在眾多的節日當中，中秋節也是我喜歡的節日，而且到秋天，天氣漸漸秋涼也沒有夏季的暑熱...小時候會玩燈籠，但人大了反而喜歡了吃月餅...
講到月餅，雖則有人話今年的市道麻麻地，但見今年的月餅價格又唔似市道麻麻，間間月餅都漲價不少...最離譜是奇X餅家，閒閒地都四百幾蚊盒~~與其益餅家，倒不如用經經濟濟買月餅!!!正所謂豐儉由人，所以森老伯都要慳慳地過中秋!!!有平又有貴，買散裝不要鐵盒都會慳返些少~~
若然話一般老餅家的月餅貴了，相信酒店月餅也平不了多少...
其實今年早些時候已經應過節食過月餅，九龍酒店的奶黃月餅，一個字"正"!!!
月餅不論是雙黃還是五仁，始終是糖油高的食品，年紀大的森伯伯都要適可而止~~
後話：
有次聽到一個視頻，話中秋是紀念嫦蛾升天奔月...又有人話中秋是拜月光的...其實大家又知唔知中秋節是慶祝什麼呢?!!
我好耐前都曾經寫過一篇blog是講中秋的意思，其實古時的中國是以農立國，一到中秋時份就是整年的收成期，慶祝中秋亦寓意有個好的豐收，大家圍在一起吃暖暖的團圓飯，因為秋天之後就是嚴寒的冬天，不可再耕種...
簡單來講中秋節是慶祝豐收!!!......順道祝大家有個愉快的中秋佳節!!!
慳森可拎保皇黨老人月餅，另外，紅十字月餅只要捐血都得，今年闊佬咗送一雙，免費架！
回覆刪除疑問：秋收後收爐等春後播種，咪有五個月長假？農夫唔係工時長好辛苦咩？筍工呀！
森哥要摷床底摺得埋紙燈籠。仲有預訂500萬部3摺華為2萬元手機，嘩！成萬億元，賺到笑。摺機仿傚走馬燈轉出好運來。
我們的驕傲：有嫦娥號太空船同月兔號探月車，中國仲計劃建月球太空站，唔知係咪叫全身搽油嘅“吳剛"師傅呢？
中秋快樂！
今年中秋班保皇黨唔見有月餅派，可能要慳「筆直」，不如你攞完畀森伯仲好喇！！！
刪除人地農夫邊有一爺咁懶，冬天諗住唔駛做，仲要餵豬餵雞，仲有趕住種年花……一爺呢啲富豪唔明，一有鬆動時間即刻諗住嘆！！
森伯邊會咁有商業頭腦，用部廉價的華為機就心滿意足！！
講起三摺機睇過影片，又幾好玩，將手機，平板，電腦螢幕集於一身，不過唔知重唔重，相信耗電量都多啲……
上還上太空，最驚上左去飛唔返落黎就大吉……哈哈哈
補返句先，對國家的航天科技有極大信心！！😁👍
我仲未夠資格，森哥老過我就得啫！
刪除過節開心大食後，斷食咁耐係咪發炎無咁嚴重？等我推介都有底。
係人都想嘆世界啦！森哥係工蜂咁慘？
小米後我想用回耐用華為機。
唔好笑人哋啦！高貴太空人都名譽掃地！
佢慷慨地免費送贈100億元軍援台，都係發霉避彈衣、83年過期彈藥、受潮武器…全部垃圾。哈哈！窮又要顧面子，應有人貪汙填數，腐敗國家必然末落。
國家隊不可同日而語。
西方曾批評非洲係爛泥永遠落後、發展唔到。國家隊感恩非洲54國幫助恢復聯合國席位，站喺中方，呢份深厚交情，拷貝中方發展經驗盡力扶起非洲經濟，現在成績唔錯。
西方都眼紅、焦慮，點知愈遏制，中方愈強大。
冇所謂啦，森老伯雖然喜歡吃月餅，但都唔可以放縱，自己出錢買少少幾個啦！免費月餅留返畀真正有需要的人，分享節日的一份歡樂和滋味！！
刪除168斷食不是實行太久，身體都要慢慢適應，不能言之過早！！乜你班鮮肉友人冇人斷食咩？！問吓佢哋有咩心得，個個咁fit！！
係啦，華為機都算實際手機，森伯都冇資格講邊隻好用，因不是用過多種品牌，好唔好都係聽人講……
只要話個領導人係親美，都實要畀錢某國駛，買軍備是其一，挖走自己庫房的銀兩……當係交保護費……
世界最實際，窮國就容易被人睇低，所以自己國家點都要富強，連帶人民的地位也被提升，就係森伯太貧窮，招到一爺看不起，不是寸就係窒！😔
冇所謂啦…有人情味
刪除168…隱藏實力嘅森哥擁有無窮吸引力嘅神秘感，想挖森D。
冇資格…謙厚森
挖走銀兩…聰慧森
世界最實際… 難得少少年紀就能參透人生定律。
寸森、窒森…被欺負時硬撐最可愛。
古舊森哥小心小時用嘅BB機，會爆炸呀！‘以’ 恐攻 ‘黎’， 涉台製，美撐腰。
做人都應該有人情味，人非草木嘛!!!
刪除謙厚森...聰慧森...難得少少年紀就能參透人生定律...被欺負時硬撐最可愛...................
呢啲說話係屬於"窒"定"寸"?!!...
恕森老伯孤陋寡聞，咩係BB機?!!...一爺真係參透世情，時事大事瞭如指掌!!講多啲畀大家聽...
屬讚。不過，你覺得窒寸都好可愛。
刪除香港傳呼業自1970年代開始發展，呼叫器（香港人俗稱為「Call機」）曾經成為普及的通訊工具之一。1990年代中期，香港手提電話盛行，傳呼業開始沒落，但至今香港仍有一間公司提供傳呼服務，呼叫器尚未被完全淘汰。截至2024年5月，香港共有1,957位使用者。
搜尋 “傳呼機” 就有詳細新聞。
刪除睇嚟森伯在blog的人設除了賣老、賣傻、賣幼稚、仲可以賣萌喎!!!!
刪除今早睇到網上新聞都有講傳呼機，聽落真的感到是很久前的產物，森伯冇用過傳呼機，一用就係摩托羅拉的打出打入摺機~~~
我相信傳呼機沒有消失，可能有些行業或職業人員會需要用~~~
唔係想聽呢類傳呼機的歷史，係"‘以’ 恐攻 ‘黎’， 涉台製，美撐腰..."呢類新聞!!!
黎巴嫩真主黨使用嘅傳呼機在全國各地爆炸，造成至少9人死亡，約2800人受傷。真主黨譴責是以色列所為。
刪除傳呼機涉事台灣公司金阿波羅的創辦人澄清，佢授權總部設於匈牙利一間公司，在特定區域內使用金阿波羅的品牌商標銷售產品，但產品的設計與製造，都是由這間匈牙利公司負責。
生產時已植入炸彈，因外殼係用超聲波焊接溶合，唔係打螺釘。
炸彈掃瞄器掃唔到。
報局太深。
唔怪得美國乜都話係國安問題，要同中國脱鈎。
係得佢先做出呢種禽獸行為。
美國情報局一定知情，但無發警告和阻止。美以台都有份。
一爺解說得好清楚！
刪除呢單新聞呢幾日是新聞熱話，中東的戰亂常常聽到，冇講大話真係由細聽到大……估唔到台灣都牽涉在其中！！
將彈藥放在通訊產品裡，呢招是真正的歹毒……以為做戲才有，現實生活竟然有這種事發生！！連累無辜的人……
一爺真係好細心睇，有炸藥的產品可以避過安檢，完全有預謀……所以講政治手段係殘酷，總有犧牲者！！
炸彈仲有日本牌對講機，老美都揾笨，迫班契弟出名，自己對手就乾淨，報仇都揾佢哋，好鬼衰格。
刪除由血腥中東拉回中秋月餅，我諗諗下覺得森哥就好啦！可以畫餅充飢，我畫唔好就得捱餓。
講英文會用我有限生字嚟表達，如果我唔識 vegetarian, 我會用 vegetable men 嚟 講素食者，原來，正解係植物人，差好遠呀！
我會有好多未解決問題放一邊，得閒時拎嚟反覆思考，有時會諗錯蠢方向，突然，靈光一閃，原來，好簡單好平宜就攪掂咗。
既有的想法，原來都不一定是對的，或者真的要時間証明一切，認識人不能從一時三刻可以了解，但時間再過，就見到人的真面目，正所謂的：事久見人心……
刪除唔會畫餅充飢，香港買野食好方便，一落街街咩野食都有得買！！
無端端要寫英文素食者做乜！
有時多用腦仲好，等個腦唔駛生鏽……尤其是一爺呢類後生仔，唔可以冇記性，畀人話老退化就慘慘豬！！
係啦！我試過失勢，一沉百踩滋味，牛鬼蛇神乜都現形，世界咁大，唔係得東主家，仲有西家，揾另一個愛用你地方。
刪除斷食時可撐住一陣。
語文須即學即用，腦海要有畫面聯繫，幻想床上插喉，然後，用多幾次就能牢記。
未見過傳呼機嘅偽老森，你唔怕 相由心生，颷出十條八條皺紋，塊面打晒褶就後悔莫及。
做人你都唔想人生只是白紙一張，遇到困難，逆境時，就是考驗你的時候，想法子去幫自己渡過……
刪除我都試諗下一爺插喉既樣，相信你個腦都係諗埋啲無謂東西……😅😅
偽老森冇話過未見過傳呼機，只不過自己冇擁有過，一用就係小摺機！！
萬幸才可白紙一張，無憂慮呀！不過，窮等人家冇福氣啦！唯有下次投胎？
刪除相信我個腦係諗黃色嘢刺激到翻生，產生動力。
摺機喎！森哥咁鬼後生架！唔好扮細喎！
依家中東好驚買到武器手機，森哥用華為機，唔怕被美國制裁無落藥一定好安全，你另一部落機呀就有風險。
人生在世，有幾多人真正白紙一張，正常來講每個人都經過高低起跌，可能一爺仲青春，冇乜遇過逆境！！思想像白紙一張……
刪除都認同，諗自己喜歡的，有助激活大腦的胺多酚！！
咩扮細？！你講年紀呀！！森伯係真正老，不是扮！！
昨日聽報導講，手機零件比較精密，而且手機內籠狹窄，冇咁易藏爆爆藥……
首先祝福森兄中秋節快樂！
回覆刪除我雖然喜歡中秋節，但對於月餅呢家嘢就認真麻麻。以前只係因為怕甜、怕膩、怕滯，而家就要再加上怕貴、怕三高，不過既然是自己喜愛的節日，點都要應吓節，一般每年食四份一個吧，不過只是有人送的話我才食，我自己一定唔會買。
謝謝和平兄的祝願！！
刪除每樣食物都未必個個人都喜歡，我認識的人當中，都有對傳統月餅麻麻地，由其是現代人講求食得健康，一般對月餅都係有限制，食一嚿半嚿就算……
和平兄自己唔買月餅，咁個中秋就可以慳返筆！！👍👍
祝森伯：中秋節快樂！人月兩圓！
回覆刪除多謝Man Man的祝願！！
刪除我都祝你追月夜快樂，人月倆團圓！！
祝森伯伯中秋節快樂！很同意，應節而已，平靚正就得，何需買幾百銀一盒的貴價月餅？而且年紀大了不宜太甜和油膩，一次食一角就好了。
回覆刪除謝謝牛兄的祝願！！
刪除我也祝牛兄追月夜快樂，認同你所講，數百元一盒月餅，實在太離譜，它本身不是用什麼稀有的材料，跟普通一樣吧……
俗語講：少吃多滋味，是有道理的……
祝中秋節快樂 ! 與家人和佳人共聚兩團圓。
回覆刪除這幾天我吃了三個柿子，兩個月餅，和幾個芋頭仔。這些都是我喜歡吃的中秋節食物。
賣月餅的利潤很深，很貴，我只買了兩個散裝的，也只肯收受人家給予的兩個。可是有人送我三個，有人送我兩個，也有人送我一個。唏...都可以放在雪櫃裡，慢慢才蒸來吃。
謝謝秋葉的祝願！！
刪除我也祝秋葉追月夜快樂，人月倆團圓！！
你講的過節食品，我今年都有吃過，總算充滿節日滋味！！
看來秋葉很受歡迎，處處有人餽贈月餅，寓意大豐收，起碼可以不用買！！對呀，放落雪櫃真係有排食，到食時翻一翻熱就可以了……
月在天，我在地，對影成三人，相期邈雲漢。
刪除我早已買定兩個月餅，不會坐著等人送。說人家送，其實主要都是兩個女兒吧。今年真是食品大豐收。
聽說今年中秋有超級月亮，可惜密雲遮蓋暫時未有看到...
刪除過往是有親友送來月餅做禮，今年他們都不在港了，唯有食自己...所買的!!
有兩位囡囡送來月餅，相信秋葉未吃都已感到溫馨...
刪除如果我不是那麼喜歡吃月餅的話，是不會去買定一些的。
刪除年年如是，人在就好。
森源的聲望高，親友年年送禮來。今年都離開香港～移民了嗎？自己買月餅都不難，只為應節或愛吃。香港很熱鬧，不愁寂寞。
基本上過中秋時，自己都會提早買定一兩個，若有人送就當吃多一些，沒人送都有一兩個頂下月餅癮...哈哈
刪除森伯是長者一名，沒有什麼聲望高，月餅只是節日裡的禮物...
對呀，這些年頭總有些親友移居到外地試探水溫，不知秋葉有否親友也是如此呢?!!
秋葉在節日裡頭，都不忘送上正能量...對呀!!香港很熱鬧，真的不愁寂寞，中秋正日到食肆吃做節飯時，客人都很多...
我的親友很早就去了新加坡、美國定居。97後有些想移民的親人，入了紙，批准了，但最終都放棄，仍然留在香港生活。
刪除試水溫很危險，可能不適應，變了兩頭不到岸！
俗語說：「人離鄉賤、物離鄉貴。」信不信由你。也是各有所需啦。
＊
早些年有親戚和好友，分別勸我過去美國定居，我都婉拒了。我仰慕中華大地，錦繡河山，中港來往都方便。
多年來遊覽過江南江北，遊山玩水，不亦樂乎！
這講法，你親友移民都有一段時日，以前的華人好崇尚歐美國家，美國夢是當年華人的追求……可能現今華人也是！
刪除時至今日因為BNO關係，都有親友走到外地，不過聽其他人講，到外地要找工作不易，外地的僱主寧願聘請印度人也不願請港人，認為印人比較健碩，一個頂幾個……容易冇工做，或多或少有歧視問題，
我認為香港是出生地，內裡一切都熟悉，未必需要勉強自己去適應外地生活！！人生有幾個十年廿年，虛虛度度又一生了！！
以前我甚鍾意食雙黃蓮蓉月餅 , 今年衹淺嘗罷了 , 除月餅愈來愈貴好似唔太值 , 而且愈來愈甜 .
回覆刪除對呀，現在人們個個都話要食得健康，油膩兼高糖的月餅，自然不敢食太多...
刪除月餅除了越買越貴，越出越甜之外，而餅的size就越來越細~~~~哈哈
我至愛蛋黃蓮蓉月。
回覆刪除我相信蛋黃蓮蓉月是中秋最受歡迎月餅，咁講都應該冇錯！！
刪除真的很有趣，小時候不愛吃五仁，現在竟然喜歡了。
回覆刪除這也不奇，生活上都有大把食物，細個唔鍾意，大個反而鍾意，苦瓜是其一……
刪除小時候還有金華火腿月，不知多少年沒吃了。呀，還有瓊華的豆沙月，可能已絕跡
刪除其實你所講的金華火腿月，豆沙月...現在大餅家仍有出售，不過是否你兒時的味道，那就不得而知了...
刪除年紀大，已比較少吃月餅。
回覆刪除對呀，人大了對飲食關注了，月餅少吃不敢多，淺嚐就算！！
刪除今年竟然吃不到傳統的蓮蓉月餅，有點可惜。
回覆刪除不需感到可惜，據講過了中秋餅店仍有月餅出售，若然沒有，就等下年中秋吧!!!!
刪除