雖然寫博跟一般寫作有不同，但久而久之都比較容易寫出一篇文章來...是真的~~
其實森伯除了喜歡畫東畫西之外，也喜歡寫作，若不喜歡，寫博也不會維持得那麼久...雖然很多人認為脫離校園階段後，寫作會比較少，其實也對的，相信很多人要"鬥"(寫)好一篇中文文章也十分困難，曾經聽人講過，萬一做錯要寫報告就好煩......幸好，自己又唔覺寫文章是如此辛苦...
在日常生活上，當有需要時都要寫些意見信或投訴信，而每次的回覆，都可以令到事情有所改善，已經幫到不少...而最近亦有透過電郵打過一封意見信，收到答覆後，除了自己，其他人亦感到高興...當然不能全是封信的功勞，之前也有人只作口頭反映，沒有太大的幫助，所以大家都旨意這封郵函...
其實，中文雖然是自己的母語，但所識的始終有限，自己察覺若要寫一些情感細膩或使人心動的文筆，還未到位...一向對中文都有歸屬感，有時在寫作時都怕有點詞不達意，所以寫完一篇文，都要多讀幾次，刪刪減減才能確定，不排除遲下想進修中文的修辭法之類...
當然呢個世代已不需用紙張，拿起支筆來寫信...信函多數是打出來!!!!
我初初學寫網誌常常充字，現在寫多了！尚好的，因為可以多動動腦筋，圖文記下生活日常，幫助我有精神寄託，又多謝大家來分享，給我動力！
回覆刪除可能都寫了好一大段日子，以前每日一篇，篇幅短些，等如寫日記，到現在一篇文加一兩張相片就比較好寫……
刪除對，有博友們的支持留言，較有動力繼續寫下去！！
從stella的網誌都發掘很多好去處，會多加關注！！
其實寫作是一種練習，寫得越多就寫得越好。我讀中學時已經喜歡作文，特別喜歡叙事文及議論文，老師每次會抽出寫得好的一篇向全班朗讀，當朗讀我的作品的時候自己很是開心，也激勵自己更加努力。
回覆刪除說的對，寫文章真的要多練習，題材多自己可以寫得更多內容，我由讀書時期喜歡個人散文，小品文之類，文體簡單得來亦夠生活化，所以起個博名為小品文……
刪除老師在堂上讀自己的文章，我也試過……對，也是一種好好的鼓勵……
我呢個理科腦細個時最怕作文，正如文科腦最怕數理，真係會背脊飈冷汗，係老後對事物歷練多，細心體會去儲蓄材料，牢記多啲形容辭增强描寫力，係超遲緩發育，腦筍終於生埋，才能絲滑寫作。
回覆刪除數字化正革命性重塑世界，好多實體嘢如錢幣 商店 餐廳 書本 有墨筆 紙張 消費券 漸漸 消失，一部手機可以解決所有問題，像個虛擬秘書或者係得力助手去處理日常事務。所以，森哥只係『打』手，擔當投訴槍手。
中國數字現代化應用走在世界最前端，遙遙領先，令落在後面嘅美國好焦慮，唯有出陰招去拖後腿啦！
數字化後去超市買野要注意，噚晚去P超買嘢物品標價$89，過機彈出$133，差成$44好誇張。故事教訓我，買嘢都好考記性，記得帶腦出街，另外，做任何事都穩陣啲要翻 check，不要相信xx永遠是對的。
理科頭腦，不擅作文……睇平時一爺的留言又要水蛇春咁長，又唔似唔多寫作……
刪除話森伯係打手，係個投訴槍手，好型啫……不過都要作少少更正，係意見信唔係投訴信，多些對外的寫作，真的會令文筆進步不少！！
本身89元的貨，機打出133，後來有冇去追討返呢？！我買完就冇即場check單，返到屋企才檢閱張單有冇出錯，幸好都是出入不大！！
長氣到老人院都唔收，點都好過腦海空白，無野寫。健忘～重複一句講完又講，問完又問。森哥要體諒老人。
刪除懷疑愈寫愈好？倪生自爆老左無後生仔時豐富創造力，寫唔出好作品，自己封筆。傳言辭王霑叔老左被遺棄，風格老土唔再搵佢填…
因我只買兩樣野就發覺，即場拖佢去貨架檢証，立刻撕走價目紙，改機造翻錯價畀我，明明係佢錯佢仲面黑黑對我，惡人先告狀好唔啱！唔通係黑店慣犯…我唔驚，仲要常去執死雞。我仲用埋佢買滿$100有$20電子優惠券，同買一送一好抵買黑朱古力，賺盡佢！哈哈！
老人家森伯實知老人家的苦況！都唔需要體諒！！
刪除正所謂時勢做英雄，人做得幾好都好，可能真的有天要退下來……還懂欣賞的人又有幾多呢？！！輝叔霑叔的歌都算係時勢做英雄的例子，七八十年代，人們生活簡單，冇手機，又未必捨得外出消費，唯電視就是大眾的免費娛樂，所以造成電視劇的興起，連帶輝叔同霑叔作的曲詞都大賣，若然將他們放到現在，情況可能不一樣……
超市班阿姐，若果煩到佢，真係同你黑口又黑面，你好野，仲同佢哋理論一番……佩服你，自己事先係大前題！！
輝黃都有好多正歌，有實力，唔係靠時勢，因為幾拾年後翻聽都覺得悦耳，証明係好歌啦！呢個年代仲有改篇許多日本靚歌，不過，後來再無聽到旋律優美嘅日本曲？隨着日本經濟失落卅年一起沉沒。
刪除好似森哥咁面皮薄、怕怕羞羞就唔得。我係學個C9買大魚事先鬧鬼個賣魚佬：次次買$10都切多無切少，今次切多左就唔要，結果，個賣魚佬才乖乖斬$9。
咁點解超市唔係平左而係貴左呢？
為何森哥對住我就唔逆來順受，力爭到底，乜我無阿嬸咁惡死咩？事關睇唔到我面色。
唔好咁講，有一半超市阿姐都好人屎嘅！
所以，唔使睇人面色和排隊，我喜對住機器操作包括銀行等服務。鬼叫森哥愛揀對人咩！
通常聽得輝黃的歌，都係一班由細聽到大，有回憶的歌迷，而這些歌是一代人的經典，隨著時間過去，欣賞的人不多...
刪除你講起日本歌，都幾認同，八十年代日本歌真係好流行，連帶一班港歌星都唱到紅一紅，現在動聽的日本歌可能都還有，不過在港很少播又少聽電台，所以覺得沉寂了!!
我又唔想學到一爺成個C9咁，唔係據理力爭，反而似個潑婦罵街!!你買咩魚?!!一舊舊咁買......聽落，會否個賣魚佬對一爺有好感呢!!!
超市一向個印象都係貴些，是關你可以揀到最滿意的貨品才買，街市檔揀兩揀都畀檔主媽叉~~~哈哈哈
唔會啦，如果唔係關乎與性命攸關，好少在街同人爭執!!!
班超市阿蟬當然唔係個個態度差，但亦唔見得十分好，森諗：唔係就唔會有些港人北上行超市買東西，服務態度都好重要...
買野少用自動收銀機就幾好(不需排隊)，可是森伯每次都買幾多...有乜出錯又要攞張單同班收銀阿姐講...仲煩~~~
森哥仲後生，係我呢啲老嘢才懂『經典』。
刪除疊米又後生嘅森哥要有好形象，係我呢D阿伯才會奄尖聲悶，為雞碎咁多錢都斤斤計較，我覺得係消費者權益，唔使客氣大膽去到盡。
買淡水大魚，奀客唔會得檔主歡心。後來我才知魚骹有魚鰾(平花膠)最正，反而買預先切好一份份都好新鮮 ，清蒸後淋滾油加豉油好滑溜。
邊檔新鮮我知，我摷到箱底揾大大個嘅佢都唔會講咩，有咩做得，有咩唔做得，我係知道嘅。
一爺哥見笑，長者森都唔敢認後生，有很多經典金曲都識哼兩句...
刪除我覺得有時方便了自己，都唔會太計較爭的雞碎咁多價錢，一爺自己儲錢，自己使錢...都唔需要太過斤斤計較，我哋又唔需要為下一代去費心，自己的錢留來自己用，都叫做自在~~
而家咩年代，可能魚檔主冧你呢!!!!樣樣計平啲畀你~~我很少吃魚，尤其大魚更加少食，以前有白飯魚，用來蒸飯炒蛋都好正!!!我初時以為你買天價的龍躉，大型深海斑之類，要一舊舊買...
我喜歡明碼實價、均真公平 ，唔似森哥大方不拘小錢。
刪除我係揸住份購物單速戰速決搞掂，邊似森哥成日諗住去冧人~賣魚仔、豬肉佬、收銀姐…通通都唔放過。講真，我條件唔夠森哥高，從來無朝呢個方向諗。
想人計平啲可吼檔主清貨時段。
大魚都鮮甜嫩滑，龍躉肉質結實，大家都好味，後知後覺，專揀有奧米加3油嘅魚喇！營養行先。
只要不是價錢差距很大，我會買的，當然要睇睇是否急需...或者再等佢平再購買~~~
刪除我都係渣住張購物手寫單速速買，通常想買之前會先睇睇，如冇大變化就下次買...因為森伯財疏身子弱，一次過唔會拎太多東西!!!
成日諗住去冧人...又係借啲倚去抹黑森伯為人!!!!條件高...哈哈哈，你敢講，我都唔敢認!!!!
你誤會左，唔係話你去主動冧人，係話人家可能鍾意左一爺都唔定!!!!
現在深海大魚可能有重金屬，傾倒幅射水後都唔係點食海產東西~~~~~
記得小學時一次鄭老師很開心地宣佈：一位男同學投稿去報章獲得刊登。我心裡就覺得這是報答老師的好事。離開這學校之後，凡是見到報章有徵文比賽，也試試自己的寫作能力。可能不過是當作遊戲，沒有什麼壓力，就輕易地得過幾個獎。
回覆刪除後來久不久向各間報社投稿各個園地：詩歌、校園花絮、解答讀者問題、議論時事、社論、說佛、通訊等等。剪報集了好幾本。終於在90年代中停止了。後來太久不寫作，偶然就會執筆忘字咯。
至於上網寫blog, 我沒有用手寫板，都是先學好打中文字， 才開始的。
刪除很多人最先的寫作回憶，都是由校園生活開始，如果不是學生時候寫作，就很不易在社會上能有機會練習寫作……
刪除以前的年代好興徵文比賽，當時紙媒盛行，報紙，雜誌很多，後來隨著電子媒介多了，便少了很多呢類比賽，印象中不是太多參予徵文比賽……
不過寫作都要常常練習，現在大眾都喜歡玩社交媒體，不覺間多了機會寫東西，睇平時秋葉的博客都感到秋葉都很喜歡運用很多詞彙在文章裡……
在千禧年前，香港報章多樣像百花齊放，徵文獎品豐富，對投稿者亦不論親疏，凡採用的稿件都發放稿酬。我往日寫稿不為名利，只屬消閒性質，但看到文字變成鈔票，都有點兒奇妙的感覺。
刪除報紙文章只宜簡明通達，不需要太多花巧。但作為編輯要定標題，才顯出文學的修養。
到九十年代，徵文也越來越少，若然現在見到徵文比賽這活動，感覺己過時了……
刪除以往能有個專欄屬於自己，都蠻有滿足感，兼且可以當為兼職都唔錯，不過要很有筆者的個人特色才有市場，才有讀者粉絲……
寫文章以興趣出發，才有靈感繼續寫，幾時都係在無什麼壓力下的東西，會做得自在一點！！
其實往昔文字上的徵文比賽也不多見，記得無線電視週刊也只辦過一期，小型報章辦過一期，是關於環保議題。《香港商報》在改版後辦過兩次。
刪除反而有好幾張報紙都有公開園地招稿，但凡不合意的都被丟進藍子裡，稱為「投籃」。
*
《香港商報》樂於開放園地，《眾議園》長期接受投稿，我久不久有感而發，就會投稿出去。當時黃煜民未成名時，都喜歡在這裡發表文章；還有布裕民校長，簡律師等，都不定時有發表意見。
後來我忙於家務，就無暇兼顧了。
以前的徵文比賽真的很普遍，不論報紙或雜誌刊物，就連社區活動，學校活動都有，諗諗下，以前有那麼多徵文活動，文化氛圍其實都唔錯，反觀現今社會反而缺乏，新新新一代都好難寫好一篇文章，加上現在很多家長都重英輕中，親身經歷有人話最緊要有流俐英語，中文唔緊要啦……可以話是不知所謂！！
刪除聽你講，以前的社會環境都幾好，有志於從事寫作這方面的都有很多渠道，不只說寫作，畫插畫也是……不過時移世易，紙媒業的萎縮，轉到網上，變得個個都是寫作達人……
人多參予寫作始終是一件好事。寫多了，連一些平時少用的偏僻字詞，都可以重新找回。
刪除這是真的，就是因為寫blog寫多了，難免執筆忘字，遇有唔識或不確定文字時，都會在網上辭典找找正確的寫法，從中又學到正字!!!
刪除所以都佩服好多網友，可以寫咁多字嘅文章或回應。
回覆刪除係呀，有時寫寫下自然會越寫越多，都是把自己心想的便打出來……
刪除謝謝分享 ! 我也愛閱讀從而不會執筆忘字 .
回覆刪除不用客氣，你都好好，不會執筆忘字，靠自己腦內的辭庫!!!
刪除老牛甚少看小說，知道大俠金庸都拜電視劇所賜。查良鏞除了以筆名寫小說，亦參與許多公職，而且在討論香港回歸時作了許多貢獻，所以港府對查先生評價甚高。
回覆刪除以當時，一般大眾的娛樂比較喜歡追小說或聽電台廣播劇，能夠看到電視更是最好的娛樂，剛好金庸的作品，可以出現在這些媒體上...好自然能夠成為一代作家...
刪除至於金庸的公職，本人認識比較少!!!