雖然話喜歡畫畫，但都有些東西不會常畫，或者唔太擅長畫…一路以來畫的是漫畫類型，久而久之畫什麼都帶點漫畫化，自己弱項都算係畫人像，以前養鳥就會畫鳥，但人都是天天見，但人像畫又未必會掌握得好，可能跟專注唔專注有關，有日見到某商場有些畫畫班，見到人家的人像畫畫得好好，當然啦有番咁上下先會放出來作生招牌，吸引想學畫的人…
人像畫要畫得好唔易，如果畀森伯畫分分鐘畫到卡通化，不過畫一張正統的人像素描平時就唔多需要，素描係畫畫的基本功，所以素描都要時時練…不過自己真係冇咩恆心…幸好今個課程樣樣有關美術的東西都可以掂下學下，阿Sir正示範人面比例的畫法…
學習素描感覺以為好奄悶，殊不知好笑在後頭，阿Sir要兩個學員一組互相對畫，畫完的作品由導師畀評語，當然學生唔會畫得好專業，而且時間不多，畀評語的時候只能用爆笑形容（不過大家放心，森伯幅傑作冇被爆笑…）明明森伯都好認真畫，到最後的評語都係好漫畫…
很期待看到森兄的自畫像^0^
回覆刪除好想知阿sir畀咩評語森兄..........
刪除估唔到gael兄對森伯的相或自畫像咁有興趣喎…
刪除畫人像麻麻地,自畫像更加啦…><
阿sir話如果係漫畫就幾好，人像素描就唔多似…@@
漫畫人生就幾L好
刪除總之人生做到自已喜歡的都幾L好喇...
刪除漫畫化了也有另一種欣賞角度啦^^
刪除自畫像更加啦<====咁你更要多多練習自然有進步wakaka...
多多練習自然有進步……咁就要靠gael兄多多post大頭照出來等我一路睇Blog，一路練畫嗱…哈哈哈
刪除好彩你話練畫,幾驚你話拎來掟飛標wakakakakaka.....
刪除諗都冇諗過攞Gael兄啲相掟飛標，因為個目標太細……好難掟中…gael兄啲玉照出晒名要用放大鏡睇…哈哈哈哈哈
刪除咁先顯示到森兄是高手XXD
刪除唔係呀…若果太細粒畫粒豆豉仔就算~~~哈哈哈
刪除大陸真係有好多高手可以在粒米上畫畫的呢XXD
刪除畫米真係要高手才可以，據知畫米畫家有個放大鏡儀器幫手~~~~
刪除所謂「曲不離口，拳不離手。」畫畫也是需要勤加練習才好的，除非功底十分深厚。
回覆刪除如果森少偏向漫畫的愛好，那麼就向漫畫發展吧。當然你也可以更上一層樓。
非常讚同你所講，要專注某些工作必須要勤力練習，我也明白所以平時都有練畫畫...
刪除我都想漫畫有所發展，不過現今傳統的出版形式已改變，又兼且人越大信心就越少...
可以學學平面設計，或者商業美術。這個也是把興趣與工作同步的方法。
刪除你講嗰兩項課程，現在都有學…雖然未必精，但都總算對此有點認識…
刪除工作方便有插畫就畫…
凡事盡力而為就得了。
刪除係啦，盡力而為，我都係本著呢種心態做事…
刪除好似操鄉音嘅廣東話，唔純正，正一鄉下仔，咁要下苦功搣甩佢。
回覆刪除畫畫通常係由正統嘅素描開始，見你畫生物都係用素描起稿，然後填色都冇事， 點解人物會 無啦啦 歪咗架？耐人尋味。
等我又拋書包 ，諗起中學讀嘅一篇短短文言文一『習慣說』，習慣力量真強大，所以，君子之學貴慎始。
又唔會既，一切隨機緣吧~~如果要下苦功，除了放心機專注之外，仲要放很多時間，正所謂時間不等人，一爺兄仲細個梗係大把時間啦...
刪除有幾耐人尋味丫，做事都有分擅長唔擅長?...
所謂習慣成自然，只要習慣了好自然就做得好好...講就易!!相信都要點時間培養自已的習慣~~~
話說回來，歪有歪好，順着森伯性向，痛苦掰直反而唔好，隨機緣啦！現今社會，漫畫比素描更有市場價值，都係做你愛做嘅嘢嘛！
刪除乜一爺兄要辧直好痛苦咩?!哈哈…我意思話做自己最擅長嗰樣就容易做到滿意成績，而且更會樂在其中…
刪除咁老人家點都唔會好似森仔條XX咁硬直…………哈哈哈…………
刪除腰骨呀， 骨質鬆鬆地會寒背，退化咗就掰唔直啦！你哋啲後生仔未到我哋呢啲年紀係唔知有幾苦，仲畀森仔成日挖苦，苦上加苦，好彩我好睇得開啫！😁
好似森仔條腰骨咁硬直…唉~~~~只有Ｃ體才硬直…><
刪除森伯唔係後生嗰類，所以平時吸收多啲鈣又多啲曬太陽增強骨質囉…
仲話好在睇得開喎…講到好似恰你咁，你平時窒森伯寸森伯嗰啲又唔講!!!!!!
我個意思係話 森仔有腰骨、硬朗、正直。斷骨休假中，都提早消假返工、返學就足以證明有擔當、夠硬朗。
刪除除咗窒你，我平時都會讚你架，不過，我覺得森仔唔係好接受『我』嘅讚美，後生仔反叛，鍾意掉轉黎，我都係為咗迎合你咋！真係冤枉呀。😁
呢句：森仔有腰骨、硬朗、正直、有擔當…係咪要放在版頭的Banner作為森Blog既slogan呢?!!…….就咁睇形容詞都唔覺得講梗森伯個老人家呀…哈哈
刪除你讚的說話完全唔識分係真定係假，不過都冇所謂啦，有一爺兄來撐場，有得吹吓水又有得笑吓…唔錯！！！！！
不要說人像，以前讀書上美術課畫植物掃描，都覺得超難。
回覆刪除相對比較，植物比人物易畫得多，始終植物都屬於靜態素描類，如果素描人就要包括形態動作...
刪除漫畫人像畫都有市場啫.
回覆刪除都有市場，不過要畫得專又唔容易~~
刪除因你話係互畫嘛，畫得唔多似嘅漫畫人物，咁我諗最後嗰張相一定係森兄啦？
回覆刪除唔太明白...我們是對著真人畫的，同學們個個都認識，所以一睇就知畫得似唔似，有些畫得古怪就變了笑畫...
刪除畫畫係我弱項，睇人D畫好過。
回覆刪除對呀…有時欣賞別人的畫也是一種樂趣~~
刪除我自畫過這幾畫都唔算似自己呀！
回覆刪除自畫像唔容易掌握得好，好多時畫到不知似什麼……哈哈
刪除今年我開始上水彩畫班,發覺我連基本的素描都不懂.搞到上課畫些花.生果如荔枝.提子.蘋果.船.都蠻感困難.
回覆刪除所以畫什麼畫…素描都係基本功，反而我認為畫植物或水果較容易掌握，不過平時都要多練習，多觀察物件的特徵等就有進步…
刪除你有時間也多post你的水彩畫作給我們看看…