我諗對於大家來講，周未賣旗已經再沒有人理會賣的是什麼旗…因為有時都未必係為人熟悉的大非謀利機構，好多時賣的旗乜會物會都有～至於森伯又有冇幫手賣過旗呢？！又好似未賣過喎…在森伯小學生嗰個年代（數算下應該係白堊紀年代…XXD）比喻年代久遠啫…因為小學生會幫手賣旗，都算係一種生活體驗…
好似過去的周末就是動物愛護協會賣旗日，其實好早我們就知，因為有親人申讀賣旗…現今的父母親，很想有些活動可以同子女一齊參予，當作親子活動，目的都係想小朋友多些參予一些課外活動，閱歷都可以有點東西寫下...
通常有咩籌款活動，親朋戚友梗係第一浸贊助架啦…若然好似上周六咁，撞啱落好大雨，賣旗的都幾辛苦，街上冇乜人之餘兼且要人攞錢出來又唔方便…原來可以在商場門口賣，但唔可以入商場內賣…我都係現在屋企人講先知咋，唔怪得好少見人在商場裡賣旗啦…至於賣完的旗袋可以在附近銀行交還，又幾方便喎…
記得前陣子有人提過賣旗用（發達通）捐款，最後又唔知有冇實行到，想像中都唔係太方便啦！反正拎銀包出來又唔係太麻煩，或者只係自己井底森的愚見…
今次愛護動物協會的旗又幾特別，張張都印有不同的動物圖案，賣旗之餘又可以揀你喜歡的動物旗貼，又幾有諗頭喎…
啲旗應該同啲卡通人物（好似冇口貓）合作，出幾款畀啲人當集郵，啲fans一定買多幾個。
回覆刪除通常賣旗都要配合番個慈善機構，卡通人物又唔係咩慈善團體...況且冇口貓都唔係個個鍾意~~
刪除『八乂通』肯定要收手續費，捐款人又點會甘心自己啲捐獻會咁花。
回覆刪除善森人更美。
為慈善, 要唔要收手續費就唔知喇,..
刪除善心人更美...通常呢句都係捐完錢既人自我安慰~~~
古天樂同慕蓮捐錢起學校，有善心，內在美顯得外在美更美。
刪除以我覺得, 內在美幾時都襟睇過外在美啦…但可惜人人都係睇咗外表先呢…
刪除咁森伯有冇嫌棄自己外表好醜？影響咗乜嘢？事業？學業？交友？愛情？
刪除除咗些微善心同過份謙虛，森伯仲有乜內涵呢？
哈哈...我唔係講自己！！只係感覺每個人都係貪外表, 同做善事基本無關...
刪除有善心的人可以唔靚, 但冇愛心的人就算幾靚都令人憎厭~~
有冇內涵唔係自己講, 係身邊的人來講...
森伯雖然係醜男, 但勝在有同理心...咁算唔算內涵?!!
先有智慧同理心...才算有內涵 !!
刪除大夫講得對……
刪除你我距離咁遠，唔喺你身邊，我咪要忍口，內涵呢！要留番畀森伯枕邊人講喇！
刪除森伯有幾醜？見到會發惡夢嗰種？我估好輕微。
同你哋班blog友日日吹水，感覺就這麼近…其實就那麼遠~~~~><..
刪除有冇內涵又唔一定枕邊人先講得到，認識得耐的人們都知啦！！
你又估錯喎…唔係輕微…係慘不忍睹嗰隻~~~XXXD
符合唔到 『身邊人』 呢項要求， 唯有要忍著淚說唔知啦！
刪除係咪醜到被人封為『森魔』，但係又有愛心捐錢買旗仔，好似奸人堅咁樣，成日畀人誤會為 十惡不赦 喺惡人谷長大嘅小森兒。
有時唔知咁多咪仲好，所以森伯間中要扮吓懵伯~~
刪除森魔…咁又冇咁誇~~醜樣唔係罪啫，咩叫做十惡不赦咁嚴重…一爺兄啲番書仔好多中文字都形容得不恰當…反而幾like小森兒~~
懵森魔
刪除大夫, 懵又有咩食療可以調理呢...:P
刪除深水懵仔魚
刪除以形/名補形/名
我呢邊只有少數慈善機構有賣旗活動。
回覆刪除其它的多會在網上宣傳叫人募捐,並過數落專用戶口!
反而得幾個慈善機構可以賣旗都好，市民可以捐得放心...太多旗賣有時咩會都唔認識~~
刪除我覺得官網捐都可靠啲，因為網上好多都做假...
我曾經幫忙賣旗、賣慈善券，我相信賣旗活動不會再維持太久，因為會有更先進的取代，賣旗的確是生活一個好體驗，看到人生百態。
回覆刪除我都試過賣慈善獎券，但又唔會四圍兜售，所以得個賣字...哈哈哈
刪除我諗賣旗活動都會繼續保持一段長時間，可能賣的形式都會電子化～～
當然喇，賣旗都係一種體驗...
呢個設計幾好，突出到動物主題。
回覆刪除係呀~動物有好多種，正正代表什麼動物都受到保護…
刪除清涼井底森
刪除清涼海底椰就聽過...哈哈
刪除買旗用（發達通）捐款，最後好似冇實行到....
回覆刪除我試過...冇散紙，銀包得一百蚊之類，冇理由畀一百蚊買支旗仔㗎嘛！！
我問佢可唔可以用八達通？ 用（發達通）捐款，真係方便好多囉！ :P
冇實行到都明白，因為捐款者的捐錢銀碼都唔同，售旗的又要帶多部嘟錢機呢...
刪除諗下都幾麻煩，不如用返舊有方法最實際～～
我都估到啦，KaKa個銀包多數裝大紙...至於十元，廿元，嗰啲放在屋企個散紙包劈埋一邊......哈哈
咁都俾你估到…@@
刪除我好怕袋住啲重疊疊嘅大銀散紙，都唔係淨係得嗰啲大紙嘅，有時都有十蚊廿蚊嘅，不過習慣咗就係一次過增值500蚊八達通，係想方便搭車返工，同有時冇帶飯去canteen買飯食，就咁嘟一嘟方便啲咁囉！:P
我都係照邏輯推理啫…哈哈
刪除一向都知KaKa知慳識儉，理財有道…因為平時返工洗錢又唔多，除非諗住收工去街街食嘢買嘢…否則都係袋住幾舊水應急就算…
有時覺得發達通就係太方便，嘟錢在不知不覺間，好快使晒又要入…冇搞自動增值，變相麻煩咗…
哈哈！我有時都會失去理智胡亂
刪除買嘢㗎!
有人說太過知慳識儉就是對自己刻薄，世事難料，也許不知在何時何日，在沒有享受過什麽便與世界道别了，所以適當時候都要對自己好啲呀!
理財有道是要懂得開源節流，只懂
知慳識儉(節流)，不懂開源怎會是一個理財有道之人呢？:P
係呀!尤其去超市買嘢，不知不覺間就好快用曬啲錢㗎啦!
我都冇搞八達通自動增值嘅!總係
覺得冇乜安全感!哈哈！
每個人都會偶爾間失下常性亂買野架啦...都講得對,有時花錢都係善待自已的做法，不過對於一般打工仔，
刪除善待自已都不外乎食豪少少，買下名牌衣裝用品，頂多都係去外遊...去食去玩都算善待啦~~
其實事情有兩睇，明日的事無人知，但有些人會居安思危未雨綢繆，對佢地來講都係一種安心，人各有志各適其式啦~~
通常用發達通買野，D錢好快用晒，尤其去超市...所以在適當時候才嘟，平時都係畀Cash多...
人都會偶爾間失下常性
刪除咁大夫對呢類間中失常症有冇咩湯水煲嚟飲吓…
刪除百合egg冰糖水
刪除咁簡單, 有機會煲來飲吓…
刪除講返森兄果個白堊紀年代我好似都有賣過乜乜慈善獎券,以前頭獎好似有層元朗樓....XXD
回覆刪除三張旗都好靚喎,貓狗雀都幾可愛,森兄果然有善心!
星期六如果早出街我通常都會袋定小小散紙,費事到時先摷:P
當年白堊紀年代的獎券係層元朗樓…係真嗎？對而家嘅人來講，真係不可思議…我記得當時的獎券頭獎都有部豐田車…可能森伯個思想早熟，唔信呢啲獎券會中，一般都好少理…
刪除自己親人叫到都會買，機構係幫助動物，都算有意義…
原來gael兄都好有善心，袋定錢諗住買旗…
以前小學老師會每人派一疊獎券回家去賣,忘了是什麼慈善體團...:P
刪除我通常都會賣,但有時都會留意係乜慈善機構先,驚有啲會呃人!
小朋友老人家果啲一定要賣啦係咪^^
如果慈善機構, 搵得學校去賣旗,賣獎券...都會放心買!!我記得小學又未賣過獎券,
刪除只是有些宣明會等來呼籲捐下錢...
而家賣旗有好多機構未聽過, 唯有諗清楚先去捐, 又唔會乜善事都做一餐...
我捐的慈善機構多數是病痛傷患等...
老師會每人派一疊獎券……是「明愛獎券」！
刪除呢個冇咩印象，學生時代又好少幫忙賣奬券~~gael兄可能知...
刪除小學時全校幫“東華三院”賣旗仔，我班的老師好好，他到處巡查我們的情況。
回覆刪除*
第二次就係賣獎券，團體裡屬於我隊伍個阿頭對我說：「使乜出去叫人買吖!自己買番就得啦。買唔晒，就回尾。」結果我除了自己買，第一張很辛苦才賣得出去。幸好當時我老闆叫他讀中學的小弟全部拿了去，他的同學全都樂意買下。因此輕鬆解決了。
*
第三次要親身上陣，看盡人生百態! 也是畢生難忘的一天。
老師恐怕有學生迷路或失踪，所以全程要睇到實…咁都好家長可以放心…
刪除不過以前的人都好熱心買慈善獎券，因為每張都係幾蚊，做善事之餘仲可以玩吓抽獎，致於而家的獎券就冇咩價值高的大獎抽，而係好多熟悉的食肆，家品店優惠券…
通常看賣旗看似簡單，當自己去做可能別有一番體會…
細心諗返轉頭，當時我班被派往街頭賣旗仔，當時是六年級。至於低班學生有冇去? 也不大清楚，只記得當日好大陣仗。
刪除因為以前年年都只是學校舉辦大旅行，未試過去賣旗，我們都覺得好特別。
當日校長出動，班主任帶頭領我們去廣華醫院領旗仔。
到我賣獎券的時候，已經是十蚊一張了，一般人家會嫌貴，可是當時老闆的細佬識嗰啲同學仔都好富貴，未夠年齡學車，都去學揸小型飛機。
通常學校或者機構的賣旗日活動都好大陣仗，因為要動用唔少人力物力...
刪除以前的學生多數每年都有次秋季旅行，相對現今學生可能去咩遊學團，唔同了~~
有時獎券都要睇有咩大獎，通常賣得貴獎品又會豐富一點...反而現在有食肆,家品店的coupon仲實際,就算冇大獎都有啲啲優惠濕下腳...哈哈
當時我都買咗一本，總共十張。仲有幾多本都忘記了，至於聲明有什麼大獎，很多人都不大在意的，甚至忘記核對。雖然是大機構，但係好多人都唔多相信是真的。
刪除我相信呢個心態個個都有, 感覺呢類獎券都冇咁易中, 大獎唔知真定假~~
刪除好多時買了就算, 都冇理幾時抽獎~~哈哈哈
自己咁諗做善事就當作善事, 不會計較有冇得獎...