近排在眾多新聞中，相信比較趣味性的新聞該是有一對孖胎的熊貓仔在香港出生，不知大家又有沒有興趣想睇睇熊貓仔咁呢?!!一般在動物園內見到的都是成年熊貓，但熊貓寶寶應該大眾不容易看到…
其實香港跟四川的氣候大有不同，但要營造一個合適的環境來飼養熊貓也不易，開支都不平宜，就因為熊貓本身珍貴，牠們更成為國與國之間的親善大使，仲記得早前在美國的動物園，發現兩隻熊貓變得皮黃骨瘦，嚇到中國都要急急送返國內觀察，但到最後有冇交代事件的真相呢?!!我就沒有聽過，有聽過可以告訴森伯…
雖然香港近排市道麻麻地，不過唔緊要，除了希望在明天之外，仲有國寶熊貓寶寶都在這裡出生，相信香港會有運行，以前的人會認為動物在某地方生B，都會是因為環境好才會繁衍，寓意是個好兆頭…當然小強等害蟲除外~~~
你又叫森森，熊貓又叫森森，真有意思。
回覆刪除熊貓改名多數用叠字，個名任你改，叫咩名都可以……
刪除拍得住森哥咁活潑可愛。(註：舊頭像)
回覆刪除森森係個靚女藝人，又叫3毫子小姐。
羨慕熊貓，我想做熊貓呀！唔係因為國寶有人圈養，而係生活簡單、無憂無慮。有件私人皮草唔使買衫，淨係食竹咁輕鬆就存活到，咁就唔使打份牛工咁勞苦。
刪除舊頭像實在太過似森伯個孫孫，幾廿歲人都唔想扮可愛.........
森伯實在太後生唔知邊位係3毫子小姐森森...哈哈哈，改都改3億小姐，3毫子實在太cheap!!!!
冇啦!!都唔到熊貓選擇，貴為國寶，生活無憂一切有人為牠們打點，很多人類都唔及熊貓的待遇.......><
森森喺「歡樂今宵」Live賣廣告時嬌俏地舉起三隻手指並說：「《香港電視》每本只賣三毫子啫」，讓觀眾留下深刻印象，因此有「三毫子小姐」美譽。
刪除奇怪喇！牛馬食草無蛋白質都可生到一身肌肉，其消化系統真係高人一等，做牛做馬咁簡單都唔錯。
你覺唔覺以前的明星，有個人氣質而且感覺真正的靚，現在新一代的所謂明星，個個樣貌都係差唔多，一來好難令觀眾有深印象，二來沒有了本身的獨特氣質...
刪除森森嬌俏地舉起三隻手指(好似發誓!!哈哈)的年代未睇過，不過一講起"森森"，總會令人想起佢家姐定細妹"斑斑"...
牛同馬是食草動物，天生的構造是吸收草的營養，據講牠們不會吃同一種草，會食其他不同類型的野草，所以身體健壯~~~
唔多睇港劇，老餅唔悉後生明星，無得比。電影業末落都無錢途。 樣貌一樣…森哥明顯踩人哋整容…邊個呢？要例子証據。
刪除發誓用中間三隻手指，優雅森用最尾三隻手指，森插畫師無美感會撈唔起。
唔需要睇港劇，很多媒體都可能會見到...我認為個個差唔多，冇話佢哋整容，可能裝扮、化妝等，同一個模式......都話個個差唔多好難舉個例子~~~
刪除用尾三隻手指...請問，有咩美感?!!!尾三隻手指是OK手勢!!!
無姿色咁咪無富貴飯局，eat drink swim 嘅 pool party…
刪除森森手指點擺才靚？
一爺如果做明星，相信都係呢種富貴飯局的常客！！🤭🤭
刪除個人靚，手指點擺都靚，相反好似森伯唔靚，點擺都唔靚……
被玩？我係玩人果個。哈哈！
刪除手握巨錢都靚。
咩咩被玩...玩人果個...森博係老少咸宜，說話小心啲~~~~~~~
刪除手渣住巨款都靚!!!!係啲錢靚卦!!!!
森伯伯這隻小國寶甚為可愛，貼在雪櫃有好有實用性。老牛也有一個朋友送給外孫玩的「小國寶」，是卡通片「功夫熊貓」主角的小玩偶，瞪眼歪嘴，不太可愛。
回覆刪除冰箱貼可以說是實用，但亦可以說是裝飾物，有些人喜歡把磁貼貼滿整個雪櫃門，見到就怕怕...
刪除跟牛兄一樣，我都唔太喜歡"功夫熊貓"的造型，跟實在的熊貓有大分別...熊貓賣點是看似笨笨，但亦有可愛一面吧!!
在美國動物園的熊貓，回國後已經得到妥善照顧，肥番，勿念。龍鳳胎帶來喜訊，香港的確是福地。
回覆刪除當然喇，返到自己家鄉，當然養得肥肥白白，但為何在某國的動物園會搞到皮黃骨瘦呢?!!這個反而想知，但好似冇人提過..........
刪除熊貓咁可愛，梗係好多人都鍾意佢喇。
回覆刪除對呀，熊貓一向形象都係笨得來可愛，大多數人都喜歡……
刪除熊貓依家係香港全城熱話。
回覆刪除是近期的熱話，不時都有熊貓仔的最新情況……
刪除好鬼馬捐出來的熊貓，香港展出嗰幾隻熊貓，每次去都見吾到真身，反而在四川熊貓基地就見過熊貓真身，好多隻好得意﹗
回覆刪除隻冰箱貼的熊貓的確幾有趣，你有見過熊貓真身已很好，我應該未見過，希望日後有機會！能夠闖入熊貓基地，都應該會睇到很多熊貓……
刪除當我在視頻見到在美國的大熊貓被餓到瘦得要死！真是心痛。當時中美兩國在外交上正陷於低谷，竟然連熊貓也活受罪，我除了憤慨，還有什麼好說呢？
回覆刪除＊
在我剛滿成年拿到身份證，做了第一份工之後，在某大公司見到毛茸茸的黑白熊貓玩偶，立刻就買了一個回家。為了小女，又買了第二個。現在看新聞見到海洋公園的熊貓生了孖胎，就祝福他們快高長大吧！
看了這單新聞都已很久，但有冇調查結果，這對熊貓會變成這樣，某國唔係窮到連熊貓都餵唔飽呀……
刪除不過現時中美鬥爭，的確有很多事情是猜想不到！！
熊貓公仔相信是很多人都鍾意，市面上任何禮品或貨品，印有熊貓肖像，都會受歡迎！
在去旅遊的時候，在北京早上十時首次見到真正的大熊貓，由上往下望，牠很快就回洞了。在深圳看的那隻，牠根本不想出洞。
回覆刪除還是後來在海洋公園見到的熊貓露面較多。
近來看視頻，看到四川的大熊貓，會纏著飼養員，十分的放肆。
梗係嘞，秋葉打雀咁眼去掃視大熊貓，而且仲要由上望到下面，熊貓都識怕羞，所以立即捐返入洞😅
刪除四川的飼養員長時間照顧熊貓，牠們已當飼養員為親人，纏著他們也不奇！！
咪傻啦 ! 你有所不知啦，當年北京動物園的熊貓館，是建在高牆之下，遊人只可以在高處往下望。園方規定只在早上十時才放牠出洞來逛逛，不久就入洞關門了。
刪除我們跟國內團去，旅遊巴要很早出發，車走了很久才到達。當時的熊貓館，設在園裡最遠的地方。
其實想看到各種大熊貓的真實生活，和真性情，最好還是看網上YT的視頻，真是花樣百出，出人意料。
刪除秋葉真係見笑，森伯在blog的形象是賣傻賣無知，咁都畀你發現...哈哈哈
刪除從高處往下望對熊貓來講也是好的，若然水平線的觀賞常常被群眾圍觀，或多或少對牠們都有點影響...能夠親身去睇睇熊貓都不錯!!!相信北京的熊貓館每日開放時間是有限制的...
謝謝秋葉好介紹，網上YT的視頻很多不同種類的動物片都可以看到...除了大熊貓之外，還有一種叫小熊貓的動物也是非常可愛~~~
扮傻的森源，把我說到歪裡去 ! 你才是打雀咁眼看女人由頭望到~落腳，仲望埋心肝脾肺腎。
刪除由於熊貓是活化石，中國獨有，真是萬分珍貴 ! 所以，無論如何，都為人所珍惜。除非是不重視歷史的國家吧。
至於現在北京動物園的熊貓館情況如何，這個我就不知道了。可以上網查看。
秋葉又見笑...沒有人當秋葉的話是歪理~~只是森伯年事已高，老花眼邊能夠做到打雀咁眼周圍望，兼且由頭望到落腳，估計廿令歲既秋葉就話得啫，話時話秋葉有透視眼?!!一望就可以看穿人的心肝脾肺腎，好勁喎!!!!
刪除熊貓能稱之為國寶，除了珍貴之處在於稀有動物，而且可以幫國家作為親善大使，亦有人提過"熊貓經濟"用牠們來賺錢吸引不同地方的人來參觀，增加收入......