在大家心目中認為奧運已經閉幕了，又要再等四年，但又有沒有人關注殘疾人士奧運會呢?!!今年因有政府買了奧運版權，一般的奧運播完後便到簡稱的「殘奧會」...
家中的電視都收到幾個港台頻道，平時都甚少收看港台電視，感覺內容差唔多，但今次睇「殘奧會」又覺得製作得不錯，除了都估到有版權定會日播夜播之外，還可以多些機會看到殘疾人士比賽的項目，因為在一般節目裡甚少機會看到，想一讚的是...他們對有關運動員背後辛酸故事的報導，都收集不少資料...
看得最多為乒乓球賽事，當然還有其他項目，看過後便會覺得殘疾人士真是發揮人的潛力，視障人士可以踢球、游水、行動不便的可以用輪椅賽跑...相信他們的毅力和付出，必定畀健全人士還多...
看了好幾場的賽事，很多都好深印象，尤其是港隊，而更有一位國家隊的游泳運動員，郭金城，雖然缺失了雙臂，但仍可拿到獎牌，游泳時不需換氣，一條氣游了全程，好驚人...若然未看過，可在YT用名字來搜搜!!
這篇我想帶出的訊息是世界的確有所對比，香港得到獎牌的殘疾運動員，聲勢也沒有健全運動員的多...就算報導都只是講幾句，至於運動員的片段、訪問就唔多見!!!
大家口口聲聲說冇歧見，其實歧見就已經植在大眾的心中!!!!
兩種奧運我今年一場都冇睇。
回覆刪除雖然是體壇盛事，但相信未必個個喜歡睇...
刪除講真，我無睇比賽，只聽到新聞報導得幾多獎牌，我關注度都好低。
回覆刪除其實，我唔係咁鍾意運動，對各項運動認識唔多，都係捧場為主。即係森哥個孫嘅幼稚園運動比賽你會好肉緊、好想參與。
奧運會係世界級，含金量高，唔似某國含藥量高，殘奧唔係頂級，即係就算你唔係球迷你都會睇世界盃足球，唔會睇港足，因級數唔同，精彩度都唔同。
相對地，感到正常人嘅美，佢哋係無咁靚。
只係當佢哋都係正常人咁看待，係關乎好唔好睇，有冇興趣睇。不過，從森角度，我係歧視佢哋。
就是這樣，與健全運動員來作對比，傷健人士的得獎，關注度都很低...其實有留意去看賽事的觀眾，已經是一種支持!!!
刪除我平時都對運動節目油麻地，但四年一次的奧運比賽就多數會睇睇，但世界盃就冇乜留意...哈哈，個孫參加幼稚園比賽會好肉緊...因為冇孫好難明白~~~
奧運時睇開了，都會睇睇殘奧有咩睇，初時睇並不慣，睇睇下又發覺幾好睇，可能佢專播港隊、國家隊運動員，有得撐下支持下都~~~
都知一爺會歧視人家喇，平時睇慣一班大大隻的鮮肉友人…哈哈哈!!!
人家付出的毅力，都值得支持吓!!!!
親人比賽都無感覺…如果森哥唔係斷六親，咁就係冷血。
刪除森哥認為唔睇殘奧就係歧視人家喇！推論下，咁唔睇奥運就係歧視健全運動員！呢個論點有好大問題。森哥抹黑我好喇！我大方唔放入心。唔好咁大聲講，咁樣森哥會得罪好多人。
森哥自己有班大大隻的鮮肉友人，就認爲我和你一樣啦！
人家付出的毅力，都值得支持吓!!!! 咁每個人都付出好多，所以，我支持森博。我時間所剩唔多，都要抉擇吓！
乜一爺咁慘搞到斷六親?!!...森伯唔係冷血，反而係熱血青年(更正：老年...)
刪除你真係好似某國的行為，斷章取義來屈森伯...又係你自己講：感到正常人嘅美，佢哋係無咁靚...係關乎好唔好睇，有冇興趣睇。不過，從森角度，「我係歧視佢哋」。
你唔記得咗?!!森伯住老人院訓天橋底，見班老友記多...如果見到一爺，我都當係鮮肉友人架!!!!!!!哈哈哈
冇所謂!!每個節目都有人喜歡睇，有人不喜歡，這也是平常不過的事，不要太介懷...好多謝你支持森博多年~~~
商業社會就是這樣，社會關注度低，沒有商業價值，索性不播了，幸好政府買了轉播權，可由香港電台大播特播。
回覆刪除非常認同你的觀點，傷殘運動員比一般運動員的付出更大，他們日常生活都不易應付，要在某項運動取得成績，的確付出很大很大的努力和鬥志，是我們正常人要學習的榜樣。
係呀，商業社會什麼也要看看有否商業價值，健全運動員拿到獎牌的，也比較有”錢”途，早前有個節目提及拿到獎牌運動員因多人認識，拍雜誌廣告也有可觀的收入，因為他們粉絲多，搵錢機會也會多，相對傷殘運動員認識他們的人少，當然粉絲就更少…
刪除相信和平兄是個明事理的人，傷殘運動員除了要克服身體的障礙，更要克服訓練時的種種困難和痛楚，在比賽時也要面對群眾的壓力……
自從北京冬奧開始，我就喜歡觀看有中國和香港隊參與的項目。
回覆刪除對呀，如果有香港隊或國家隊都會睇睇兼可以打下氣，若然其他國家比賽冇咁投入~~~
刪除舍下的電視都收到幾個港台頻道，但甚少開來看。
回覆刪除近日在tvb都看到殘奧運動員的感人場面。上一屆我喜歡看他們坐在輪椅上比劍的項目。因為工傷而不能行動，真是一件很無奈的事。
但我不會特別找殘奧的運動來看，免得心裡難過。
係呀，平時真係甚少睇港台節目~~基本上主要的電視台都好少靜靜地睇，一般都係食飯時或者食飯後來個小休才看~~~
刪除我相信每個殘奧運動員背後都有一個故事，有些更令人動容...他們唯一能做的，就是証明自己也能做得到，做得好...
其實看到他們你便心裡難過，也是歧見的一種，覺得他們是可憐的，需要人同情的，要黯然神傷的...這些其實不必要的!!!
社會氛圍當然是重視奧運高過殘奧，傷殘人士參與體育並參加世界比賽實在是比正常人辛苦艱難得多，所以殘奧的獎牌更飽含血汗和淚水，這正是殘奧給社會的啟示，就是逆境自強。
回覆刪除牛兄的留言說得十分之對!!!
刪除現實歸現實，社會上商家也認為健全運動員的商業價值較高，他們可以推銷產品，相反傷健人士便不能...
對，每個獎牌後都有血有淚...
畢竟，社會大眾一般都是「重健輕殘」!!!!