有時都十分興幸，活在這個資訊發達的年代，無論主動或被動都能接收到大量的訊息，但也同樣影響了人的取態...
所講的資訊，就是與健康飲食有關，感到原來網上的資訊真可以影響一班人的飲食心態!!現在就有一套說法，多吸收碳水食物，就會令體型肥胖，更令人走上糖尿之路，米飯麵包就如同洪水猛獸，總之一句"得人驚"...
有時也會聽到同事間會講起健康飲食，聽她們的對話也說得頭頭是道，理論是有的，相信他們也能實行，但從他們身上又並未看到有什麼顯著改變，通常講理論的人，對自己飲食都有高要求，能夠放在口裡吃的是最安全、最營養、最無添加...照推理，他們應該有種健康氣息，所謂的健康美...可是完全不符，他們卻是又瘦又乾臉色也較蒼白...在人眼中，她應該多吃點，什麼都可以吃，反而會更好!!
這令我想起周博士，雖然他的健康飲食理論多多，但外表也不能反映出那種健康美出來...或者在我的定義來講，健康不是一套理論，更不是不吃這些，不吃那些，而是有種健康的氣息散發出來，這才算健康飲食帶來的成效~~
吃飯對我來講也沒問題，適量便可...暫時也沒有其他食物可取替!!!
是日午餐就是素雞飯~~
其實多吃一定致肥，這是大家的體驗，金字塔飲食都唔錯呀！
回覆刪除對呀，現用的金字塔飲食原則都用了多時，但亦有人話這套原則已過時有些誤導......
刪除健康飲食最重要是不要放縱，食多了就要做運動，要消耗到熱量。
回覆刪除當然喇，健康飲食之餘都要做多點運動，要配合很多東西才令人健康~~
刪除健與美係兩回事，嫩黑膚色爆肌人都會因抵抗力差而易病，佢哋可能過度運動和曝曬紫光燈都唔健康，醫生有套健康檢查規格才知咩人健康，目測靠觀感係唔準確。
回覆刪除鬼叫現時流行美白瘦才叫靚，長頸戴環、紮腳偏差審美觀都害人不淺。
藥食同源，均衡飲食須花色雜種，才能吸取各種人體所需各種營養才叫健康。有類人食碳水化合物就易肥體質，用211飲食法可減肥，一個餐碟劃分4等份，1份蛋白質、1份碳水化合物和 2份蔬菜。
叫人：「食屎啦！」唔係鬧人，醫學上叫糞菌移植，可醫治腹瀉、糖尿病、肥胖、腸發炎等問題。腸內有過百億種菌，原來係有瘦菌，瘦人糞菌移植到肥人後變瘦，食屎瘦身真神奇。即係體質因人而異。最新醫學都有研究腸臟菌群呢一科，當然唔同民間曾經一度流行嘅尿療法咁亂黎啦～！
周博士係典型文科人學理科，理論狗屁不通一團糟。
通常你好刻意去干擾身體去做某些事，會有反效果也不為奇，若然唔係古天樂就唔需要晒紫光燈，人家有工作需要...
刪除現在我所講的不是用目測去衡量人是否健康，是外表看來也有種光彩令人覺得有健康氣息~~
藥食同源就正正是我認為最好的養生飲食法，既可吸收不同的營養亦同時改善自己的體質!!!
一個餐碟劃分4份，試問若不是刻意，真的有多少人能夠做到，森伯食得清淡為主，很多都市病都是因為現今的人食得太豐富，一個碟都有4種咁多的食物，未免太豐富了，可能一爺少入院，食過醫院餐的人都知，醫院的飲食安排是一份飯，一份餸，一個橙咁大把，據講醫院餐是有營養師幫病人調配...
下次叫一爺去食屎啦，可能對一爺來講係個祝福詞~~XXXD
冇喇，被當為專家，就會越容易走火入魔，這樣就變成理論一團糟!!!!
唔使計卡路里咁煩，撥兩撥易過借火，有心會做，有果不停。
刪除有照顧老人，知道啦！病人無胃口/無心情，美味行先，營養第二。
比起我，你餐飯係活喺貧窮線下，寡佬食太寡，差不多係黑白相，屬光頭和尚少林派，我一餐食得勁瘋豐，有齊豆、蛋、雞、豆腐、果仁、菜、根莖、蕃茄、菇、高鈣飲品、飯、燕麥、生果，我呢個無牌營養C闖蕩江湖，行走唔係少林派而係繁花巨林派~巨大份林林總總花喱碌，依森哥話我有都市病？我有病都對撼清淡派掌門人森哥。
清明食雞屎藤茶粿，阿媽鄉下叫雞屎果即係蕃石榴，鼻屎味糖好搞笑，食鼻屎原來係某乾果粒好似樣，食豬屎係細蚊仔發音唔正嘅芝士，西多屎…我細細個食屎食到大啦！
暫時我無生病要移植糞菌，有病唔算係祝福。
點解佢無自知之明？人有弱項唔可逞強。
吃一餐要整太多不同的食材，令到自家煮變得複雜化，基本上我一餐有主食，副食加雜穀飯就夠……
刪除森伯冇做假，話明活在貧窮線之下，草根加赤貧人士，生活貧困……但窮得充實喎！！
吃得富貴又唔等於有都市病，睇你識唔識選擇，森伯一向都講食得好清淡，你見個好似得飯同素雞，其實蘊藏糙米，薏仁，扁豆，鷹咀豆，仲有蘿蔔絲……
若然病了有藥醫都算係福，冇藥醫咁就慘慘豬！！
睇漏眼添！森藏不露，禾稈冚珍珠。
刪除早餐當皇帝 、午餐做平民 、晚餐捱乞丐，每日落差大。而我係二窮五平，每周5:2斷食大起伏，果2天全日唔使$4，壓到比森哥條貧窮線還低。5天料類繁多，大都清貨『平』價，能偷歡十八層味蕾衝擊，長備短烹，時間花得值。
無法醫係好翳住，有個未夠卅TBB年青主持人患癌，期間嗎啡都止唔到痛，5期化療後個腫瘤仲大左，白廢痛楚，仲要面對醫生實話化療無效，生死邊緣中宣判，個心一沉，要進入電療下一階段，咁後生就…。
〈米飯麵包…得人驚"〉我呢啲肥菌人無森哥瘦菌人咁好運，我無買餅/包食啦！
對唔同人有唔同定義，對森伯來講，一餐裡有番薯，豆類，加無花果乾已經算係皇帝餐，基本上森伯三餐都差唔多，斷食後最多花臣可能係下午茶餐……
刪除呢單新聞我都有睇過，當中係個新主持，未睇過佢節目，完全唔識，但對佢的遭遇都十分同情，頑疾好多人怕，但又好似冇得預計，就算唔煙唔酒都可能患上，而且越來越年輕化！！
未聽過肥菌人瘦菌人，總之森伯易瘦難肥，有時都要增肥，食肥仔餐！！
唔食餅乾麵包，都難做到，只可以減低份量……
營養夠又食唔悶，老人死板，我又懶得搞花臣。
刪除咁森哥做咗咩預防老年患癌？
移植瘦人菌後，咩都無變老鼠神奇地變瘦，肥人菌亦然。其他如抑鬱病、發炎、腸躁症、敏感病……加好菌和益生元後〈有機會〉改善病情。
瘦菌人森哥唔會明白我呢啲肥菌人食少少澱粉都速肥，要就自己體質安排不同飲食。
食物對個人有宜忌，有些人吃了可能適合，但有些人吃了就反效果，因人而異...所以食開的食物，就不變了~~
刪除而且食慣個味道又覺得唔錯，通常吃來吃去都是那幾味而已...
預防老來患癌，第一要識多啲好似一爺的人，隨時激活一下自己細胞，趕走壞細胞...哈哈哈!!! 講真，現今社會吃肉太多，肉食動物在臨劏之前帶著很多恐懼、怨氣，呢種怨氣帶到人身上，吃了自然對身體不好...而且肉食是酸性食物，會揀多些鹼性食物來吃比較合適...現在人多了患癌，有時好難避免~~~咁你點預防?!!
尾那一句講得好啱，即是每個人都有唔同的飲食原則~~~
1)抗氧化食物，紅黃綠藍紫黑食物
刪除2)原形食物，避開加工食物，戒零食
3)食菇
4)食好油，奧米加3油每周300g沙甸魚，及果仁，減少奧米加6油。
5)211比例均衡飲食，大量蔬菜，生果上限3個，低碳水高纖
6)燕麥
7)蒸烚烹煮，少高温炸焗
8)生食蔬菜
9)適量蛋白質-有植物性和動物性，少紅肉
10)做適量嗦氣運動
11)減壓力，保持開心
12)瞓覺
13)斷食
14)曬20分鐘太陽
15)喺森哥板留言，有社交活動
16)不碰香煙(包煮食油煙)
17)不酒
你有十七項咁多，首先好懷疑你有冇跟足!!!
刪除是否 copy and paste...?!!
零食森伯有時都會食，其實在飲食中有些少習慣我覺得有必要保留，都係那句：唔過量為原則...有時零食也是生活上的獎勵!!!
植物性蛋白，我很多時候食豆腐，愛吃...尤其是蒸豆腐，在豆腐上鋪上肉片加蒽花，已經夠送飯!!!
你以上所講，我少機會能夠一日曬20分鐘太陽~~~~
咩唔做都得，防癌唔做第15項就唔得。
刪除有益身心的活動，就要keep住嘞!!!!
刪除各種食物都有營養，只要均衡飲食，身體自然健康喇！
回覆刪除man man說得對，最重要是每種健康食材都有營養，只要不偏食，自然就健康......
刪除碳水化合物可以製造糖份，年紀大了便不能吃太多，但我就不會太過認真，均衡飲食便是了。
回覆刪除對呀，碳水在消化過程中轉為糖份，所以不可吸收過多，尤其年紀漸大，活動、運動能力都少了，就積存在體內……
刪除以前有看過周博士的言論 , 我覺得他的生活普通人較難做到 , 他曾講過牛奶不健康 , 但有些專家叫人多飲牛奶 . 樓上 peace 所講我也是這樣諗法 .
回覆刪除在周博士眼中，除了佢自已，其他人食乜都唔健康，所有人都食錯野，或者每個人都有自己的一套飲食法，如果冇出問題又變得健康，已經算OK，
刪除食物都要睇夾唔夾自己，合適就為好，不合就不吃了，好簡單！
飲食是人生大事，不是小事。只要不吃太肥膩的食物，每餐不要撐得太飽，各樣蔬果都吃一些，多做家務或運動，自然通過體檢。
回覆刪除不過要留意那些雪花肥牛的“雪花”，雞脾裡面隱藏的肥肉，令人吸進很多脂肪。這些動物脂肪會堵塞血管，若不經常吃，亦有植物可解除；若是經常吃，會出現腦梗，中風。
對呀，飲食對每個人來講都好重要，一般人起碼每日食兩餐，所以平常飲食都要用心去做選擇！！
刪除動物油脂淺嚐都冇問題，但時時食會產生大問題，所以真係好小心，尤其腦梗，突然中風的機會好大……更何況人漸大，食野更加要小心，聽講雞皮，雞油等脂肪，好易令人中風！！
謝謝你的看法。
回覆刪除賈妮絲。
謝謝你的到訪！🙏
刪除