一年一度的中秋，本應都係開心節日，因為現在的節日，很多都大不如前，又加上疫情還未退，所以有個節日都應該盡慶一下......
可是在中秋的時日裡就偏偏中疫，所以都十分掃興...而且有一年一會的月餅，要留待到好些後再慢慢品嚐~~今年都用老餅家的月餅過節，話時話咁大個人都係第一次親自買整盒月餅來過節，本應都諗住散買，結果沒有了!!
雖然現在新出了很多不同口味的月餅，真的隨人所喜愛，但我個人始終都是買些傳統口味就可以，而且眾多口味中，始終蛋黃蓮蓉最好味~~~
今年自己就買雙黃及五仁月餅，兩樣也不錯，覺得好吃的話出年也會這樣買都唔定!!!!現在食月餅除了怕太油，怕甜外，也怕吃得多會上火，所以少量的就OK!!!
月餅最好熱熱哋食，我會用微波爐叮30秒，出來蛋黃少少流油，蓮容又熱熱地好好食，每次只可食四份一，你有兩合真係有排食呀﹗
回覆刪除有焗爐或微波爐就可以試試，但家中沒有!!!都試過蒸月餅(好古怪翻熱法...哈哈)但蒸完蓮蓉太軟了，唔好吃~~~
刪除係呀，每次食四分一就夠了，今次蛋黃蓮蓉整盒買，伍仁月餅就散買兩個.......
以前我不吃五仁月餅，現在喜歡了！
回覆刪除因為覺得五仁月餅冇咁甜，適合大眾流行的健康原則......
刪除疫情令世界變得停擺，森哥仿佛凝結喺中秋(配合森哥性格一向好穩陣睇定啲才做)，但係，好多商家就要停業、倒閉，拖垮人好慘呀！想快啲寫入歷史舊一頁，讓世界重新恢復正常。
回覆刪除五仁月兒時食過，一試難忘，屋企拾多人得老媽子一個鍾意，一人獨食一盒，後來就消失咗，少數服從多數，民主精神。
等同節後買平月餅品嚐，如果係健康食品，我會咁做。係反時差啫，美國遲香港十幾個鐘頭過節，我心目中可以撥後呢個時鐘好多日，保持心態，日日都過節咁開心。
聽某個DJ講，佢會喺新年後用利是錢買鞋，因為從前 新正頭 『鞋』『鞋』聲唔吉利，鞋舖都想特價早發市才『老嚟』，做人只要突破心理關口，有時，同主流逆向咁做 (森哥都係逆向族)，你就會得益。
森伯可能仲停留在咸豐年代，好似一個時空旅行者來到2022!!!XXD..........咁買盒月餅又唔駛睇定啲嘅!!!!
刪除其實經營業務唔容易，當旺季來臨時盡量把握搵錢機遇，但到經濟寒冬期都要想法子怎樣捱下去~~呢個covid冇左，可能又有另一樣~~~~~
我仲以為一爺會比較喜歡五仁月餅，堅果做材料比較有益，但人大了反而五仁月餅都覺好吃，邊鼠有平月餅?!!...等我搵搵先!!!不過節日完後又唔會好神心買月餅食...但如果見不是在中秋都有月餅買都會買一個來食，好似某間乜乜門的棋子餅!!(好QQ果種)
乜一爺又知森伯係逆向族，邊方面逆向先?!!!其實人生在世，都係想做番自己，在香港都算可以做自己想做的事，當然唔係犯法事，基本上都算自由~~~~
時光旅客森哥最喜歡能返去自己邊個時段？幼稚園？小學？中學？大學？工作十年？現在？
刪除後生唔食，茼蒿菜/芥菜我老咗就食得落。但係，苦瓜/五仁月係一生不變。
巡吓有賣月餅嘅店舖，賣剩庶嘅節後會用成本價出售。
唔追潮流、新科技 (智能手機、電子貨幣……)同新出健康食品，森哥係非主流。
係呀！我都覺得香港有足夠自由。不過，有好多人移民咗，令小學要縮班。
你真係睇得起森伯，森伯讀到小學，所以到現在都目不識丁~~~~一爺可能比我讀書多很多!!!
刪除若然真的有日可以時空旅行，都冇話想返去那個年代......就算有得去都係去幾日，森伯要活在當今!!!
苦瓜同五仁月係一生不變......係指由始至終都唔會食，定係一路都鍾意食呀?!!我諗我的月餅可能仲有排食，執唔到平貨!!!!
森伯一定唔係走在最時尚尖端嗰個，雖然未必係最醒目，但起碼唔係最憨居嗰個(因為新出的產品通常係價錢最貴，但遲幾年買佢就跌價而且功能多啲...)哈哈哈~~
真實的移民數字就唔知，但身邊又唔係真係好多人走咗去喎!!!!
哈哈！又推我上天，踩自己落地底泥。冇新招呢？不如，一齊貼地，係呀！我讀好多……漫畫書。
刪除香港實施9年免費強迫教育(中三) 。森哥如果係香港人，咁就犯法，森哥逃學威龍，令家長坐監，報仇。細細個就出黎社會打滾，勁喎！
佩服森哥讀書少，但學識博大(尤其是中醫藥常識比我多)。Bill Gate 放棄完成大學就出來做嘢！靠自學呢方面森哥就同佢一樣，唔使人教自學更聰明。
老人家好興『想當年』，原來現在就係森哥人生中最美滿時段，真係好喇！
除跌價，新出科技產品好多Bugs，清除晒才買。追買貴貴新款波鞋唔值吖！
你疑心太重，森伯老實人唔講假話……你一向睇開森blog，都知森伯好貼地，好草根，絕無花巧，邊似一爺高在天，豈敢叫一爺一齊貼地……
刪除森伯一向都才疏學淺，目不識丁點字，雞腸都唔識多個………總之很多事都一言難盡，好難幾句回應就講晒，你講嘅中草藥只是平時有留意開，牢記在腦，到有需要時便可以拿出來用……平時網誌都有講很多食療養生方面，只不過對一爺來講只係廢話或笑話一則…………😀
活在當下好重要，畢竟過去都已過去，將來的事又未發生 ，現在這刻最實在！！
森伯嗰類貧困人士，邊有閒錢追潮流，求其用到又唔駛買二手嘢，已經好森足！！
堅離地係貶詞，貼地才煲獎，森哥係彈我抬舉自己。
刪除一個連初中都未畢業嘅潮州人能喺中大做教授，仲兼職教過廿所大學遍佈中港日美法星澳。
精通中、英、法、拉丁、梵文、巴利文等多種語言，工擅詩、書、畫、琴等多種藝術，集學問、藝術、才情於一身，學術視野涵蓋上古史、甲骨文、簡帛學、經學、禮樂學、宗教學、楚辭學、史學、中外關係史、敦煌學、古典文學及中外藝術史等諸多領域。
呢位學富五車嘅大師感覺學校的教育並不適合自己，總感覺學校教的「太膚淺」，他寧願獨自一人躲進天嘯樓里自學，讀大學唔好因為只專修某科目反而狹窄咗學識範疇。
佢就係有『南饒北季』稱呼嘅一代文學宗師 - 饒宗頤。咁咪即係森哥啦！從呢個角度睇，小學畢業自學成才嘅森哥應該係私下嘲笑我 「太膚淺」 呢！哈哈！
一爺唔需要扮離地，扮錯別字，褒獎都冇乜可能係煲湯個煲，我諗一爺都係諗緊今晚煲乜湯先扮晒錯別字……😁
刪除你唔駛攞名人來做例子，森伯冇咩野，一向做草根唔需要太多包袱……多謝你分享饒宗頤的事蹟故事，時時搭車都經過佢間博物館，唔算太遠 ，不過唔知內裡有什麼看，未有打算去參觀！
生活上的一事一物除了靠自己親身體驗之外，也靠自己去學習，碰個釘，就當一個教訓，將來就會學醒……你唔需要安慰森老伯，每個人都有一套屬於自己的生存方法！！
揾到對方錯處，相方距離會拉近，如果失誤得益更大，為何唔策略性出錯呢！
刪除每個人嘅強項都唔同，大家分工合作。讀中學時要做project，我會同個 哨牙 肥妹拍擋，佢嘅封面及包裝設計勁正，創意令人眼前一亮。我就識打字，果個年代係無電腦，啲人打字都係2隻手指篤篤吓，暑假無聊我自學打字，係快人哋十倍，交咗功課佢哋仲篤篤吓。
英文科要我哋戴卡帶機去機場訪問鬼佬，將我哋對話用卡帶錄低，再寫翻出黎。肥妹用紙盒藏卡帶黐喺封面上，個盒畫咗部立體卡帶機，平面畫咗連線聯上咪高峰。老師都讚賞封面精美貼題，仲讚我識用keyword，用 S ，T和……代表 Student ，Tourist 和 Unknown。其實，係我聰明想打少幾隻字。隊中靠個女同學聽晒鬼佬嗡乜，不過，佢轉咗重讀文科。
我係講實例並非安慰，世事萬物巧妙互補共生。
英國新選個前法官做女首相，佢個名校高學歷財長係讀歷史科，上任7日搞垮經濟要撤回財策。首相競選對手係前財長，佢有厚實經濟經驗更適合，但因印裔而落敗，制度係由一班老白男最後決定邊個係首相。叻人唔會樣樣都強，利用你最強嘅，社會才得益。
人生總有很多事情值得回憶回味，以前發生過的事都不以為已，到事後一諗又會發現當中有些趣事……
刪除睇一爺當年都運用自己的小聰明，大家一同做習作，你都唔駛做，畀晒個女同學做晒，自己就做啲輕can工作，打幾隻字仔，好醒！講開你揀文科定理科？你講時講英國的新任女首相都唔知做得長唔長……
回味中趣事，係平常呱呱叫嘅歐洲，對邪惡某國炸毀管道都唔敢呼一聲，做縮頭烏龜，佩服中俄傲骨不畏強權。
刪除年青老森哥一定未用過打字機，唔知道最繁重工作係打字，代溝呀！舊時寫字樓必需聘用好多打字員架，書信合約唔準用塗改液。手指尾要用力打，字體顏色才不會深淺不一。因為我好勁(全隊都讚我呢個大功臣，精人出口，蠢人出手)，我組聖誕前已交，其它要農曆年後才完成，我對摩打手相差2個月/2個長假，所以，老師喺課堂上展示同讚賞我哋A級傑作。
森哥覺得我嘅邊方面唔似理科男？ 我邏輯頭腦唔太感性喎！森哥忘記咗我職業！唉！失望。
英美仲迫人採用佢套失敗嘅優秀民主選舉制度。以前覺得西方乜都好，幸好醒覺了。
你講起炸管道，雖然同香港都冇乜關係，但聽到人評論呢件事，都感到某個國家，話炸就炸~~~~~好利害!!!!聽講話可以維修番，不過唔知等幾時，同邊個國家願付出個巨額維修費?!!!....
刪除記得好耐以前，教我們打字是森媽，打字的手勢跟現在的keyboard打法一樣，所以都能應用在現時的電腦，而中文倉頡打字的竅門，也是自己屋企人教的，而事實打字機並不是森伯年代，記得做工的初頭已經係PC電腦年代......
>>>>>>>>精人出口，蠢人出手
>>>>>>>>聖誕前已交，其它要農曆年後才完成...
>>>>>>>>讚賞我哋A級傑作
所以森伯幾時都話你叻，話你醒，話你勁囉!!!!森伯唔會隨便讚人，好先讚!!!!!!
唔需要太失望，如果森伯推斷到，就唔駛問你讀邊科啦!!!!
好多人都以為所謂的民主制度就是你想投邊個就邊個，而事實又未必，無論選邊個都總有人唔滿意個結果，認為唔公平等等........
月餅是中秋必吃之物，還有時令水果：楊桃、柚子、紅柿，吃個不亦樂乎。五仁月是先父最喜歡吃的，這幾年我也特意去買來吃，懷念親人。
回覆刪除其實中秋節的傳統食物，除了月餅外還有很多，特色水果是其中之一，依稀記得還有芋頭仔與菱角，花生等...不過現在商業至上的社會只有用月餅來代表中秋節......
刪除可能這就叫每逢佳節倍思親!!!!
芋頭仔同菱角，以往中秋前也屬於必買之物。這两年疫情反覆，我出大街市的次數減少了，應節的食物也不齊全。.
刪除這些中秋食品反而越來越少見，只因它們沒有市場，而月餅就不同了，市場大收入好，聽講有些餅家一年月餅的收入，足以可以應付一年的營運費用!!!!
刪除哦!!原來秋葉的中秋裡都會有齊備的應節食品，相當高興...現在好多人都得過且過就算!!!
我都有食五仁月餅同蛋黃蓮蓉月餅，味道真係好好。
回覆刪除對呀，其實食月餅最傳統的款式最好味，奶黃月餅都唔錯，不過今年買不到……
刪除蛋黃蓮蓉最好味＞ 同意。
回覆刪除所以蛋黃蓮蓉最暢銷！
刪除我都係散買一個最傳統的雙黃蓮容，少食多滋味。
回覆刪除一年一度的中秋食1個月餅，對森伯來講真係唔夠喉😅！
刪除如要散買，就會買多幾款味道……