所以話家陣的商家真識做生意，本來一疊老土的格言卡，只要改名為療癒卡就即刻有商機~~
只不過森伯今次講的就係真正的療傷，唔知大家平時出外會否帶定幾片膠布仔，萬一有咩損傷，都有塊膠布貼一貼!!我就睇下記唔記得啦，就未必成日袋定!!
早前收到些救傷包，輕輕便便就是方便人攜帶，但相信好多人都未必有危機意識，普通的出街邊會諗受傷這回事呢!!但如果帶定有什麼事都可以應急~~內裡只是基本治療用品，消毒紙，膠布，膠紙，紗布綿花等~~
這些救急袋只是贈禮，收到就無咩所謂，要自己買就未必會，因為內裡的物品有期限，過期就要更換，都幾麻煩，反而袋幾片膠布仲方便得多...
講開膠布，近來發覺用開的膠布，有個很好的改良，本身都已經唔錯，改良後仲夠晒薄、而且都幾貼皮膚、夠靭之餘仲可以防水，貼了洗手沖涼都無問題~~聽落唔好以為森伯賣乜乜廣告，只係講膠布咋，雖然有咁多好處但價錢都唔貴，真係幾好用~~因為有買過其他，但係差得多而且又貴，唔划算!!!
平時森伯都好少會無端端整損，但來的秋冬時節有可能指頭爆拆，所以買定看門口都幾有用!!
市區周圍幾多點都買到啦！離港工作旅遊或郊區行山、踩單車需要帶架。當需要時會一時唔醒起要拎，反正膠布唔佔地方，所以，我個隨身胸包放定幾片睇傷口，以前放電腦工事包內。
回覆刪除我用『慢玲』牌，2毫子片好抵用。
幾時都係預備定好過臨急買，雖然香港買野都非常方便，尤其戶外活動可能會用得著!!
刪除你個隨身胸包都幾多用品，又牙簽，又有膠布……的確帶多少少用品，以備不時之需嘛~~
慢玲...膠布都好似買過，唔覺得特別好用……!!
寫字樓都會畀A4紙鎅損手指，意外隨時會發生。
刪除爆拆：我都話男人都要護膚啦！血跡斑斑又點同人商業握人，知森哥一單大生意上落幾百架，唔講得少。
以前我好無知，用『你』牌潤手霜好努力搽都照爆，百思不得其解，近年老咗腳踭好易龜裂，多得網上個妹妹仔高人指點護膚理論同方法，做事係要查根究底，知道問題根源，才能對正下藥，我才識用凡士林襯濕鎖水，多得她，冬天都唔使怕皮膚問題。
我又好少接觸很多A4紙，都甚少會畀紙鎅親手指...
刪除森伯平時最大單交易咪十令蚊，買底雞蛋仔...森伯份工唔係做生意，何來幫個客握手呢~~~~~~
可能你後生，膚質嬌嫩，唔太啱用"你"牌潤手膏，但森伯可能老人家膚質鞋烚烚，反而試過用"你"牌潤手膏治好我的手爆拆，想當年有年冬天手爆拆得好嚴重，唯一最易搵到就係"你"牌，因為佢超市都有得買，而且牌子夠老字號，常常搽不久都好番晒!!不過唯一唔好就係太重人工香味，所以現在少用~~~
其實正確用潤膚膏都係要把皮膚弄濕才用，效果就會顯著~~~~
森傷膠布療心，非現金交易，先要膠出你的森，方能撫平森洞。
刪除失眠老人需要無森睡眠穴位膠布。
作者已經移除這則留言。
刪除咩又療心，又金錢交易，膠出你森，又咩撫平森洞………？！！唔知你想寫咩，唐詩三百首？！！
刪除穴位膠貼見過，通常貼耳仔的穴位……完全冇用過…
有備無患，一定要有呢。
回覆刪除始終出到街，唔知幾時有呢個需要~~
刪除貼身防水夠薄靭
回覆刪除一片好用的膠布都需要這些優處~~
刪除膠布我成日袋定㗎。
回覆刪除你時時要外出，袋幾片膠布是有需要的……
刪除出外會定幾片膠布仔，有時的鞋刮脚，就十分有用。
回覆刪除係喎，我都冇諗膠布仲有呢個用途，真係小小膠布大發現!!
刪除我都有用這牌子幾好用
回覆刪除原來Gael兄都係用呢隻膠布，改良版仲好用...
刪除秋冬爆拆時用凡士林都幾好，見你說起椰油好用，咁啱在超市見到，就買了一瓶回來，真係幾潤吓，不過好濃的椰香味，很吸引人好吃的樣子，怪不得說明不要讓孩子取到。
回覆刪除膠布就好少用。
凡士林都唔錯，不過塗得多就會納納黐黐感覺唔太好，椰子油就好得多，富有椰子味，好香，不過我通常買有機椰油一樽樽的，用來食或搽皮膚都可以…不過近來用上一種護理級椰油，就有可能小孩要按成人指示用……
刪除我現在用的膠布是塗上去的，像女士用的指甲油，很防水。
回覆刪除你講的液態膠布未用過，感覺傳統膠布比較隨意，唔知液態膠有否期限，因為唔會用得多……
刪除有限期
刪除對於我來講，可能會擺到過期~~
刪除