其實都休養了好一段時間，人都尚算OK…之不過在這段期間都有幾大的無形壓力，幸好工作方面唔需要太緊張，有醫生寫假紙證明就得喇…但至於上堂就係最大的壓力來源…個課程唔會因自己休養而暫停，所以時時都問自己OK未？！...當然去到見醫生都唔會建議返工返學啦！最主要怕傷患未固定未復元，但自己覺得可以應付…始終想想返工返學都係坐為主，又不是擔擔抬抬嗰類…兼夾諗起四個字，忽然令森伯振作起來點都要返一返工，至於嗰四個字當然唔係咩努力加油，就係手停口停囉（呢句原動力大啲！）…在有醫生紙的情況下，都要返工…最主要都係要適應返工節奏～
至於講到返學方面，有人話不如退學…我當然不想前功盡棄，如果呢個是興趣班之類，我諗會考慮退學…因為始終壓力幾大，現在唯有見步行步咁啦…
在工進修都唔容易，反而讀書壓力唔大，本身都算有少少美術底子，問題就在於能否順順利利完成整個課程才是重點…
口停手停但係個腦唔停,咁先至有壓力!
回覆刪除人就係咁㗎啦,太得閒就好多嘢諗!
你又講得啱呀~~腦唔停先多嘢諗...
刪除但對我來講得唔得閒都一樣腦唔停,注定係煩人一個~~哈哈
上次公司大裝修，森伯咪係選擇home office，一來減少走動太多，二來也可避免返工時間人多擠迫嘅碰撞，休養中開工都可以咁做法。
回覆刪除有老師講義可自修，深信以森伯嘅智慧，選擇性走幾堂都唔會有學習問題喇！
話明上年係公司裝修，公司實配合員工可以做home office…但始終唔同親身返工嘅…平時做開的工作都要有其他器材先做到…
刪除而家的上課冇講義，只是自己帶本簿記低內容重點…呢個課程係計上課出席率…
返一返工……即係每周二日? 病假開工係好員工，我同你一樣都係咁有責任心。
刪除最低出席率? 依家仲剩低幾多堂可走?
都係想適應吓，唔想休假太耐…
刪除好員工唔係自己講，係要做畀同事睇架嘛～～哈哈
呢樣唔駛擔心，缺席的堂數可以申請補讀返…
年底公司要頒個好員工獎狀畀森伯表揚吓專業嘅工作態度。
刪除呢個學期(學年)教完呢部份就算，要等下個學期(學年)再開班先至再教，補學咪要等下年？大學都冇咁樣，你讀乜嘢學校咁好人呀！
我哋公司冇呢種獎項，你咁盡心盡責，你公司年尾實頒呢個獎畀你啦…
刪除我讀的課程係業餘課程，佢年年都有辦，今屆缺課的下屆再補返，當然要有充分理由同埋手續費啦…
通常一啲院校都係計分制，唔理你讀幾耐，總之達到分數要求，就畀你畢業~~
我市儈啲 ，係都要獎金啦！ 無良僱主邊有咁好。
刪除舊時讀書係硬食，乜依家咁有彈性，我脫晒節添，同森伯有鴻溝。
呢次咪單起隻手都贏囉！要好似森伯實力非凡至可讓賽。勁！
而家的公司邊有咁多獎項鼓勵員工，唔裁員都已經話公司大好人嘞…仲想揀獎金定獎品…
刪除我幾時都話一爺兄講嘢好誇，鴻溝…邊有咁誇張呀～～
呢陣讀返書先有留意有關方便的資料啫…如果講錯，可以更正森伯伯…
此刻心情係：
刪除『有人問我 我就會講 但是無人來
我期待 到無奈 有話要講 得不到裝載
我的心情猶像樽蓋 等被揭開
嘴巴卻在養青苔
人潮內 愈文靜 愈變得 不受理睬
自己要攪出意外……………………………………………………
你當我是浮誇吧 誇張只因我很怕
似木頭 似石頭 的話 得到注意嗎
其實怕被忘記 至放大來演吧
很不安 怎去優雅
世上還讚頌沉默嗎
不夠爆炸 怎麼有話題
讓我誇 做大娛樂家』
係要十倍誇張架。
呢首歌嘅歌名係浮誇?!…做人說話都係踏實啲比較好……
刪除咁你覺得美國總統說話有幾踏實呢？浮誇過我好多啦！
刪除我覺得做人唔好太踏實，適當時要急轉彎輕佻吓！
咁你即係話個人浮誇就做到美國總統??..........
刪除做人處事又唔需要太過極端，取其中庸之道就最好～你睇吓森伯講嘢幾鬼踏實呀…哈哈哈
我一直覺得要管理全球最具影響力啲國家元首係要隱重嘅，侵侵顛覆咗我過去嘅信念。前年英國脫歐又係由一位好浮誇嘅Boris Johnson 促成。再者，香港嘅反對派同建制派都有好多極端浮誇嘅戰鬥士。 全都係由民主選舉產生嘅，即係，呢啲係現今社會趨勢，不屬於我個人意見，反而影響咗我嘅主觀思想，我都唔好太踏實，會好離地。
刪除森伯好多嘢都係屬於落後大多數人群嘅小衆。
我都好少認真去留意政局時勢的新聞及資料，我諗一爺兄會唔會用錯了浮誇兩個字呢？浮誇的意思是指講嘢唔得真實虛虛浮浮…政界人物多數用狂人來形容，好少用浮誇，一個政界人物點狂都好，起碼講說話冇得浮誇，否則同星爺的無厘頭冇咩分別…做小市民的有得反映就反映，冇得反映的就唯有接受…
刪除你用得太多字來形容森伯，簡單講句森伯似三十年代既人咪得囉～哈哈哈
三十年代 紙醉金迷夜上海，係跟龍頭大佬揾食嘅小混混森伯。😍
刪除兩者畀我揀，我都寧願做小混混喎！通常D龍頭大佬畀人暗殺多，小混混多數有Happy Ending......XXXD
刪除手停口停反而唔駛替森兄擔心喎,我相信森兄平時儲備充足這方面完全唔駛顧慮wakakaka....
回覆刪除如果係應付到返學我諗都盡量唔好退學啦,半途退學實在太可惜,缺課太多會唔會肥佬?養傷其間多了在家時間,反而多左時間溫書做功課係咪?應該反而成績會幾好呢^^
手停口停都係講吓森伯個苦況啫，最主要係要儘快適應番返工的生活，起碼要晨咁早起身…
刪除係呀~所以我都唔想放棄！！因為呢個課程係計上堂出席率，若果缺課太多都會影響最後畢業，而家上課都冇教科書，主要聽吓導師講解的就可以，頂多都係寫吓note自己溫，平時著重實質的習作為主…
早起身體會好啲,唔好夜瞓,對復元唔好!!
刪除可唔可以同老細申請home office先^^
咁唯有托住手肘都去上堂啦,老師見森兄咁勤力我諗都會體諒嘅
與而家嘅人相比，我都算早睡，不過如果返工就冇得訓到自然醒，平時都唔係太爛訓，問題不在於返工…在於康復進度啫…
刪除托住手肘返學？！…我諗唔會，真係好唔方便…
祝順利完成整個課程
回覆刪除謝謝大夫…呢個係我的奢望…哈哈
刪除其實，我唔係太知實際情況，不過返工好上課好，最重要是留意住自己的狀況，適時調整，作出合適自己的安排。
回覆刪除希望早日康復。
哈哈哈，新嚟的blog友唔太清楚…
刪除查實個個認識好耐的舊blog友都習慣晒森源嗰啲濕滯嘢…XXD
謝謝small U…現在都會因應番自己的情況去做，唔會勉強自己…
都有爬過一些舊文的，大概知道弄傷了手，需要些時間完全復原。
刪除謝謝很花時間爬番森源的舊文…
刪除係呀…傷患冇得急要等佢慢慢康復…
從出發中休養…
刪除大夫今次冇乜新意喎，掉轉來讀…哈哈
刪除搵人上堂facebook live.
回覆刪除個課程要親身上堂聽書……
刪除要適應返工節奏～都啱嘅！祝你早日康復！
回覆刪除謝謝stella…
刪除休養過後，就要重回正軌…
如果可以應付，我贊成繼續返學。一切小心，早日康復。
回覆刪除謝謝Amour
刪除係呀…我都係咁諗…因為事前功夫都做過唔少，退學都可惜㗎～
聽說你學習課程，在缺席的堂數可以申請補讀返…
回覆刪除真係替你高興呀! 唔使由頭讀過，唔使再交多一次學費，都好有人情味同好合理。
如果手部未完全康復，出入真係要小心。咪畀人踫撞到。
係呀…只要申請獲得批准，就可以延讀，都不是什麼人情味，讀書前已經知道可以～
刪除謝謝秋葉的提醒，現在都會加倍小心，唔敢咁大意…整到都有排搞～～
多年前我申請入讀一個「持續進修課程」要先付費，當時還要整筆先付。
刪除後來有些舉辦機構不知是何原因，竟然擸錢關門! 從此政府不准先收整筆的學費。限令每月分期收取。
當時我們若是通過公開考試，可以向政府收回所有的學費。而上足堂數也很重要。
我呢個課程要一次過畀晒學費架…如果臨時唔讀，學費冇得退回…其實現在很多有註冊或者有規模學校辦的課程都可以申請持續進修…
刪除要等到整個課程完了，成績同出席率達到要求才能向政府攞返一個定額的進修款項…
你這個課程仍然要一次過畀晒學費，相信唔係政府支持的“持續進修基金”了。這樣無論如何，都一定要讀下去，才對得起這筆學費。
刪除我們讀的那個課程，規定要在大學裡考公開試，只要考到及格或以上，可以申請全數取回整筆學費，可則一毫子都攞唔返。
沒有申請政府的基金支持，證明你讀的課程是熱門的行業，值得恭喜!
刪除上一則更正：“否則”
刪除通常一些知名學院辦的課程，一般都印有持續進修基金個logo仔，證明呢個課程可申請持續進修津貼，兼且知名學院有信譽，一次過畀晒都冇問題…或者一些小規模的私人學校才要逐月交學費，免得收晒學費間學校就執埋，負責人又走佬…所以有時學習進修都要小心揀辦學公司…
刪除我呢個課程都係可申請持續進修津貼架…就算日後讀完又符合佢要求，筆錢都補貼唔到支出的，只能話幫補少許……><
預咗拿一筆款項去學習是最自然的。當時我班30人，個個意氣風發，以為入讀之後，一定可以在校外考到合格，可以全數取回學費。
刪除誰知一個月之後，剩得10人，眼看他們白白不見了整筆學費!
一年不到剩下六人。最後老師只批準四人去考試，結果只有三人去應試。
你咁講，又真係幾有趣喎…能否透露呢一班讀什麼有關呢？外語？或者什麼專業課程？…
刪除每個人進修都會想一定有所得到，得到知識…得到肯定…得到憑證…
或者當中越讀越少人都有因由的，不過在我角度睇，本身想讀書都係有目的，除非個課程差得好離譜，否則都會讀完為止，如果係可以申請返學費，更加越爛越要讀埋去…彌補返啲損失嘛~~
如果一般的興趣班，政府是不會資助的。只會資助一些有所需求的項目。
刪除其實我在社區中心開過這種班，是以興趣班的形式。都是半義務性質。可是學生越來越多，我不想再教了，我想去進修考教師的執照。也不是為了想多收學費，是要給自己一個肯定。
我是最後批准出去考公開試的三人之一。
其餘二人只考得及格，不能執教。我是取到佳積，取得校內外共三張證書。
至於讀的是甚麼？請讓我保守一點個人的祕密。
只能說：我很享受讀書的過程，並不擅於追名逐利。說不定，明天我會去學習一個更有興趣的東西。
當然喇, 普通興趣班多數短期, 學費自然唔會太高…能夠有政府的進修津貼補助多數是學費較高才需要… 秋葉真的有責任心, 好多時一些社區中心的興趣班多是以消閒為主,但你也十分認真地想去考個教師牌, 很有敬業樂業的精神…
刪除你好叻喎…即是在原本三十幾個學生中, 最後得你一個取得三張證書~~相信你也放了不少毅力完成那個課程~~
每個人都有些祕密的, 你不講我也不追問了…總之就叻叻啦!!!!
你不追求名利, 只享受當中讀書的樂趣, 是應有的人生態度~~
謝謝讚賞! 不是因為我叻，我只是一個很努力於學習的人。
刪除見到初時一般同學都充滿自信和驕傲，反而我很沉默，沒有人想到我是讀到最後的人。讀到後期，除了經過幾次校內試，老師在每一堂都對每個同學單對單考核與輔導，這樣就見真章啦!
若是表現不好，老師是不准出外考試。因為報考費都要成千元。老師不想同學損失金錢。因為若是考取及格，連報名費都可以取回。
的確要努力過才敢問有沒有收穫…雖然答案都可以係冇！但連付出努力都不願這樣就什麼也沒有…
刪除人的心態就是這樣，未做過之前很多事情都是憑空想像，假想會怎樣怎樣，但到真實去做又係另一回事…所以有句說話叫事與願違~~進修都係始終都要憑一股毅力不輕易放棄，才能走到最後…
我以前都考過一個公開試，係會計及簿記…結果要考多一次才成功~~諗番樣樣都得來不易…
會計及簿記，及電腦會計的公開試，屬於倫敦商會試，所有考卷會運回倫敦評核，及發出證明或獎牌。是一個權威性的考核。讀會計及簿記都要心思慎密才可以，森少都是一個人才。原來除了繪畫，你對計數都有興趣。
刪除至於讀多一次才成功，證明你很有毅力!!!
至於我班同學未到半途就放棄是有些原因的。因為這機構在招生時聲明：
刪除需要曾經讀過基礎的課程，只要讀完了本課程，保證可以考取及格，申請取回所有的學費。
而問題是：很多人都是高估了自己，開始時老師都是把基礎課程快速略講，同學已經感覺到困難，已經捱不到校內的考試，就走了很多人。
更正：不是讀多一次，是考多一次。
刪除係呀，當時考的會計及簿記試是由英國那邊的商會搞的，所以當時好畀心機去自修（因為呢個試自修生都可以報考）第一次好似由學校報，第二次以自修生名義報考，霎下眼都好多年前，不過而家的工作同計數都冇乜關係，但也是我人生的一個經歷…
刪除其實當時諗住做簿記員入吓數，遇到有問題有位親戚可以問…從中可以汲取經驗就接會計工作做，後來更加因緣際會做到另一個喜歡工種（當中可以發揮興趣畫下插圖）
其實讀書進修我唔會渾渾噩噩去報讀，一定事前先了解晒課程詳細情形，唔想出現讀了才知有問題，到時真係盞搞…
凡是公開試都會接受自修生報考。如果有一定的實力，確是可以自修一試。
刪除好像你對該考試的內容都早有研究，當然可以一試再試。
至於我報考的課程內容，大多數都在報讀的範圍內，不讀過是很難以掌握的。
所以官方機構都勸人不要浪費了報考費，要好好的讀過這個課程，才好去報考。而一本厚厚的課程，都是經由官方特許付印的。當然還有其他的輔助書。
做得自修生，多數有一定把握才敢去應考，不過信心都好重要，冇信心就會怯手怯腳，就算溫好晒書，到臨場考試都會唔記得晒，或者腦袋好亂難以集中……
刪除不過現在讀書唔需要考試，起碼冇咁大壓力～～
讀啲唔使考試嘅課程，確係輕鬆自在好多! 遲吓我都會找些自己感到有興趣的班去學習一下，找些生活的樂趣。其實讀書是我最先有的樂趣。
刪除唔需要考試，壓力又可以減少一點吧～
刪除好丫，有咩興趣課程試試報讀，在生活裡找些寄情也好, 樂趣也好...令生活充實一點~~
一覺醒來在這裡重看自己所打過的留言，原來打錯了一個字。
刪除“積”不同“績”，不可以互通或代替。
讀書之樂樂何如，就算只是看一本字典，我也覺得樂趣無窮。”晚安好夢~~
秋葉真係好學，正所謂學海無涯，人生就是不斷的學習嘛……
刪除我間中都會睇下字典學下生字架……
如果可以的話，梗係讀埋佢啦！
回覆刪除何況又畀曬錢添！
相信森兄一定能做得到的，努力呀！💪
當下呢刻都會去上堂，不過將來的事好難預計…
刪除謝謝kaka的鼓勵，可以繼續讀的話，都會畀心機…
乜嘢"將來的事好難預計…"呀??
刪除咪杞人憂天先喇！見步行步囉！時間匆匆…好快就讀完架啦！
難道…你個課程要讀三、五、七年咁耐？？:P
咁講就最穩陣…有時真係未必知道嚟緊的事，的確時間好快就過去吧！
刪除基本上個課程又唔需要讀咁耐，但以森伯個資質可能要…哈哈
近排都有個課要上，等完成後就可以輕鬆番下。
回覆刪除或者課程的內容都可以應付，但返學的壓力又未必會感到輕鬆喎…
刪除