唔怪得時光就係隱形小偷，靜靜雞偷走我們寶貴的光陰，一向都很喜歡與時間有關的物品，例如鐘、錶、計時器、沙漏等...
唔知其他人會否這樣，我時時都會留意住時間...現在的人冇了手機會周身唔聚財，但森伯睇唔到時間就會唔舒服，好似時間停頓了，跳到一個靜止的空間裡~~~異常不安...唔好話誇,係真架~~~
有日見到呢個日規形的鎖匙扣，原來都有佢的實用性所謂的 functional art，藝術品得黎又有實用性！可以說是一個袋裝日曆卡，蠻有傳統特色，造型似個古時日規，買來送給人就最好~~
日、月、時間都可以自己手動調校，而且又係不鏽鋼有排用啦...呢個包裝唔拆，因為要送給人，日後有機會再見到都要買番個自用。
警惕下森老伯要珍惜當下時間......忽然間有啲唏噓......
個設計又幾得意喎,可以推算到2060咁犀利!!@@
回覆刪除我見依家好多人都唔戴錶,多數睇手機,冇帶手機出街才會周身唔自在吧XXD
有規用....
刪除gael: 而家買東西用到十年八載已經叫好用...佢用到2060直情襟用啦...哈哈
刪除我錶就間中會戴, 為免帶太多嘢出街睇時間都係睇手機, 不過約人就要戴錶~~
大夫: 有咩規用先??...
刪除咁計落又幾襟用喎XXD
刪除大大話話可以用多40年左右…
刪除袋住日規
刪除日日都規
有時男人最驟忌就係聽到個＂規＂字…哈哈
刪除係咪即係話日日都要規行矩步....XXXD
刪除個規字都有好多同音字嘅，gael兄只係諗到規行矩步~~
刪除我剩係諗到喱啲咋....請森兄多多指教^0^
刪除聽到個規字, 會諗到守家規……對有啲人來講都可能怕架~~~
刪除我很重視時間觀念，但就不知點解現今的人往往都不太注重，覺得遲到十零分鐘好平常？
回覆刪除我諗對時間有觀念都係分個人, 有人看重, 有人看輕~~~始終守時都畀人好印象~~
刪除我諗我都要有呢份守時觀念~~:P
小森兒有咁多時間 捐窿捐罅搵啲咁有趣嘅嘢！
回覆刪除我細路仔時覺得時間過得好慢，係卅歲後至覺得時光飛逝。
我冇戴手錶超過十年喇！
呢份禮物千祈唔好送畀成日遲到嘅朋友。
一爺兄係咪想間接問森伯響邊樹買?!!哈哈...送畀人唔錯!!尤其一爺兄嗰啲情人~~~XXD有咩周年紀念日, 生日, 大時大節送禮...呢類都要睇住日子架嘛~~~XXXD
刪除有次去歷史博物館睇完展覽, 去同場的禮品廊買, 你有機會睇完展覽都可以去睇下~~
啲情人……原來小森兒同一時間有多個情人咁鬼風流倜儻，當然，小森兒有番咁上下魅力同雄厚經濟條件先得，我只容許一個情人，其它嘅係好朋友。
刪除揾笨咩！佢只可以查到邊日係星期幾，冇得記低啲重要日子架，無法提醒你幾時要送上愛心。。
送畀情人起碼要係小森兒嘅珍藏寶石，呢個太兒嬉嘛！作為手信畀一般朋友就得。
在未能確定數目之前，我只能夠講你啲情人，就等如問為人父母的都會講你啲仔女啦！可能佢得一個小朋友都唔定…我知一爺兄對情人忠誠，完全感受到講心唔會講錢，所以送的禮物一定要物輕情意重，意義已經係一切…送畀情人我更加唔會送貴嘢，睇佢會唔會連平價嘢都珍惜嘛～～
刪除當你有個紀念日的日期，就set定嗰一日，日日出門口都會用鎖匙開門閂門，咁未可以提醒你幾時到紀念日囉~~~
不過圖中的匙扣係送畀森伯啲世叔侄…哈哈哈
利用唔啱嘅比喻，點解唔係問人有幾多個老婆呢，狡辯政客。
刪除我係一心一意，小森兒(cute卡通版主圖啱用呢個名)就心有二用。
唔係不論價錢(能力範圍)，只講意義咩！
人地講明有老公老婆梗係唔會講你D老公老婆啦~~~~你當森伯有智力障礙既咩.......
刪除但係在網上認識一爺兄咁耐，又唔清楚一爺的感情底蘊...講情人就穩陣D啦~~~
能夠一心一意就當然好，起碼做事都尊心一致嘛~~~
設計唔錯！
回覆刪除愈來愈覺時間走得快，快得令人驚！
都覺得個設計幾精美...
刪除我都有同感, 人越年長時間越覺得快~~
袋裝日規我喺博物館見過.
回覆刪除佢個設計似古代日規, 但功能就係可以當作日曆...
刪除好多年前到過大埔八號花園，附近公園都有一個大型日規，唔知現在仲有冇。
回覆刪除有時城市裡有些大型的藝術品，不但可以有美化環境的作用，而且更可以成為地方標誌…
刪除一串光陰一串金，真係要好好珍惜。
回覆刪除串金難買寸光陰，所以時光好寶貴~~~~~
刪除有日經過女人街，入去看看有什麼好看的東西。無意中買了兩個古銅色的袋錶，買定作為給親友的小禮物。誰知日久針停了不動，給荒置在抽屜裡。
回覆刪除也曾經在文具店買過一個沙漏，日子也像沙子一樣溜過去。
我知你講那一類袋錶，有次去山頂市集都買過一個，呢類錶唔太襟，好快就唔行…所以買東西都要碰彩數…
刪除沙漏以前的精品店,文具店好多，現在真的少見了，買個攞在書枱上提醒自己善用時間都幾好~~