上篇講的是蟲鳴，是屬於大自然的聲音，今篇所講的都是與大自然有關，是賞花……可能你看到這裡，會問森伯是粗人一個，講賞花咁有雅興?!!哈哈哈…森伯唔單止賞花，仲畫花!!!
很多人記起小時最初畫都是花，相信畫花並不難，最緊要能否捕捉每種不同花的花形同花態，夏季來到，很多愛攝影的博友都上載過他們的拍攝作品，很多都相當美麗!!!講到荷花，我都比較少機會看到，反而蓮藕，蓮子就成日見，因為間中會吃，諗起蓮子即諗起月餅的蓮蓉…
相對很多花，蓮花算不太難畫，可以以實物形式去畫，或以抽象形式畫，荷花有名顯的特徵，基本上很少會畫得不像…森伯以水墨畫形式畫，搵番支多時沒有用過的毛筆出來，畫荷葉最適合，配合點點現代畫法…
荷花除了觀賞外，荷花身上還有很多價值，花可以觀賞，葉可以做荷葉飯 (即刻諗到荷葉飯的香味)，蓮子可以作養生食用，蓮花的根莖就是蓮藕，作食療用…是種高用途的植物!!而且荷花在人們心目中有種崇高的寓意，就是：出於污泥而不染，這崇高情操…
很寫意的佳作，看到暑氣全消！
回覆刪除多謝stella的讚賞，水墨畫作形式可以給人觀感舒服……
刪除花氣襲人。
回覆刪除誰咁幸福見識過森哥嘅長處“夠粗”！
仲有蓮花茶、乾蓮蓬煲湯、煲老藕。
到呢刻，大家可以欣賞這些花畫，都已經夠晒幸福，起碼對眼仲可以看東西！！
刪除你講既靚湯，森伯未飲過！！
你成日煲呢啲迷湯去灌人飲！！😀
老花眼可戴眼鏡 ，但好衰嘅衰老易患白內障 青光眼 黃斑點就慘喇！殘疾長壽係報應！…唔通從少就病嘅森哥上世作業超級深？不過，我唔信前世今生。
刪除衰在灌左迷湯後一見我個醜樣即嚇醒，嘥氣。邊有森哥咁好，用個靚樣就可為所欲為，羨慕。
「荷」 「蓮」 用嚟改名就知好嘢。
賀年全盒都有蓮子 、蓮藕身影，地位不可小看。
威猛蠍子王巨石森喺寶庫石材中，係咪有雕個精緻雞血玉圖章？
畫得咁叻，有無試過用醬汁喺飯菜上畫靚仔畫增添悅目美色，食欲大增。
眼疾有邊個想，長者們若然只得老花都已經算好...今天有耳能聽，有口可說，有眼能睇，有情可依，有病可癒...對一位年事已高的長者來講都已經幸福!!!
刪除你啲迷湯是否慳水慳力，搞到唔湯唔水...森伯都係醜八怪，所以連煲迷湯都費事，嘥煤氣!!!煲老火湯要好幾個鐘，所有營養成份都流失掉，反而喜歡滾幾滾的湯水...
個圖章是人家送的紀念品，會好好保存~~早前自己在國貨公司雕了個圖章，其實好少用...現在畫畫要蓋的印章，都電子化，乾淨企理!!!
在碟餸畫畫?!!真係未試過，興趣不大~~~
係啦！撞聾嘛！上周帖文咪話森哥大聲對我囉！又話粗人，後生森哥仲陰聲細氣扮斯文，我聽唔到，想整蠱我咩！
刪除係你屈我做壞人煲迷湯，依家又話我孤寒，你好霸道，森哥尾國高官化不斷抹黑我。
森哥偏向型格路線嘛！
印仔變雞肋，無用廢物又唔捨得丟。
高抬貴手畫吓慶祝人牛一。
我都冇話大聲對住你，咪C過咩?!!有時想扮斯文都未必扮到，搞到不倫不類仲衰!!!
刪除你UP到咁多湯名，以為你好在行煲靚湯靚茶，吼到目標人物出現，就即刻灌佢迷湯，等佢乖乖就範...哈哈哈
唔好意思，睇得粤語長片太多，郁下都灌人迷湯或迷藥...
森伯又好少走去抹黑人，反而你想借機抹黑森伯，等個個都憎左老人家森伯伯...
圖章又唔係大，邊會掉左去!!!!
一爺牛一我都可以畫張野畀你既...
我接受粗人係粗聲粗氣講嘢大大聲。呢個咪係森哥扮粗人嘅疑點。
刪除粗人對人係橄粗嚟，即係森哥抹黑我咁橄硬。
另一想法，老人家走前要先處理好，森哥想麻煩人哋幫你丟一大堆垃圾。
唔通森係諸侯高官貴族？古人陪葬品要有玉璽。
AI生圖已能滿足我唔高要求，忙碌森哥都係留畀自己整開心饅頭啦！
粗人又係扮，老人家又係扮，赤貧人士又係扮……總之樣樣都係扮，一爺既世界特別美好，唔知咩叫民間疾苦……
刪除森伯冇諗什麼未來大計，要買就買，伯唔到什麼！！
一爺咩年代？！圖章陪葬，意義大過金錢價值……
森哥係斯文、年青、中產都唔開心、唔滿足，向上爬係好，小心周邊人會因妒成恨而加害。
刪除買多啲喇！ 刺激起低迷嘅香港經濟都係好事。
近來睇中國國寶掘古墓，要寫低你堆寶石珍藏都要陪葬。
以為係，其實唔係...相信若識到一爺，森伯真係會遭到加害，而家都畀你激到嘔泡!!!!!!
刪除森伯可駛的錢係婆媽錢，幫唔到經濟，一爺一擲千金豪玩豪買，尤其是磚頭...反而幫到香港走出低迷的經濟~~
我堆寶石珍藏?!!......唔好笑C森伯，最緊要係唔好笑大人吔個口!!!!!!哈哈哈
何以見得森伯伯是粗人？森伯伯博客首頁便是自己的畫作，顯見森伯伯是畫得之人。這幅寫意荷花真是令人暑氣全消。
回覆刪除多謝牛兄的讚賞……
刪除畫花咁有雅興，感覺上跟粗粗魯魯的森伯唔配合……
荷花生長在水上，都給人有種暑氣全消的感覺！！
雖然森伯話畫荷花唔難，但對我來說就一啲都唔易，都係影吓荷花好啲，就算唔靚，起碼都似吖。
回覆刪除和平兄你謙虛，基本上畫花唔難，而畫畫都可以訓練一個人的耐性，有耐性便畫得好……
刪除現在很多apps都能做到相變畫，簡簡單單就有張畫作！
喜愛荷花，是因其清麗脫俗。
回覆刪除每種花都予人不同感覺，講到脫俗都非荷花莫屬……
刪除大自然给予人類的恩賜和美感，使人享用不盡。 畫家巧手的筆下， 可以記錄下來。
回覆刪除這是一張佳作。
謝謝秋葉的讚賞，
刪除有時，畫作到完成又會發現有問題，所以都會一改再改……
當人常接觸大自然，就會發現有很多美麗之處……
修改是繪畫人常有的事宜，這是自我要求完美的表現。
刪除對呀，每個人對自己的要求都有不同的程度，有些嚴謹，有些寬鬆...
刪除荷花清麗脫俗花形又靚 , 你畫得好似 .
回覆刪除謝謝你，荷花不難畫，只要細心觀察就會畫出花的特徵...
刪除蓮，花之君子，一如森兄！
回覆刪除謝謝Amour的抬舉比喻...森伯也不敢自稱什麼君子，總之正直做人便好了......
刪除