現在正值秋季，氣溫也沒有暑熱天的酷熱，氣候也漸漸清涼乾爽，一向香港的氣候都比較潮濕偏熱，所以秋季的來臨也覺得特別舒服，唔冷亦唔熱，通常美好的時節只維持一陣子，所以真係要好好享受這個片刻。
當人大了或者老了，就會漸漸明白人生不如意事常八九…講得起呢句說話十居其九都係年事已高的長者！當然森伯是也~~都費事扮後生喇~~哈哈哈！！好多時人會把問題困難都放到最大最大，反而忽略了身邊的好事好物…所以平時都唔應該太過自怨自艾，內裡總有力量可以給自己一個支持！！
這一日忽然望上天空一片藍，再加上綠綠的山坡，十分舒服，這一刻無論怎樣也好，都要駐足看看窗外的景致...
天氣怡人，憑窗望山，倒不如親親大自然，老人最愛行山，運動吓精神爽利，有益身森。
回覆刪除對待問題嘅態度顯示森伯嘅智慧，我拍十隻馬都追唔上。
行山多數後生仔，老人家行下公園仔就差唔多~~查實呢類天時就咁逛下郊區都已經森曠神怡!!!
刪除你謙虛啫!!相信每個人都有各自方法去處理自已問題，別人的方法又未必適合自已~~~
森伯都冇行晨運要，遞奪『老人』身份，褪返落去做『中佬森』。
刪除無論任何天氣，我都要保持森中有藍天， 儘管遇到問題一時未能解決， 心情煩躁不安又自責，瞓醒第二日又係新嘅一天，拋下昨日低落情緒，保持鎮定，諗吓屎橋面對問題。
相中的山就在家附近，不過唔會諗去行，因為一出門就有個小型山波，有晒斜路扶手等設施，要當散步運動都非常方便...
刪除至於平時會行吓平台的公園仔，早上都幾水靜鵝飛冇乜人，話晒都交咗管理費，會用吓佢設施~~
我都會咁諗，訓醒又係新一天，雖則唔係常常心中有藍天，但無論好與壞森情，都會碰到，要靠自己去開解自己!!!!!
情緒產生咗就要揾出口洩咗度氣才能面對問題，森哥可否分享吓好方法能盡快恢復森情。食嘢？運動？瞓覺？金句？
刪除你咁正經問，想講笑答都唔得…生活上總會遇到好與壞的事，絕對不會事事一帆風順，人生閱歷多了，就唔會將件事睇到好大，唔好的事都應該經歷一吓，增強自己的抗逆能力……
刪除我真係冇咩方法去恢復森情，會睇當時想做咩就做咩……你呢？
讀書時即刻試後檢討，衰咗會影響以後科目嘅心情，改變唔到事實，知道負面情緒更加會拖垮往後科目，一定要掉低。唔使即時處理，就用紙筆寫低呢次失敗，唔再諗佢，唔做即時檢討，過一個星期至再諗吓點可避免，就可斷開負面心情。要即時處理就要諗吓解決辦法。然後，太忙碌了，將思想轉移到其它事情，食乜好嘢，著乜靚衫，剪個髮，放工行條新路線，瞓一覺……繼續走未來美好嘅人生，唔會再浪費時間停留呢一點上，仲好多好段落。
刪除你都好識諗，有時考一科唔滿意，好容易打後的科目就冇心機考，不過冷靜過後就會畀心機溫埋餘下，畢竟人生有好多變數……你都會用幾多方法去解決問題，我先會把問題放下，可能等幾日或者一段少時間，等到冷靜下來才去睇個問題…自己就儘量做回平時的事，若然再去放縱可能已經畀件事影響到自己，所以先要冷靜才可以解決問題，聽你咁講，又著靚衫，又食好野又剪個靚髮，直情好似重新做人咁，以森伯食鹽多過你食米的分析，呢類行徑似係同感情有關……哈哈哈，前面的路總要行，黑暗過後就會見到曙光……
刪除乜森哥同我講感情事？？拍過幾次拖呀？係森哥追人定係被追呢？ 教我啲招數呢。老人好Dry。
刪除森伯幾廿歲人，邊有你哋啲後生仔感情事多籮籮...情場不順意時就話食好野，剪個靚仔頭，明日又有新感情~~
刪除Dry乜鬼，唔好待慢你的身邊人...森老伯的忠告!!!!!!!
髮長要剪，肚餓要食，平常事都要拉埋感情黎講，森哥真係一個多情公子。
刪除從森哥思路，我相信森哥推窗望天，都係最近有感情困擾，大婆、二奶、三奶、妾侍、妃子、貴人、通房狠鬥爭寵，無日安寧，何時有藍天呢？左擁右抱，齊人之福係要付出好多。我都係『 以其人之道，還治其人之身』。😜
只係你的說話誤導咗森伯啫，你好似講到唔開心即刻去拆餐好，剪個靚髮，買件靚衫......
刪除我懷疑你真係電視台編劇，仲要係編宮廷劇嗰種~~~~~~秋天時份天朗氣清，望到個窗比較舒服~~~
做人已經夠晒多煩事，唔係太過份都未必會用以其人之道治其人之身，寧願揀忘記唔好的人，好過憎悢唔好的人!!!!!!可能遲吓都忘記一爺兄...XXXXXD~~~~講笑啫一爺兄對森伯咁鬼好!!!!!!!!
親親大自然，身心有益！
回覆刪除對呀~~偶爾親近一吓大自然，身心都感到舒暢!!
刪除秋天的天空最美，最愛沒有一絲白雲的藍天！
回覆刪除全藍的天空近來都少見了，今篇的網誌有兩幅相可以post，一幅是全藍天，不過我認為有些雲彩會似感覺悠閒一點吧!!
刪除靜心觀察自心深處 :
回覆刪除觀自在菩薩
行深般若波羅蜜多時
善哉……善哉……大夫好似看破紅塵咁啵~~~
刪除趁好天氣放幾日假去嘆下世界囉^^
回覆刪除嘆吓世界?!……森伯只識捱世界咋!!
刪除唔知Gael兄有咩嘆世界好推介呢?!😊
不一定要外遊
刪除即使在家裏的花園平台hea蕩也可享受閒情吧^^
hea蕩公園仔就唔算享受啦…其實我都認同唔一定要去外地，簡簡單單食吓野，都算一種生活的樂趣 !!
刪除或者去做下運動keep fit也不錯
刪除點做都冇gael兄Keep得咁fit架啦~~~><
刪除今年好似冇上年咁凍……
回覆刪除我反而覺得今年比較早咗涼，現在一早一晚都唔需要開風扇...
刪除隨時望到窗外的青山與白雲，真是很不錯! 總好過推窗一望，儘是千家萬戶。
回覆刪除其實望到千家萬戶也不簡單，有人喜歡住洋樓，也有人喜歡住在山間或是田邊的木屋。想起廣西某地一處綠蔭裡的一間小屋，真是有如詩如畫的感覺。
其實山景只是其中一扇窗，都有些窗對著人家住宅，香港地又要住市區都好難話全景都係大自然風景!!!
刪除邊有秋葉的家中戶戶窗都有海景包圍，坐在露台謐靜地欣賞日落美景真寫意~~~對於港人來講，能夠有片瓦遮頭的居所已經感恩萬分!!!!
都唔知點解 ? 森森成日以為我住喺海邊。我去影到啲日落照片，都係要出去行行逛逛，無意中影到嘅啫!
刪除住樓當然係有安全感啦，其實我好鐘意廣西嗰間綠蔭中的小屋，哎! 好不切實際似的。 但係真係有間咁清幽可愛嘅屋仔喎，唔係假架喎。
只是我記得你好似話你家中可以望到海景，就猜你可能住近海邊的地方，請勿怪老人家唔識世界，若有得罪就唔好記在心……對香港人來說有個溫暖的窩居就已經要滿足…
刪除你廣西有小屋?!而且在綠蔭中，相信十分清雅幽靜……
森森你貴人事忙啫，我都冇講過家中可以望到海景。點算得罪呢 ? 近在海邊的屋最貴。
刪除那間小屋是我跟團去廣西時，在某地途中，偶然見到的。但因為要跟大隊，無法停下來步入進去，所以無法多去探索欣賞，真有夢幻的感覺。
想不通那間小屋子裡面是什麼樣的，是住宅，還是雜物房 ?
可能我記錯，都唔知點解近海的住宅特別有價值，近海比較潮濕，傢具都會容易受潮...
刪除初時仲以為秋葉返國內搞小生意，物色一些特色小屋做民宿之類~~哈哈哈
以前都好嚮往過些深山隱居式的生活，但年紀漸老邁，反而住在市區較好，生活所需都比較方便~~~
你都估得近似，前年的確是有人叫我去台灣的台中搞民宿，不過阿姨懶散慣了，不想操那麼大的心了。當然我沒有那麼有錢去搞什麼生意喇，說打埋本畀我，我都嫌費事! 我們(閣下未係)這些老人家，都係住喺樣樣方便的地方好啲。
刪除現在的人有時間或假期都很喜歡去旅遊，所以搞民宿生意都很熱門，我認為搞民宿著重特色，如果在台灣一定要搞文青風格，相當配合!!相信秋葉也適合做這類風格的生意……
刪除可能都未必關年齡事，住慣香港什麼都好方便，尤其買東西食東西，想到的都可以即時買即時食~~~