俗語有云夏日炎炎正好眠，呢句說話可能係以前的人所講，以前的夏天都冇咁熱喇，炎夏涼風當然訓得舒服…可惜今時今日真係熱到訓唔到，仲話正好眠喎～～
好多人都覺得今年的夏天來得早，早幾個月前日日都係三十幾度，但香港都尚算OK，反觀世界各地都熱到黐晒線，有些地方的溫度更是歷史新高，受著熱浪侵襲…
天時暑熱，畀著森伯出去行一行就成身濕透，眼見都有幾多人會帶埋把風扇仔出街，我唔會帶太多東西出街，若太熱都會走到遮陰處避避，大家都知森伯呢類長者好易中暑架嘛…不過必要時都有把類似叮噹的竹蜻蜓風扇仔帶出街既~~
雖則話凍野傷脾胃，但炎炎夏日都唔會理得太多，本應要吔吓應時食品…雪糕，但暫時都係要忍吓口，遲下先買啦～～不過仲有年年夏天都必吃的消暑聖品西瓜，呢排真係時時食，本來都想一瓜兩味，除了食之餘仲想打杯西瓜汁消暑下，不過唔想大熱天時搞太多野一於就咁食算了…
講起西瓜，忽然又令我諗起冬瓜，以前的農村人怕細路仔太熱，就會搵個冬瓜畀個細路仔攬住訓覺，話有消熱降溫的功效！！不知是真是假，森伯都想想地效法…
總之呢一刻，有咩好得過捧著個西瓜慢慢嘆呢…
相呢?
回覆刪除竹蜻蜓好似涼過芭蕉扇:P
我又唔覺今年特別熱,可能因為今年比較乾,以往濕熱仲難頂!
要戒口呀?雪糕驚㗎咩?
西瓜今年反而食得少,因為都幾貴;冬瓜就多用來滾下湯,幾消暑^^
有相了^0^
刪除迷你西瓜?
幅相冇咩特別，只係西瓜相...邊及gael的相片咁多野睇...
刪除係小型風扇仔個款似竹蜻蜓...芭蕉扇真係唔知係點樣...
其實我都覺得今年雖然話熱得長，但感覺又唔係太熱，所以話香港可能真係福地～
筋骨問題都暫時唔食得太凍的食物，尤其是雪糕又凍又濕...
迷你西瓜仔唔算太貴，冬瓜除咗滾湯外，冬瓜炆火腩冬菇做餸都得...
相中係迷你西瓜，半個份量啱啱好
兒時夏天消暑食品一臭草綠豆沙、啫喱(加花奶)、大菜糕(加花奶)、涼粉(加椰汁)、雪糕、甜筒、雪條、各式凍飲、雪凍生果、香蕉船、豆腐花。
回覆刪除有時乜都冇又好熱我就含冰。
食飽晚飯一家人拎草蓆、尼龍床去公園抖吓，夜啲等屋企唔咁翳焗，先至番屋企冲個凍水凉覺覺豬。
發覺你咩都加花奶...哈哈哈~~~我好少大菜糕加花奶，通常係蛋花大菜糕...夏天食一流啦，大菜糕好易整～
刪除涼粉多數加黃糖，其實這些夏季食品都係大家的集體回憶，要講有排講...
太熱的時候我會整杯冰涼的稀稀地既茶，飲完好舒服～
咁得意，太熱就會在公園訓...以前天氣冇咁熱，頂多開住風扇又撥扇...
兒時 一一一 未戒奶細路😁 涼粉冇椰汁加花奶都得。你食芒果 布甸加咗花奶係咪好食啲呢？
刪除講有排講...唔好得兩行咁孤寒，講多幾十句啦！
細路哥時有段時間好興飲某隻禽獸牌子嘅檸檬茶冲劑，可用凍水冲飲，每日放學都冲番杯嘆吓。
公園空曠會凉啲，喺屋企唔著衫轆地沙都好滾，天花板掛扇吹埋黎都係熱風，好似火辣森仔咁hot。
去公園順便放狗。
涼粉加椰汁或花奶, 多數茶餐廳先有, 平時屋企加黃糖都已經好正…食布甸好少加花奶, 多數就咁食…
刪除最記得以前會食三色雪糕, 但到現在人大了又未必會買三色雪糕食…講講下第日見到買來回味下~~仲會飲吓凍豆漿, 無論家中或路邊檔,凍豆漿都相當消暑解渴,正!!!!…不過現在夏季好多時都食臭草綠豆, 因為極鍾意臭草的香味, 陣味好夏天…
我都話森伯同你哋啲後生有代溝啦, 禽獸牌子的檸檬沖劑完全唔知係乜…係富貴人家的小朋友會飲?!!....咁森伯唔駛旨意飲過…
訓公園…順便在公園放狗…乜好似露宿生活咁嘅~~~~~
『你哋啲後生…………係富貴人家的小朋友會飲』森伯用反話諷刺梗我，哭哭哭😢，句句有骨落地。😤仲話人哋係窮鬼露宿者。😡
刪除句句有骨落地……哈哈哈……你自己斷章取義啫…你都話森伯係三十年代的人啦，唔識咩檸檬沖劑有幾奇…又冇提過露宿者喎，只係講露宿生活，而家啲人都好興郊區宿營或露營車…呢種都叫露宿生活~~
刪除都係森伯搞到我抑鬱病發作，乜嘢都諗埋一邊。😰
刪除森怕有咁大能力搞到你抑鬱發作?!
刪除森伯的說話都係講吓笑啫…唔需要太在意喎……
真係碰到呢類病人，我都唔知點相處好？😞
刪除唔係太明你講乜…同人相處用真誠啦, 人地會慢慢明白你…^^
刪除攬住訓覺....我聯想到好似電影American Pie嗰pie嘅功用添。
回覆刪除哈哈，又未睇過American Pie...真係唔清楚~~總之夏季做咩都熱架啦...
刪除https://www.youtube.com/watch?v=A7Z79puCIbY
刪除哈哈…王子的聯想力真係豐富~~
刪除所以王子要成日整熱狗包夾腸腸 宣洩下。
刪除你哋啲後生真係多諗頭，乜嘢都可以配腸腸玩一餐………XXD
刪除森伯攬住冬瓜訓覺畀
回覆刪除消熱降溫
都係據講，可能冇咩科學根據～～
刪除近年我都少買西瓜吃，因為家人少吃呀>_<夏天出街我必定會帶把摺扇，又輕又方便及毛巾仔
回覆刪除現在有很多無核的迷你西瓜仔，見到自己買來食都可以，
刪除熱天一出街就成身汗，唔袋定Ｄ法寶點可以架！！哈哈
我出街從未帶把過扇，因為香港室內地方多冷氣，反而多帶一件披肩，可能我老啦！怕凍！
回覆刪除咁又係香港大廈商場多，一熱就走入商場避避，所以天時暑熱最佳活動都係逛商場：Ｐ
刪除我諗我同你都係好怕熱,所以夏天出街我通常只會去啲商場地方,想飲就必然離不開凍啡凍檸茶!
回覆刪除一年四季最怕夏季，有時熱到個人都冇乜心機...最好外出的地方都係商場，不過在晨早都想曬一曬太陽有助健康...
刪除我的消暑品係凍茶...
消暑都係食西瓜最正。
回覆刪除當然喇…夏天食西瓜又方便又消暑…
刪除小孩攬住個冬瓜嚟瞓覺都有嘅? 咁好橋，邊度鄉下興架?
回覆刪除我係從電視的資料所知，據講係農村的習俗...
刪除不過香港地方窄，小朋友的床都未必夠放多個冬瓜~~~
噉又冇聽過我家鄉有這種情況。但聽過「浮瓜沉李」這句成語。
刪除因為古時沒有電冰箱，所以會把西瓜、李子放下井裡冷涼著，吃時拿上來。如果大熱天時，瓜果都好易感暑，放在井裡就會保持涼快，好吃得多。
真係畀秋葉嚇一嚇，以為講咩浮瓜…尋C之類，以前的農村人不是家家有雪櫃，如果想瓜果食得清涼點，會放在山泉水裡凍一凍佢，雖然未必好凍，但清涼得自然，唔驚肚仔痛…
刪除呢個時候瓜類最當造……
都好敏感吓，講開食瓜啫，“浮瓜”又會想到“浮C”? 你估招魂麼?
刪除有山泉水梗係好啦，之不過唔係處處鄉村都有山泉水在左近嘅哩!
這樣就是喇，山泉水確是比較天然，唔似得雪藏咁極端，森少唔驚會肚仔痛了。
秋葉一向見多識廣，知道很多奇聞異事也不出奇，所以講到浮瓜都份外怯怯…
刪除其實山泉水跟井水都一樣，天然水的來源，浸過瓜果入口清涼，雪櫃就比較冰凍…有些人腸胃敏感，食凍嘢後可能會肚痛…
近年都好少出外旅行，都變成井底之蛙了、
刪除七月十四都未到，咁快就驚定先喎。咁快就怯怯，係咪細個被人嚇親呀?
只要不作虧心事，都唔需要太驚…
刪除生活就是不斷的學習，新知識，新資訊…樣樣都知吓才不會跟社會脫節，才不會淪為井底蛙……
森伯細個反而被病痛嚇親，大個便講養生…哈哈
小時有病痛當然很苦，這樣人大了卻懂得珍惜健康，懂得要講求養生，造就健康的未來，更是好事!
刪除從另一角度睇你所說都是正確的,或者每樣事情都係互相效力,從病痛中你又會珍惜到健康是重要...
刪除從前夏天，記得長輩都會到藥材舖買包湯料，煲冬瓜水啊。
回覆刪除好多人都會在大小暑, 煲冬瓜水, 這是民間智慧呢種湯水好適合熱天飲~~
刪除夏天我都試過攞住半個西瓜仔，一面看電視，一面用匙羹吃西瓜，有時也會切成一小
回覆刪除塊，用义义來吃…
如果多人食，將個西瓜切成一楷楷食都得，係最簡單方便的食法，通常我都喜歡放落雪櫃冰冰佢，食得透心涼…
刪除