時下有股風氣十分盛行，就是一股懷舊風，不理會是什麼，只要加上什麼回憶、年代、懷舊、復古...這些字眼，就會引起大家注意!!!
幾年前去過歷史博物館，都有部份是用來展示懷舊物品，當時都覺得蠻不錯~~時至今日文化博物館也同樣展出一些"懷舊回憶"──就是這個「瞧潮香港60+」我估計是講60年代至90年代，因為當中的展品大概是這些年代...
這些機械人玩具應該是一代人的回憶，不知看森博的博友們，有冇人玩過或擁有過呢?!!畀著現今的細路，呢種笨重的鐵甲人根本未必睇上眼!!!森伯應該未玩過兼沒有擁有過~~
這些唱片封套該是屬於七、八十年代，時至今日這些舊歌，還可以在今天2024年的電視裡聽到，就算是"中年好聲音"，都有人揀這些歌來參賽...
感覺上這些抽YES閃卡的玩意不是太久，該是九十年代...但屈指一算已經是30年前的回憶，厚驚驚呀!!!!
展品是明星閃卡或叫明星相，左邊有四大天王，右邊有寶珠姐，芳芳姐等...唔知大家的年代，有冇喜歡儲邊位明星的閃卡或相片呢?!!
森伯應該未玩過抽閃卡和有明星相...
諗諗下森伯好似同時代脫晒節，幾悶蛋!!!乜都未擁有過，乜都未抽過，乜都未玩過...仿似一個時空旅行者!!當然是石器時代的人回到現今世代啦...> <
看完這個展覽後，個人認為展品偏重講歌、影、視的流行文化，我認為60年代至90年代，仲有大把其他的香港文化可以講講...
機械人，閃卡都冇我份，但那些年的金曲，現在還是我手機裡收藏的歌曲，皆因現今的新歌沒法比得上。
回覆刪除到我的成長年代，所謂的機械人已經是高達果一類，做得比較細緻...
刪除在相片中的歌曲，森伯這刻也未收藏在電話上...不過後期買過集錦CD，是劇集的主題曲為主!!!
懷舊的事物陪伴大家成長，總有一份情感，加上現在很多娛樂也不合心意，那就更加懷舊了！近幾年我多了一份喜愛，就看奥運啦！
回覆刪除你說的對，通常過往陪著大家成長的一事一物，特別鈎起很多人的回憶...當中包括懷舊食物、玩過的玩具、以及以前聽的時代曲~~~
刪除奧運要等幾年一次...
玩具展品不屬窮人，非大衆文化，係小衆富豪文化。
回覆刪除錢薄物質文化遺產有 各式棋 拍公仔紙 啤牌 麻雀 竹簽 5塊石仔 彈波子 …
莫財非物質文化遺產 十字鎅豆腐 123紅綠燈 大風吹 伏匿匿 黐紅豆 猜樓梯 猜皇帝…
窮小子去小童群益會，周六/日教會團契玩囉！
所以，文化博物館取材應該小撮/大衆？反思文化係咪呢？
舊歌旋律悅耳扣人心弦。港樂壇墜落無錢途咪小好歌。70~90年代曾經流行日劇 日歌 靚明星 一列媒樂事業產物現今都不見蹤影。
對呀，以前玩玩具的多數是有閒錢的人家，才會買玩具給小朋友，一般大眾的細路，就用簡單的東西創作一些玩具自己玩~~
刪除你講的玩意有些現在都有人玩，並非屬於舊年代，新年會玩下啤牌，打吓牌食吓糊...你講的集體遊戲有很多都唔知點玩~~通常都係一群小朋友才能玩的遊戲!!
其實文化博物館這些展品都OK，因為那些玩具已是舊物現在已看不見，博物館好難將以前的遊戲當作展品來介紹...
七、八十年代的歌曲真是最輝煌，現在的電視台也是食老本~~~
收集到森私資訊庫，遇到大時代插圖用得着。
刪除森哥工作仿如電影道具師，要頒個金像獎最佳美術/最佳服裝造型畀森哥。
今次唔係好明你講乜……
刪除再過幾年AI已經應用在美術等設計上，畫圖用人工智能……
當森哥接到插畫講香港60年代咪有材料知點畫囉！
刪除唔使臨急抱人腳，機會係留畀有準備嘅叻森。
其實，工作都似拍電影嘅美術指導。
咁森哥係咪半個世紀後才用AI畫圖！
一向畫野攞靈感，都可以網上摷參考圖片，以前都係靠觀察記在腦，相對現在有上網方便得多！！
刪除咁又冇電影美術咁複雜，人哋做好多資料搜集，又要配合道具上幫手……
老人家森伯用AI畫圖，可能要等一個世紀之後！！🤣
依家除左唔識上網老人家，全世界嘅難題都喺網上揾到解決方向，當然要篩選假嘢啦！科技推進人類發展和改善。
刪除最新穎手機都內置AI晶片和程式，唔知有幾高智慧？更高層次地幫到咩手呢？
咁森哥最深刻搜集資料嗰次有幾 迂迴曲折 同震撼人心？等我了解唔知道嘅插畫師職業生涯嘅鹹苦。
森哥快啲去凍精，等一世紀後可延續生命。
對呀，互聯網對現代人的生活也十分重要，個人工作、娛樂、尋找資訊等統統都關事...
刪除AI其實好多工作都幫到手，可以實現懶人願境，幾下手做一幅畫，之前我咪試過用自己相片變幅圖畫，半分鐘都可以做到!!!
森伯只係在內容裡加些插圖，冇你講到成個插畫師咁...最初的工作仲可以搵啲已有版權的圖畫書冊找圖，慳水慳力...
乜凍精你都玩埋?!!就咁放響雪櫃就得?!!!哈哈哈
半分鐘好快手，顯得森哥好遲鈍(你老闆話)。啱啱見到有AI藝術師，快有AI插畫師？
刪除如果內容如玉脯團，森哥加插咩呢？
你估好似麥精咁放雪櫃咩…咁回覆嘅…好唔對路…我太天真…唔通…販賣呢D係咁…
森伯幾時都咁遲鈍，老人家慢手慢腳，冇你哋後生人咁手腳快，活活潑潑~~~~
刪除玉脯團有番咁上下歷史，會加插中式古代元素，比較合適...
講開麥精反而想問問滴雞精需唔需要放雪櫃?!!!唔放雪櫃變左質會好嘥~~~~~~
森哥寶刀係咪生銹？搽油會順快啲。
刪除面對藝術裸露故事，森哥會露三點嗎？
奉行原形食物法，我唔買加工嘢又點知呢！乜森哥常食滴雞精…一日三次要補精！
森伯一把年紀，搽驅風油，跌打酒就有份！！
刪除老人家好少睇故事，只記得下午三點吔下午茶，斷食下午茶係早餐！！
我見都未見過滴雞精係咩款！！😁😁
有些回憶係美好的，值得一再回顧。
回覆刪除或者很多人都認為，過去的一事一物，總令人緬懷充滿著情感...
刪除「舊書好讀，舊木好燒。」我是一個歌迷，上個世紀的中外金曲，都是我的良伴。
回覆刪除有共鳴，某些歌曲真的陪著一代人成長……
刪除以前的歌一揍出，都識哼幾句，或成首歌唱都識唱！！
近日在YT聽到一首特殊怪異的歌曲，令人發噱，想不笑都幾難 ! 除了喜歡陽春白雪，我也是個下里巴人，因此敝博轉載了這首歌。
刪除有時喜歡一首歌曲，未必要好聽，好特別都得！
刪除我聽歌沒有什麼太揀擇，好聽，合自己聽就可以！！
既然秋葉下載了歌曲，稍後去聽聽……
醒起以前去信和買明星相。
回覆刪除以前好多人去信和買明星相，不過森伯冇呢個回憶……
刪除反而想知王子當時買邊位星的相！！
造個展覽我看了兩次，只因舊物有情。
回覆刪除記得都看過兩次，不過上次睇係有關粵劇展品居多，這場地隔些時間就會添些新展品……
刪除呢個展覽我幾年前有同女朋友嚟睇過，最驚喜係睇到李克勤嘅yes閃卡。😆
回覆刪除呢個展覽應該是常設展覽，每次去都可能會看得到。不過間中會轉轉內裡的展品，畀訪客有新鮮感……
刪除當時冇太留意有誰的閃卡，王菲，家駒的閃卡較珍貴！！
人老了更喜歡懷舊。老牛博客就是寫的「舊日情懷」。老牛喜歡八九十年代的歌，甚少聽近年的新人的歌。
回覆刪除對，通常指的懷舊，多是比較年長的人，因為他們人生閱歷多，每事每物都能觸動他們的情感...
刪除八九十年代的樂壇是黃金年代，無論是歌手或歌曲都有很多很好的作品!!!