正所謂一年容易又中秋，熱暑過後，秋秋爽爽比較舒服，本來以為又打風，但佳節來臨，有些好天氣人們外出的意欲都高些，又撞啱呢排的股市又唔錯，外出消費都比較疏爽！
而森伯在中秋的主要消費是買月餅，今年都買了傳統餅家出的月餅，本來想購美X禮券，但見到美X舖天蓋地的廣告，多了貴了的價錢就是廣告費……而平價的月餅並不等如質素差很遠，若不高要求都OK！！
一向森伯個人易上火，無論幾喜歡吃月餅都好，基本上要淺嘗，或者飲些清涼茶，今年整個綠豆水，清清涼涼用來送月餅就可以中和燥熱……
唔知大家今年又買咩月餅應節？！
祝大家中秋愉快，人月倆圓！！
中秋節當晚食月餅時屋企傳統會冲壼菊普茶解膩。
回覆刪除阿媽會煲薏米水涼茶。乜你唔食綠豆渣？
之前咪話我九月接連衰運，十月竟然轉運，屋苑搞中秋晚會竟抽到第5獎聖XX月餅，雖然價值有限，我開心到失眠。是關我一向無抽獎運，一貫空手而回，但抽籤做差事就常中。唉！我從來不信運氣，靠實力一步一步達成心願，但見我咁好彩，祝中秋節大家都行運一條龍。
有時嫌飲茶都未夠解我熱氣體質，綠豆水用來飲，渣用來作早餐食！！
刪除中秋抽到月餅，可能係好運的開始，所謂的否極泰來，好多時抽到的獎品未必啱駛，但你抽到月餅就啱晒啦，中秋唔駛買月餅過節！！
我再祝你差運已過去，迎接好運來！！
唔好話芝麻綠豆咁小事，平價綠豆竟然係森哥滅火救星，小事化大事、催吉避兇好神奇。
刪除我淨係鍾意食鹹蛋黃，唔值得花十倍價錢買月餅慶中秋。選港姐問題，中秋唔用月餅，可揀咩食物?……鹹蛋蒸肉餅、鹹蛋蒸雞蛋。
網上惜食群組呢排有唔少月餅免費送畀人，學西方話：產能過剩。月餅送禮習俗是否有改進空間呢？月圓送圓肉，中國吉利红色嘅紅棗，煲桂圓紅棗茶補脾養血、寧心安神對長輩健康更好，話見特價買多咗/商場買嘢送嘅/朋友送嘅，發現自己食唔晒想幫手分擔吓，唔係禮物，拒絕長輩破費畀回禮利是，咁唔使揾長輩笨掏錢買月餅。
唔單止是我的滅火救星，對很多人來講都可以清熱，綠豆水幾好，我通常都是綠豆混合薏米，水可以飲，豆渣可以食埋去...冇嘥~~~
刪除其實月餅好食的地方，是蓮蓉加鹹蛋黃一起吃，才是當中好味的精髓...呢個港姐最後有冇得獎，識唔識得佢呢?!!...大把食物可以答!!!
據今年有人話月餅唔多好賣，真實唔太清楚，總之森家就大把月餅食，因為個個都鍾意吔，不覺不覺買得多了~~~~~哈哈哈
將傳統亂改就已經失去意義和習俗感...
算啦，一年一次長輩們都係駛開心錢，而且個利是豐儉由人，畀著要攞一爺封利是，我收到朱古力金幣仔都咁開心...寓意送甜頭畀森伯嘛!!!!
對住我常火滾，要食 (綠豆)² 打底。
刪除我個雜豆糖水都有『高纖』綠豆。
新拼淘時代，由阿華田改飲平1/6嘅 五黑粉（芝麻 黑豆 桑葚 黑枸杞 黑米)，補充鈣質就飯中加 0.3g 制豆腐嘅石膏粉。
甜蛋糕要加鹽，鹹餸加糖吊味，係最佳拍檔。最要緊係森哥喜歡月餅，大滿足！
我覺得傳統要隨時代進步，否則，森哥仲要梳個好醜金錢鼠尾辮 (清朝)。
類似港姐題目，無問過。
銷量下降，拼淘效應，選擇超多，夠膽試用，開拓大道。
婚後才可派利是，我無資格。
唔好學尾國霸權恐嚇人哋攞甜頭，會被稀土招鎖喉。
好哋好嘢都唔夾，難得同我一樣嗜甜。
火滾話咗就算，唔會放在森上，由其是畀一爺激時，過一陣冇嘢！！哈哈，森伯記得以前細時好小氣，但人大了反而豁達咗，有親屬關係既人就會被他們激到，但一般人激了，隔少少時間就冇野，你都要為森伯鼓掌！！👍
刪除有時外面買的五黒粉，驚佢假貨，這個時候，我會信有商譽的生產商……
社㑹是應該進步，應該保留的傳統也有保留的需要！！
學清朝的人梳條大辮，以前的人就可以，髮量比較多，現在的男士唔髮線向上移，俗稱雄性秃都偷笑，仲咁叻叻梳條大辮……你説呢番話突然諗起一位很記念的博友gael兄，我這樣回答過佢！！
現在人年紀漸老，盡量都減少吃甜食！！
佳節愉悅，生活安康。
回覆刪除我都祝願各位在佳節裡，開心又安康……
刪除中秋節愉快！
回覆刪除我係最現實嘅人，我都唔喜歡食月餅，所以我乜都冇買。月餅價錢太過唔值，無謂使錢買唔喜歡食嘅嘢。
口味愛好，各有不同，如果月餅唔啱食，可以慳返買月餅，以前會用月餅送給親友，但時代改變了，都費事打搞親戚，有心的大家去食肆食一餐便算……
刪除中秋節都是上茶樓吃喝共聚的好時機。推杯換碟，樂也融融。
回覆刪除家務事總是做不完，既然晚輩們送來月餅，我也懶得去買。回封利是紅底一二就是了。
對港人來講，中秋節多數上茶樓食食飯...一家人當作團團圓圓都頗高興!!!
刪除如果不用自己煮做節飯，又不需要去買月餅，都已經比較好一些，我仲以為過年才大掃除，原來中秋都要?!!...
祝中秋快樂。
回覆刪除雖然中秋已過，但都多謝你的祝願!!!
刪除完全同意。中秋食月餅是傳統指定動作，但老牛有自知之明，對高脂、高糖的應節食品都只是「淺嚐輒止」。中秋前後正是水果收成季節，所以最佳享受是食水果。但因為老牛必服的藥物之中有註明「不可食西柚」，於是連柚類都不敢食，只食其他瓜果。
回覆刪除中國人社會，農曆新年跟中秋節都是傳統節日，以前的人不是太多食物，所以一到節日吃的比較豐富，而且華人講意頭，吃得好，吃得豐富，才叫豐足...所以什麼應節食品都是又油又甜，正正中晒當今都市病的禁忌~~哈哈哈
刪除對呀，水果雖然好，但都要視乎個人而定，有些水果會影響藥物的功效...
中秋節雖然過去，但天氣都係好熱。
回覆刪除香港的熱天，起碼熱到十月中！！
刪除這個中秋，月不是太圓太亮，月蝕也沒看到，補祝森伯中秋快樂！
回覆刪除今個中秋正日，我反而沒有見過月亮，據講會比常日大，可是今年密雲較多……
刪除我都補祝你中秋後，日日都快樂！！
刪除