有些時候，最為讓人感到舒服的聲音，都可能來自大自然，記得以前CD舖盛行的時候，總會找到些大自然之聲，流水聲、風聲、海浪聲等...
在眾多大自然的聲音當中，不知大家又喜歡哪一種...森伯反而幾喜歡下雨聲，若不是在戶外變落湯雞的話，下雨時都特別感到睡得好...
這陣子很有趣，每當晚飯後，窗外總聽到有蟲鳴聲，相信是蟋蟀叫聲，在寂靜的晚上蟋蟀的叫聲顯得特別清楚，這叫聲有如電話鈴聲裡的蟋蟀叫，這叫聲足以打破悶熱的夏夜，忽然有陣清涼感...對比之下，我認為晚上的蟋蟀叫聲比起白晝的蟬叫聲來得舒服!!!
這幾晚的蟲鳴真令我這都市人，仿佛跟大自然靠近了...
隨Blog附上一幅蟋蟀畫作
註：畫昆蟲不容易，尤其昆蟲的足部不易掌握，大部份的昆蟲都類似，蟋蟀跟草蜢、蚱蜢類也差不多，若不掌握到蟲體的特徵，好易畫咗小強...
大自然之聲，流水聲、風聲、海浪聲等...可以在youtube大把有得聽，我都聽過真不錯。現在又是蟬鳴荔熟的時候了！
回覆刪除現在有youtube，很多大自然的聲音也可以聽到，可能有些人會開著手機播著聲音，伴著入眠...
刪除很同意大自然之聲好聽，特別是夜晚睡覺時聽到雨聲，特別覺得舒服，雨聲淅瀝特別好瞓。當然，要返工時在馬路淋個落湯雞，就極狼狽。炎炎夏日，荔熟蟬鳴，倒是有一番田園氣息。
回覆刪除對呀，有些大自然的聲音是不錯，例如小瀑布的流水聲，山林中的鳥鳴聲，不過雨聲就特別顯得在室內有種溫暖感，有助睡眠...
刪除每人對聲音的感受也不同，蟬鳴的叫聲正值炎夏，聽到都感到十分酷熱...哈哈
你問起我才發現唔覺有咩自然聲好聽。
回覆刪除我係開住電視有聲有光閃吓會更易入睡，可能係從小習慣咁嘅環境。
畫得好Q。D腳咁粗一定常練 GYM。哈哈！
小強對腳有毛刺，其它好光滑。
諗起關嘉敏扮譚輝智好鬼神似都係捉到佢特徵，包括化粧師，咁啱同你畫公仔一樣道理。
可能你沒有在意大自然的聲音...或者可能有，在這刻一時又想不起...!
刪除一爺間豪華套房裡實有個大電視，一路開住一路訓覺，梗係可以咁做，森伯床頭邊只有部收音機，頂多都係開著收音機來聽住入睡~~~~
昆蟲一定要畫得Q一點，若然畫得太真實，怕有啲博友唔想入來睇...唔知一爺有冇見過蟋蟀，蟋蟀類似蚱蜢類，有對粗粗的後腿，畫之前都要上網睇睇圖片~~
足上都有毛，不過Q版可以省略，樣樣都要畫埋真係似小強...
你講起真係扮得好好笑，扮野好有天份，女人扮男人都神似，犀利...
無啦！壞心情時聽到更壞。流行曲有節奏旋律令我動心。
刪除豪華、大電視…証明幻想和現實總有一段距離，我腳踏實地，月頭喺澳洲皇金海岸無敵海景尊貴避暑山莊，月尾飛去加辣肶海頤和園。森哥唔可9眼看人低，貧窮限制想像。哈哈！
昆蟲外貌係無貓狗咁得人鍾意，人人想抱抱，我最懂無罪昆蟲容顏嘅歧視性冷待遇。哈哈！
基本上壞心情，聽乜都冇用，不過例如當壞心情聽下風聲，或者風鈴聲，又會對洗滌心靈有少許作用……
刪除當森伯心情唔多靚的時候，很少聽流行曲，越聽越煩……所以好睇個人！
你又講中森伯的內森境界，因為貧窮都唔敢諗太多，剩係諗度縮，慳錢之類……毫無大志😅
每種動物都有不同的特質，不同的生物又不能比較，正所謂各花入各眼，有些人喜歡昆蟲，飼養昆蟲，搜集昆蟲標本等，森伯曾幾何時都諗過養蠍子，覺得好型……雖然蠍子並不是昆蟲，但外表好似……
森哥咪就係The Rock Johnson 巨石 強森 高大威猛爆肌蠍子王，你好紅架。
刪除蟬鳴荔熟港人慘叫？
燥底森咪唔食得幾把火荔枝？點算
近日上網自動推薦左台灣垃圾新聞。
彰化垃圾分類大戰，清潔隊拿金屬探測器遂袋查。
另則，破袋檢查不合格，全鄉40噸垃圾拒收，原車折返，並可能罰款6000元。
都黐膠線嘅，洗唔洗做到咁極端，究竟減垃圾有幾重要，係咪要人每日唔瞓都必須撥空處理，森哥好忙架。
源頭減廢，倒不如揾謀國暗殺槍手滅絕人類便可導絕源頭。
都本未倒置，鑽牛角尖，本來8月上斷頭台，幸好香港仲有智者煞車，無發展到台灣咁陷入旋渦，港人唔使慘叫。
原來笵徐麗泰都同我見解一樣認為垃圾徵費計劃不可行。
攞蠍子王同老人家相比，你好似唔多啱數~~~
刪除都唔一定，森伯唔喜歡蟬鳴唔等如其他人也是，可能有些人認為蟬鳴代表夏季的氣息呢!!!!
荔枝食兩三顆都ok，唔可以一次過吃多，長青春豆都開心，最怕係燥熱搞到渾身骨痛...俗稱骨火~~~
森伯認為少生產垃圾便是了，自己又真係好少做什麼垃圾分類...40噸垃圾唔係少，富庶國家真係幾多垃圾，始終覺得最無謂的垃圾是包裝垃圾，尤其每次去完超市買野，總是大部份是包裝垃圾，仲有一樣是集運速遞的包裝垃圾，買樣小小貨品，包裝紙仲多過件貨物好幾倍...
台灣文化唔係太清楚，可能佢地對垃圾處理好緊要...但香港都緊要，有時垃圾堆積真係隨處可見!!!
咁你又唔需要太過極端，為左減少垃圾就要殺人滅口...只要大家肯去實行減廢實可以幫到少少!!!
通常最驚上斷頭台的人，是死囚...但只要大家不是無謂垃圾製造者，應該唔需要怕咁多...
都講左好耐，一爺真係有智者風範!!!!
山竹係榴槤解藥。我仲諗住森哥同時食冰凍涼粉海帶臭草綠豆沙，用寒流擊退荔枝熱浪。森哥常玩冰火兩重天。
刪除唔知暗殺川普個後生仔嘅動機！上文我係想表達班環保人士同個𡃁仔一樣都係傻嘅！話佢地極端到會殺人，唔係講我。
無冷氣巴黎奧運環保傑作，都神經病。
個新聞主播同林超英個仔離婚，第一句反應就係終于可以開冷氣。
某訪問拍到英哥汗流到件衫濕透，佢明明熱到跳舞都唔開機，環保係過晒火位，硬要將必須品說成多餘。
歐美向中國電動車徵高關稅，說明唔係為環保而係政治利益目的。環保係道德高地嘅陰謀手段，同民主一樣，落入政客手中就不同，不要太天真。
歐美推行能源碳中和政策，都唔係為環保，係已發展富貴國家想遏止未發展窮國經濟增長嘅目的。綠能貴，產品成本高咪賣唔到。因為以前綠能技術掌握喺歐美日，窮國一係要高價買佢技術，一係唔用清潔能源，政策推行嘅未來可藉口收你高額綠能稅。窮國為富國賺微利生產物品，窮就無研究費發展，亦無人才，永遠貧窮為富國奴隸。
榴槤因為太燥熱，所以都唔敢食，今年你有冇食過榴槤?!!你唔好提涼粉，涼粉可能係搞到肚疴的元兇，相信要隔一排才再食!!!
刪除又好似話暗殺特離普的後生仔並非佢一個，年少沒經驗畀特種部隊即刻掃低...我以為話你極端到想殺人~~
可能法國冇諗到歐洲天氣都咁熱，又或者借環保之名，慳錢為實，奧運駛唔少錢，慳得就慳...
哈哈哈...你唔講真係唔知呢單娛樂料，要我摷返網上新聞睇睇，冇冷氣都幾大件事，搞到離婚都得!!!
有些無謂的堅持，真係無意義，綜觀生活裡遇到人和事，有些都可能只是無謂的堅持~~~
美利堅現在都唔顧自己的面子，能夠有一分打擊就打擊，維護自己的霸權地位~~
對呀，國家貧窮真係唔夠人講，唔夠人大聲，日常做窮人都係差唔多，果種感受森伯伯最清楚!!!!
榴槤唔反感亦無好感，唔會買。
刪除一朝被蛇咬就怕成咁。涼粉來自街市？
聰明森推理慳錢奧運又啱喎！
令我愈黎愈憎(不信)環保。
即係網絡認為我比森哥更加娛樂八卦。哈！
明顯有老人痴呆病嘅 敗登 “堅持” 講大話無病、再選、命令烏不停戰…都好“無謂”。
總統唔係揀叻人，唔係有病就係瘋癲(我不信民主了)。傳媒話拜登令美國大亂，川普令世界大亂，我認為每個美國總統都搞亂世界。係近來中國力量強大左才能抗衡美國，推動世界和平。
森哥唔係有錢人亦唔係窮人，喺我面前就好大聲。
個人越年長，反而唔食得榴槤，好耐前榴槤放雪櫃，凍凍地好似食雪糕……
刪除我懷疑涼粉，唔肯定！
辦一個奧運會開支很大，收入都未必平衡，可以慳得就慳！
太冷門的娛樂料，又很少機會注意！！
某國的民主，大家都有目共睹，人生匆匆夢一場，唔駛太過認真，曾經為過呢類民主，而犯法，坐過監又冇錢落袋的就真係憨居居……
森伯呢類小薯仔點敢在一爺面前大大聲……
只不過森伯亦貧一面你唔知啫！！
原來森伯都是大畫家，失敬！失敬！
回覆刪除大自然聲音當然喜歡啦，但都要視乎情況，我遠足的時候經常聽到風聲、浪聲、鳥叫、蟲嗚、樹葉沙沙聲、潺潺流水聲，這一切都很喜歡。但如果半夜落雨，雨點打在冷氣機頂，實乃擾人清夢。另外我家樓下一棵大樹，有數百隻鳥兒聚居，清晨及黃昏聚集時比墟市更為嘈吵，住低層的多次投訴都不得要領。
失敬！失敬！...其實一路以來寫blog兼畫插畫，不過不是每篇blog都需要畫，而版頭上banner畫的都是本人手筆...稱為"大畫家"實在抬舉，只是隨手畫畫而已!!!
刪除當然喇，peace兄多行山郊遊，很多大自然的聲音都會聽到，而且仲係立體聲...但一般都市人，室內活動的範圍又少接觸大自然聲音，也較少機會聽得到...
係呀，雨點打落冷氣機位真係好嘈，幸好不是時時發生...過多的雀鳥在同一範圍內，除了嘈吵之外，還令環境不衛生，反而十分怕怕~~~~
好讚同夜晚聽雨聲嘅感覺係好舒服。
回覆刪除尤其天氣稍冷的時候，睡在被窩裡又加上雨聲，特別好訓！
刪除我都好鍾意聽海浪聲。
回覆刪除自己就唔太喜歡海浪聲，一起一伏有種忐忑感!!!
刪除愛聽細細的海浪聲 , 感覺好似正在洗滌心靈 .
回覆刪除我也認同，通常細細聲聆聽較好，太大聲變了嘈音……
刪除蟲鳴、鳥啼、浪濤……來自大自然的，我都愛聽。
回覆刪除其實比起音樂，大自然的聲音也會來得舒服...
刪除