已經有一段長時間沒有來過，尤其是早前的疫情，很多食肆都有防疫限制...直到現在，上酒店的網站，都仍有些措施需要遵守，就是拿取食物時需要配戴口罩...其實也沒有所謂，這樣也比較衛生...
始終食自助餐都是人多比較熱鬧，一兩丁人都甚少諗食buffet，今次就因為有親友回港，再次難得聚聚，所以約定到這裡食自助餐...
雖然已隔一段時間沒來，但內裡的佈置依舊不變，這個也是一種特色!!!
都是慣常吃自助午餐，感覺比較好，若然吃晚市，就會過於撐胃，難以入睡，亦對身體不太好...而午市就比較多糕點選擇，我認為這裡的糕點質素很好!!
而事實，現在很多食肆幫襯過一兩次就沒有下文了，我們能夠繼續有幫襯，相信都一致認為唔錯!!!
開始有點肚飽飽，但這個芒果紫糯米真係無得頂，都吃了幾兜...這一段時間都有和牛和榴蓮美食供應，餐內的榴蓮慕絲，個個都話未試過，而且好正!!
到離開自助餐那刻，都未見過一位食客配戴過口罩取食物，哈哈!!!既然進食時都要除口罩，都費時又戴又除...始終我們沒見過一段長時間，傾談為主反而吃東西是其次，重回這舊地，畢竟也是留有很多的回憶回味!!!
我的第一次：中五畢業謝師宴。仲要粧大個仔扮成熟，特登花錢買恤衫皮帶西褲皮鞋，準備投入漫長工作生涯。
回覆刪除『情人節系列：香港有個好奇怪嘅現象，啲女仔通常都話自己好細食，但偏偏又好鍾意食buffet。對於呢個現象，唔使明嘅，知就得。
99%嘅女人都係甜品迷，如果男人食自助餐係食肉為主，女人一定係食甜品為主。』從網上節錄。我覺得佢講得唔多啱，男女都揀貴貴海鮮食回本，然後按個人口味去添食，佢係收左錢嘅饍稿點人去邊度食自助餐。
老人攻略：老人胃口細就唔去。邊及森哥呢個年青人，不過，後生時都會唔食午餐兼運動到好攰，餓透腸胃清零才去嘆，大飽口福。 最近發覺斷食一日一餐都可令胃口回春，唔使做蝕本貨。
聽你所形容，你的打扮似足當時的占士甸果類，迷倒不少中五女生，或者小部份的男生都唔定...哈哈哈
刪除唔會喇，家陣乜野年代，來得自助餐都係以食為主，希望食翻夠本...呢度都有肉食，不過我冇放相出來，佢以鹵肉，燒味雜樣居多，啡啡黑黑相片不夠亮麗!!!
其實酒店出名糕點甜品，平時你去高級餅店一件餅或一個撻都貴到飛起，呢度可以任食都有著數，而且今次和親人去，有老人家(森伯做代表)，有細路，見到有啫喱雪糕都特別開心...
唔駛啦，下午去食輕鬆得多，冇咁大的飽滯感，返到屋企可以再食少少當晚餐就可睡覺!!!
斷食還斷食，有需要時我是可以破下例，不需要太過拘謹執著!!!
竟然獻上我嘅第一次都驚喜唔倒森哥！白費咗！
刪除白領斯文look。
我個八両金樣都唔輸蝕，吸唔少粉絲。
回帶自助餐片段，我嘅人生已翻開好多頁，由剛踏足社會工作到垂老，興幸仲健康。
知情識趣，善解耆意，自助餐係搏殺期，早茶係耆期，越傾越明。
親戚係森老兒子和孫女。
三幅相都係甜品，原來係森哥最愛，做人平時要嚴謹，放縱一下無問題。
唔收貨，你呢啲第一次冇咩驚喜……👎
刪除似八兩金都似明星，有粉絲都唔奇！！肯定一爺當年年少都不願放低偶像包袱，不可搏命拆又要扮細食，扮斯文……森伯就唔會，拆完一碟又拎第二碟！
森伯都冇諗過三代同堂食自助餐，你嘅創作力幾強！！👍
燒賣，牛仔骨都算甜品？！
呢度啲甜點高級，而且又色彩繽紛，啱晒好色的森老頭子！！😋
唔收貨…好色森老難服侍，麻煩客，戥你班妃嬪慘。
刪除男兒口大食四方，女子口大食窮郎。係好吖！斯文都可食到肚脹爆。
得你每碟都咸甜放埋一齊，一啖砂糖、一啖X，正常人最後食水果甜品，森異於常人。
甜點憑咪分高低？
我對蔬果瓜就好色，係好健康呀！每日色彩繽紛，森哥得呢一日，輸我成條街。
一爺有咁多第一次，講個最精彩嚟聽吓！！！
刪除邊個斯文？！邊個斯文？！森伯魯粗一名，唔會話我卦！！
出去拎食物，見到想食就攞，唔會諗鹹定甜，因住手快有，手慢冇！！
唔會喇，森伯不會拘泥於有冇食多色食物！啱食便食！！
最震撼嘅怕森哥未掃黃已心臟病發 ，俗稱馬上風。感到森哥偷窺人哋私生活好刺激喎！其它嘅，奄尖大少爺老森會冷感。
刪除估中無獎。 av片有水電工 地盤佬 送貨員 …明白森哥走咩粗魯路線，勾引好多人咩咩嘅！
森哥唔覺意爆響口喇！通常貴嘢才補充太慢，一般嘢都缺，間店麻麻，唔值人回首。森哥一定收左錢被買通，我睇YT飲食片達人都係咁呃人，畀D人留言鬧爆佢夾定作假。
森伯不會拘泥於有冇食多色食物…知森不好色。其它“色”就難講。
做人有衣食，即係要食埋層顔色衣，抗發炎衰老呀！
偷窺人哋冇咁刺激，可能偷窺一爺最大刺激...肯定有很多兒童不宜的情節發生~~~~哈哈哈，講起偷窺，記得早前進修要設計一張電影海報，我都揀左"偷窺"為設計題目~~~
刪除森伯唔係表演藝人，唔需要走咩咩路線，做返自己!!!
你真係細心，森伯的破綻隨時畀你識穿...其實呢度午市自助餐，應該比較珍貴係牛仔骨，牛舌，生蠔，長腳蟹，抹茶蛋糕等...一般食物都不斷有補充，一睇就知森伯冇收過人錢，成篇野都冇開過名係邊間酒店...
水果就多數會吃到多種顏色~~現在吃水果只要皮沒有蠟質的都會吃~~~
呢度都要衷心講句多謝一爺，平時留言留到第二次已經開始離題，今篇留到第四次都仲未離題...XXXD
偷窺一爺最大刺激...得森哥肯定我嘅價值，我飲得杯落~~~~哈哈哈！
刪除好到肉嘅設計題目，成功令人產生大量想像空間。
路線即係個性、性格咁解，不過，人前人後，總會遇到雙面人，或且隱惡揚善，做人得謹慎。
事實係森伯冇收過人錢，咁人哋冇收森哥錢…利益千百種不能盡錄…
離題…暴露我嘅弱點，就係無料寫，空白一片，要轉吓，所以，我話從小最怕作文，常常唔夠字數。
你唔駛咁快飲得杯落，偷窺前有"可能"兩個字，若未如理想的刺激好笑，都照樣唔收貨~~哈哈哈！
刪除沒有大量想像空間，個戲名自己虛構，你作咩都得，不過在設計上也要配合個題目...
逢做每一件事都要有個目的，夾硬將自己性格去遷就路線又為什麼呢?!!
你講錯，人哋就收足森伯的錢，現在的乜餐物餐都唔平架!!!!
我小時對作文屬一般，人大了感想多了，才將森情與感受以文字表達出來，寫寫下又喜歡了寫作同畫畫......
~~哈哈哈！早已吞左啦！現在兵荒馬亂，要及時行樂，下次手機響起可能炸C我〜因我係真煮黨(少外食)，誤中副車。
刪除逢做每一件事都要有個目的…我會有漫無目的嘅時候。
你講錯…總之，我講乜都錯，森哥啱晒。哈哈！發晦氣！！！
喜歡了寫作同畫畫......森哥喺古時係文人雅士，我就唔得啦！
現在手機響一響都可能會驚驚！！你係真煮黨都要小心買菜的時候連街市都炸埋！！
刪除有時候，太有目的就會有壓力，樂得逍遙更好！！
森伯老人家食鹽多過你啲後生食米，講野冇錯……咁講啱你聽啦……
多謝你用文人雅士形容森伯！🙏
去年有校友來港，在港校友搞手約了去尖沙咀某酒店食午間自助餐，酒店出品當然品質一流，大家「盡興而歸」。不過其實老牛甚抗拒食自助餐，因為一班長者食量不多，也有許多「戒口」不食，實在是大浪費（錢），不如在酒樓飲茶那麼實惠。
回覆刪除其實自助餐對我來講，不會是時時都有，通常有什麼聚聚才會去，疫情至今都已經有好幾年了...不過相當認同牛兄所講，自助餐都有太多不健康食物，若要戒口就要注意一下，不過佢的好處是你不能吃這食物，有其他可選擇...
刪除哈哈，牛兄真係講了我的森聲，有時覺得飲茶仲好，實惠得來又可揀自己鍾意食的...
我已經很多年沒有吃自助餐了，因為價錢越來越貴，我的胃口卻越來越細，所以性價比好低，一般同朋友相聚我會選擇去飲茶，食幾多比幾多錢，一般人均消費百多元而已，而且坐幾耐都得，試過坐到酒樓午市收工。😅
回覆刪除哈哈，講得對呀...自助餐的價錢越來越貴(差唔多年年都有加...)但是胃口就越來越細~~~~~不過一班人去志在開心!!!
刪除其實親友回來，第一站已經是飲茶，他們太耐冇飲過茶~~第二站先到自助餐...
認同，飲茶比較實惠，食幾多，點幾多，畀幾多~~~~~~
鍾意食自助餐但食量少，生嘅又唔食，回唔到本少去。嘻...
回覆刪除對呀，有些人未必樣樣食物都喜歡吃，夾硬去食又唔抵，所以有博友講去飲茶仲好!! 哈哈
刪除這5年來我已經甚少吃自助餐，因為自己食量少，眼闊肚窄，而且疫情後百物騰貴，與其都係貴，不如散叫，貴精不貴多。
回覆刪除係呀，其實人越大，消化力都沒有太強，食少少反而覺得滋味，我們之前食晚市自助餐，到將睡覺前都未消化，飽住肚來睡覺都係幾辛苦，所以日後都揀午市，較經濟又唔駛太辛苦……飲茶叫點心最理想！
刪除自助餐好奇之下每樣食少少好容易食多咗 , 對胃唔太好 .
回覆刪除對呀，有時拿取多款的食物，想試東，又想試西……這樣就好易搞到肚滯滯……
刪除看來森源都很喜歡這裡的甜品食物。 一邊聚會一邊吃buffet，人多就是好，各有各去拿喜歡的食物，無拘無朿。
回覆刪除在香港我少光顧，反而去國內外旅行，大部份都包早餐，大多都在是吃自助餐。我和女兒都是慣了逐漸逐漸吃，不會一下子吃太多，從來不會有過飽的問題出現。
旅行團是包三餐的，其餘兩餐就是圍枱共吃，其中總會出現一些眾生相，令人發噱。
刪除其實席間個個都喜歡這裡甜品食物，呢度的鹹品冇甜品咁出色...若然想聚聚，談談天，選擇自助餐是個不錯的選擇~~而事實上外邊很多食肆，無論貴價或平民價，煮食的質素都係麻麻地，反而自助餐不喜歡吃這個，便可選擇其他喜歡的，總有一樣合自己!!!
刪除對呀，現在人漸漸大(老)了，也不會吃得過飽，僅僅飽就可以了...
秋葉閱人無數，上下打量便可掃視出人的內外真性情~~~期待秋葉可以寫篇生活的眾生相!!!!等森伯學下野!!!!
當然我不會記得很多圑友的名字，縱使記得也不會說出來。不過數人家的過錯很無品，辜負你的期待了。
刪除只記得一件很特殊的小事，不知道閣下認為是大還是小？
＊
有一次在廣西，剛剛來到圍坐在一起等食，見有人陸續去洗手間，我也起身去了。
回來見側邊的女士問我：多不多人排隊？
我說：現在不太多人，要去就快些去啦。
誰知她身旁的丈夫對她說：「不要去。遲吓返上房間先至去啦！」她果然不敢動身，無奈的坐著。
當時吃飯的地方，距離旅店有一段路程。等到食完飯，又要回到旅店才去，都要隔好耐時間喎！容乜易瀨嘢？
刪除睇佢樣咁權威，又唔似係講笑喎。奇人奇事一樁。
不要緊，不便說出來也沒所謂…數人家的錯，是很小家的行為!!!
刪除秋葉說出的事例，我認為是很小的事，外出旅行，車程也不知道會用多少時間，若然在車上人有三急，要上廁所就相當麻煩，所以有洗手間的時候，就乘機去一去，免在車上有急時便要死忍……不過去不去排隊是她自己的事，亦與人無關~~
的確在生活上都會遇到些奇人奇事!!!!
真係奇人奇事！身為現代男女，點解ｄ“思想行動”好像時光倒流五百年似的？ 我不是天眼通，所以不明白。
刪除這件小便事件，其實關乎健康，係會造成好大件事ga！
根據醫學文獻記載，有人鬥氣故意忍尿，誰知中了尿毒症，死了！
以前的社會男權至上，女人無權無勢，無工作只有依附丈夫，言聽計從；但相信也未至於：連廁所都唔敢去吖？
所以，我真係唔明白點解？
可能秋葉只是活在自己的童畫世界裡面，見的人多數是正常不過的人…其實這女士也不算很怪，只是沒有主見，連上廁所也不敢逆她老公意思…
刪除當然知道有內急，常常忍著不上廁所，對身體一定有影響，不過未必人人都知道，認為是小意思……
每個人有每個人的想法，外人也管不到什麼!!!!亦有可能這女士一向對她老公言聽計從，他說什麼就什麼!!!!
唉！一個要打，一個願捱，真是前生結的冤孽！
刪除乜秋葉都相信什麼冤孽之類!!!
刪除其實呢種情況都時有發生，很多情侶組合也是一個願打，一個願捱~~當然都有相敬如賓，不過比較少數...