對於現今的網絡等科技，有很多事情已經超越我們的想像，最近在YT看到很多運用人工智能的視頻，把黑白的歷史片段變為彩色，亦看過把歷史上皇帝的樣貌，用AI生成有面部動作的影像，十分新奇...( 題外話，其實很多歷代皇帝沒有想像中般老，有興趣都可以睇睇...)
言歸正傳，現在什麼都會提到人工智能，絕對相信人工智能將會融入很多行業，畫畫是其中之一，現在已經有人認為用AI畫的畫，算唔算一件藝術品...當然有人認為不能當藝術品，失去有畫家創作繪畫的價值~~
在應用程式裡都有很多有關AI的Apps，有次見到有個可以將相片轉化為畫像的Apps，覺得有趣，便下載看看...一向對這些程式都冇太大期望，但試過後又幾唔錯...呢個程式不算Hea，下載的畫像雖然像素不高，如要取高像素的畫像，應該要付錢的，但落在森伯手中，都可以用軟件增加像素，應該晒一張4R相也可以~~而且可以用張畫像作很多個人用途，我有做森blog的banner，或個人頭像圖等等...
得個講字又冇用，拿了大家熟悉的明星相來作比試...看看與他們的樣貌有否大偏差~~~
劉 華
陳慧琳
周星星既然玩即興，冇理由唔攞森伯伯出來玩玩，唯獨人工智能所生成的鬍子太密，基本上森伯只是薄薄鬚根而已，其他都似!!!!
森伯伯講真，若然有人工智能，森伯真係可以隨時封筆，而且它趕工快...幾分鐘就生成一幅畫像圖!!!!
新時代產品是快...，手繪畫的感情是AI不能替代，因此森伯真係不能封筆。
回覆刪除除了快，它出品的畫像亦唔差，一向自己畫人像畫唔多掂，用一用AI幫手，仲好過自己畫自己！🤭
刪除謝謝你鼓勵！！
佢威力真係相當驚人呀！質優時短。不過暫時未殺埋身，森哥收山無咁快！仲有排捱。不過，因為AI生成圖好快手，工作效率提升百倍，老細計完成本會買個軟件然後縮細部門，做人要居安思危，隨時準備。
回覆刪除唔知Al和人手劃同一幅圖要幾多時間呢？
AI+機械人+量子電腦+5G+GPS 喺未來世界簡直係另一股人力資源嘅新力量，少子化都無問題。
AI喺圖像、聲音、文字、移動呢4方面都可協助人手加快處理，工作生態正產生巨大轉變。
上次個後生仔行山失蹤一周，經歷又凍又大雨，都係靠航拍機影低好多幅相，再用AI分析相片得出佢嘅行踪而尋回，除了搶人工作都可救人。
記者衍生文章、自動駕駛、 輔助醫生睇X光片判斷腫瘤、 熄燈工廠 、5G無人碼頭、海關出入境，人像付費…AI正漸漸侵入世界， 扼殺人手，大家要小心，最怕入錯行。
雖然AI發源地係美國，近年中國呢方面頂尖2%人材都發力狂追，其數目已貼到同美國相約。
所以，美國又會打壓中國，美國大學唔畀收中國人讀AI，AI公司禁止僱用中國人，不發讀書和工作簽證，排華行動會持續幾十年，直至中國完全超越美國。
[註："超級" 電腦做一萬年工作，量子電腦200秒便完成]
人工智能成熟的時候，可能取代很多人的職位，時時有感，下一代的人搵工作仲難，每個老闆都想慳成本，電子化，智能化將為老闆慳唔少，國內正開始嘗試無人駕駛，雖然仲有改進空間，相信有日會成功……
刪除就算AI幾快都好，所做出來的畫作也欠個人特色，真人製作有每個人的不同風格，價值就是貴在這裡！！
將來的人可能要學一爺咁後生退休嘆世界，尾國的全面打壓都幾恐怖，之前打壓「嘩惠」，以為嘩惠唔掂，殊不知舊年重上銷售頭位置，員工有得分花紅……有時打壓都未必是壞事……
愈學愈聰明，有朝一日仲會超越人類，得AI，得天下，到時唔知咩世界，蟻民就苦嘞！
刪除大陸無人駕駛公交車17年12月已開始行走，不過，法例要求有司機坐陣，去應付突發路面情況。已有6年啦！我估計有6G後司機可能喺辦公室內遙控巴士，遲啲收集足夠數據後就連人都慳埋。
森哥嫌佢無特色、無個性，但係佢比賽奪冠喎！ 剝你牙骹。哈哈！
傾一國之力，史上首次無被捽C嘅公司，真係厲害。法、日都有公司被整C或瓦解，因為國家唔敢抗爭，中國人有骨氣唔屈辱，令我敬佩。
另一個意外係佢諗住經濟制裁你定必跪低求饒，點知個女財長太聰明，貨幣同石油和黃金掛鉤，呢招擊敗小國就得，對產油/產金/糧食大國就無效。打醒佢，策略從向西轉向東。
等北京辦完冬奧運才開打，好細心，巴黎奧運在兩場戰爭陰影下好驚有恐襲。
唔驚得太多，到時森伯都可能退左休，都唔關自己事……
刪除我睇新聞係國內的無人駕駛的士，始終的士不是固定路線，不同巴士或小巴！
用AI參加比賽，意思不大，好似沒有什麼實力可言！！
公司講實力，最緊要係上下一心，打壓不是一朝一夕的事，之前由太子女被扣留開始，已經有晒心理準備，有時間應對，大公司收到的料比能公開的新聞多！！
我諗法國都幾嚴正以待，比平時做得更嚴！！
咁未來更要揀共產主義國家才有生活空間，民主國家由利益集團控制，某國中產階級比幾十年前減少，貧富兩極化更惡劣。
刪除中國政府追求和應用高新科技走在世界浪尖，以前新聞都係講美日歐會有乜乜新嘢，近年形勢反翻轉。
中方執行力嚇怕西方，反而西方得把口dry講，發展力弱過以前。
中方仲將發展路程輸出其他落後國家，令佢哋發展起黎，愈來愈多國家親中遠西。
咁勢頭令西方擔憂，完全被中方取代，搶走飯碗，完全被孤立，令西方由全球開放貿易改為保護主義抬頭，建小園高牆，增加貿易壁壘。
早年還興用深藍超級電腦同圍棋高手對奕，電腦大戰人腦，當人類敗陣後就再無比拼！証明人腦可以創造比自己更聰明嘅電腦。電腦參加比賽咪可証明電腦力量有幾強。就算係創作力、判斷力嘅工作，未來電腦都可以代替人類做到。
又要向竊聽駭客大國花大筆錢買情報反恐，等奧運平平安安。
經過一九年的政治事件洗劫後，忽然令到眾人心目開了，世界轉變了，可能以前認為對的，忽然同自己既有的想法改變了，不知一爺有冇從事件變得清晰，還是一向都清楚！
刪除希望自己住的地方，會越來越好，自走出疫情後，又遇上北上購物潮，令港經濟雪上加霜，喊得一句句……
話明超級電腦的轉數速度一定比人快，有朝一日取代人腦有幾奇！！
唔會一向清楚，正常末發生，唔關事，唔會諗。
刪除發生時，見到行動罕見有咁組織性，感到怪怪，估到背後係有股不尋常強大力量策動，並未諗到係一國之力。
後來遇上中天新聞坦言，才知來龍去脈，乜眼都開晒。
兩國經濟軍事外交國力距離遠，佢會扮天使，拉近後，魔鬼真身才現形，近啲才睇得清楚。誰為正邪定分界！
回想：90年代蘇聯瓦解和89年民運咁近，全都係慣犯動亂他國政權一連串行動。
所以，設立一個間諜動亂組織係超值，只花好少錢搞亂他國，唔換到親佢政黨，動亂都可阻止經濟發展，佢咪永遠第一，分到最大塊餅，有左錢便去搞亂人哋，貧富永遠懸殊。為達到目的，説謊 欺詐 暗殺…非法又不道德嘅全做。
「北上消費令港經濟雪上加霜…」感覺到西方點解要出手打壓理由。
係呀，就係發生事件後，反而令人對於目前的政治關注了很多，政治好似不是平民百姓能觸及，但政治又往往影響民眾的生活，所以會更加關注事態發展...
刪除你又係?!!我很早就發覺事態唔太尋常，暴亂者有齊裝備，這些裝備不是隨處可購買而且不平宜，裡應外合，井然有序地搞破壞，就已經察覺到背後一定有大勢力...
你都對時事新聞幾感興趣，我冇睇中天新聞...冇記錯中天新聞是否台灣?!通常台灣的節目講說話很快，女主持又特別尖聲，尤其什麼養生節目，通常聽了重點就算~~~
唔該一爺政治話題，請避重就輕，陣間被google block左，突然上唔番森blog就C嘞!!!!!!
「北上消費令港經濟雪上加霜…」感覺到西方點解要出手打壓理由...乜北上消費又有西方打壓事咩?!!
要關注政治，好似圾垃勁廢推行根本好多問題都無處理好，非常影響民生，大多數低下層都做到攰休息都唔夠，仲要擠時間清理分類垃圾，迫住花錢丟垃圾，咁咪對減廢原意失效囉！唔想買嘢制造垃圾，香港經濟依然低迷未復甦呀！厨餘回收桶好缺乏，森老伯唔識用手機打開先進厨餘機蓋架，特別對食肆雪上加霜，安老院用好多尿片、洗傷口…問題一籮籮，減廢效能低仲推乜鬼，官員唔想下台，快揾下台階廢左佢啦！
刪除有時我仲嫌慢，校快1.25~1.5倍聽短片，讚自己。個人覺得台灣口音比大陸口音更易明，女聲清脆發音比低沉男聲更清晰易聽。
想森C咪要一直講呢啲，捉到森哥痛腳啦！哈哈！
因為搶走晒你生意，西人如港店舖揾食艱難，明白西人心態點解要出橫手打壓。
一班所謂政府智囊諗就諗得簡單，將膠袋徵費變成垃圾徵費，其後衍生的問題，又冇細想，我覺得推行初期都會唔習慣，有待看情況再作出對策，為什麼講AI變左講垃圾……
刪除醫療廢棄物會更多，真的有待觀察！！重點係原頭減廢，超市商品包裝物多的是，有時買少少，包裝仲多，速遞物流更恐怖，不過現在發覺都少左包完又包……
話時話，這類節目口水成份多，吹大半集水，最後才講重點，一路飛一路睇，森伯興趣不大！！
AI萬能，做乜都得，個弱智囊唔得，畀機會人工智慧處理，可能更優勝。
刪除政府工作有一個流程框架，有做諮詢收集意見，然後修正解決問題，行得通才正式推行。年多前政府都喺我屋苑試行，我仲有好多「只供試用」字樣嘅綠色垃圾膠袋，依家又要再試行，應該係之前環保署班友仔做得差，佢哋只識處理污染問題，改變市民生活習慣係另一科，要補鑊，換另一班做公共事務人跟翻流程做多次，考究實情再作決定，我讚同前僑聯主席叫停，我覺得呢個方法同道路收費一樣係唔得。
睇吓不同地區人們看法，會有新意和啓發性。
唔係個個人和商戶都係乖乖，願意買指定垃圾袋，把垃圾分類或先做好妥善的處理，相信有很多人搏大霧隨街掉……不過森伯係一等良民，起碼用個指定袋裝垃圾！！
刪除若然想減少塑膠垃圾，真係由源頭諗計，當然要市民乖乖配合，呢類工作是持久的，需要彼此合作！！
一爺咁多指定袋，到時唔駛買都慳唔少！！我就認為可以試下先，到時唔得都冇說話可講……
如果只是想將一些個人攝影頭像改成畫像，例如漫畫、油畫、水彩畫等，我廿年前已經做得到，不必用AI，最強修圖軟件photoshop就可以，主要是利用改變反差、紋理等功能，甚至換頭換面加肥減瘦都冇問題，但要一些時間，我相信利用AI的話就簡單得多了。
回覆刪除其實AI的圖像處理同photoshop的原理該是差不多，不過AI可以顯出畫像的風格來，但相對photoshop一幅相變化不大，變的是紋路線條，而且photoshop要用數個特效步驟才能成一幅圖畫，而AI比較快手，而出來的效果都滿意，當然有些效果唔得，都要視乎返相片取景等方面！！
刪除Great blog
回覆刪除thanks!!^^
刪除Please read my post
回覆刪除Okay...
刪除AI永遠唔及真人，所欠缺嘅係一份真實嘅溫度，我一直有keep住睇你嘅文章，千祈唔好封筆呀！須知道我嘅Blog友已冇剩返幾多個㗎喇！好懷念以前一出po第朝早就有百幾個Blog友回應嘅日子。🤣
回覆刪除在商業社會，邊會理你作品是否存在溫度，老闆最緊要是平靚正！
刪除可能你誤會了。我意思不是說，要放棄寫博而封筆，AI畫畫功能勁，可能要迫使森伯封筆唔畫……不過好感謝你常來！！
Beautiful blog
回覆刪除thankyou for visiting again
刪除為了抗衡「人工智能」對人類的威脅，老牛仍堅持動手動腦、畫畫寫文，保持清醒和創造力。老牛如今仍日日畫時事漫畫，雖沒有園地發表，用手機傳給朋友分享也是開心的。
回覆刪除