讀下讀下唔經唔覺已經一年有多，今次要學的就是有關透視的課堂，聽落去都好似好悶，但剛好相反，上堂最主要係講解畫透視圖，所以返學就只是畫畫畫，視乎徒手畫定電腦畫…一向對於立體畫我真係冇咩觸角，畫平面東西就可以，但係畫立體的畫都冇咩把握，今個單元只好硬住頭皮去完成！相信壓力大都來自要交的習作~~
課堂上講解有關的立體透視的概念，唔同形狀所指示用多少點就能有透視的立體感，現在的上堂都唔旨意大家抄低Note，認為有用的就用手機影低，就算影唔切都有老師的pdf檔做後備~~森伯份人老土又守舊而重點又冇記性，點都要用筆用紙寫低才會加深印象！
個名就叫透視學，初時以為幾深奧，但認識後又唔覺...最主要講解平時的畫像可以分幾多點透視而已，一點、兩點都有透視，不過最多接觸係三點透視，因為好多畫建築物的畫像都會用上三點透視法，呢排趕完一份功課又來第二份，所以萬分之累，上到車都不時釣下魚﹝恰眼訓)..........
在打呢篇Blog的時候正好是三點，真係好想三點鐘透視一下，冇人見到靜雞雞去訓番一陣晏覺呀~~~~
三點透視，我記得學素描時有教過^_^
回覆刪除三點透視對於畫景物，或素描景物時可以應用!!
刪除課程好吸引，可以告訴課程名稱讓我上網尋找嗎？！
回覆刪除哈哈……相信對Stella來講，這個課程到你真實上堂時就會未必吸引~~
刪除這裡學的很皮毛，冇你的攝影及繪畫咁專業……你可以查下中大校外課程
謝謝！
刪除不用客氣…
刪除攰就休息多啲。
回覆刪除所以平時就爭取多啲時間抖下~~
刪除以前識白手畫立體圖向客解釋會有加分，後來，個人電腦發展到可以用3D繪圖軟件，同時，又有3D打印，你想點透視都得。
刪除新科技亦淘汰咗 手辦師傅呢個行業。也避免手辦同工模以至成品有出入。有得有失。
其實現代很多工作都要懂得如果用電腦配合工作，不過學習都要學識個基礎明白當中本意，再加上軟件的幫助，工作才能與時並進!!
刪除一爺兄講唔講得做邊行?!!睇你好似樣樣知啲咁~~~😄
新產品開發。
刪除估唔到喎，咁有冇咩大家熟悉的產品係你有份開發呢?!!
刪除我都同你講過我係工厰工人架啦！森哥貴人事忙，冇心裝載。
刪除好多啦！『小型』家庭電器用品。有發熱嘅，有馬達轉轉吓嘅。美國人屋企見到嘅。
你係咪同你嗰啲閨蜜博友講過呀?!!!我都冇聽過你話做工廠?!!
刪除美國人屋企常用的牌子應該唔多識，其實做開發產品的工作都幾有挑戰性...
我學工業繪圖時學嘅唔知係咪叫三點透視??畀返晒老師了.
回覆刪除其實很多有關繪畫行業的範疇都會應用到三點透視……
刪除如果我唔係抄低筆記，我放學時已經畀返老師~~
三點透視三點
回覆刪除唔知大夫講邊個三點透視呢?!大豬姨?!……XXD
刪除好深，唔識……😅
回覆刪除其實不算太深奧，只是學畫畫的一些基礎認識~~~
刪除森兄博學多才
回覆刪除見笑喇gael兄，我只是將勤補拙啫..
刪除有時間都好想去學下
回覆刪除我覺得如果能搵樣有興趣的課程學吓都幾好!!
刪除森少能夠即堂抄下各圖形，不會偷懶用手機去拍，真係好認真好勤力，抵讚!
回覆刪除以前也學過畫風景的透視法，因為久不畫畫，不實踐就流失了。
那些不是我抄下的圖形，只是影投射板作個記錄而已，進修是自己要讀，很多學生都很勤力，他們就算下了班都要趕著上堂~~
刪除對呀!!學一樣東西最緊要能學以致用，否則會更快忘掉!!!
係咁你肯寫下重點都係保險同勤力嘅。
刪除要讀書進修都要下番苦功，或者將勤補拙會較貼切~~
刪除