以前曾經睇過一篇來自PChome的博文，博主有句說話講得很貼切，兩點一線的生活，是形容忙碌的都市人只顧每天出門返工，每晚放工返家的刻板生活…唔知睇著呢篇博文的人，有幾多個是這樣的生活呢？…
雖然有些地方唔係居住的地方，但有時你又會對這個地頭有點點的熟悉…其實又唔一定是講上班的地方，一個常到的地區你都變成一條…熟悉的地頭蟲～
而另一個想講的地方係沙田，都係同荃灣差唔多，又係乜都有的一個社區，城門河差唔多每日車程必經的地方，係沙田的地標之一…在我的感覺上沙田都係幾多雨水，唔怪得有城門水塘又有城門河…水頭都幾充足架！不過濕氣幾重~~
住開的地區，就可能會發現更多的地利優點或缺點…好耐以前在樂富區返工，日子久了對樂富也有好感，發覺佢交通好便利…而且有一種靜中帶旺的感覺，相當唔錯～
而大家Blog友又有冇邊一區你特別好印象或壞印象呢？分享下都可以，唔想分享自己諗諗都得架…
兩點一線唔覺刻板喎,平淡時福^^
回覆刪除當然如果可以好似森兄之前咁剩返「一點」就仲開心,可以home office是夢想^^
沙田荃灣都like...
只是當時作者形容為刻板生活啫…
刪除home office只係迫不得已，其實有很公司嘢屋企做唔到…
兩個地方都多嘢食，多嘢買…
沙田我都成日去，所以都幾熟識，我最鍾意沙田中央公園，可能我鍾意影相啦，個到有好多花影架，其次是城門河畔，散步一流，講我最有親切感當然是港島區，由細到大都住港島，電車更加是港島特式。
回覆刪除估唔到其實沙田都幾多人會常去...以前有一段日子常經過火炭，有人話沙田雞粥好出名，火炭間大排檔就成日見，不過始終都冇食過佢出名的雞粥...
刪除城門河每朝早都見有晨運客...港島區我感覺上馬路很多很窄~~~
我喺7層徙置區橫頭磡村出世同長大，幼稚園、小學、中學都喺屋企隔離，行3分鐘就到。重建後都依舊住喺度，都住咗卅幾年，應該撞過唔認識嘅森伯，緣份又要我哋喺網上重聚。
回覆刪除後尾搬咗去馬鞍山，以前放假就跑步去沙田，沿城門河兜一圈。
咁你真係橫頭磡村的舊街坊喎...其實住了咁耐實會對果個地方有感情啦~~
刪除以前我住葵芳，讀小學都係在附近，行幾步路就可以返屋企，根本唔需要搭校巴...
在樂富純係返工需要，好少周圍逛...頂多行吓樂富廣場，都有可能撞過一爺兄都唔定...
倉海桑田，面目全非，冇乜感情啦！
刪除樂富中心因領展裝修後進化成富貴商場，冇晒我住果陣時嘅平民味，店舖都變晒，有次翻去都揾好耐至揾倒洗手間，環境咁陌生又點會有感情呢！
再講，盤古初開時嘅7層徙置區，充滿著兒時回憶，都隨住重建新型公屋而灰飛煙滅，天台幼稚園同天台小學都拆卸摺埋咗， 地踎茶樓、雜貨舖、冰室、新年買靚衫嘅排檔、奶茶檔、粥檔、車仔麵檔、新鮮熱辣麪包舖、非法小販街市、魚旦檔、 麥芽糖餅檔、零食檔、阿伯飛髮檔、流動飛機欖、流動豆腐花、流動砵仔糕……都只從記憶中尋找。
窮人小學除咗免學費，每年都度身訂做冬、夏季校服同運動服各一(共4套)，免費書薄，年年新書包，有一年仲有筆袋，每年都有旅行(自備食物飲料)，畢業年去烏溪沙宿營1周，暑假課外活動參觀乜乜物物，聖誕節聯歡會(送禮物包)，每人都有個認養者，好彩遇著濶卓嘅年年都有額外嘅認飬金，學生坐喺班房等個文員嗌咪去領取，好似中獎咁開心，可惜我未中過獎，諗番起都津津樂道。我都收過認飬者嘅信同佢嘅家庭照片，個地址就剪走咗，喺六年級就收到一次過超多禮物，我同阿哥去九龍塘教會拎，2人4手滿載而歸，好彩平時日日都要挽水入滿油桶咁大嘅水缸 ，應該係學校將認飬金買晒嘢畀我。
不過，咁豐富嘅優惠， 喺背後應該有人得到好多回佣，上古時代都未有ICAC，街市有黑社會同警察都向小販收取保護費。
回憶太多，口水災又黎，嚇襯森伯。
真係成篇Blog咁喎…冇嚇親!!!!都喜歡聽人地的經歷同故事~~每個人都會有經歷架啦…呢樣都係人生其中一樣寶貴的回憶~~多謝你肯講畀森伯聽呀…我真係有逐隻字睇架！！
刪除正所謂變幻才是永恆，世事萬物唔會一成不變，始終都會有變！！人就好矛盾現在人常常講懷舊，呢樣野變成賣點，買個包又好買包雞蛋仔又好，買件衫買對鞋乜野加入懷舊元素，忽然間好似升值左～但另一邊d人又話人地國家幾先進有乜有物…我地香港仲係用緊乜乜物物咋…其實人心都不斷變啦…莫講話一個地方會不變呢，只視乎變化大定少而已~~
好似細時住的葵芳，雖然到現在變化唔係十分大，但感覺上跟以前都已經唔一樣，有時都要去買些東西…其中一樣最記得以前葵芳有間麵包舖買的豬仔包跟其他包舖唔同，係特別好食一定要趁新鮮食，可是這間麵包舖已經不存在，而那種特別好食的豬仔包再冇一間包舖可以搵到…呢個味道只留在記憶裡…
你地係橫頭磡的舊街坊，裡面的變化或者盤古初開的時候你地會知，到我返工的時候相信已經是比較後期，我冇咩印象有徒置區，又冇認真留意佢的舊式店舖…只是當時趁食晏時間去附近買下野食同去商場買CD…仲有一樣好深刻就係去當時的報紙檔買返自己有份畫的刊物…呢d都唔會因時間而忘記的~~~
我覺得人生的經歷跟人生的心志成長是成正比，經歷亦使到自己的人生觀有改變的…每個人的際遇經歷都唔同，總之都係一句隨遇而安就是了…
尖叫！
刪除辛苦你！
葵芳有兩段讀書時期嘅記憶，曾經補習過一對乖巧小兄妹，可能係森伯喎！另外，某年暑假到工廠實習2個月。
唔駛客氣，唔辛苦…
刪除記得小時因請病假多驚追唔上，都補過習，十個八個一班，亦有一名私人補習老師，上門……不過係Miss嚟……
你講嘅工廠是否偉倫大廈，當年呢間大廈好多人都識…
刪除我唔會反串做Miss。 個𡃁仔都好健康架。
刪除葵德。
樂富中心有冇去消失咗嘅美食街食晏，即係現在嘅圖書館位置，類似冬菇亭大排檔，後尾拆咗。
森伯嗰類係未老先衰啫?!!最緊要個0靚仔靚唔靚仔先?!...如果靚就唔駛旨意係森伯嘞~森伯細時係醜樣豬豬...><
刪除以前最多去樂富中心買嘢返公司食咋...都十幾年前當中的變化唔清楚~~~
都講係Miss啦！冇可能都仲追問？乜你對細蚊仔有興趣架！😯😂
刪除🐷森伯係醜小鴨。🐣 天蠶變，蛻化黑超白天鵝。兒時得病，面口當然乸埋一注，內心煩躁， 怨世憤慨，又點係好樣呢！
過客荃灣轉車去屯門探親。
山竹好勁揪，好驚屋企吹爆玻璃窗同入水，幸好安然無恙，森伯好似之前有窗口入水，有冇打水戰呀？保重。
邊鼠有咁多巧合，咁就證明你補習果位小朋友唔係森伯啦…哈哈
刪除冇蛻變喎，你估而家拍電視劇咩?!森伯由細到而家老咗都係醜樣豬豬…
你唔係歧視醜人呀??……
我有講過窗口入水咩？!屋企係新式樓宇，冇幾耐有人驗過窗添……不過山竹個威力真係好大……
你都要多多保重…呢句說話應該昨日同你講先啱……
刪除我不嬲都話我係八両金，哈哈！物以類聚，點會歧視呀！
刪除記得喺雅虎年代講過，點都好，屋企無恙、人平安就好。
難得一爺兄身為靚人冇歧視醜人喎…
刪除逢親遇到天災，最緊要都係人身安全……
森伯意思係八両金都係靚人？我係第一次聽，不可思議的靚人標準，有眼無珠。
刪除一爺兄就唔啱嘞…用有色眼鏡去標籤八両金係醜人的代表～～用私見去label人好唔公平…
刪除況且一爺兄把口講啫，有圖有真相睇過先信…哈哈哈
你好似政客 扭曲咗事實 去罵我、抹黑我人品好衰喎！哈哈！係咪練習緊要去選區議員。
刪除佢真係好醜，不過，醜樣係佢個剎食賣點，做大戲有丑生，拍戲有丑角，做人都有丑人，呢個標籤帮佢發達，金融風暴前佢好有錢，就係靠『醜』揾唔少錢喇！唔只你，我都話好唔公平啦！
呢個人就好強大，佢好聰明咁利用呢個天生缺點，化成優點去揾錢，森伯睇吓自己有乜缺點可以發揮去揾錢？冇啦！人哋好過你好多倍，你都係同情自己、帮自己講說話啦！😁
如果唔係事實，就唔怕人家抹黑…你都有點心虧喎！！！XXD
刪除森伯不理政治邊有資格選乜選物，做番自己最實際嘛～
覺得一爺兄只係羊群心態啫…當人人都話某明星醜，潛移默化你就會覺得真係好醜，如果八兩金係好似普通人行街，你可能覺得冇乜嘢普通人一個囉～未必講得上靚仔但係普通人樣…好似全世界都講某明星係大美人，潛移默化你會覺得佢真係大美人…冇晒自我一套的審美標準~~~
森伯大把缺點啦…醜係其中一樣，如果樣樣缺點都搵到錢，咁森伯咪變第二個李超人……XXXXD
觀點不同，唔會達成一致，就此完結。
刪除就此完結……咁森伯駛唔駛回覆架??!!
刪除我住沙田，最有印象是當時一出獅隧就吸到一口新鮮空氣了！
回覆刪除咁stella咪係正宗的沙田友~~~每次出獅子山隧道景色都好舒服，好似上咗山咁~~~
刪除我香港屋企喺貧窮嘅山區,潮濕天就濕到漏晒水咁.
回覆刪除你所講的山區係咪半山區?!...王子真係富貴人家!!!!
刪除住山最怕就係大回南，濕氣極重!!!!
我細個住大磡村,都住咗十幾年,開頭嗰度環境唔錯,但住住下就覺得越來越雜,不過我都好懷念嗰度,因為同一地方,嗰度居然也有有錢人居住,記唔記得有地方叫做大觀園農場呀?
回覆刪除係呢個農場隔離啲屋就係好獨立式嘅洋房,曾經見過有電影喺嗰度拍攝,亦知道有明星係裏面住過!
其實以前所謂的新市鎮，初時都比較寧靜舒服，後來政府不斷發展，人流又多了搞到環境變得複雜唔好住都唔定...
刪除你講起新市鎮…令我諗青衣，佢十幾年都冇乜變，仍然是個寧靜的小島好好住，不過買嘢要出省唔多方便~~~
畀恕兄考起，完全唔識大觀園農場...聽你咁講相信那處有拍片睇，應該景色唔錯~~
大家Blog友又有冇邊一區你特別好印象或壞印象呢？--->邊個「區」嘛，我就梗係「郊區」啦，空氣清新好多，有花有草有樹。=P
回覆刪除香港好似有18區，其中有荃灣區同沙田區…你無論講郊區定山區都冇所謂啦，森伯呢度好隨意咋～得閒逛下效區人都醒神d…
刪除得閒逛下 效 區
刪除剩返「一點」就仲開心
反而我想知大夫剩返啲乜嘢，會仲開心喎……
刪除心無罣礙
刪除遠離顛倒夢想
大夫講嘢越來越玄...
刪除機深病更深
刪除大夫的語句幾與眾不同…
刪除刻板的生活…我正在過緊…嗚嗚…
回覆刪除可能住惯港島區，我不太喜歡逛九龍區，
去到九龍區我會無晒方向感…：P
荃灣區我只去過荃灣地鐵上蓋的商場購物，
因朋友話好多嘢賣，但，我覺得所有沿線地 鐵商場所賣的貨品都是千篇一律。
沙田…以前住過上水，好喜歡去新城市買嘢、食嘢…
住慣嗰區就會喜歡嗰區，因為已經適應了衣食住行怎樣在區內解決~~我反而喜歡九龍區，因為很多活動工作都以九龍新界為主,你講的商場好似係荃錦商場...?!!佢買的東西唔算千篇一律，都幾唔同，我都好似行過一兩次...
刪除沙田的大型商場必定數到新城市廣場，以前有行過但入咗沙田做嘢反而冇行過...
區區無罣礙
刪除心心有印台
區區無界限…心心相連繫…
刪除森源﹕你好嗎﹖
回覆刪除愚老師, 你好!!好耐冇見?~~
回覆刪除我差不多啦...你呢??見你網誌冇更新~~~
愚介不存在
刪除森源有平台
森源幾時都有平台架啦…
刪除