最近常常看到博友牛兄post出來的舊照，不其然令我想講講相片這回事…
這個題目都想寫了好一段時間，等有多點構思才寫吧…等吓等吓都放低了~~
今時今日，影相真係相當容易，用手機隨時影都可以，影了就放到手機裡，他們認為要睇便打開手機都很方便不過，但森伯伯始終喜歡拿著一張張的相片來看…以前細個有人要拍些團體照總覺得勉勉強強，可能3歲定80，到現在也會社恐發作，如非必要都甚少與不相熟的人拍這團體照，但是家庭照就沒有問題~~
以前的沖曬店處處也有，但近這十數年間，只有這間有名的沖曬店還有門市，這店亦有最低消費，計算過每次要晒的相片，都起碼要大約六、七張，而我通常都會儲起電子檔，夠數才拿去沖曬…現在認為有收藏價值的相片才會曬…
其實在眾多的物品中，我認為相片是最直接及最能留住當時一刻的東西，人越大越覺得舊相片很寶貴，寶貴之處在於，相片基本上只能拍攝一次，如沒有了，就不能重拍第二次了…
相片不單只是回憶，而且包含著：歡樂、感觸、唏噓、遺憾、感傷、會心微笑…就只有相片有這魔力…...森伯也想知知大家，你們到現在還會去沖灑店沖灑相片嗎?!!還是已經存在手機內，想開便在手機看呢?!!
森伯，相片包含了好多回憶，最近執拾家人離去留下的物品，找到好多相片，大家都談論這相片是那個兒時，又有好多家人年青時的相片及合照，這些珍貴的照片，如是在手機內，大家都未必睇到，哈哈﹗我成日都話要去曬旅行相放在回憶版內睇，但相片在電腦內，真是無乜心機去簡選^_<
回覆刪除係呀，只要有本舊相簿，都可以消磨大半天，始終在手機電腦睇係兩回事，說得對，把相片放到手機電腦內冇心機慢慢睇，亦未必方便傳去大家一同看，一同講……今日最普通不過的生活照，就可能成了將來的回憶，尤其有親人的離開，這些相片顯得更珍貴……
刪除羊羊的旅行版相片，相信要百多本相簿先夠……@@
我呢邊冇哂呢啲舖頭喇。要print就去類似萬寧屈臣氏入面嘅自助服務。
回覆刪除你唔講唔知，原來奧國的相片要咁樣晒！！都唔係太麻煩，假假地都有相睇下…
刪除相信每一個人都很珍惜兒時拍下的照片。家庭相都很多。
回覆刪除自從成了姐姐的拍照專員，我就愛上了拍照。當時的相機是借回來的。在日積月累之下，大相簿有十本八本。
要拍一張人景俱佳的照片不容易，起碼不要頭上頂著燈柱。
*
當年買菲林，晒相，真是不惜工本。
晒相店送的8r小相冊很多，填滿了照片的小相冊，堆滿不止一個大膠箱。以前看膠底片來揀相晒，很花精神和時間。
相信很多人兒時的相片都特別珍貴，兒時成了過去，想拍都冇可能重拍……
刪除以前的人要擁有一部相機不是易事，用相機影相都會隆重其事，尤其有些家庭會專登著得特別靚靚上影樓影全家福，以當時年代己經覺得好開心，期待影樓打來說有相攞……
我認為相片最能打動人心的不是那些衣著靚靚，又搵晒靚景拍攝的相，而是最平凡，最日常的生活照，最能觸動人心的相片！！
人各不同，家姐喜歡穿著時裝，找我去為她拍照留念，我就要盡力做到最好，務求人景俱佳。
刪除對呀，每個人的看法也有不同！！
刪除以當時來講，能夠拍攝都做好準備，買靚衫，set頭，搵靚景拍攝……看來秋葉的姐姐對生活照都有點要求，很認真！！
非常同意，我曾經有些地方去了也忘記了！無意中翻看舊照片，才知道已經到此一遊。
回覆刪除可能stella去的旅遊實在太多，忘記了也不奇……
刪除通常晒完的相片，若記得都會在後面寫回拍攝日期！！
多謝科技發達，唔單只拍照，連拍片都普及化，對照現在和舊時衆生相真有趣。
回覆刪除拍相可以係月老牽紅線/求偶工具：拍照，(黑房曬相)，睇相，分相，至少制造3次約會機會，夠時間睇真D。
女仔打扮化妝成隻雀去應約。係要符合男人係睇外表較膚淺，當然要繁殖後代產優良品種啦！
男仔要學拍照去追女仔。相機貴，冲曬相貴。懂拍照係才藝加分。女仔睇長遠有深度，睇才能兼財能，知道能否擔起頭家，托附終生。
刪除以前的人有相機不易，可以影相都會隆重其事，影相，晒相，睇相，攞相都可以促成一段姻緣，不過呢類追女仔手法，已是六七十年代……現在已經冇呢支歌唱！！可能一爺重用緊嘅！！🤭🤭
刪除不過現在的科技好好，影相拍片都已經簡單化，揀到最滿意的相片才去晒，諗諗以前的菲林相影的相有紅眼，合眼等蝦碌相，數碼相機年代己沒有了！！
刪除取笑我吖！靚仔強森哥不愧係溝女聖手。
深思自己相片價值高嗎？對其他人來講就係廢紙，『人離鄉賤；相離我賤』，錢紙就唔會咁貶值。
愈老對身外物愈不重視。後生時我覺得生命有好多窿需塞滿物品，窮人總是破破爛爛。依家欣賞留空之美，有D窿唔填會更開心。我想講，自從數碼相橫掃全球，我已無曬相好耐。
而家係你取笑森伯，諗起你(據你形容)穿起恤衫皮帶西褲皮鞋，簡直係溝女的至高境界~~堪稱校界的女生殺手!!
刪除對生活有些期待會更好，當一個人外表好似已經睇化，其實並不是睇得開，只是萬念俱灰...
森伯反而越老越想儲起一些有回憶價值的東西，若然有日走到人生的最後一段時間，可能這些東西就是唯一的精神食糧...
當然喇，家中空間有限，所以買東西都越慳位越好，或是多功能用品，一件可以頂幾件...至於相片都越曬越少(減少數量)，最有價值才曬一兩張...
你無相曬，可能並未有值得曬的相片啫!!!
都話係偶像和粉絲，如同師生要恪守界線，不可潛越~失德呀！
刪除睇得開同萬念俱灰嘅分別喺邊度？
精神食糧~我睇YT飽C，三隻眼界都打開，資訊爆滿好睇過個人啦！實在忙到無空摷舊相睇，曬乜鬼吖！
斷舍離係不要為假想未來需要而貯存無用物品，放家一年不動就要掉，相片就係啦！
乜當年一爺暗戀過老師?!!
刪除睇得開比較正面，而萬念俱灰比較負面...
常常睇YT就飽?!!都要抽空時間做下其他事，睇相最好同人，一齊睇一齊講下傾下，家陣人人都喜歡自拍，其實都唔錯，可以睇睇自己這些來年的變化...肥左，瘦左，靚仔左，定醜樣左!!!!森伯越睇越想喊~~~~~
唔會啦，森伯買野都要考慮一大餐，真係需要先買，無乜貯存而無用的東西...下次你的存款擺足一年都冇郁過，通知森伯過來回收!!!!呢樣森伯樂意嘅!!!!!!!!^^
森哥睇得太多AV片，惡果咪好易聯想到師生戀。
刪除我無YT毒癮，有空才睇。
森話：『若然有日走到人生的最後一段時間，可能這些東西就是唯一的精神食糧...』 到時係孤獨老人無人一齊陪睇。森哥睇相喊啦！我睇YT笑。正面係做人要向前看，回憶咩吖！要貪新片忘舊相。
森哥唔好咁貪錢啦！露出騙子樣，無人要喇！
你真係好嘢，師生戀都可以同AV扯上關係，乜你睇親AV都揀師生戀呢類題材？！！要睇AV都唔揀呢類，咁悶！！😄
刪除睇相都唔一定喊，都估到一爺平時求其睇森伯的博文，志在借留言來暗寸森伯！！篇博文有講：有歡樂、感觸、唏噓、遺憾、感傷、會心微笑…冇提過喊字！！當人生走到最後時間應該回看自己的人生，唔係展望將來，你的邏輯思維有啲問題喎！！👎
森伯有邊句話貪錢，慳錢就真！！😔
每次睇番D舊相都有想當年的感覺。
回覆刪除有冇發現以前影嘅相，有些模糊不清。
係呀，相片仲有種魔力就是帶看相的人返回當時年代，當時場景……
刪除我也有同感 , 每次看舊照片都會好細心諗下當時咩環境 , 想當年一番 , 以前哂相貴通常會睇清楚才按鈕 , 現在太簡便影得唔好立刻再影過 , 所以覺得冇咁珍惜 .
回覆刪除對，相片真能把回憶帶回當時的情景，亦會同時覺得時間過得很快……
刪除好耐之前的菲林機年代，要最好才會按掣，通常好少影幾張，只因菲林矜貴……
我從2000年開始用數碼相機，已經十幾廿年沒有去沖曬相片了，但我不喜歡將相片存放在手機，而是放入電腦，因為日積月累會佔去我很多手機儲存空間。特殊情況下我可能需要印幾張相片的話（例如有特別紀念價值的相，我會印8R放入相簿），我會用家中的printer印出，簡單、經濟、快捷。
回覆刪除十幾廿年冇晒相？！對森老伯來講，真的不可思議……我平均一年晒一兩次，把電子相儲在電腦內雖然比較方便，亦沒有實體相要空間放置，但電腦手機就很少再拿出來看，而且有些相片太耐，電子檔也出現死圖，再不能打開，始終有些自覺珍貴的相片，都是晒成實體相比較好……
刪除甚有同感。老牛也習慣將照片沖晒出來成為「實體照片」，因為手機太細太耗眼神。那些幾十年前的黑白老照片，當然是珍貴寶物，不但記錄了歷史，也傾注了感情，每次重看都愛不釋手。
回覆刪除對，尤其手機或電腦，通常都有很多相片，要找來看也不是易事，因為手機影相容易，什麼也拍拍拍，太多無謂相！！認同牛兄所講，真正有價值的相都是晒成實體照比較好……
刪除自己對處理圖像軟件頗熟，有些舊照經掃描後，再把相片瑕疵執去，再沖晒，就變新淨相片了！！
Great blog
回覆刪除Thanks!!
刪除Please read my post
回覆刪除Okay!!
刪除