2019年11月6日 星期三

森邊事...

見    識~~

 近來每日的生活都可以用營營役役來形容，總是有很多事要做或者等著要去做，相信大家都知森伯老人家唔可以勞累太多，所以適當時候都要好好抖下...
常常聽人講生活太過緊張，就會忽略很多身邊事，為了不被忙碌所蔽，都要留一留意身邊的事與物...

早前同大家講過曼德拉效應，唔知大家又有冇真係去留意呢個效應有冇做成什麼改變呢...所以每每經過錶舖都會去睇睇羅馬數字錶，發覺真係好奇怪，所有羅馬數字錶的四字都改變了...
以前好記得羅馬數字4係IV，但現在就變成IIII，有日經過錶舖刻意去睇睇，真係第一次見識~~~




閉    關~~

 如無咩特別情況，讀呢個課程都接近尾聲，正所謂臨別依依﹝忽然覺得平時冇乜文化兼且粗人一個的森伯，識得用呢個四字詞，文化水平又提升少少XXD﹞，所以有晚放學後都四周睇睇，呢排涼涼地在晚上就更加舒服，尖東的晚上繁華又有迷人燈飾，記得在上年聖誕都有走到這裡拍過幅燈飾相，因為平時甚少晚上去到尖沙咀區，不過這一段時間就時時去，夜景很美！

 現在應該係埋尾的階段，亦是應該全森全意做埋份final project的時候，唯有這個令月唔出Blog，不過有閒情時亦會覆留言跟拜訪各位留言者！
張貼者： 於

40 則留言:

  1. 搞一爺2019年11月6日 晚上9:25

    IV 同 VI 如 6 同 9 都好易混亂，特別有讀寫障礙嘅人，所以，改為IIII會易於識別。

    好學森哥 ，讀完會再報其它課程？

    即係聖誕假前要交功課，咁我唔留言阻你。

    回覆刪除
    回覆
    1. 森源2019年11月7日 中午12:38

      呢個就是舊記憶!!就算羅馬數字9跟11都係差唔多……但係4棟的i真第一次親眼見…曼德拉效應不是人為，如果你家中都有隻羅馬數字的舊錶，都可能變了字樣…

      應該暫時唔讀，好吃力……

      咁又唔怕阻住，覆留言都好快，反而寫博要諗寫乜……

      刪除
    2. 搞一爺2019年11月8日 上午8:17

      4棟歷史悠久，由來眾說紛紜，無從考究，只係人們忽略咗好多細節之一，有人亂拉關系，我覺得呢個應係妖言惑眾，似啲古代啲法師講嘅，如同近來熱話嘅量子速讀，信不信睇人，反正冇傷大雅，同森哥睇法唔同。

      呢個課程好啱森哥工作同興趣範圍，學到好多嘢。 唞夠又再上深造班啦！

      刪除
    3. 森源2019年11月8日 上午9:21

      咁多妖言惑眾咩~~~~其實所謂的曼德拉效應是指現實的狀況跟大家的舊有記憶不符...以前記得個羅馬4字，一定係IV，其實仲有很多事例，不能盡錄太多......
      量子速讀未聽過，有機會你介紹下?!!森伯老人家做野慢吞吞，都想快速少少~~~~:P

      聽森伯講就好似學到好多野，其實讀呢個課程，天資興趣佔七成，導師真係教你野就佔兩成，餘下的一成要自己摸索~~~~~~

      刪除
    4. 搞一爺2019年11月9日 清晨5:12

      森哥摸到興烚烚，愈摸愈過癮。

      高等教育著重啟發學生潛能創意，呢啲最珍貴，森哥仲想導師親密地揸住手仔教寫生，咁樣又摸又索，小學雞咩！ 教育最大目的係……

      網上搜尋『量子波動速讀』有片睇，話蒙眼都得喎，森哥開工 時釣魚 都笑醒。

      刪除
    5. 森源2019年11月10日 上午10:44

      哈哈哈哈……
      你摸左咩呀?!搞到興烚烚…我講係摸索!!

      讀完個課程高等都變低等，講森伯自已啫，而家的導師係打份工的心態，就算教畫畫都唔會渣住你隻手慢慢教，如果有你就要好好感恩~~~我們冇寫生堂，你真係諗多左!!

      看來一爺對這些量子速讀很有研究，釣魚都笑醒!!~~~森伯份工手停口停，邊敢偷懶丫…

      刪除
    6. 搞一爺2019年11月12日 晚上10:12

      乜我興烚烚又會令森哥笑得咁開心！！！森哥私藏好多呢類影片，時不時翻看自模…………索…………尋歡樂。

      小學雞時會倒數，仲有6周就到X'mas。

      刪除
    7. 森源2019年11月13日 上午8:57

      你唔好將自己的想像，去假設在人家身上，我笑是指你講：仲摸住手仔教畫畫，呢招好過時~~比著一爺兄做導師就盡責，肯落有落腳教同學畫畫~~

      我小時都會，有咩大節目或節日，好似過年之類，都會倒數~~~

      刪除
    8. 搞一爺2019年11月13日 晚上10:55

      過時？？咁森哥會駛出邊一招，令全世界都要投降。

      加油！快啲做完功課可以出去玩吓。

      刪除
    9. 森源2019年11月14日 上午10:29

      咁又冇邊一招令全世界投降咁叻叻，你估原子彈!!
      要做完呢份功課的確要時間同靈感……

      刪除
    10. 搞一爺2019年11月15日 凌晨12:12

      咁未做晒功課更加要出外玩吓，撞啲靈感翻黎呢！

      刪除
    11. 森源2019年11月15日 下午2:50

      玩幾時都架啦…不過呢個時候搞掂晒上堂跟功課就好少少，讀完聖誕假可以諗些節目，最重要係睇吓個社會氣氛係如何…

      刪除
    12. 搞一爺2019年11月16日 下午2:13

      緊張繃緊會難啲諗到靈感，玩吓放鬆至多靈感，所以，我咪叫森哥玩鬆啲囉！咁平時，森哥喺咩狀態才有靈感？以前，我間公司嘅設計部門係開住音樂黎工作㗎！

      假設正常返呢！我記得貴公司會要求員工放晒啲年假，森哥喺聖誕至新年呢個長假期有乜搞作？

      刪除
    13. 森源2019年11月17日 晚上8:39

      你成日叫森伯伯個老人家出去玩吓，輕鬆吓，係唔係有好提議?!一或想請森伯去歐遊?!!XXXD

      話明靈感，隨時都可以有，你以前的公司都幾大型，有咁多部門，其實聽音樂使人放鬆，自然諗野的效率都高D，我通常攞張紙畫畫就可能有靈感……

      讀就讀到接近聖誕，但要用個令兩個月做呢份功課…

      刪除
    14. 搞一爺2019年11月18日 下午1:02

      我發覺森哥好鍾意叫人請食貴嘢/請去昂貴嘅歐洲遊玩，唔貴唔揀，我估森哥天賦條件好好，好多人爭住黎包養，慣咗口一開聲就係咁，令我嘩嘩聲。

      乜森哥啲靈感咁洶湧澎湃，隨隨便便就有咁厲害，我甘敗下風。

      刪除
    15. 森源2019年11月18日 下午2:37

      我發覺一爺兄乜都話包養，對呢類搵錢方法甚嚮往咁喎~~~XXD
      俗語有話過得森Blog門的Blog友都係森伯客人，一定要尊重客人，都係將森比己啫...梗係要講到人家富貴，請食貴嘢，請去豪嘆旅遊，唔通叫一爺兄請食普通豬仔包，及去平遊旺角公園仔，到時你又寸森伯狗仔眼看人低!!!!

      刪除
    16. 搞一爺2019年11月19日 上午8:44

      我冇條件咪好想囉，不過，如當我有條件我估我又唔想咁做。

      森哥咁為人著想，係一種美德，真係人見人愛，車見車載。



      刪除
    17. 森源2019年11月19日 下午3:17

      你話:我又唔想咁做......咁你又成日講!!!哈哈哈~~~
      又唔好話自己冇條件，一於傳張相過嚟，等我post出嚟比各位博友品評一下，順便慳寫篇blog~~

      人見人愛，車見車載>>>>>>>>乜咁好口!!!

      刪除
    18. 搞一爺2019年12月5日 上午10:06

      清靜咗2周，係時候過黎嘈吓森哥。

      轉天氣，老人陰濕有冇黎探你，搞到森哥硬晒？

      出咗咩法寶禦寒，老森要做好保暖，病咗就做唔切功課，欠交畀老師罰打 Pat Pat。19年最後一份功課有冇8899呀？

      依家通訊真便捷，半個世紀前，都係得有線電話同郵遞同人聯絡，都估唔到依家可以隨時隨地有聲有色通訊，以前，只係出現喺科幻劇。要覇住個電話煲粥畀人鬧架，情侶談心要約喺公園，煲電話粥呢個詞已煙沒喺歷史中，後生仔唔明。另一個歷史係聖誕卡又要喺截郵前寄出，報章、收音機/電視都會廣播呢個訊息。飲茶都罕見有人睇報紙。近代歷史博物館已留位畀報紙、菲林相機。電話都有長途咁奇怪。

      我又咁長氣，唔叫電話粥，改叫網絡粥。😁




      刪除
    19. 森源2019年12月6日 上午9:34

      只係個blog靜晒啫，人就冇得清靜，過來傾偈就無任歡迎~~~~

      唔好賴天氣，本身搞唔搞都硬晒架啦~~~~~~凍到僵硬!!!!!!
      你估而家讀幼稚園，郁0的就話打Pat Pat，呢類課程冇人催你交功課，你唔交就冇分計……….

      你講番起呢類通訊歷史，真係令古稀森伯有同感，而家的人懷舊，有時都唔想科技凌駕一切，望望都仲有聖誕卡賣，以前文具店有單張聖誕卡賣，而家就一疊疊，試問都未必搵到咁多親朋好友寄呢?!!...所以近呢幾年都完全冇乜聽過有截郵時間，煲電話粥都仲有，不過用智能電話來煲粥~~至於你話睇報紙都仲有人，多數中老年人士居多，時代不斷改變，好多舊事舊物都藏到歷史回憶裡~~

      都要講句多謝一爺問候，呢個時候森伯扮吓暖男：天氣突冷，大家都要保重!!!!!!

      刪除
  2. Ohtria2019年11月7日 凌晨4:50

    final project會係乜呢???

    回覆刪除
    回覆
    1. 森源2019年11月7日 中午12:44

      個project係要當做個宣傳項目，當中要設計海報、單張、佈置等等……

      刪除
  3. 大夫行傳2019年11月7日 中午12:34

    提升文化水平兼粗的森伯

    回覆刪除
    回覆
    1. 森源2019年11月7日 中午12:51

      粗人一個的森伯伯，文化水平只提升少少咋……😑

      刪除
  4. 基爾2019年11月7日 下午2:08

    有時我都特別留意望下人地隻錶XXD
    我仲以為森兄話臨別依依會同啲同學仔食返個畢業大餐wakakaka...

    回覆刪除
    回覆
    1. 森源2019年11月8日 上午9:23

      Gael兄唔好咁做，你望人地隻錶，會否以為你想打人地隻錶主意呀?!!......不過Gael兄咁正氣，都唔似嘅~~~在錶舖睇可以慢慢睇到夠...XXD

      殊!!!唔好咁大聲，你講嘅畢業大餐(謝師宴)我哋嗰輩就興，而家啲0靚仔同學唔興~~~~

      刪除
    2. 基爾2019年12月10日 上午11:49

      我都同森兄提早講句Merry Christmas!!^^

      刪除
    3. 森源2019年12月11日 上午9:12

      我都祝Gael兄有個快樂聖誕~~~~
      話要讀完書先來拜訪Gael兄，所以日後補返!!!!

      刪除
  5. Stella Luk2019年11月8日 下午3:49

    努力！加油！

    回覆刪除
  6. Amour2019年11月10日 下午6:04

    有些事是很難理解......
    IV 我一直都這樣寫4， 我有時間搵下我d舊會議紀錄，睇下會有乜情況！
    畢業功課，加油！

    回覆刪除
    回覆
    1. 森源2019年11月11日 上午9:20

      係呀！好記得大家的集體回憶都係咁寫IV……羅馬字係左邊減，右邊加…現在竟出現4個I，幾古怪……可能世事真係無奇不有…
      又好喎，試吓睇舊的東西有冇變~~

      謝謝Amour的打氣……

      刪除
  7. 秋葉2019年11月12日 下午3:53

    什麼的「曼德拉效應」我不懂，但我相信世事有奇跡。也相信世事有循環。

    尖沙咀區很久沒去了，近日又恐怕去了沒車回家。你時常去那區上課，才會習慣了知所行止。 閣下的課程已近尾聲，恭喜，恭喜 !

    回覆刪除
    回覆
    1. 森源2019年11月13日 上午10:28

      初時都唔明什麼是曼德拉效應，當明白到又會覺得幾奇異，有時間你去睇睇youtube的視頻~~

      謝謝，不過一日未正式完成都唔敢話完成，因為呢排的事件，都有阻礙上課，因為尖沙咀道路範圍都係熱門搞事地方...

      刪除
    2. 秋葉2019年11月14日 上午10:32

      這樣真係要上youtube睇吓，為何如此 ?

      刪除
    3. 森源2019年11月15日 下午2:52

      如果你唔想睇YouTube，可以睇吓網站資料，都可以搵到很多有關曼德拉效應……

      刪除
    4. 秋葉2019年11月15日 下午3:10

      如果要睇，就會有乜睇乜架啦。放心。

      刪除
    5. 森源2019年11月16日 上午11:26

      有時間，就睇睇…當為增廣見聞，認識新事物!!

      刪除
  8. 狂小子 Time Is Changing2019年11月24日 上午9:44

    加油！

    回覆刪除

訂閱： 張貼留言 (Atom)