說那時就那時快，轉眼間...奧運開幕了好幾日，不知大家對奧運又會否熱衷呢?!!對森伯來講，話晒四年一次，就算平時對運動只是一般而已，到奧運期間也會留意，始終奧運有多種運動，都總有些項目會啱睇...
˙到現在寫博的時候，香港的獎牌是兩金一銅，好威威!!! 希望港牌陸續有來…有人提議香港日 後可以成為培訓劍擊的地方，都贊成，同一年劍王劍后都齊晒…
˙因為政府買了奧運播影權，所以今屆也多了選擇，差唔多很多免費電視台都可以看到，這台的運動項目不想看可以轉台，都可算是皆大歡喜!!!
˙好多人對今屆的開幕式話唔多掂，我都冇睇全部，個理念、構思我OK…開幕式有否美感有時真是一線之隔!!!但我覺得唔靚，不過由我去評論唔公道，因為冇乜睇過~~哈哈
˙睇奧運節目，我有留意主持的說話，大台好著重政治正確，好多時都會講中國香港，如果本地台講，聽起來有點怪怪，有時都唔需要太過政治正確，講番香港就可以了，比較似平時講說話!!!個情況就等如，同人講香港有好多好野食，唔會無啦啦講中國香港有好多好野食~~~
˙今屆奧運原來有幾多會場內的設施，用品是中國製造，過往中國製造的產品予人次一級，但現在巴黎奧運的國際級地方也見到中國製造的身影，都可算是上了一層樓，當然喇，見到的中國製造都好睇哪家廠商，哪些質料，仍有參差的地方，日後希望能夠趕上日本製造，每每見到日本製造，無論是上價品或下價品都予人信心保証!!!
˙講到奧運項目，除了過往喜歡的體操、跳水之外…發覺今屆的單電公路賽和小輪單車的花式賽都幾好睇，相信約這兩星期大家的生活裡，都有奧運陪伴著…至於森伯會否挨眼瞓睇奧運，相信唔會，老人家唔瞓好傷身~~~~
今年奧運因為時差，我通常只睇錄播，開幕太長普通無乜特別吸引﹗
回覆刪除我仲以為羊羊會直接飛去巴黎睇奧運……
刪除前幾屆的開幕禮都有些國家好畀心機做！！
全城奧運，以前都係捧國家隊場，近兩屆港隊飊左幾個項目有睇頭，好佩服班運動員，我就無運動細胞。
回覆刪除香港獎牌會係曇花兩現？ 14億人中國人係香港嘅200倍，喺奧運攞200塊獎牌，統計上，香港有一塊已經好好，呢兩屆真係超水平，不過，獎金都好豐厚。
劍神1.93劍后1.78，劍擊都係手長腳長有著數。上屆男女子團體都有入奧，今屆無即係港隊其他人不達標退步左？佢倆退休後會後繼無人？
以前西人畀我印像係好真誠，技不如人會認低威。西人都係扮好人，游得快過佢就話食藥，打劍贏左就賴皮亞洲裁判，搞到IG出菠蘿pizza對付意大利佬。為左排第一，美國傳媒用獎牌總數而唔係金牌總數嚟排序，好鬼肉酸。哈哈！
近呢幾屆，港隊的運動員嶄見成績，令市民大為驚喜……
刪除會否曇花一現，真的沒人知，培養一個獎牌運動員不容易，
手長腳長係天生，冇得講，不過都不應忽視訓練的重要……
一講到個人利益，西人都要掹面，禮儀去晒邊？！風度去晒邊？！……冇情講！！
呢個世界大戰，在利益掛帥下，體育精神已蕩然無存，攻擊詆毀、互撕謾罵去傷害他國運動員好唔啱~台灣和阿爾及利亞女拳擊手被質疑係男性
刪除十年磨一劍，每一位在賽場揮灑汗水的運動員的付出，甚至於如森哥獻上傷患痛楚，每位竭盡全力拼搏進取，在最大舞台上發光發熱嘅健兒也都值得我們的尊重。
啱啱我仲講無以為繼，到30歲嘅旻憓已算係老將，要喺短暫職業運動員生涯急流勇退，因衛冕戰都係輸多，香港下屆好大機會回復正常得翻個吉，無人才創造奇蹟。
各國政府花大錢培育運動員嘅目的？
奧運賣其名就話體壇盛事，當中又會關乎國家與國家的爭戰，看誰的獎牌較多，個人榮辱，勝者為王，人人都敬重，敗者為寇，無人理會，根本就這樣現實...
刪除拳擊手這事件都略有所聞，不過詳情冇考究，好似話要驗DNA或什麼XY染色體之類...
運動員生涯好短暫，今屆有獎牌，可能下屆食白果都唔奇...所以就要不斷去培訓出色的運動員，為求保持著攞牌的機會!!!各國政府花大量資源給運動員，就希望他們有獎牌，一來唔想埋沒了真正有潛質的運動員，二來亦可為個國家爭獎牌，聽人講過，獎牌越多的國家，代表富有，有好的資源(閒錢)培訓運動員，亦代表國力都唔差...
登上榜首，形象工程 ，優質民族 ，上帝揀選 ，神化做王者。蘇美之爭，互相杯葛，因主辦國金牌會增多，輸硬一定唔去參加。舊時都成功感染左年幼無知嘅我，覺得西人係高一等人，現在我咁醒當然唔上當啦！，明白卑鄙西人喺體育方面都要唱衰中國啦！相信中國隊係清白。
刪除睇見中國隊喺男子4x100m混合泳打破美國壟斷40年，剝佢牙骹，開心到跳起，呢個就係奧運好睇嘅原因。
美國隊及菲比斯話自己哮喘要食帶興奮劑藥公然出貓，方力生細過都因哮喘而去游水，細細過已好翻，邊會咁大都仲有哮喘架。
你講開上帝"揀選"的民族，就火都嚟!!!!今屆奧運要杯葛俄國，以色國就"光明正大"去參加奧運，黑暗之處可見一斑，俄國運動員得獎，國歌唔可以播，國旗不能升起..,
刪除反而對法國唔反感，定要跟西方國家聯盟，但馬總統來到中國都十分友善......你唔好話你覺得西人高人一等，好多人都係啦!!!包括森伯伯，但我認識的西人個個都好好，過往仲成日有禮物往來...哈哈~~問題只在於政客方面!!!
乜有過咁既事，某國隊的獎牌運動員食完興奮劑又報稱食哮喘藥......簡直人神共憤!!!!
我都火滾。
刪除佢哋面皮幾尺厚，以為自己高高在上，有權判決誰對誰錯，任意向人指指點點，其實，佢哋一啲都唔公正嚴明。
謀國發導彈去伊朗酒店刺殺係合法！睇到眼凸凸，法理何在？
難得同一爺都有感到火滾……
刪除一向白人至上，世界警察佢講實冇錯，現在就要過濾一下！
刺殺係合法……都唔係一次半次的事！！假設！！某國話一爺有罪就有罪，滅左口仲要畀世界話佢抵C！！😢😢
所以要合力全面打低佢，全球一國獨大不再，霸主退位，不得橫行霸道，長臂管轄。
刪除導彈值幾千萬美元，我係賤民唔配。
現在沒有一國獨大，這刻一國獨大反而衍生出更多問題，更多不公平的事件！
刪除我講假設啫！
奧運會比賽項目多 , 總會有些啱睇 , 係呀 !
回覆刪除我鍾意睇劍擊和游泳 , 今年增設滑板和街舞 , 我超期待看看 .
我都不是任何運動項目都啱睇，揀想看才看……
刪除乜今屆有新增比賽項目，滑板同街舞，又幾想睇下！！
有興趣睇跳水、游泳、乒乓球同田徑賽等等。
回覆刪除今次播影乒乓賽事比較多，相信很合你的心水項目……
刪除全城奧運熱....除我以外，我只在看新聞時知道結果便算了，不單只奧運，過往的世界杯都唔會比面，總覺得自己去做的才是運動，在電視看的只是娛樂，尤其是今年巴黎有時差，更加冇打算捱眼瞓咁辛苦。
回覆刪除奧運幾年一次，裡面又多種類的比賽項目，就算平時對運動比賽唔大興趣的人，也會被熱鬧氣氛所感染而去看……
刪除和平兄真的很難得，完全沒有太大興趣看……不過喜歡與否，都好睇個人！！
至於自己對奧運都OK, 但世界盃都甚少留意，甚少看……
縱使近日沒有為家事忙得一頭煙，也不會追看奧運的。但有看電視新聞，留意到打花劍的 張家朗 和游泳的 何詩蓓。
回覆刪除雖然往日有被邀當學體會司令台的紀錄員，名義是「兼職幹事」，平時也不太熱衷於體育項目。
但無可否認，運動事項能強身健體，多做是有益的。往日我也勤練「八段錦」。
終於更新了網誌了，歡迎到訪。
奧運是體壇盛事，很多人都有留意，秋葉跟和平兄反而對這些節目興趣不大，很有己見……
刪除對呀，有時奧運感覺是體壇盛事，但內裡就充滿國家與國家，人與人的競爭對決，勝負得失看得重，名與利，出名與獎金……但失了原意，運動只是強身健體！！
好的，秋葉有網誌更新，必會看看！
其實我最喜歡看高台跳水表演，近日在YT下載了兩段視頻，如有興趣，可以移步到來敝博一看。
刪除高台跳水都幾好睇，喜歡看些節奏明快簡單的比賽項目……
刪除好的，稍後去睇睇！！
終於見到森源得閒回應了。閣下有空閒時才來吧。
刪除多謝秋葉對森伯有所關注！！
刪除秋葉有新網誌，定會留意……
森伯伯都好留意奧運。近日看到一個手機傳的視頻，話巴黎奧運在塞納河舉行開幕禮並非首創，十四年前廣州舉辦亞運已經在珠江遊船河搞開幕式，廣州才是首創。中國游泳運動員話，運動員接受藥檢是應該的，但對中國運動員檢的次數特多，以往美國游泳健將包辦金牌又沒有人質疑，顯然是玩針對。
回覆刪除謝謝牛兄的資料補充，法國可能預算唔夠，求其抄回以前廣州亞運的構思……哈哈
刪除其實在任何國際埸合裡，都總有不公平的事發生，尤其種族歧視更甚，所以華人幾時都應該要團結爭氣……
外國政客時常都想捉到華人的錯處，大造文章，甚至惡意抹黑，有時言行真的要小心……
塞納河對巴黎來說相當重要，沿途記滿了巴黎的歷史，雖然我沒有正式看整個開幕式，只在看新聞時"管中窺豹"，但我認為這樣的開幕式對巴黎來說都頗適合，因為可以令電視觀眾對巴黎歷史名勝增添認識。但，從另一角度想，對現場觀眾就相當不利，由於節目沿河進行，花錢安坐河畔一角只看到開幕式的一小部份，其他節目就要透過電視屏幕觀看，那同在家觀看電視有甚麼分別？
刪除我看到的開幕式只是新聞片段中的花絮報導，看的很少部份...通常主辦國搞呢類國際盛事，都會順便介紹一下當地的歷史文化，等人對此國有較深的認識...
刪除據講巴黎想搞個環保兼綠色奧運會，但有人認為在河上行船的開幕進場，要用的汽油更多，何來環保...
一向都好似看演唱會這樣，電視觀眾可能比起現場觀眾看得更清楚...哈哈
我非常喜歡今年的開幕典禮，富創意，多元，畫面悅目。
回覆刪除每個人都有不同睇法或感受，手高就可以做得好看，手低反而變騎呢……純是個人認為！
刪除