是蜻蜓點水式帶過就算~~~訪問只傾些皮毛事~~
不過現在真係冇乜聽人訪問，可能對所邀請的嘉賓冇乜興趣~~
今天終於找到莫文蔚這首「呼吸有害」來聽聽...也忘記了以前有沒有聽過她唱歌了。 一聽之下，又覺得幾好聽噃...沒有什麼技巧，完全以輕盈、自然取勝，我聽了好幾次，欲罷不能。
刪除莫文蔚其他歌都只係一般，沒有太突出的作品，被人遺忘她是歌手或感覺未聽過她唱歌也不奇…呢首歌算是最近幾唔錯的粵語歌，有時唱歌也不需要太花巧高超的唱功，自自然然，舒舒服服就已經不錯~~~
刪除首歌係幾好聽！
回覆刪除新介面，我手多多換左，都冇留意原來相片冇得揀大小！
首歌算近年幾唔錯的歌曲...
刪除我唔敢換住，現用電腦寫blog都幾好，陣間唔習慣又轉唔返~~~~~