近排最熱的話題，總離不開香港的市道，據講有很多店舖都要關門大吉，造成這樣的連鎖效應都歸咎太多港人北上消費，就算餘下的本地人都不寧願在本地店舖花費太多，是因物價太高認為唔值...
而近日有講，某間日式百貨裡的12蚊店都要陸續收檔，連12蚊都要執?!!諗番呢間店都逛過不少...每次去這間日式百貨，都會順道行行這間12元店，雖則話很多貨品都是$12元，但買到的又有多少呢?!!記得以前"日貨城"都以十蚊作招徠，老實講佢貨品有些唔錯，有些亦唔見得好，可是越賣越貴，同初時的十蚊價錢差很遠...
講返呢間$12蚊店，到現在才知佢唔係隸屬A字頭的日式百貨，是獨立店舖?!!知道的朋友可以告訴森伯...每次去睇都有很多有趣家品，並非有很多需要買，始終家裡空間有限，又未必真正需要，很多時都係睇過、行過、掂過就算...在現在的電商興盛年代，的確有很多這類店的貨品都可以在網上買到，一來價錢平些，二來又多選擇~~
早在個多月前才逛過，也估唔到今日就要結業?!!除了人生無常，仲有店舖也無常...
現在店舖真係買少見少呀
回覆刪除有些舖位空置了多時，都未見有新租戶!!!
刪除森伯伯竟然話係「赤貧」，也許好多沒有收入的長者都是這一階層吧。如今有一句流行語叫做「性價比」，其實就是往日所說的「抵」或者「值」。最近有人推薦老牛讀某大報一篇文，談到深圳的「平靚正」背後是許多人低工資及長時間工作，似乎是痛恨資本的剝削。老牛立即反駁︰稍有常識的人都知道老板要剝削，但站在消費者的角度就期望平靚正；誰會願意接受又貴又差的服務？
回覆刪除牛兄真的了解赤貧森的境況，從現時的消費者角度來看，第一前題是最緊要平、靚、值，如果價錢一超過他們預算，寧願不買，若然收入不多，買樣東西也要左諗右諗~~
刪除相信也是，始終國內的人工薪酬較低，而且工時長，否則難以競爭...做老闆個個都想賺到盡，所謂的剝削總少不免，是好睇每個人的做法而已，今時今日不說國內，就算香港也是，自疫情過後減工時，減薪水...都是見慣不怪，導致很多人的消費力減弱，什麼淘多多，電子城的貨品越平越多人買，食就不如經經濟濟兩餸飯，好食得來又飽肚......
你說「知道的朋友可以告訴森伯」，咁就比我扮吓"知道"啦，小弟未退休前同"A公司"（以前叫"J公司"）有業務來往，相當熟識，他們的營業策略是走大眾化路線，相當成功，擴充業務的時候考慮到香港鋪租太費，所以發展出後來佔地較少又受歡迎的"A超市"和"A10蚊店"，所以說，當時是"A公司"的成員，但現在我離開職場多年，有沒有變化就不得而知了。
回覆刪除另外，他們的貨品有八成是來自大陸，試想，今時今日要買大陸貨途徑多的是，更平更靚更多選擇，周圍都買到，包括淘寶及街邊無數的"短期租約店"，12蚊店執笠是可以理解的。
先謝peace兄的解答...我真的以為呢間12元店是"A"公司裡面的一部份，因為某間"A"公司的分店，裡面都有很多不同店舖，最主要係食肆...
刪除始終有很多生活上的貨品是來自國內生產，在12元店裡都見到有些貨是日本產的，不過多是食品(例如零食、咖喱等)，至於用品都見過有日本貨，其實這店的銷售模式都有點似初期的日本城，都是以十元店模式，後來越買越貴~~
原來連佢的超市都是分拆開?!!我又以為是公司的其中一部份...
始終今時今日，買的生活用品，很多人(包括自己)都會選擇淘X，平平地而且又可以有其他款選擇，家附近的物流中心，貨件真的可以說是推積如山來形容...除了食，用品市場也被佔領~~~~~~
我好喜歡到這間12蚊店逛，店內有小部份日本制的物品及食物，品質幾好，其中有些大型12蚊店，有亞加力透明架，我在裝修時在淘寶買了，真是平靚正，後來12蚊店引入同樣產品，如果是需要小量都可以幫襯。
回覆刪除對呀，雖然未必會買很多，但內裡都有些幾有趣的家品賣，而且不貴，如果有需要都會買，不過森伯不會隨便買，不想家裡太多雜物...除了家品，一些冷門的美術用品，裝修用品都可以試下找找，如有合用的，正如你講買少許也可，都算不錯!!!!
刪除12蚊店可能因為平價，容易過度消費，多買了不需要的物品。
回覆刪除分一個個人，森伯有定力，在裡面很少瘋狂購買，通常都只是一兩樣而已~~
刪除仲諗住靠森哥嘅着數報料！
回覆刪除有D小物幹大事~省時慳力，有D實際同想像有出入~廢掉。自古成功在嘗試，平平地我續買才持續變好。
望競爭有進步，不變死場！
那電商執平？開心“些牙”。量少比喺港買貴因蝕運費？
唔會啦，除非住附近成日去，就有咩著數野同各位博友分享吓...我間中才會去一次，通常買其他東西，又很少發現有物品，小小地又可以幫到手...咁你有咩家品好使又好用，介紹畀老人森，下次去搵吓~~~
刪除通常森伯大都是下午時份去，個場都係唔多人，班售貨是可以打牙較的，好他條!!!!!!!
所謂電商咪係淘X，現在有智能手機的，都習慣在淘X買野，最恐怖係一件單買都照送貨，完全不似港網，要限定購買幾多錢，才送......運費都係以重量作計算...
膠盒樣似文件夾將碟企直放易拎好多，舊時一叠瓦碟好鬼C重，抽出中間一隻唔輕鬆。清空枱面唔放嘢，方便清潔和騰出空位整餸，用格仔網、網架和掛鉤放晒調味料和常用濕星小厨具，每次睇住自己聰明傑作有幾開心滿意，樣樣順手入厨樂翻天，永無止境改善，去家務化，所以，我上面咪話會繼續試，失敗當交智商稅。
刪除我未淘過架！如果買一件好細，輕如10g嘅運費係咪有最低額？
森哥終於享受和讚賞對機器購物好過對人，打破舊思想。
常常感覺一爺家中好多人，只是碟都幾十隻，要買個碟架來裝先夠，太多人晚晚開party😁，野食都唔少……
刪除搵到自己啱用物品幾開心，在生活中幫到手最重要，的確有些不起眼的用品，原來諗吓計都可以好好用！！
當在淘佬買完一樣東西，無論咩重量，都由佢幫你計，結完單後便可以畀錢，佢軟件自動幫你計晒，之後便等收貨！
無論對人或對電子都無所謂，始終淘佬多野買！！
擠迫戶好焗促，磨擦機會大，過節多嘢食就開心。對阿媽最高領導人來講，持家人多功夫多，人力資源都多，我哋識性時領導人就每個人都指派幾項家務，仲會有家務升級由易到難，讀飽書出去打工後就家務全免。
刪除雙親上天堂後，積存多餘家品我要斷舍離。
咁森哥有咩得意傑作可分享？
講到我心郁郁想尋寶！森哥有咩心得？避開黑店？咩集運更平？
森哥有冇誘惑到失控買上癮？ 購物天堂變地獄。
以前的家庭，雖然未必個個住大房，因為以前人人都是住得細，迫埋又覺得溫溫馨馨，蠻感到有親情味，現在實在太多比較，住細房人就容易發脾氣，常常都埋怨居住環境細，但想起以前的人又捱得到喎!!!
刪除我聽你講過，你細時畀人收養是嗎?!!後來又可搬番屋企同自己親家人住?!!
最近我發覺啲四爪夾好好用，夾咩都穩陣，又少會爛耐用...算唔算得意分享?!!
你唔好講到森伯好似集運達人，用佢官方集運咋，可能未必係最平，但方便些吧!!!有些人真係專家...之前我係靠人幫我買~~~
森伯咁易上癮咩?!!買啲孤寒野~~如果有咩唔滿意都唔需要太肉痛...哈哈哈
已經係房屋處嘅大房都唔夠住，後來，連住間屋分多兩間細房，因鄰居又係人多就搬去第二座咪空左出嚟，所以，我個年代出生率係最高。
刪除劏房會喺厠所煮飯，我以前係公共厠所和浴室，走廊就係厨房，係好過現在劏房，仲唔使交水費。
我諗我應該畀李嘉誠收養過，哈哈！有空講吓笑都好。森哥最近食左咩嘢？有幻覺！我講我自己有幻覺。
森哥用得開心就係得意分享。
就係太平，唔使㩒住荷包咪買多左，買到上癮。
每個人對住屋需求唔同，可能對有些人來講，有瓦遮頭已經好理想，有些人就要有個獨立洗手間梳洗等等...
刪除好老實講人越年紀大，住得細細地反而仲好，有時家裡整理，維修，執拾都方便啲，屋越大越多野搞~~
你不如話比拜登收養過，記得你好似講過咋...明白嘅!!!!
唔會啦，真係有需要才會買，家裡始終空間有限...森伯為人長情，唔希望冇用過幾多次就揼!!
星洲能為蟻民安居勝港府。我未出生時係住木屋，落雨漏水，打風會吹走屋頂，去好遠打水…所以，徙置區石屎樓有近距離厠所、浴室、水房方便好多。
刪除係斷舍離精神，夠用唔多餘，我喜愛細就係森哥講嘅原因。後生乜都想試，愛虛榮，愛同人比較，係要經歷過方知乜嘢才最啱。
我嫌棄佢，敗登係無恥涼血政客，靠屍骨墊底上位，川話敗係咁多屆最差總統，同樣，民意調查都係佢最不受歡迎，森哥想黑我！
睇戲都想有意想不到新橋段，養子係唔錯，有趣喎！
我有時眼高手低，實會買到唔合適，都要處理掉。
人生就是有種種的經歷，時代進步，人的居住環境都要同步...如果是現在的人，都有可能嫌三嫌四，但以前叫板間房的屋，現在就稱為劏房，但又好少聽以前的人埋怨板間房，正所謂人望高處，也希望自己與家人住得好些吧!!!
刪除我都唔會怪責拜登，邊位總統上任都一樣啫，之前的當奴侵咪又係一樣...
越來越發覺一爺唔知邊句真，邊句假...仲要蝦老人家森伯伯老人癡呆~~~
買錯野一定有，尤其是網購，但亦有很滿意的...都係碰手神!!!!
好可惜啊！呢啲舖頭好好行㗎！
回覆刪除謝謝你的到訪...
刪除不需要太可惜，因為外面這些類型的店舖其實都唔少!!!
可能有些分店仍有存在...
有趣的商店。
回覆刪除感謝您的光臨。
Obrigada pela visita.
janicce.
謝謝你的到訪，有些家品都幾有趣...
刪除12蚊店最鍾意行。
回覆刪除係呀，如果唔多人時，真係幾好行又有野睇!!
刪除偶然會入去行下，不過都係齋睇嘅多。
回覆刪除如果有合用的，我都會買...為免買了不等使的東西，買之前都會諗清楚~~~~
刪除