這一次要做的是一份立體模型，其實作品內容、材料都好隨意，只要你創作出立體和有意思就可以...純粹諗下都會認為幾有挑戰性，不過要諗到個主題才能諗下一步做什麼~~佢主題有兩大個，可以擇其一，一係做個代表自己的作品，一係就做與社會時事有關...
當諗到個主題後，要買材料：我諗用陶土最好，比較易做，唔做唔知時下的陶土都幾方便，我當然買免燒制啦！今云真係搓圓撳扁乜都齊，做出來都幾滿意~~
又畀大家估下，純看這些材料，你認為森伯會做咩主題呢?!!
如果懶得諗都無咩所謂，可能認為森伯的idea實在太低B...哈哈哈
............................................................................................................
附 註：
其實作品主題與走飲管的環保問題有關...這條小魚兒不是這份作品，只是剩餘物資做的，不過作品都同海洋生物有關~~~
或者森少會做隻小鸚鵡，上了美麗的顏色，用來代表自己吧 ? 會飛翔的也不錯啦。
回覆刪除估吓gar咋，咪話我唔經大腦。
點敢話秋葉丫，我怎會用鸚鵡代表自己，真正的鸚鵡很嘈吵又多說話……森伯平時文靜得來又含蓄，完全不一樣的性格~~
刪除原來閣下不喜歡鸚鵡的性格。見你的版面有隻好像鸚鵡似的鳥兒，不妨估一下吧。其實都聽說過閣下不大喜歡說話。
刪除都唔係不過唔會用鸚鵡代表自己，不喜歡說話只是對不太相識的人，熟絡後就會多野講，一向都比較喜歡靜靜地~~~
刪除森少平時沉默寡言，可見得十分穩重。
刪除我平時都少說話，因為有時說的話好天真，好直覺，好搞笑! 所以與不太相熟的人，都不敢多講話哩。
秋葉的意思可以直接用一個四字詞來容森伯…就係老成持重~~~~
刪除聽你講你平時講野好搞笑，相信你是親朋好友的開心果，常常帶些歡樂給大家，比較正面!!!
雙親已去世，兄姐的年紀比我大許多，有代溝哩，見面也不敢亂說話。
刪除反為在小女面前，我是有話直說，有時她們也不知是好笑還是好嬲 ?
*
有位博友也勸我說時事不要太激烈，怕我像那位在機場不接單張的阿伯，被人拉扯，被打。教我出外要說些好話，我回言：得啦，我會醒定gar啦。
其實家人的溝通都好重要，否則就只會越來越疏離，街外人就隨緣，但家人就不能始終都會時時見面，最怕搞到薑晒!!!
刪除你跟你女兒好似朋友關係?!……那是不錯的關係起碼大家有偈傾~~~
呢排真的要多點忍耐，想發表個人己見都要看什麼場合，否則被人打扁都唔奇……總之出到街萬事都要小心以自身安全為重要!!!
作者已經移除這則留言。
刪除講電話通常都係有要事才會交代幾句，甚少長氣地講電話……能夠台上發表說話，對森伯來講可能不太在行，所以都可免則免，但習慣了可能會好些吧!!
刪除一向時事話題都甚少跟外人討論，始終對政治的了解又有幾多呢?!除非有什麼大事件，就會講下己見!!就算在網誌自己個主場，都唔會有太多與政治有關的話題~~
煩惱皆因強出頭，呢個時候真係明白呢句的意思~~~
對不起，已經刪了我上一個留言，因為透露了太多個人與家人的通話態度，和生活片段。
刪除不要緊，你是有權删去自己留言…
刪除石仔同黏土隔離嗰包係乜嘢？
回覆刪除森哥畀tips我。
對科目有興趣 就好開心咁花盡心思去做好份功課，冇興趣就係苦差事。
我細個時最怕就係即堂交作文，永遠腦海空白，好艱苦至爬完格仔， 有次作唔出 隔離個女同學好心畀咗佢份作文我交功課， 佢淨返好少時間都可以作第二篇文，雖然，佢成績差我好多，我都讚佢好犀利，當然，平時對佢好好，有乜唔識我都會教佢。
我嘅語言發展好遲緩，所以，揀理科。依家要讀通識科，對我呢啲理科生一定有難度。
另外果樣係吸管，反而吸管係最主要想表達，你咁聰明應該會諗到喇!!!有興趣的題目又如何，有時想的就天花龍鳳，但做出來就眼高手低……
刪除看來當年你果位女同學又真係好好人喎，我都認為，你想人家對你好，你都要先對人好……這是不爭的事實!!!不過凡事都有例外，要看你會否遇人不淑~~~
乜語言緩慢同揀理科有關係?!!又唔知喎~~
乜呢3樣咁無嚟喇關都可拼砌埋一齊，森思難猜。就算我絕頂聰明，都係遜你一籌，估你唔到。
刪除有諗過代表森哥嘅主題，好似『騎牆派』 、『古老石山』、 『 臨喝掘井』、『專為難人』 (磚圍欄人)、『土頭土腦』。我乜都差過森哥，梗係妒嫉你啦！森哥係忠嘅，我要做奸嘅，分明係喺森哥背後講你壞話啦！全屬反話，即係 迂迴咁讚阿森哥 。哈哈！
我成日都遇人不淑，都係捐失少少，算買過教訓啦！
我乜都叻過佢，突然有一樣係醒我超多，佢會興奮若狂，夠佢開心成個學期。
大腦有強有弱，讀文科冇好語文同讀理科冇好數理就算點努力都讀唔好，既然知道自己嘅弱點，咪只有唯一嘅選擇。
我仲以為你話森伯，思維複雜難以猜度...其實森伯諗野好簡單，人頭豬豬腦~~~那些吸管是講環保，一字咁淺啦~~~越簡單越容易比人知你做乜!!!!
刪除你諗代表森伯的詞所有都係好負面，就算讚森伯係忠，都暗諷森伯忠忠直直；終須乞食....真係要搵定把界刀幫呀一爺兄割席，家陣好興有乜意見分歧就話割席嘛...XXXXXD
社會上遇人不淑隨時都有，總之問心無愧就算了~~相信學生時代的一爺，靚仔唔使講，仲要係班上的尖子，被眾多女同學傾慕真係不足為奇~~~
揀個適合自己的科目來讀，是最好不過啦~~
中秋猜燈謎我係次次都估唔到架，但係小學嘅學能測驗嘅推理科又得喎！森哥唔好用我弱點黎對付我啦！
刪除講句和平分手咪好啦！搞到出刀仔破壞物件咁暴力架！
教育局嘅課程設計應該喺唔太重要時期嘅初中就畀學生讀文、理、商、藝科，等人早點知道乜科更適合，或者删去不適合嘅，到高中就唔會走錯路，浪費時間。
猜燈謎呢方面我都唔得架，除非係細路仔燈謎可能猜到，小學的事對於森伯來講係咸豐年代，好多都唔太清楚~~~
刪除我用你的弱點攻擊你?!!...根本唔知你乜野弱點喎?!!口多?!串人?!蝦老人家?!
分手呢家野睇下同邊位講，唔係個個都講得架喎!!!!
讀書的科目總之認為自已有興趣就最好喇，唔好話讀書...有時工作都係，有興趣的就算人工奀D都冇所謂!!!
有個男仔打電話黎叫我估佢係邊個，果陣時好鬼忙， 好忟憎話唔自爆我會即刻cut綫，過後諗翻應該係騙徒。
刪除口多係強項。串人就唔叻。淨係蝦森哥哥呢個老人家，因為人善被人欺。
森哥有好多戀愛經驗喎！係咪暗戀森哥嘅唔講得分手呀？咁點可以表達，唔好拖人哋咁耐，早日揾另一個歸宿。
我仲以為一爺兄啲情人搵到上門!!都叫咗一爺唔好處處留情架啦…XXXD~~~原來係電話騙徒，有少少唔對路都即刻CUT線啦!!!
刪除你開到口話專蝦森伯伯，呢鋪真係唔割席都唔得~~森伯網前就善良，內裡係大奸大惡果類~~~
森伯係戀愛白痴一個，都明白暗戀的意思，暗戀唔能夠用分手一詞，亦都唔需要跟誰人交代，靜悄悄搵另一位歸宿囉……
好想聽人哋嘅情史呢！所以，電視愛情劇永垂不朽。要我作啲假情史嘅畀森哥聽？
刪除世事難料，唔理得咁多啦！總之喺我心中嘅森哥係善良呢一面就夠。
特別想聽一爺兄啲情史，如果有唔出得街嗰啲情節，請事先通知，等森伯打定PG!!唔會畀人投訴嘛……XXXXXXD
刪除……真係好感動!!!!!!証明森伯走呢個善良+純情老翁的路線係掂啦~~~起碼有一爺呢類純真少男相信丫~~~~
打晒格仔先出街。🏁🏨再加嘟嘟聲滅聲。
刪除大家一齊扮純情，玩角色扮演。哈哈！
咁係咪飲管監獄困住海洋生物。
打晒格仔?!!...乜有啲地方唔見得光咩?!!哈哈哈
刪除家陣提滅聲真係森都寒~~~
森伯係真純情，可能一爺就係扮!!!
唔係...整飲管監獄都用來困住隨便棄置塑膠的人啦!!!!!
森伯一把免燒制陶土
回覆刪除搓圓撳扁立體模型
我仲以為大夫話森伯一把年紀添~~~哈哈哈
刪除化學堂整嗰啲分子結構？？
回覆刪除森伯話明個idea好低B，邊會咁高深整個分子結構……哈哈
刪除能代表森兄的陶土製品......
回覆刪除會唔會係花盆？
畫畫用的調色碟？
又或者杯碗之類？
Btw,原來有免燒陶土！
期待看森作品^^
代表自已整個花盆~~即係話自已唔係滿肚墨水係滿肚污泥啫!!
刪除gael兄只係諗陶泥大概的印象做家居用品，其實唔係，而且呢種免燒陶泥唔可以當普通陶瓷，只可以當紙黏土之類!!!
我諗未必會將個作品show在網誌……
oic....即係主要用來製作裝飾品之類吧?
刪除製作一些小型模型或擺件都可以，免燒製，風吹乾便可…
刪除期待欣賞你的作品！
回覆刪除幾年前我也玩過一次陶瓷，燒埋都幾貴吓。
見諒!!!我暫時冇諗過post作品出來……
刪除我這個又沒有整陶瓷咁深奧，類似紙黏土做法簡單容易~~