好多人都認為正與邪是對立的，正就是正，邪就是邪......
所以很多人都將正念比喻做天使，邪念比喻做魔鬼，每日心中都充滿著天使與魔鬼的鬥爭~~~~
有時正念勝，有時又被惡念勝，其實我們只是普通小蟻民，無論正念邪念都可能係些芝麻綠豆事...若然是國家的領導者，正念同邪念的影響就會很巨大......當然森伯只屬小小蟻民，無論天使與魔鬼的大鬥法都只是小小事，所以每個人都有正邪兩念!!
公司每季都有聚餐，目的為月份生日之星慶祝(還未論到我的月份)，兼且以食來聯誼一下，一向有睇開森Blog都有提到，本身係健康素菜類，正所謂太子都食唔壞，但枱上都設有好幾個蛋糕，見到生菜沙律都有咁多，點都揀舊夠份量兼夠晒邪惡的忌廉蛋糕來調劑下......
所以都好難定奪呢碟野係健康一話係唔健康!!!!哈哈哈
以毒攻毒：辛苦工作太邪惡要用邪惡食物打敗佢。
回覆刪除均衡飲食：係包括少量邪惡食物。
Cheat day：減肥嘅關鍵係要大吃一日。
哈哈，目標越邪惡，就越有原動力去為之~~
刪除係呀，食一餐邪惡東西，伴隨有幾餐清清地…攞個平衡~~
其實現在人大(老)了，都好少大吃一日，除非突然興之所致食自助餐喇!!!!
太極端係到和尚級別，人家修行奉行四大皆空、六根清淨，正常人生活講求陰陽平衡，係兩種生活態度。
刪除咩係陰陽平衡呢？具體就是能吃、能睡、氣色好，心情愉快，精神飽滿；應急力強，適應力好；耐勞，抵抗力好。
邪惡食物令人心情愉快，係陰陽平衡嘅其中一個要素，森哥冇剃頭未係和尚，食咗唔使『罪過、罪過』。但係， 愈快樂愈墮落，適可而止啦！食控力森哥一定強過我，寫黎警惕自己。善哉、善哉！
相信只有一爺才諗到和尚級別，你是否知道真正的和尚連蒽、蒜、薑也不能吃...一般人只係吃素(植物性食物)便可以了~~~
刪除想做咩就做咩，想食，想訓，唔想食，唔想訓就唔做...不要強迫自己要時時能吃，能睡，心情靚!!!!太過理想化
其實所謂的邪惡食物是這幾年才興講，以前最多話冇咁有益的食物，畢竟也可以食，一向自己都好少食冇益東西...
覺得自己呢排都食得夠清淡，就會買些邪惡食物來調劑下，平衡下........更加冇諗什麼和尚級，又邪惡又墮落，又罪過又善哉......睇黎一爺本身個人好有罪惡感喎!!!!!!
限量放縱享受美味魔鬼，半分罪疚感都冇，仲期待下個放縱日。
刪除慶祝生日戥人高興，唔得不近人情，點都要俾面食少少嘅。
怕係天使面孔魔鬼身材，以為係食咗天使，原來係魔鬼都唔知。
冇特定放縱日，人都算節制唔為食！！
刪除如果有日一爺請食生日宴，森伯都要畀面啦™
講得對，大把食物都係天使外表，魔鬼內涵……以前叫糖衣毒藥……咁一爺食過咩係最誇？！
後生仔森哥，你都算好定力喇！
刪除喺細路時就『恨』慶祝吹蠟燭切『彈弓』(孩音唔正)，長大後覺得節日係繁文縟節，揾藉口搞事開心吓。森哥唔使破費耗時出席俾面派對，隨森意自由運用自己時間。
以往歐美站喺全球頂尖之列，又有營養學研究，所以，我覺得西餐都係最健康嘅指標，香腸、火腿都係一級致癌食物，我要認錯喇！
唔好捨近取遠，香港係全球最長壽地區，使乜學人哋，睇自己食咩就得啦！
三聚氰胺牛奶、孔雀石綠海魚、除草劑燕麥片、抗生素/雌激素雞、瘦肉精豬肉、農藥蔬果、防腐劑/色素加工食物……魔鬼藏在細節裏。
既然話定力夠就唔係後生仔喇，幾廿歲夠定力先好野!!!
刪除吹蠟燭切『彈弓』(孩音唔正)......你邊鼠鄉下?!!好細個就落左嚟?!!乜出席慶祝生日叫破費耗時?!!即係對朋友夠重視，把最保貴的光陰都用在慶祝人家的生日身上都叫嘥時間?!!唔應該有咁既想法~~~哈哈
現在的人健康知識豐富了又是那麼多病痛，甚至癌症......上一輩的人健康資訊少了，但亦都有好多人有病痛有癌症...所以都唔驚得太多，憑自己的小智慧去找適合自己的飲食之道仲好!!!!
長壽固然好，但最好加埋健康長壽就最好，起碼都可以打理自己的起居，生活有質素這樣便是理想!!!!
好多食物都唔到自己控制，人的慾望大飲大食，而且又要貪平宜，所以引申出很多低廉價格的食物，大自然的食物都用時間培植，但一下子要大量供應市場，好難唔使用化學方法...
一樣米養百樣人，有人鍾意熱鬧一大班人圍住自己，你要搞大佢，有人鍾意清靜一兩個人過，乜都唔好做，做少少都嫌你煩住佢，唔好用自己諗法強加於人，思想要開闊，善解人意，互相溝通好相處。
刪除所以，有得揀嘅，我唔想太長壽，大部分老人易病、多病，森哥最了解長期病患者之苦，理想臨尾病情唔好拖太長。
至於你話大事鋪張，請生日酒都幾百圍就可免則免...森伯寧願同幾個至愛至親一起過生日就算，少人有少人的開心~~~聽一爺的講法，都幾孤僻吓喎...
刪除你呢番說話都唔知聽過幾多次，長唔長壽唔到自己齋up，除非你唔錫身，很多都係天意安排~~~就係森伯了解長期病痛的苦況，就會習慣...最弊係平時冇乜病痛的人，突如其來的大病，就會令意志消沉...
我係內向寡言。
刪除重複即係真我個性流露，無花無假，當然閱歷都會改變我嘅睇法。
老人家都係長氣譖氣，森哥對我咁耐都未習慣？
我仲以為你真實好多咀，好多說話...
刪除人生就是不斷的學習和吸收，所謂經一事長一智~~
森伯都好長氣，不過視乎什麼人，唔熟的人會唔多說話!!!
飲食均衡才是最健康，即係話有時做魔鬼，有時做天使囉。
回覆刪除講得啱，我諗是取個平衡吧!!!無可否認，魔鬼食物幾時都係吸引啲，要有節制!!!!!
刪除很喜歡吃蔬菜瓜果，平時多買了，總有些浪費掉。
回覆刪除幸好還未有三高，但也會奉行少油少鹽少糖的飲食法則。
不過也要服從自身的感應，當想吃甜品時，蛋糕、糖水、香蕉也就多吃了； 當想多吃肉時，炆豬肉，蒸义燒、油雞，花生眉豆雞腿湯，每餐吃個不亦樂乎 !
如果家中冰箱缺糧，只好用「豆腐蒸水蛋」又一餐了，也吃得很滋味。
其實現在我大致的餸菜都是素食類，肉類不能不吃，都是作為配菜…
刪除秋葉又幾好，冇三高…現在都市人好難避免都市病，吃的豐富量大，若沒有節制好易就同三高扯上關係~~~
至於所謂的甜品，森伯唔太多吃，相信每日食的糖份多的食物是水果，選些低糖來吃!!!
秋葉又幾特別-----蒸叉燒，好少叉燒用來清蒸，多數切碎炒蛋…你講起豆腐蒸水蛋，這食材都常食，不過先把豆腐整碎再加蛋液來蒸，相當開胃，最好送飯!!!!
當然，叉燒不一定要蒸，但因我不能多吃煎炸的食物，除非很想吃，否則都是蒸煮的多。叉燒炒蛋最惹味，可是炒食物比較多油，我又不能多吸鑊氣，多數都是用來蒸水蛋。
刪除是的，我的煮食方法，真是比較特別。
烹調方法有很多，適合自己便是最好~~也不是樣樣食材都可以用來蒸，所以最近都要用平底鑊熱炒，原來都頗快捷~~~
刪除對呀，炒菜多數用的油比較多，有時放水焗就可以免用太多油...不過仍有多種食材可以蒸煮，雖然冇什麼鑊氣，但蒸餸都十分好味和健康...
特別都唔緊要，畢竟都只是一味菜，不好的就下次再煮過~~
上面我曾寫道：「幸好還未有三高，.......」今時沒有，不代表明天沒有。更不敢說以後沒有三高。唯有習慣吃得清淡些，太油膩和濃烈味道的食物少吃為妙。
刪除有正確的健康態度，總之要時時提醒自己口味不能過量，可以選擇清淡一點也好，當食開不濃味的食物，就自自然然減糖減鹽，久而久之有三高的機會都會減低!!!
刪除我以健康與口感並重😆
回覆刪除我仲以為Stella話美貌與智慧並重…哈哈
刪除食物是以色、香、味為原則…最好三樣都並重!!!!
間唔中食下都冇所謂喇。
回覆刪除係呀，間唔中食...相信都影響不大~~
刪除