唔知大家對現任特首有什麼意見，最印象深是李特首成日講：做實事...忽然會想想李特首在任都有一段長時間，真實有沒有作過什麼實事去令民生受惠，我即時諗起的是「關愛隊」...簡單來說關愛隊是市民與社區服務的一種連繫，只要市民在生活上遇到問題，都可以透過關愛隊尋找到一些幫手...
對於一個完善社區來講，其實這都有實際需要，尤其是一些弱勢社群，獨居長者等等，往往遇到問題都不懂得找合適的幫手，當然不限服務對象，富貴人家找幫手都可以試試...
在森伯認知裡，每區都有關愛隊，如要尋求生活上的幫助，都要找找自己所住的區份的關愛服務...(如錯請指正)森伯老人家都年事已高，隨時搵定些關愛隊聯繫方法都差唔多喇!!!!!唔係講笑，係真!!!!!
關愛隊會更貼近民情，了解居民所需，是一個不錯的設計。
回覆刪除不錯的一種良策，尤其在現時港人口老化的情況，真的很需要這些社區服務...
刪除同意，每隔一段時間，我們都會參加教會的靜4乃4長者活動
回覆刪除教會雖然不是政府機構，屬慈善性質，但仍會不時見到有些惠民活動，例如什麼健康檢查等...
刪除同意，我們故十一月底會有一個嘉年華會作宣傳。
刪除能幫助一班區內的街坊也是很好，將近聖誕，相信亦有不少活動！！
刪除關愛隊增多D渠道為市民服務都好呀！
回覆刪除你選出嚟嘅區議員可以幫到你做社區工作。
仲有民政處、 社工、長者中心、青少年中心、賣旗嘅慈善團體 如明愛 信義 教會 救世軍 賽馬會 公益金 仁濟 紅十字會...。
未有區議會之前，有個電台節目你可以打電話去問，DJ會界定類別，幫助搵到政府咩部門嘅人和電話畀你求助。
有次阿哥問我阿媽遺留張輪椅可否用，我喺慈善團體搞嘅「香港輪椅服務中心」買過平零件去更換，知佢有維修和借輪椅服務，仲知道有D社區中心可借或租，上網一查就有十幾間，差唔多十八區都有。現今，上網會有貼心社區服務。
年事已高嘅森哥可以去長者中心，老人家行動不便，唔使好遠，梗有一間喺你左近，我區密度都好高。
一爺咁熟，真係問一爺就啱晒!!!
刪除一個完善的社區，的確要顧及不同人士的需要，至少起碼發生問題時，知道可以找什麼人來幫助~~
仲有民政處、 社工、長者中心、青少年中心、賣旗嘅慈善團體、如明愛、信義、教會、救世軍、賽馬會、公益金、仁濟、紅十字會...嘩!!!你的資料仲詳細過關愛隊本身，等年事已高的森伯伯抄低佢先，其實有些機構知道她的存在，但聯絡佢地都未必真正幫到手，很多人都怕佢地""耍太極""一個推一個~~~~
邊個電台節目呢?!!其實打得電台來都蚊訓~~~愚昧的森伯只識森美小儀的節目~~~~哈哈哈
其實現今有互聯網已經好好多，早前颱風的關係，極大雨水從冷氣機邊滲水，弄到間屋都一團糟，想搵幫忙處理這些家居的滲水問題...
講真，等森伯諗諗我附近有冇老人中心或社區中心?!我附近好似冇呢類社福機構~~~
睇個職員係咪有善心真心想幫你解決問題，多幾間梗會撞到好人。唔使抄好快變舊料 ，網上有最新嘅！
刪除問咩節目！！我話【未有區議會前】，即1982年之前，你戒奶未？當時情況惡劣，社區事務無人幫，有慢速救星DJ可化解問題己算好好喇。
入水有2個不同情況，封膠老化漏罅，如森哥愛情受傷心碎裂可修補。另一個係冷氣機安裝斜水唔夠，似橫風橫雨時擔遮要迎風「斜」擋。冷氣機結構係疏窿，大風勁吹雨水穿過九曲十三彎嘅窿入去，新機安裝夠斜可避一劫，呢個情況師傅出馬都無用。分體式無呢個結構缺點，就算好似森哥打橫嚟都唔會入水，錢解決到嘅問題就唔係問題。
【我附近好似冇呢類社福機構~~~】你無森就搵唔到，同啲黑心職員態度一樣。有錢佬區唔使啦！開咗拍鳥蠅，係窮人區才多多需要，政府安排密度高D。咁樣，森哥係轉個彎炫富。
其實做得這些社區工作，基本上都有善心去幫人，不過有沒有全心全意去幫助，就可能分一個個人...一爺有心寫出，森伯都要作狀抄低佢~~哈哈
刪除1982之前，唔係呀~~耐得咁緊要!!!!等我仲以為現在有呢類節目，有了互聯網，好多人都識去摷資料，好少仲靠電台，電台唔怪得話夕陽行業，阮小儀都要走人喇!!!
遲下AI盛行，可取代更多工作，新一代人普遍學歷高了很多，同時又要面對AI的勢頭，將來人搵工更加困難...
至於大雨入水，我都唔知什麼原因，因為早前換過冷氣機，當時係有搭棚安裝，但舊冷氣大部，新冷氣比較細，所以要用物料填封空隙，可能仍漏了些洞口，所以造成漏水...家中好天就唔理，大雨天就超級麻煩...
其實森伯住的是舊區，好應該有這類社區服務的中心或機構，只是森伯平時冇理到，正如你講要搵實搵到，森伯呢類老人家睇嚟都要搵定啲老人服務或老人中心之類~~~
森哥撞倒嘅都係善心人咁好運。
刪除繼續作狀落去等我開心吓嘛，森哥要關愛。
互聯網橫掃一衆舊媒體如電視 報紙 雜誌…。
留戀舊事，森哥依家仲聽收音機？
AI係最狠對手。哈哈！中國係美國最狠對手，記下2025年10月呢個歷史轉捩點，美國認輸跪拜中國，大國衰落里程碑。
低出生率必須高效率Al和機械人填補人力不足。
咁擠膠封窿就易D處理。
社區中心喺舊區揾大面積平鋪好難。
都係一啲啲咋，時時都撞到爛人，不過沒有在此講...
刪除未必會作狀落去，視情況而定，森blog主打夠真，夠誠實!!!配合返博主森伯份人，純情得嚟夠真...哈哈哈
一個互聯網，一個人工智能...可能主導將至的人類生活~~~現在電視都有睇，電台在有需要時才聽，報紙雜誌冇睇!!!!
世界大佬認輸??!!仲要跪拜中國...講多啲來聽聽!!!!正所謂人有人運，國有國運...總有起起落落，就算能夠領先，都要繼續努力~~~~
擠膠封窿好似好簡單，可能上次搭掤漏了做，難道再搭棚走出去唧膠咩?!!!
總之香港地的地很矜貴...
Banner上個年輕人頭像係森伯伯個孫！好誠實、好純真！
刪除為國安全推出稀土管制規則，要申報稀土最終使用者才批准賣貨。另外，唔買大豆，選舉農民票倉破產。唔買/唔賣都係武器，打到痛處，輸甩褲要減稅，迫住暫時休戰。平時都破口羞辱他國，客氣話你係佢嘅朋友代表害怕你呢個強勁敵人，要尊重你。
屋內擠膠封到無窿就唔入水。
好多謝一爺話Banner上個老人家俏像係年輕人，年紀大都呃唔到人~~~哈哈
刪除我感覺個""大國""好似得特X普鍾意講乜就講乜，冇一班所謂國家精英人才的智囊嗎?!!稀土問題，大豆問題應該早已輕諗到中國會有此一著~~
一路以來唔明中國點解會買大國的大豆，我初時都以為中國出產好多大豆...
平時都破口羞辱他國......哈哈哈~~~今次佢都要收下口，唔好乜都破口大罵~~
阿一爺咁叻叻，都可以教下森伯點擠膠......
我有同學是關愛隊成員，她們很盡心服務社區，因此也見到她們忙不可開交呵！
回覆刪除關愛隊組員是義工性質，他們用自己的力量同時間去幫助他人，這份精神很值得讚賞！！
刪除新界鄉議會成立的《仁愛堂社區服務中心》樓高七層，並設有室內游泳池。那是一個做實事的機構，多年來幫助過不少居民。
回覆刪除*
我在那裡做過5年義工，辦的是對內部：設計，和主持的工作。一般如講座、攤位、晚會等等。 外展的工作則比較刻苦，勞苦功高。
一般舊區比較多這些社區服務，其目的也是貼近街坊，尋求幫助協助都比較方便……
刪除秋葉也曾當過好幾年的義務工作，很值得讚揚！！以前記得最多是幫街坊身體檢查，量吓血壓等，有個地方可供老友記敍吓，傾吓偈……都已經唔錯！外展工作相信都比較辛苦…………
對內工作亦很重要，有些婦女因為個人病患，或家事陷於災難環境，情緒十分低落，需要在社區中心內感染熱鬧的氣氛，以舒緩心情，找到勇氣面對生活。
刪除我感覺社區中心冇事時，不會為意她的存在，但都有真正需要時，這裡都是一個有用的地方!!!
刪除我記得好耐前，曾在青衣社區中心，學過電腦...世事好得意，就是學了這次電腦，以後的工作都同電腦有關...當然還有很多微妙的歷程...
秋葉以前做的義務工作，是開解那些情緒低落的街坊嗎?!!你很稱職!!!
青衣我有去過幾次，公園和運動場很可觀，也是一個很好的外展場所。 你在那裡的社區中心學過電腦，為你日後的工作奠基，真是功德無量 !
刪除*
社工是一個專業，不同專長的社工人才，擔任不同的工作崗位。 義工是輔助他/她們工作的，雖然在年青時，我已經儲備了一定的力量，但亦懂得不會越權。
*
尤其是不會好奇觸及會員的私隱。 開解會員的心結是社工的責任，我是為她們組織各種興趣活動，引領她們活出自我，享受目前。
最後社工發出一個會議，讓她們盡訴心中鬱結 ! 這時我才看到她們真情流露的一面，聽到家家有本難唸的經。
社工姑娘們待我不薄，安排我晚上上課，成為正式社工。
但我追尋另一個科目，告別了5年的義工生涯。
當時所住的區分是在青衣，很順理成章都在附近的社區中心學電腦，以前這社區中心很多小朋友，學生聚集...
刪除到現在都很喜歡青衣，雖然已經遷離好一段日子，當中的不斷發展，還記得以前的青衣有如荒島的感覺~~
這個當然喇，社工雖是專業，但也不要忽視每個人的潛藏力量，有些人是很有人生經歷，正所謂甜酸苦辣的體驗都嚐過，去開解一些人是綽綽有餘...
現在的關愛隊有很多隊員都是義工，能夠用一己之力去幫忙不同需要的人，對他們來講也是人生體會~~
我諗有秋葉幫手去組織活動，都會稱職的，總不會有甩漏，其實早前都有機會去參加惜食堂做義工，不過我當時並冇參予...義務工作都有很多樣，看看自己的選擇可以做到什麼適合自己而已~~~
森伯真識講笑，「年事已高」真係唔似！不過，個人遇到什麼難題，搵自己所在區的區議員以及「關愛隊」都是不錯的。
回覆刪除哈哈，反而牛兄好識講笑!!!!
刪除現代人的生活問題都不少，或者真的會遇到一些生活難題，若然在困境裡有人能幫個忙，都已經很好了!!!!
睇電視節目知道有關愛隊上樓探訪獨居長者 , 行動好有愛心 .
回覆刪除係呀，在電視都見過不少有介紹關愛隊，畢竟由開始以來，大眾對關愛隊的評價都是正面~~~
刪除