在春夏之際這段期間，相信很多人都感到濕重，有時見電視廣告都在賣些所謂袪濕貼，把藥貼貼在腳底，就話可以抽體內濕...我就半信半疑，但未有買過來用~~反而覺得食落肚比較可靠，通常選擇最簡單的薏米，而森伯都好耐沒有講過有益食品，而薏米是我最多食用的食物，每樣食物都有屬性，是否適合自己，都好睇食物同人夾唔夾...所以就算幾有益的食材也好，也不敢亂推介給人吃，先試試吧，好的再繼續...
在我的日常裡，薏米不是用來煲水飲，而是用來溝飯吃(當雜糧飯)，感覺對身體也不錯，據講是除體內濕氣，能日日食就最為理想...其實每次加在飯裡的份量不多，所以一包都可以吃個多月，要買相信也不難，超市都搵到...正所謂醫食同源，薏米都可算是這一種食物...
黃綠森醫師溫馨提示：薏米比較硬，食用前要預先浸泡一晚，否則難以消化吸收~~
我唔識咩係濕氣重，從來無食袪濕嘢！係細蚊仔時阿媽會煲生熟薏米水畀成屋人飲，後尾仲係小學都無再煲。
回覆刪除係工作會遇到濕滯，不過，薏仁就幫唔到袪濕。
證明一爺仲好後生，濕重呢個term係森伯果類老人家才用，當腳步重重，成日唔夠訓兼且烏sir sir，都可能同濕重有關，尤其在梅雨天時，不過森伯食薏米是有助筋骨，因為它也有這個輔助作用!!
刪除咁你冇飲薏米水都好耐，對上飲仲係幼稚園期間......
我係唔識中醫學名詞，唔好忽悠我，同年紀無關。
刪除我有過嗰D癥狀都係其它原因造成，唔係濕重。
森哥要助筋骨~ 即係要除痹止痛。都係森哥太肉麻咪骨痹囉！
查醫典：「骨痹成因係氣血不足風寒濕邪侵骨髓。骨痹由淺至深依序為皮痹、肌痹、脈痹、筋痹及骨痹。風、寒、濕等外邪與人體外內相合會導致痹的產生，而逆其氣則病，從其氣則愈，不與風寒濕氣合，故不為痹，簡單來說，正氣不足為發病的基礎。」
係話森哥無正氣，好邪！
「治療上適合以溫通補益為主線，兼以活血化瘀通絡為治則。經典“薏仁湯”袪痹 包括薏米、生薑、炙甘草、桂枝、麻黄、獨活、蒼術、防風、薑活、當歸、川芎等」
中醫藥方好多樣嘢照顧全面，類同均衡飲食，黃綠森太單一，無乜用，繼續骨痹啦！
有時藥材越多，越容易溝亂，單一味仲更加好，有針對性的幫助……
刪除你講既藥材，有好幾樣森伯係唔食得！！食野要小心之外，食藥更加要小心！！
唔食得~森哥毒藥。
刪除3X年前返大陸，罕有地叮囑厨房醃嘢唔准用花生油，清洗厨具，事關個鬼鬼係花生敏感，一滴油炒都引發腫脹窒息致命，食飯咁鬼緊張，仲諗十字車門口standby，唔敢亂黎，成周都係同一間食穩陣D。
記得王菲首本名曲『容易受傷的男人』，直情唱出森哥逆天奇案，同森哥食飯使唔使咁大陣仗呀？
咁森哥定必和善，如得罪人多，D仇人想向森哥報復，無罪落毒都好易。寃寃相報何時了，慨嘆漫天飛彈，中東、中美、俄烏……美航空公司投訴中方不公平競爭搶生意，因中飛俄領空航線更短，都係美府促成，鬧咩人！邊國在公平競爭下輸左就改遊戲規則，最不公平國家係自己。
有無解毒丸傍身？如食錯酸嘢後多食鹼嘢中和吓！
又唔會講到毒藥咁誇張，係呀，要戒口的人真的不想掂到少少忌口的食物，更何況有食物敏感...本身一爺有冇咩食物要忌口呢?!!
刪除鬼鬼既然有食物不能食，外邊食肆都信唔過，自己帶飯仲好，畀著森伯一定會咁做，好過成部十字車停在門口外，真係嚇C其他同事~~~
你講野特別浮誇，有很多人都需要戒口，戒口並不是森老伯的專利，既然你若想同森伯食飯，鮑魚、遼蔘、花膠湯就一定冇影響!!!
唔會喇，咁多仇人咩，基本上好多都食得，有啲食材食完驚唔舒服而已...你又想抹黑森老伯，係個食野奄尖又麻Q煩的人~~~
其實這幾年，某國所做的一切大家都有目共睹，若果還是執迷不悟，認為外國只是想幫香港，想香港好，這些可能只是一廂情願!!!
你個一爺梗係睇得古裝片太多，所有中毒都袋定一兩粒(麥提莎)當解藥就OK~~~
便秘時蟶子係我特效藥。
刪除潮流興誇，網上大多數係誇張標題引你入去睇。
美鬼來中工作仲帶飯？了不起森哥就得啫！
森哥食嗰D我覺得真係大陣仗，森哥當然濕濕碎啦！
所以，你將同事請你食嘅嘢掉入櫃桶底，果然怕復仇。
崇洋係盲目嘅。另一類係收受利益嘅賣國賊。
邊關事。耆英都袋定支藥油，森老仲年少無呢招？
一爺果然有米，便秘都有海上鮮食，蟶子森伯都未食過！
刪除網上收視睇點擊率，唔做標題黨都唔得，其實一爺咁浮誇幾適合做標題黨去呃like……
事在人為啫，帶飯點都好過食錯野，就咁帶份三文治都得，不過要應酬就冇得講！！
哈哈哈，只係唔啱自己食，無謂勉強吃吧！！
森老伯真係帶過藥油傍身，但藥油味太驚人，自己又少用，之後冇帶！！🙄
咁寫過癮D，就算便秘都唔食。
刪除假如森博無人睇會做標題黨！露點引人！
無衣食，贈予如看更…係美德，佢個孫食都開心，多做好事無損。掛曆和印花我都問人啱唔啱。
合理要求餐廳會做嘅！
另一次喺大陸，酒店開會中個快退休老鬼病況漸壞令人擔心，追問幾次去睇醫後才講耳膜發炎要食抗生素，人地生疏，唯有問人區中信心大藥房，揀最貴港產進口貨，大陸成藥無信心，全部第一次，忐忑不安，幸好食完首服有好轉，所以，佢叫我做醫生。估佢常病發，咁老遠行都唔識備藥。
藥油畀人笑婆仔破壞森哥型男形象。
除左森哥食開薏米 胡蘿蔔 黃豆制品 糙米飯4樣可消除關節炎，薑黃/肉桂粉 蒜頭 洋葱 藥效更高，香料夾到森哥？
有幾過癮呀?!!......話時話蟶子好似未食過，太靭老人家又難消化!!!!
刪除冇人睇就自己睇，唔一定要個個都睇，標題黨有時都會諗諗有咩得意題目......
你真的會把舊的、不要的轉贈給人?!!通常我真的需要才攞人的贈禮，很少再將物品轉送別人~~
人在外地病起來都其實幾慘，不過有當地同事陪伴都差唔晒，起碼知去邊度睇醫生或住院...如果得自己一個就麻煩~~
正所謂有頭髮邊個想做瘌痢，有型男做...邊個想做病壞!!!差起來，要搽藥油就要搽架啦!!!!!
你以上講的香料，其中三樣森伯唔食得!!!!
濕重有乜嘢感覺呢？呢樣嘢真係唔識，或者我濕咗好耐自己都唔知道！😥
回覆刪除哈哈！我都有同感！
刪除相信好多後生仔女都未必知濕重是什麼，基本上在潮濕天氣下，人常常沒有精神感到疲累，就可能跟所謂濕重有關，可能你們都冇這些問題，其實也是好事!!!!
刪除我都有煲去濕水習慣，因為亞女喜歡飲。我習慣煑三色米，不用浸米。
回覆刪除三色米不用浸?!! 三色米不是有糙米，紫米，紅米嗎?!!這些都很硬，起碼都要浸成晚.........
刪除春夏之間的天氣都比較反覆同埋濕氣較重，煲D湯水或涼茶飲下都係幾好。
回覆刪除森伯唔識煲涼茶，相中薏米都係用來混米食，春夏間多霧多雨，好易令人濕重！
刪除「春天不是讀書天、夏日炎炎正好眠」，成日覺得好攰，也許就是「濕重」吧？不過老牛不懂如何袪濕，老媽去世之後也沒有人再煲「袪濕湯」了，只有日日堅持做運動來振作罷。
回覆刪除運動都有好處，但有時候飲些湯水或滋潤糖水對身體也有好處，不過自己都懶煲，唯有把這類補益食材放到飯中，都可以從中吸收到當中的益處……
刪除你說得對呀 , 任何食物對每個人有不同反應 .
回覆刪除所以有些看來有益的食物，其實都好講對每個人的體質適合與否......
刪除