正所謂一年容易又中秋，熱暑過後，秋秋爽爽比較舒服，本來以為又打風，但佳節來臨，有些好天氣人們外出的意欲都高些，又撞啱呢排的股市又唔錯，外出消費都比較疏爽！
而森伯在中秋的主要消費是買月餅，今年都買了傳統餅家出的月餅，本來想購美X禮券，但見到美X舖天蓋地的廣告，多了貴了的價錢就是廣告費……而平價的月餅並不等如質素差很遠，若不高要求都OK！！
一向森伯個人易上火，無論幾喜歡吃月餅都好，基本上要淺嘗，或者飲些清涼茶，今年整個綠豆水，清清涼涼用來送月餅就可以中和燥熱……
唔知大家今年又買咩月餅應節？！
祝大家中秋愉快，人月倆圓！！
中秋節當晚食月餅時屋企傳統會冲壼菊普茶解膩。
回覆刪除阿媽會煲薏米水涼茶。乜你唔食綠豆渣？
之前咪話我九月接連衰運，十月竟然轉運，屋苑搞中秋晚會竟抽到第5獎聖XX月餅，雖然價值有限，我開心到失眠。是關我一向無抽獎運，一貫空手而回，但抽籤做差事就常中。唉！我從來不信運氣，靠實力一步一步達成心願，但見我咁好彩，祝中秋節大家都行運一條龍。
佳節愉悅，生活安康。
回覆刪除中秋節愉快！
回覆刪除我係最現實嘅人，我都唔喜歡食月餅，所以我乜都冇買。月餅價錢太過唔值，無謂使錢買唔喜歡食嘅嘢。