森伯伯算好彩，常搞亂的地方唔關事，而且好日又唔需要坐港鐵，否則真係喊得一句又一句~~
講起食糧，相信麵包都係其中一樣，對香港人來說麵包雖然不是主餐，但早餐或下午茶餐都會常吃，近來又話方包含鹽又高，所以都好少買鹹包，都盡量試下附近包店的包是否過鹹...試好就會常幫襯，日日有機會食都唔想有問題，買方包就好少買白方包，多數買麥方包，價錢都係差唔多，而且喜歡有麥味唔似白麵包咁寡口，麥方包都食了很多年~~
又唔知大家有冇揀食白方包定麥方包哩個習慣呢?!
現在已經算入秋，有時天氣還很熱，通常呢種轉天氣的時候，自己個人點都會病病地，先係喉嚨痛，跟住就有幾聲咳加埋鼻水，當然希望這些只是小毛病，正常應該過幾日情況會好少少，亦有可能會搞半個月都唔奇，不過最近有親友送來桔仔茶，亦有人親自試過咳時飲唔錯，相信若果再有大咳都會試試，呢種桔仔茶外型幾得意，一個乾了的桔仔裡面放有茶葉，要沖泡的時候一同放在熱水裡，跟平時泡茶差唔多，當一樣茶療幾好...
桔仔茶療點滴
回覆刪除桔仔茶有理氣作用~~
刪除區議會選舉喺11月24日，出咗結果就會舒緩吓。如果美國喺背後攪鬼，咁就好難講幾時完喇！
回覆刪除我好耐冇食麵包喎！早餐食芝士咖啡燕麥。最近，整奇異籽加奶嘅果凍，同埋用微波爐焗脆啲連紅衣嘅生花生做小食，為自己『加油』。
麥包有益，森哥營養知識有番咁上吓！識揀好嘢食。
未聽過喎！好彩我冇病，唔使飲。好唔好飲呀？
今次的選舉投票，我都一定要投票，不過仲有個令月先到……對於我地普通小市民來講，以不變應萬變，始終政局難料~~~~
刪除我一向唔食燕麥即係麥皮，若然時間充裕就整碗薯粉食?，或者飲杯豆漿，通常都係簡簡單單……餅乾當小食!!!
乜一爺兄好dry咩?!要加油……
其實街外麵包都係冇咁健康，用的酥油或人造牛油居多，最好自已整不過冇買麵包機~~~
我冇飲過，如果有飲後報告，會寫Blog介紹一吓!!!!
上咗年紀係會Dry啲，型男森哥拍得住謝四哥咁風流，唔Dry。
刪除攞森伯同而家的謝四哥比，真係唔敢當...
刪除秋冬天時個個人都容易dry架啦~~~~
大家都係走型格路線，森哥嫌佢年紀大！！！都係古天樂襯啲。
刪除咁講森哥都Dry，我就索油啫，森哥有乜法寶呢？
你又唔駛將森伯伯擺上枱，攞森伯伯同謝四哥，同古天樂比較，費事令到四哥同古仔降level啦~~😑
刪除比起而家的男士，森伯直情唔算太姿整嗰批，都係普通搽吓椰子油就算……
森哥意思係話同你比完後，四哥、古仔都要靠邊站，由 A Grade 降至 B Grade，因為森哥先至係實至名歸嘅 A Grade，即係森哥見得人，上得大枱。😰👍 有人一朝得意語無倫次。
刪除呢個世界對男人真係唔公平，女人護膚就正常，男人護膚就姿整。由青春期開始，我一直都受暗瘡困擾，直至近期網絡發達，好多人分享各方面嘅心德，我才知道呢種皮膚嘅正確護膚方法，保濕和鎖水係二個必須步驟，恨我知道得太遲。所以，唔好標籤男人護膚係姿整，醫學上皮膚都係身體嘅器官之一，人人都要護膚。
你知道你語無倫次就最好喇，森伯伯唔敢跟誰比，根本冇得比，人家出晒名型，森伯靠邊站都冇資格……做人唔一定要型要靚，做番隻醜小森都一樣自自在在…
刪除其實一般人的目光都認為女士愛美是人之常情，但男士稍為對儀容著意一點就會被人話句：姿姿整整………事情本身就冇話公唔公平，只在乎你自已的睇法而已!!
對一爺兄來講，有暗瘡的確幾煩惱，一向以靚靚仔仔見稱，忽然臉上有暗瘡的確好掃興~~~森伯以前係醜仔一名，都冇在意有冇暗瘡呢件事~~~
所以話人靚就煩惱多，好似森伯人醜就煩惱少D!!!
森伯都認同你所講，護膚幾時都係有需要!!!!
人生總會有問題，有啲會跟你一世，有啲要經歷一段長時間後突然間解決咗，有啲好快就解決咗。唔好將問題放到無限大，日子都係要過，要調好心理開心地過。
刪除睇嚟一爺兄對解決問題都幾有心得!!!有時經一事長一智，人生就是不斷的學習，做到老學到老~~~
刪除或者一爺仲好後生，未必領略到當中的意思...
桔仔茶我想睇吓係點喎。
回覆刪除我都想睇下....^^
刪除如果買我會揀厚切麥方包,搽花生醬或夾午餐肉也可
王子…
刪除或者日後有機會寫篇Blog講下
Gael兄…
如果有日試過桔仔茶我會介紹，可能要久等……
花生醬搽包，細到大都好鍾意，不過近來甚少買來吃，午餐肉夾包直情未試過……
咁要試試啦:P
刪除經gael兄提一提，我諗會買樽花生醬搽搽，真係好耐冇食過~~
刪除方包我也會選麥包
回覆刪除我容易咳，試過咳足個幾月
最近空氣質素差,阿摩都要保重^^
刪除Amour…
刪除近代人講求健康，麥方包都處處有賣，記得以前只得白方包~~記憶中仲有一種黃色方包，現在少見了~~
曾幾何時我都試過久咳!!幾驚架~~
Gael兄…
乜阿摩住的地方同熱門出事地方有關咩？!
咁gael兄更加要保重喎……XXD
你提起又係喎,以前確興過有黃色那種方包,係咪蜜糖方包?
刪除記得是甜包,有時會有提子乾的.....但依家好似絕跡了!!
你咪咁敏感,近日天空也總是灰蒙蒙,可能受台灣打風影響有關吧
黃方包是否用蜜糖做真係唔知，不過食落係甜，近幾年黃色方包已經唔多見~~
刪除你話森伯敏感...想指邊方面先?!!哈哈哈
我只係話某啲地區的空氣污染指數特別高，據天文台講當中包括銅鑼灣，中環，旺角，大埔，沙田等十多個....
而旺角，銅鑼灣同沙田都算熱門類!!幸好，森伯住的西九區又唔覺有喎!!
我家正正在空氣污指數較高的地方
刪除其實空氣問題好難搞，尤其在自已住的地方……
刪除如果阿摩有心機打理植物的話，可以試下在家中擺幾盆水種的觀葉植物，細至中型都可以，易打理又唔會惹蚊!!
是因室內植物有淨化空氣作用~~
謝謝介紹
刪除不用客氣……
刪除天氣、空氣好差，小心身體！
回覆刪除空氣污濁都時時有，唯有轉天氣多加留意身體……
刪除森少真是財多身子弱。
回覆刪除兩年前老友贈我一瓶自醃的柑桔，也從來沒有動用過。託賴很久也沒有傷風咳嗽了。
我很久才會去買一次麵包，多數都是買沒皮的麥方包。今天才買了熱的脆皮蛋撻來吃，真好味。
秋葉一向對詞彙都很熟悉，亦聽過有人講貧病交迫，這個就是低下階層森伯伯的生活寫照~~~~~~><
刪除鹹柑桔都時時聽它的功效，但以前飲過就不太夾自己，而且太酸味的東西都好少飲……看來秋葉都很健康，冇乜傷風咳嗽!!
聽你話很久才買麵包一次，咁你平時早餐會吃什麼呢??煲粥或整早飯?!!
一位清潔工人都不會「貧病交迫」啦，怎會輪到森森你哩。
刪除做人真是不要誇口，話醜才會得好。說自己甚少病痛，可能會像小孩子般“小器”，立刻病起來。所謂“小病是福”，平時有些小病患，也是好的。
*
因為我自小病得太多，所以飲食很小心，不會出外大飲大食，體檢就不會出問題了。 早餐我會喝豆奶，雞蛋，或者煮個麪之類，蔬菜不可少，但太多又受不了。
森伯伯都唔識講大話，貧病交迫對於低層森伯來講已經習慣了~~
刪除哈哈...個人都幾廿歲都唔會好似小孩子般"小器"，總之病開就會常常病，所以平時對健康著重一點!!
除了自助餐，我平時都很少大吃大喝，因為早餐慣了食麵包，或者真係諗諗除了麵包還有什麼食物可代替~~
平時有食五穀飯，若太多菜都吃不下~~
都唔係gar! 就算幾廿歲人都唔好自誇，小心駛得萬年船嘛。什麼“大吉利是”，什麼“touch wood”，都係d小迷信，隨俗啦。
刪除*
昨天我都去買了一包有皮的全幼麥方包，份量比較多，亦聲明不含膽固醇，這個十分好。如果要上班的人士，想早上吃粥的話，相信在前晚做好，放在雪櫃裡，第二朝一早加熱來吃，才比較方便。
使唔使講到咁淒涼~貧病交逼! 社署都會幫助失業者發放生活津貼，又會指引去找工作。咁都唔知，證明你都係扮窮。或者你雖然窮，但係又窮唔得晒。
刪除我生活係窮，但不苛求；心中富有，日日安貧樂道。
森伯好少自誇，根本冇咩好誇...哈哈哈，秋葉是否記錯是其他博友呢?!!
刪除做人有些少迷信都唔緊要，不要太影響生活就冇問題!!!
麥方包唔錯，而且高纖維，現在我都好少食粥當早餐，間中飲支維他豆奶就算!!!!
你哋啲有錢人唔明架嘞，社會上都有很多類似森伯伯的窮困長者，每日都為生活打拼，不過捱得開心，可能苦中作樂吧!!!!
你講得好啱!!心中富有，日日安貧樂道~~~的確是生活中的哲學!!!
都唔係話你自誇，係講我自己啫。在google 的博友來來去去得個幾位，點會記錯呀。 我個人生活是僅堪溫飽，黠會係有錢人哩! 安貧樂道就是了。
刪除就憑森伯目不識丁的博文，秋葉又點會認錯森伯呢?!!哈哈哈
刪除其實一句：做人要學懂知足就可以對得住自己，人的確有太多物慾心，得一又想二~~~
森少太過謙虛啦! 閣下怎會是目不識丁呢 ? 你真懂得說笑話。
刪除秋葉實在太好人，森伯只係講講事實而已，不是講笑~~
刪除