相信大家近排都聽到，有不少伴隨著港人多年的店舖，也要走上關門大吉之路，上星期就聽到華潤堂，其實這藥妝店感覺是屈記同萬記之下，買的東西就比較經濟實惠，原本分店都幾多，家附近也有間，通常都係幫襯佢買藥用茶籽油!!
而同一報導都有提及另一間是南小館，不知大家有冇幫襯過呢?!!這間也要關門大吉，聽到時都有點出奇，因為早幾個月前幫襯過...
其實裝修舖面也十分舒服，感覺乾淨企理，食就食裝修...
至於食物方面，叫的蒸包、葱油餅、豆漿只是極度一般貨色~~用料也不是什麼高檔食材，有時上茶樓叫的點心比佢還好味!!!
服務態度我認為幾好，但網上的說話認為差...講到最後都要睇睇價錢，只能說一句幾貴!!森諗：下次未必會幫襯，明屈!!!估唔到事隔數月後都要關門大吉~~~~
現時香港的零售業真的無什麼起色，很多人都認為港人已習慣上內地消費，香港的零售就一潭死水...香港租貴，而食舖亦因此賣的價錢也上升，而店員的態度亦未見得親切和善...或者這個就是結業店舖的死因，救救經濟不只是等政府幫手，香港的業界都要求變革新，否則結業的消息陸續有來~~
租金貴、人工貴，零售業真係好難做。但有些食店的員工態度也不好，實在是「趕客」，咁點救經濟？死梗啦！
回覆刪除對呀，留住客人是最難的事，香港食肆通街通巷都有，能夠讓食客再來幫襯都要諗諗計...
刪除員工態度都好重要，都遇過有些店員態度極差，下次再幫襯都要諗諗先~~~~~
我活了幾十年，開業結業見了幾十年，早已經麻木了。香港是資本主義社會，崇尚自由經濟，香港人也一向靈活多變，既然潮流變了，大家也跟著變好了。
回覆刪除其實每日都有店舖執笠或開張，商業社會就是這樣，循環不息...現在的經濟環境，消費者可能用個錢都要駛得有價值，若然要付出金錢，都想有好的質素，好的服務態度...
刪除森哥好厲害！呢個題目好大呀！
回覆刪除世界經濟自疫情後都灰沉沉，靠外發達嘅香港經濟當然一樣死氣沉沉啦！美歐更踩多腳撤資。
答案要揾幾百萬年薪嘅財爺 特首把脈，餵食咩回魂丹呢！我要交白卷。
森伯都知係大題目，所以想考吓一爺，可唔可以有方法拆解...
刪除其實世界各地經歷過疫情之後，經濟都係麻麻地，所以個大環境都是不大理想，做零售業界都好應該作個改變，每樣事都是"事在人為"，現在有很多什麼賣平東西的地方，都會比較好生意!!!證明大家都鍾意平靚正~~~~哈哈
森哥係想擊退波波當高官。
刪除正常考官係有答案，唔係咁正常嘅森哥個答案呢？
窮咪執平嘢，好似森哥咁叠米肯定疏爽啦！森哥必須買貴嘢襯托尊貴身份啦！如果買平嘢畀人知道，人哋會唱衰森哥唔掂快要走佬。
森伯點敢向波波獻計，森伯只是蟻民兼赤貧人士，只係拿出來同大家博友傾傾偈……
刪除森伯冇咩崇尚物質，實用就OK，平時都買平野，特價野，現在一般的普羅大眾都以慳錢為上，邊會周圍唱人，除左一爺就肯定會唱衰森伯買平野！！😢😢
幫趁過，我對荃灣的南小館體驗很差。
回覆刪除你說得對，這間是荃灣區分店，食物的質素好一般，沒什麼上海菜的特色……
刪除疫症後我都有上食店吃東西，不過比之前少了很多。
回覆刪除有些食店的人流是少了，食物也差了。但是本區的著名粥店，和西餐廳仍然暢旺。我很喜歡這間連鎖粥店的食物，招呼也不錯。
對，疫症期間，要遵守防疫措施，都不會隨便到處吃和逛...我都甚少外出食，通常都是有其目的才會去...
刪除這個時刻可能是店舖汰弱留強的考驗，好的食店人流暢旺，自然有得留低...
希望秋葉搵日可介紹一下你講的粥品店，而且他們的招呼也是好的，讓大家博友經過附近都可以幫襯!!
這家粥店在新界地區，取食物都是聽傳呼自助，沒有人招呼的。阿姐之所以好好的招呼我，可能是敬老吧。
刪除我不敢說人人去到都稱心滿意。
其實以自助形式都唔錯，事先講明就最好，有些侍應扮忙，扮聽唔到，都遇過!!!!
刪除既然咁敬老，若然森伯去到，相信阿姐都有好好的招待~~~
講得對，每個人感受唔同，認為好的，別的又未必如是!!!!
而家香港各行各業生意都勁差，食店方面我覺得有好多嘢係日積月累，尤其有好多掛羊頭賣狗肉嘅小店啲服務態度真係差到無論，咁人哋blacklist你北上消費都係正常㗎喎。😅
回覆刪除雖然話差，但未至於全部，例如賣兩餸飯，平價家品店等，都算在逆市中有錢搵……
刪除你說的對，冰封三尺非一日之寒，一間店若然質素差，服務態度又差到無論，要執！都係遲早嘅事，有啲真係唔抵可憐……