據講現在的市道大家都認為做什麼生意都唔容易，我認為看看你做的生意是什麼，而事實上很多人每日仍要生活，相信食是其中之一...
既然口口聲聲話市道差，最受惠應該是逆市奇葩的兩餸飯，一到午飯時間，就會見人排晒長龍去買兩餸飯...其實有點似自助餐，不過就揀兩樣自己喜歡的餸菜，而且比起餐廳叫個碟頭飯也來得經濟些...
一向走在貧窮線下的森伯，當然兩餸飯也吃不起，只能吃一餸飯...> < 是日靚餸就是咖哩飯，雖然是一餸但都已經覺得好好味，如果真的有一見鍾情的話，呢種東瀛咖哩可算為食物中的一試鍾情，也吃了好一段日子，之前在某日式超市買了，但放了很久都未有煮過，終於都要煮來吃吃，間中也會煮呢個餸...每次都覺得好香好惹味!!其實有多喜歡也好，森伯不能吃過量含薑的食材，每次只能煮一兩餐便夠，要再隔些時間才會煮...
真實的兩餸飯我未幫襯過，只是偶然機會試到兩餸飯的菜色，老實講也不差，價錢平而且質素又好，難怪兩餸飯可以在這個環境下創出奇蹟...至於森伯呢個自家煮的一餸飯也不差，唔講咁多，咖哩要趁熱食才好味...下次再同大家傾過!!!!
加埋椰汁無得輸。
回覆刪除我一煲過蒸烚無乜味，只用鹽醃肉，必須混個『免煮』汁，一係油奶鹽醬，或是醋油糖汁。
食得多元化才達到均衡，類似中藥、老火湯、新年齋…都用上多種料嘅傳統智慧。
未試過加椰漿……
刪除椰漿可以整其他食物
我都係蒸同煮，比較簡單方便！你有冇簡單的蒸餸介紹吓？！
我都係支持簡便的烹煮方法……多元化的飲食雖好，但都未必適合每個人……
乜嘢加椰醬我都愛。
刪除咁簡單都要人介紹？奇怪？玩我吖！蒸 枱腳 腳皮 皮鞋…
3/27素雞飯有6種料，呢個?種。 好貧乏…懶出貧窮(健康係$)。
料多備時長，為健康值得。一次煮3日，有2日得閒呀！
椰漿加很多食品都未必好食，例如加即食麵，加炒蛋……
刪除本身喜歡椰子食品，森記紅豆椰汁糕隨時整來食！！正👍
唔敢玩一爺，未C過咩！！以為你有什麼隱世蒸餸食譜可以介紹下！！
呢個飯有4種料，薯仔，雞肉，胡蘿蔔，仲有主角咖哩磚！
用些襟留的食材，煮多一點留來吃，可以慳功夫……
有椰汁鮮奶燉蛋和鮮奶炒蛋，椰汁炒蛋都會好食。 有緬甸椰汁雞球麵、馬拉椰漿飯，椰汁即食麵應該可以呀！係百搭。
刪除我未整過糕，糖水就有。
舊時認為一菜一肉一飯已夠，中年發福，睇資訊後便萌新諗法，另一階段須另一套手法。
係正宗日式咖喱飯用料，不過，套餐仲有生嘅雜菜沙律，2片黃蘿蔔，麵豉湯，加埋你仲欠8樣嘢！欠債會畀收數佬上門找麻煩，欠上一身營養債…可憐身體默默拼命維持正常運作…有日總要還？
整饅頭就肯花時間，全程好開心，如果煮三餐有呢個森態就好。
通常蛋和豆腐一齊蒸，好味易送飯！！至於未試過的配搭唔會試，整椰汁糕超簡單……整唔甜的糖水都試過，整椰漿糊送麵包，都好正！！
刪除話明要均衡營養，咩食物都會食，寫blog唔等如全部，有時營養太過豐富，好易營養過剩，都市病就係吃得太多，營養過剩，以前的農村人吃的只有粗茶淡飯，又加上體力勞動多，身體好健壯…
話明森記咖哩飯，有自己特色風味，唔需要跟任何人，鍾意點整就點整！！
仲好講，現在沒太多時間可花，饅頭都冇整——
邊個搞到森哥咁忙？係好事啦！
刪除但對一個年事已高的老人家來講，忙都未必是好事，辛苦命😄😄
刪除老人不愁寂寞係好事，畫家才俊大忙人，為賺更多$和經驗值加油！
刪除冇你講到咁好，畫畫搵錢...不過呢排比較多野做，空閒的時間唔多...
刪除用AI偷雞半份工作。
刪除森伯畫嘢要靠人工智能，好貶低森伯……😭
刪除其實話經濟差都話咗幾十年，我年青時候又夠話「人浮於事」啦，後來仲有乜乜風暴物物風暴，咪又係咁生活落去，難得而家超低失業率，唔憂冇工做，我聽「經濟差」呢句已經聽到麻木哂，唔理咁多，有得玩就玩，有得玩食就食。
回覆刪除哈哈！很有同感。
刪除完全認同……
刪除無論什麼時候，都有人話市道差，但我都明白點解有人會這樣認為，當去到旺區，例如油尖旺，很多舖位都拉晒閘，深水埗的電子城，兩餸飯舖生意旺，證明消費者以慳荷包為主，而事實消費模式的確有改變，市道經濟都要接受現實，做生意唯有各出奇謀去經營……
其實，兩、三餸飯不是新鮮的東西，那些年在工廠區，到中午時間就有麵包車，在車尾展開多款餸菜任選。
回覆刪除係呀，麵包車賣飯餸，可能就係現行兩餸飯的雛形……始終打工仔食晏，唔想時時食快餐，都想吃些有飯有餸，兩餸飯咩年代的人都受歡迎，忽然諗起車仔麵，可以揀餸……
刪除其實真失禮，森伯未幫襯過呢類揀餸飯餐……😓
咁熱嘅天氣，買兩餸飯好過自己煮。
回覆刪除大熱天時，人都唔想郁，買來什麼都好，起碼唔駛煮！！👍
刪除老牛身無分文，但有女兒俾生活費，所以也未至於「在貧窮線下」，懶得煮，就買「兩餸飯」。真係講得啱，今時今日「兩餸飯」條條街都有，仲好多人幫趁，真不似是「經濟不景」。
回覆刪除哈哈，牛兄真謙虛，牛兄都起碼食到兩餸飯，最弊森伯吃不起，只能吃一餸飯頂肚餓……
刪除現時兩餸飯好切合大家的需要，講求經濟實恵，而且有得揀，反而食茶餐廳，來來去去都只幾味，食得多又話厭！！
話說羊羊好少出夜街，今天有要事到大圍，晚上八點多大圍間間食市都滿座，如沒有滿座都有7,8成客，街上又多行人，不知是街坊或遊客？又話香港飲食業經濟吾好？兩餸飯我都未幫襯過，森伯好多超市有買的日式咖喱磚，用來煮疏菜都好好味又便宜。放多點水煮就變成北海道湯咖哩呀﹗
回覆刪除我諗好睇哪個地區，不過自從防疫措施放鬆後，我都覺得市面多了人，有時假日出街人更多，講起大圍，傍晚放工時間，大圍街市地舖附近好旺，可能啲人收工買餸回家煮……
刪除附近的佳佳超市都有食開的咖哩磚賣，不過細盒裝我都有排食，因為間中才食，係呀，有人整咖哩比較多咖哩汁，但我食飯唔喜歡太過濕立立，做餸喜歡食較乾身……
原來那種煮法就是北海道咖哩，又長知識了！！
兩餸飯大行其道，菜式多元化，住君選擇，最緊要係價錢平。我住的地方較偏僻，唔方便成日出街，好在有個會所，一個兩餸飯也要百二三蚊，一碗飯，有湯有糖水，同老妻共享，夠晒，唔駛煮，都幾化算，
回覆刪除對呀，兩餸飯的餸菜可以任君選擇，基本上港人的飲食習慣都係有飯有餸為之一餐...
刪除一個兩餸飯都要百多元...?!!可算是豐儉由人，吃得飽足就好啦!!最好係唔駛煮，食完就行得，好方便~~
不過自己少食呢類餐，反而自家簡單煮較為啱我!!!
有時候返工真係冇辦法唔幫襯兩餸飯，日日食快餐真係人都癲。
回覆刪除哈哈，咁又係，兩餸飯都幫到很多打工仔解決午晚餐，而且都叫做有得揀吓!!!
刪除我諗唔到煮咩餸都鍾意買兩餸飯再加碟灼菜簡單快捷 , 日式咖哩甜甜地唔太辣 ( 正 )
回覆刪除有時都幾好，諗唔到有咩餸食，附近又有間兩餸飯店，走落去外賣餸，灼少少菜又一餐...
刪除日式咖喱仲好香...成日感覺好似食薯片的味道~~~哈哈哈
我日常兩餐都是吃一餸飯，但是自己煮。
回覆刪除自己煮最好，不論是食材，份量都可由自己控制......
刪除