通常大時大節後，都會想吃得清一點…吃得清！唔係個個人都可以，或者都市人日日大魚大肉，又要惹味又要滋味，搞到個嘴仔刁晒…突然食番清淡又未必可以接受，今個節日有兩餐真係食到飽晒，唔係講笑真係頂住個胃果隻～有時話肚餓辛苦殊不知肚飽都同樣辛苦…俗語有話：嗔饑莫嗔飽…對現代人來講食到肚仔脹的機會大點…結果唔敢坐，郁動一吓希望可以幫助消化～
可能食慣蕃薯飯，個人又接受到，而且根莖類的食材都比較有益，食物都係講求色香味…
見到靚靚的紫紅色，忽然感覺成兜飯都浪漫晒～～
儘管蕃薯冇乜香味或者味道，但估唔到顏色相當吸引，其實紫薯比起普通蕃薯易壞，所以要趁新鮮食，只要煮飯的時候放落紫薯粒，就會煮出紫色的健康飯…
你用紫薯煲飯,真係好浪漫呀!
回覆刪除其實乜都假,我諗緊要係健康....
雖然番薯飯比較淡口，但有靚靚的顏色當補數...哈哈
刪除咁你又講得對呀，食物都唔一定講味道，對人有益最為重要...
番薯飯我間中都有食,但多數用黃薯咋:P
回覆刪除我見森兄碗紫薯飯仲有落眉豆咁喎,有冇睇錯?
黃薯比較多吃吧，因為紫薯擺得耐會易壞~~~
刪除你冇睇錯係眉豆，落些豆類多些其他營養都好，會比較飽肚!!
咁食完後腸胃有冇暢通咗XXD
刪除我講冇用嘅，要gael兄親自試過先知work唔work架嘛…XXXD
刪除森少呢碗紫薯飯啲顏色真係幾浪漫㚒迷人！有機會買到紫番薯的話，都要整些來吃吃。
回覆刪除秋葉好似好耐冇見，我仲以為你趁中秋假期外出旅遊...
刪除其實浪唔浪漫都是自已的角度睇，平凡的番薯飯加點浪漫元素就變得有趣~~~
呢個飯好易整，不妨試下...
我的近況在“風雨飄搖記山竹”一文上就有提及。
刪除我也很希望去外遊，尤其是現在高鐵開通，往大陸比乘飛機舒服。可惜年青人都沒有空閒陪我。
裝修屋企都幾多事要做…最緊要整過後住得舒服…
刪除有高鐵又多個交通的選擇，來日方長，相信後生的總會有假放，到時再一齊去玩…
根莖類我麻麻.
回覆刪除我都一般架咋，純為有益健康!!!
刪除支竹火腩飯 男人的浪漫
回覆刪除紫紅蕃薯飯 森伯好L 慳
森伯窮等人家，慳錢都係必然嘛...
刪除邊似大夫的股票價位升一升，百萬金元落褲袋丫...嘻嘻
森伯一等人 慳錢百萬金
刪除紫紅蕃薯飯 大夫少幫襯
呢幾年紫蕃薯很受歡迎，紫薯乜，紫薯物......花巧的不用說了！什麼顏色的蕃薯都有益，不過紫蕃薯感覺是很浪漫嘅！
回覆刪除係呀~~近排真係好多紫薯食品，只要加上健康食材就會大賣~~~
刪除聽講白薯好有益不過正宗都幾貴...睇嚟今次呢個紫薯飯冇改錯名,人人都話浪漫~
嘩！好識冠名喎，令平凡變得高貴，眼紅你呢一面咁鬼叻。
回覆刪除我會喺早餐豆漿麥皮加入蛋黃蕃薯粒、黑提子乾、新鮮香蕉片增加口感同營養。
多謝一爺兄讚賞...你唔寫啫可能你創作的標題更好~~~就因為個內容普通，起個有趣的名就搏人來睇...
刪除但我絕對相信就算內容幾悶都好，班好博友都會照樣來捧森源場...
我唔係太食得麥皮，跟你呢個食譜都唔錯喎...容易整又樣樣營養有齊，兼且易消化...
色澤都幾吸引喎。
回覆刪除見到紫色咁靚靚，都想吔多碗…
刪除紫薯唔只比火腩飯浪漫，仲有益多好呀。
回覆刪除浪漫都係貪得意啫，最緊要係大節過後，食清少少……
刪除支竹火腩均衡膳 豉油十穀飯一餐
刪除紫紅蕃薯連皮食 森伯慳家又浪漫
食得太飽之後要浪漫一下，整個紫薯飯就既清淡又浪漫
回覆刪除謝謝key case到訪~~
刪除呢個飯既簡單又唔錯，你都不妨試試…
我通常煮南瓜飯
回覆刪除南瓜飯我都常食，有時整到好似稔飯仔咁…哈哈
刪除若單憑顏色，未必是我我心水，紫色除左浪漫，這飯可會讓人食到暗然銷魂？！
回覆刪除紫藍色的食材都含花青素，好似話對眼睛好…雖然這個飯紫色，食落一啲都唔銷魂，反而充實有飽肚感～～
刪除早上,我家常煮蕃薯粥.
回覆刪除蕃薯粥好少食，最多係煮蕃薯飯…
刪除