森伯一經過藥房都會來一個Window Shopping，可能總有些東西會用得著，尤其藥油類，始終年紀大隨時都可能呢度痛，果度痛，都想搵番一兩支藥油旁吓身...唔知點解，坊間有很多西藥膏都唔係太適合我，因為唔覺得太有效用，用慣藥油又會習慣，不過都要揀一些夾自己先好!!!
其實藥油除左有冇實質效用之外，仲要計算佢唔好太大味，不過出街一定唔會用喇！費事畀人話呢個阿伯一陣藥油除~~
所以無論去什麼藥房都會睇下有冇咩藥油可以試試，外旁人聽落都幾誇張，但森伯真係會留意，當然啦好多藥油都估佢有冬青成份，呢類就唔會買，不過講到最後好多時都係得個睇字，真正拎到上手買又未必買，因為一唔合用就要掉，都幾浪費~~所以用開的知道可靠才會買!!!
藥油好多種，幾古怪都有，蜈蚣蠍子的藥油都有得賣，不過敢唔敢用又係另一回事~~~
總有一兩支藥油用得著
回覆刪除大夫咪玩啦……呢鼠咁多支，實有一兩支啱用嘅!!
刪除兩支藥油
刪除上面一支去星加坡找
下面一支去印度找
星加坡藥油普通藥房都有售…
刪除至於印度出嗰隻真係要問吓大夫響邊鼠買，森伯唔熟……哈哈哈
首先要知道為乜痛啦！
回覆刪除輕度扭傷會捽歪骨水。運動過量而酸痛就唔理，由得佢自然好翻。筋膜沾黏就揾原始點按壓。其它唔知乜痛，持痛一排唔好或痛到喊就睇醫生。
預防勝於治療，知道打電腦要注意正確姿勢同付合人體力學嘅硬件，因為廿年前衰過一次。搬重嘢都要正確姿勢。
平時都會拉鬆啲筋同運動加強肌肉鍛鍊。
你話後生仔活躍得滯就話唔知為乜痛啫，老人家應該知嘅~~~
刪除你講的歪骨水，森伯都有一支看門口喎!!不過對於我來講買左的藥油一定會在適當時候用!!
而家都好怕筋骨勞損，所以易產生整傷的事故都會加倍小心~~
你講得完全正確，平時郁下筋骨都可以幫助筋骨打好個底，增加佢的韌度~~
我對運動係冇乜大興趣，後生唔做唔會有問題，但老咗唔做痛病會找上門，要迫自己做，中年後要日日做30分鐘運動，才過得輕鬆自在開心，冇付出何來收穫，病痛都要摸門釘，不過，知易行難，唯有化身恐怖份子嚇驚自己。
刪除我就內服奧米加3好油，為自己加油，森哥都加油，外用藥油加椰子油。
我諗適度的運動對筋骨都唔錯，所以幾唔想都要去做做，都市人平時都好緊張壓力好大，若果話要限住一定要做就會將運動變苦差!!!輕鬆做兩三個字都已經唔錯~~
刪除都唔會太限制自已，總之每日都有一套動作畀自己抒展下當為運動，我覺得緩步行都幾好，有時間有太陽我都會去平台的公園仔行下!!
你放心，森伯夠油水，平時餸菜都加油……
郁動咗真係達到想要嘅運動效果？ 用乜量度有冇用？ 做完要氣喘可講到嘢，心跳加速到某個數。
刪除舉一個50歲成人為例，最大心跳率為220-50（實際年齡）=170，而有效運動心率則在102（170×60%）～136（170×80%）下之間。
阿伯一陣藥油除…………無味藥油都有市場喎！反面睇，無味會懷疑功效唔掂，唔似『阿伯香水』。
邊有話一定，總之有些少恆心，持續做下運動都係好事，你話要做到又喘氣又出一身汗，本應係好，但係過於劇烈又未必適合老人家喎!!!
刪除你都幾專業，計晒心跳率...森伯呢方面又冇研究，總之個心唔係停左就已經感恩~~~~XXXD
如果一爺兄研製到無味藥油，森伯第一個幫襯，市面都有幾多按摩油都取自堅果油或天然植物，都冇咩味，不過就好少用於跌打損傷~~~
理科先生心裏有數，處理文人形容詞有難。
刪除工作上必事事量化，任何含糊造成陷阱，無賴鬼鬼客愛找麻煩揾著數。
超80%才叫劇烈，森知肚明，唔使盲摸摸。
森哥公私兩忙，有空散步算好。正常年青港人揾錢事業行頭， 皆因香港係世界消費第一貴，充實排喺運動前，無奈生活迫人。
唔好畀籍口自己，平時有時間就睇多D正經的散文，小說之類，對一個人詞匯的應用都好好……
刪除一爺兄本身家財萬貫，難免有很多人搵你著數，交友要小心衡量一下對方有冇咩企圖，減低被人搵笨的機會~~
80%才叫劇烈，真係唔知你想指邊方面劇烈?!……我認為又冇必要做到劇烈，量力而為就最好!!
生活迫人的境況一爺兄唔明架?~~總之森伯的生活格言就是可以買就買，買不到就不買……><
森哥靠害！咁寫係轉移視線，想綁匪嚟標我心。真係攻森計。
刪除『交友要小心衡量一下對方有冇咩企圖』— 現眼報。👎😂
要綁架都唔會綁個有錢佬架啦，綁咗邊個畀贖金先……
刪除通常綁佢啲親人……
見你成日提咩小鮮肉，有人扮熟人打電話搵你，咪叫你小心交友，唔駛畀人搵著數嘛…😆😆😆
咁德輝/小甜甜呢！綁個佬架。
刪除森哥最清純，全天下最值得人相信係森哥哥，應該唔會對我有乜企圖嘅。
森哥提醒得太遲喇！我好笨，乜著數早就畀人揾晒，依家只剩一條老命，痛苦掙扎求存。
呢單案件過咗咁耐，當中細節好多，都唔敢評論…
刪除多謝你讚森伯清純，總好過話森伯單純…對一爺兄嗰類富貴人，直情唔敢有咩企圖啦！陣間咩標蔘，騙財等都入森伯數……��
你又唔駛講到咁慘，正所謂：笨人有笨福，天祐好人，總之知足就會常樂！
森哥可知双手染滿鮮血，你不殺百人，百人為你而『香』，當綁匪遇上窮蔘，世上只有x人才能保守秘密， 罪孽森重，所以，平時森哥多食齋化解。(哈哈！難得碰到咁嘅寫作機會，點都要寫出黎。)
刪除你個一爺係咪睇得科幻偵探片多呀!!!又雙手鮮血又為你而香...
刪除總之交朋友就小心啲啦，就算冇畀人標蔘，呃左金錢都唔好啦~~不如請森伯食野好過!!!!
乜殺百人可以食齊化解?!!...你聽邊位高人指點架?!!真係畀佢害C~~~
森哥排除萬難，殺出一條血路，更上一層樓。
刪除咁強調交友小心，森哥畀人呃咗錢，講吓你啲慘痛教訓黎聽吓。
所以，要我請你食嘢，窮森可以去社福處開嘅食物銀行攞食物啦！教你捕魚技巧好過齋畀條魚你去充饑。
大師叫森哥回頭是岸，出家刮髮為尼。
刪除無端端又話森伯殺出一條血路，咪搞到森伯的網誌咁血腥啦~~~~~
森伯都冇咩可能畀人呃錢，因為冇錢嘛...要呃都呃一爺啦!!!
叫你請食仲好，食物銀行畀真正有需要人士去領取，不應去騙取食物...
哈哈...邊位大師咁呢?!郁啲就叫人削髮?!!求唔求其啲呀!!!!
年紀大隨呢度痛，果度痛...好似講梗我咁.
回覆刪除你唔驚啦，仲未年紀大……
刪除下次回來時可以去藥房揀下有冇啱駛嘅藥油帶返去……
早兩日扭傷，我也剛開始用朋友送的手信~~~紅花油！
回覆刪除紅花油都幾出名，好似話跌打扭傷都可以用，當按摩油用都可以對患處有舒緩作用~~
刪除近日腳踭踩落地痛，請問用乜藥油好呀？
回覆刪除都唔敢推薦Man Man用什麼藥油，搽藥油只是一種輔助治療，都冇話有邊隻藥油人人都適合~~
刪除有冬青成份会唔好？
回覆刪除Gael兄咁得意，繁體字裡又夾雜著簡體字!!!
刪除冬青成份若果搽得太多，會令肝腎受損……所以要留意冬青成份的多少~~
好少用藥油，怕那些味！
回覆刪除因為藥油有很多成份都好重味，所以藥味是難免的~~
刪除因為我對氣味很敏感，所以最怕聞到冬青油味，實在太刺激了! 幸好我沒有需要用到這些油。也幸好有一種老牌的跌打酒用得著，凡有些勞損隱痛，只要經過用藥棉醮些老牌藥酒，按摩或加上用紗布敷一兩天，即會好轉不再痛了。
回覆刪除*
聽講星洲的「獅子油」「黑鬼油」很有名。曾經在大馬旅行時，聽到在檳城出生的華人導遊說：當地土人很懂得採藥製藥，刀傷火傷塗搽痊癒之後，一點疤痕也沒有。
刪除係呀，如果藥油或藥膏含有太大冬青膏味我都完全唔受得，用後一定會頭痛，所以揀些味道較近草藥味才能夠使用…聽你講唔需要與藥油為伴，這就証明你唔會周身痠痛，這當然好，森伯真係好羡慕…
你講的獅子油，黑鬼油都摔過，兩者中我認為獅子油較好！！
因為以前的普羅大眾一般都唔會太富有，有什麼毛病都甚少睇醫生，有咩事都係用呢類藥油搽搽就算……
最怕聞到白花油味，有些日本膏布也是很大藥味，真是要命!
刪除以前拜山遇到蚊咬，都係用清水洗蚊口，這樣就可以平復無痕跡。
如果用藥膏去搽，由皮膚吸入之後，會咳起來。搽得多，就會咳得多。
幸好清水是一種很好的清洗劑。
敬告各位，若被蚊咬，用清水洗去蚊咬的口水就得了。
刪除藥膏吸得多是無益的。
現在西醫生會為跌打扭傷的病人開「喜療妥」，這一種西德藥幾好。
刪除這種藥膏會吸收患處的水份，舒緩筋絡。藥店更有一種「特強喜療妥」。
不過個人還是喜歡中式的老牌跌打藥酒，因為採用了“乳香、沒藥”，氣味芳香。如有跌打扭傷，傷處切忌濕水。
我都好怕太濃的白X油味，一搽幾千萬里遠都聞到~~所以都甚少用...
刪除處理蚊咬的傷口，我會用少少牙膏，再加上少少熱水，洗完之後好乾淨，蚊痕也會快些消失!!!能夠用清水洗抹就最好啦...
西藥膏雖然冇咩太大味，但對我來講又冇咩效用，所以好少用~~
秋葉真係對藥膏有認識，我都聽過人講藥膏搽得太多係對身體冇益，所以如非必要都少用!!!!
哈哈，逢親去睇西醫都會開喜X妥呢種西藥膏，我覺得佢的效用麻麻地，所以連佢特強那種也沒有試...
跌打酒都有支看門口，有瘀傷都幾好!!!!