相信人口老化不單止是香港問題，而是世界趨勢，...現今商業化社會，所謂的""銀髮族""亦是一種無限商機，因為人只會越來越年長，不會越來越年輕，所以都是個長搵長有的搵銀機會~~~
對於年長的森伯伯來講，有時都幾留意一些老齡人士的新產品，因為隨時可能用得著~~~><
在眾多新產品中，有樣叫「軟餐」的產品，其目的是供給有咀嚼困難或吞嚥困難人士(不一定是長者)，當為日常餸菜!!
對平時喜歡"攪三攪四"的森伯伯來講，覺得呢種軟餐會否有生意呢?!!其實平時花點心思，根本就唔需要買這種軟餐...
見到價錢，長者們又會否認為值得呢?!圖中的咖喱雞都算OK，起碼見到一塊塊，但其他都像糊仔一樣，襟飽嗎??
可能都有人買一次半次，但長期天天吃，再可以買多少次呢?!
其實我覺得若有真正的需要，自己做軟餐都唔難，反而少添加劑，營養素還可新鮮保存!!!
圖及資料來自網絡，而所揀選的食品例子，是大家所熟悉的口味!!!
森哥係十月芥菜嘛！夠寒涼下火啱你。
回覆刪除又會無啦啦講起軟餐咁奇怪？
普通攪拌機打爛成糊狀食咪得囉！呢啲都偏貴。
飲水怕落錯格要溝凝固粉。
嚴重D要由鼻哥窿插胃喉架！只能吊營養奶，食嘢唔經味蕾感受味道，咁就生無可戀。
唉！老人家任何部位退化失去功能都可怕，祝願大家都健康啦！
看來咩月的芥菜都啱森伯的燥熱底子~~~~
刪除見到有咩題目想講就寫，皆因好難諗寫乜，一爺又唔製造多啲話題畀森伯寫...
如果真的要做軟餐，真係買部攪拌機已經可以了，但問題又出現攪拌機或破壁機磨得太過幼細，其實對病人都唔太好，如果用手磨器去磨會較好...
當飲水都要溝凝固劑，實在太嚴重，住院時見到一些病人食粥都落凝固劑，有護士仲教家人點去買，其實平時我們用開的粟粉，薯粉等都係增稠劑，又平又好用~~
森伯成日覺得捱一段時間，又會自自然然柳暗花明又一村，不會輕易講句"生無可戀"，希望大家都無病無痛，過得消遙自在~~
『好難諗寫乜』森哥口若懸河 幽默健談 詞鋒銳利 ，揾題目- 森中無【難】字。唔知寫乜問吓AI啦！
刪除『一爺又唔製造多啲話題畀森伯寫...』豈敢！詞鋒一揮立即斬頭，保住舌頭還是靜靜等待。
易呑要細緻順滑呢！而且，餐餐手動嘅照顧者摏到手跛。
整杰撻撻乜乜羮都係用佢哋，森哥房事知識都唔弱。
『柳暗花明又一村』老弱身軀已懷幾種病再叠加多一樣，簡直百上加斤，到某天承受唔到便畢業。我老豆用胃喉後唔夠一年就走咗，唔健康早走捱少啲苦更好。
口若懸河，幽默健談，詞鋒銳利...你呢啲詞唔係用來形容森伯架?!!!事實剛好相反，森伯講野唔叻，笨頭笨腦，見識又少~~~~呢個先至係森伯寫blog的致命傷~~寫篇blog又唔駛問AI，你都幾倚賴AI，分分鐘小個便或大個便都要問AI!!!
刪除要食就要落手落腳去做，落手去煮，落腳行去買...搞成糊都唔難，而且有些食物一煮就稔變成軟餐，南瓜、熟薯加水不用攪拌機都可以成糊~~
真係畀你笑C，乜都關房事事!!!
有時趁後生，愛惜身體有著數，老來幾種病襲擊都幾慘...用胃喉只能倒入營養奶或流質食物，短時間還可以，太過長期就是承受不了，所以一個人的咀嚼能力好緊要...
你還你、我還我，我唔會干涉你點諗自己，我維持原判，不設上訴機制。
刪除願主保佑你！唔好寫到致命咁傷啦！我會踩多幾腳等你早D，減短森痛苦刑罰，傷你我都係做好人。
現代人要與AI並存，須及早適應。唔使你開聲，佢好醒幫你 開燈、 關燈、 洗patpat、 冲馬桶、 暖厠板、 自動清潔洗手盆及馬桶、 記錄大小便健康狀況……有侍叻人研究。
手動：森哥演嘢！無上裝展示肌肉和大力畀唔認有嘅情人睇，整暴打檸檬茶。
腳動：網購可免費送上門和屋苑內自提櫃取件，做個可愛足不出屋苑嘅宅男。
厨房事務→房事【We are yellow in USA】黃皮膚講黃色配啦！
臨死前點樣 ...好似由上天安排。斷估你都無諗過交通意外係汽車被飛機撞落海，猛烈撃傷加上遇溺，整定嘅！唔死唔得，罕見又惋惜。所以，到咗我呢個年紀，非物慾化，適度斷舍離簡樸生活，要令自己開心自由選擇點過每一天。
你唔駛咁驚驚，我冇話要同一爺作連體嬰，當然你還你，我還我...有錢人梗係睇唔起森伯伯呢啲窮等人家，邊有人想黐埋去!!哈哈
刪除踩多幾腳，你當森伯伯係曱甴?!!有時好人與壞人真係一念之間!!!
唔會啦~~今日你仲可以靠自己就靠自己，靠AI個人遲早變植物人，你寧願你自己可以洗patpat，定AI幫你洗??!!
真係乜都畀你講到誇張晒，畀你就會展示肌肉谷爆老鼠仔...攪薯蓉好簡單，壓壓吓都可以!!!
做人唔可以唔郁，當為身體健康都需要運動!!!你做既宅男，同半癱冇咩分別~~~哈哈
厨房事務就叫房事，咁即係在白金漢宮做的事就叫白事...咁真係你做晒去~~~哈哈...史上最差的縮寫或縮稱!!!!
今日唔知聽日事，唔好煩太多~~每個人都總有一死，過好生前每一天!!!!
最憎有錢人疑心重，圍住佢都係揾著數，你係窮人就啱晒我，好舒服。
刪除【森伯伯係曱甴】生命力超強，我用盡辦法想完全殲滅都唔得。
咁抗拒....咁你行路返工唔好搭交通工具，唔好用煤氣去燒柴，唔好用電力和電器，靠一對手和一對腳創造奇蹟。
古惑森不可以偏概全，薯蓉以外都有要用機打架，偏食會更多病痛。
居企可做HIIT激烈運動，跳吓彈吓做6分鐘就爆汗氣喘，好有效用。
【白金漢宮做的事就叫白事】醒目森撞啱咗，日不落殖民地靠武力殺人無數，攻佔掠地，從香港入口鴉片到中國都白事唔少。還有，惡霸【The White House】白宮 都白事做盡，建國至今的240多年歷史中，只有大約16到18年的時間沒有參與過戰爭或軍事行動。
公道講句，一個疑心重的人都冇分貧定富，你唔好睇森伯平時搵個銀挖沙都冇，有些時候森老伯的疑心都幾重！！
刪除家中有曱甴都幾煩，由其是大曱甴，無端端飛過來嚇吓你，你有冇試過用方法殲滅佢哋呢？！好耐之前家中牆上有很多壁蝨，用了次滅蝨彈都OⅠK，佢有曱甴版，方便，做一次就得……
老人家邊有咁好腳骨，手力做晒咁多事項，係需要這些扶助，是真正需要而不是懶！！
你講的地方專做呢啲「白事」簡直作孽，未明白之前仲可稱為世界警察……
咁一爺幾時去紅館做吓紅事，請森伯飲？！
防騙就要疑心。
刪除第一道防綫大門口½月噴殺虫水，失效時 或會見到小強，加密至3次/月，情況尚算可控。
咁男人最緊要嘅腰力，森哥早就無埋？近乎腎虧！
係衰黑警啦！各國被霸凌也默默接受，而中國敢反手回刮一巴嚇親佢。不過，睇中國上升勢頭佢都唔惡得好耐。
間紅館食川菜喎！睇見紅噹噹辣椒我驚驚。唔破費捐血都係紅善事。
森伯好喜歡叫人請你食嘢，但同事請你小食又掉落櫃桶底，撩人哋付出愛心，負心人卻輕視人哋一番心意，扔落地踩幾腳，你咁嘅虐待狂，傷透人心...好壞呀！眼泛淚光。明顯咁不尊重人嘅態度証明森哥係好有talent嘅高富帥，有優質條件可吊高嚟賣，Show-off。
正所謂害人之心不可有，但防人之心不可無...無論防騙或防人都要小心，尤其要防一爺嗰類陽光小鮮肉，畀一爺食左都未天光...哈哈哈
刪除大曱甴真係幾驚，現在你能可控就最好~~唔知來來曱甴屋得唔得?!!...
中國現在好有底氣，面對霸凌行徑，都會反擊!!
我講的紅事，就係叫一爺辦喜事，請森老伯飲...唔理你係，生日大壽，拉埋天窗，孫仔百日宴，或者你的千歲宴...等等~~哈哈哈
森老伯邊有資格做高富帥，所有都係你想像出來~~森伯一向奉行平凡是福!!!!
你個照騙黨，畫個小朋友嚟站崗引人睇Blog，仲惡人先告狀，冤枉我。
刪除入屋曱甴都係細品種，無鬼用「來來」真係來咗呀！
我為人低調唔鋪張，怕交際應酬。捐血救人係喜事。將自己無用嘅嘢送畀啱用嘅人都係喜事。網購平嘢都係喜事。全都勝過你監硬揾人戥自己高興【結婚 生仔 牛一 】，搞爺愛搞笑不愛搞大。
咁你畫到自己係高富帥咪得囉！唔好畫細蚊仔咁戀童。
【森伯一向奉行平凡是福!!!!】咁你又叫我去紅磡體育館辦紅事好非凡，講一套、做一套，想讓我不平凡偷走我嘅幸福，我上錯賊船。哈哈
照騙黨?!!...你真係不客氣，冇博友會咁樣講野~~~你好似仲掛住cute版森伯個頭像喎...都換左好耐!!!!
刪除細曱甴都好些，以前家中都有細曱甴，不過自有鹽蛇以來都已經冇大規模見到，所以好尊重鹽蛇，簡直係家中守護神~~~
有時怕吓怕吓社交應酬，就會容易變得孤獨...
畫出來就冇意思啦，用AI生成一個AI森伯伯可能更好，但我唔會咁做，森伯伯個BLOG奉行"夠真"嘛，做翻真實既自己~~~
年紀越大問題就越多，睇落都悲哀，所謂軟餐又貴又唔好食，搵笨！但又有誰會估到自己幾時淪落到要食軟餐的地步呢？
回覆刪除軟餐生產商介紹，軟餐除了畀吞嚥困難人士之外，仲可以畀一些想爭取營養人士食用，兩餐之間都可以食，不過有幾多這類人會買呢?!!
刪除其實我們一般食正常餐的人，偶爾都不知不覺吃了軟餐：例如飲湯、吃粥、杏仁糊，芝麻糊，雪糕等等...諗吓都冇咩大不了~~哈哈
問題是將豬肉、菜、魚等打爛成糊狀作正餐食，真係好慘。
刪除哈哈，你講將魚打成糊，諗起都驚……
刪除一個人無事的時候，可能會覺得打成糊狀的食物好難食……但一個人有病時可能有糊仔食都好過冇！！
我見電視節目有介紹過，本意是好，但價錢未普及大眾化。
回覆刪除現在有很多與銀髮族有關的商品，都會做很多宣傳，可給大眾多點認識...
刪除價錢也是問題，未必個個捨得食...
軟餐是為吞咽困難的人士而研製，主要不是為生意額，而是顯示快餐集團的社會關懷。輕度中風的長者容易出現吞咽困難，多年前老牛丈母娘就是如此，所以老牛明白吞咽困難者的需要。
回覆刪除我也見本港的連鎖快餐集團有出軟餐，相信去光顧的食客也不會太多~~~
刪除若然生產商沒有出這種軟餐，病人自己或家人也會為他們自己製作這類軟食，要做也不困難，而且自己做，肯定比較清淡、健康、經濟得多...
我覺得自己打蓉咪得囉。
回覆刪除王子都好耐冇訪森伯……
刪除自己用攪拌機打都得啦，唔難！！
老實講大快活正推廣這種軟餐。
回覆刪除我有個懷疑，幫襯的人多唔多呢?!!
刪除我自小就是吃家裡煮的稔飯，到現在幾十歲，都是慣了吃軟飯。如果在外吃一粒粒米的飯，真是很無奈 ! 至於餸菜~排骨和魚雞等就要正常口感的。
回覆刪除你講起稔飯，我們家都有食稔飯的時候，多數不適時，母親都會煮稔飯給我們，我們會稱為稔飯仔，通常加肉碎好好食，不過通常有不適時才會吃的...而且稔飯仔亦不算軟餐...
刪除唔知點解食店的白飯通常又冇味又鞋，不過自己整飯又會喜歡吃偏較乾硬的飯，有粒粒的口感...
閣下的腸胃都幾好，喜歡吃一粒粒米的飯。
刪除我也喜歡吃實物的正常餸菜，但自小習慣了吃稔稔軟軟的飯，這個習慣就很難改變了。
腸胃是要鍛練回來，如果可以吃硬一點也好，不過秋葉吃開軟稔的東西，腸胃己經適應習慣了……
刪除現代人都偏向軟食，反而吃了略硬的食物，容易有胃痛……
看真，其實我吃的軟飯都是一粒粒的，不是一堆堆的。
刪除這幾天我想吃有咬口的東西，就不怕工夫多，煮了一盆冰鮮豬肚，竟然受得了，沒有胃痛喔。
飯的軟硬度好睇落了多少水來煮，近來煮飯都偏僅僅夠水就可以了，所以煮出來的飯比較硬身…
刪除豬肚是比較靭的食物，跟魷魚差不多，有次食魷魚食到胃痛!!!!
其實電飯煲是有刻度與量杯，不過新米與舊米的受水量不同。煮前泡浸過的米也較易熟。很多時我會以碟來蒸飯，省了浸洗電飯煲。為了適合自己的口感，我會在後期挾些飯粒試試。未夠稔就加些少水。
刪除始果你見到d飯好多水，又想快些有得吃，據說可以放一塊方包在上面來吸水。
*
想不到你食魷魚食到胃痛 ! 今次我第三天吃豬肚後，有點飽滯感覺，相信今年都不會再煮來吃。
不要逞強，我們不要吃太硬多渣的東西，通常那些咬不開的渣都要吐掉 ! 好好保護自己的胃。
若等到差不多熟就加水，會令飯粒更容易變軟，我自己就比較喜歡就有口感的硬身飯，吃起來粒粒分明...我都會用瓷碗裝著米來蒸飯，一來比較好控制水份，二來正如你講洗起來比較方便~~
刪除每日都蒸飯好少會出現多水或少水的情況...
煮豬肚食?!未聽過~~有次食魷魚，食到胃都痛，嚴重程度係爭些要入院果種，之後都少吃魷魚墨魚之類...
可能森伯呢類老人家，真係要吔軟餐過活~~~~><
蒸飯唔使洗煲，慳番些工夫，懶人所見略同。
刪除我買的是已經清洗乾淨的雪藏豬肚，鮮味當然差些，但係方便快捷。 雖然煮得耐都會稔，但係吃得多都係會影響個胃。看來要戒了。
魷魚應該係好難消化的東西，墨魚還好些。年紀漸大了，不要任性，謝絕硬物，好好保護個胃吧。
對我來講都未必全是因為懶，時下的廚具用品，少不了用些易潔塗層包裹著，盡量少黏鍋較為安全，所以用瓷碗來蒸都有好處...
刪除真係未聽過有雪藏豬肚...更加唔知點食!!!...
食魷魚都未必次次搞到胃痛，不過一般對魷魚都係麻麻地，吃與不吃不大相干...總之老人家吃東西都要小心~~
原來有這些軟餐第一次見到 , 其實把食物用機打爛我諗效果一樣 , 而且自家制作較新鮮 .
回覆刪除估唔到食貫中西，各大食肆的AK第一次見...
刪除這種軟餐的市場都有好幾年，目的客群是有吞嚥問題人士~~
對，我都覺得自己用機攪都差唔多!!!
據統計數字銀髮一族是一個大商機，甚麼保健食品、健康用品，甚致高消費的旅遊項目等等，我覺得推出軟餐產品原意是好，但價錢不貼地、講真食物是要講色香味，就算食軟餐都要做到吸引，睇見糊仔咁樣真係吾想食，我在老人院見到好多婆婆都是食完全吾吸引的軟餐，真是難為的老人家，想佢食得開心，都要花點心思，不過入左老人院好似好多老人家都是吾開心多﹗
回覆刪除我諗對很多地方的人們，銀髮族的商機都會很龐大，講到現在的健康食品，就算未到銀髮族的中年人士已經開始幫襯，所以現在多種的生意都是打中老年人的主意...
刪除食物的營養最重要，人人都知食物的加工時間越長越易流失，所以這些包裝食物就算不講味道，營養已經不多了，顧及食者的需要，即磨即食最理想吧!!!
羊羊很懂得為長者設想，看到像糊仔的魚糊，菜糊，梅菜扣肉糊...真係諗到都未必想食~~~
因為曾經聽人講過，進老人院的長者，都是等C，聽到都可怕，仲邊會開心呢?!!其實長者的心態也很重要，換個角度看可能會好些...雖然有些長者需要倚賴軟餐進食，但也相信親人專門為他們準備會開心些~~
好彩是軟餐，不是軟飯，前者遲早食，後者不應食。
回覆刪除哈哈，保持著健康的體格都唔一定遲早食~~
刪除