看到些娛樂新聞又幾有創意，內裡講什麼二線藝人變一線藝人...初時真的以為二線躍升到一線，原來係講這些確診過的藝人，都明白做藝人可以豁免戴口罩拍攝，但相對感染的風險就較高，尤其現在一日裡都有好幾千宗確診個案~~~
在這個多星期，感到時間過得特別快，手環似是戴了不久，原來都已經有十多日，當可以拆下時，便感覺重獲自由了，其實呢個時候除了上班也不會周圍去~~
六合彩就話想中完又中啫，新冠呢家野真係咪搞，不過每日都有幾千個案，都難保唔會中完又中，暫時都係小心為上!!唯獨呢排做快速檢測都多了，撩到兩個鼻孔都大晒...哈哈哈
暫時檢測包仍有存貨，估唔到...早前去家品店買東西都有得送...
無論什麼藥，唔熟悉又唔知是否適合自己，所以都唔敢亂食，都係靠自己的三腳貓食療，杏仁糊...因為白色食物可補肺，就是吃這種似藥非藥的食物來渡過我的隔離日子...
查實杏仁糊對森伯並不陌生，一向有食開，尤其當早餐，呢排可以常整來吃，一碗杏仁紅米糊(不能加糖否則易咳起痰...)，可以當作呢排的食療方~~
中咗後有半年免疫期。
回覆刪除森哥自已醫自己？點學？有睇過中醫書？
這個我早就清楚，聽講可以當一針, 對我來講都係差唔多……
刪除其實平時睇開一些食療，或食物效用，對自己有用就牢記住，等到有需要時，可拿來用……其實呢段期間有一爺常來森blog傾吓閒偈，都係一種似藥非藥的方法！！😁
我用大粒龍皇杏加有毒又好香杏味嘅北杏整糊。跟人用白米，森哥用紅米係我就諗唔到，咁有創意！叻
刪除古時用石磨，個磨好貴，靠人力攰死，應該有錢人才負擔得起。現代一個電動攪拌機又平又快又省力，在家乜糊都食到。
磨蓉能充分吸收冇浪費，用口咬食果仁只消化部份就走翻出嚟，冇咁肥又可過口癮，點食各有優點。
咁頂咀一爺草藥性， 燥熱，吞我時要加涼果一齊服用。
哈哈，我又冇你整的杏仁糊如此講究，要整都要用功夫，對森伯來講求其就可以，加紅米有粗纖，而白米就綿滑，看你想要什麼樣的米糊……
刪除今時今日搵個石磨睇睇都未必容易，處處都有電動攪拌機買，要攪嘢食好容易……
其實又不是磨成蓉易吸收咁簡單，最主要係熱食，中醫個理論是對，熱食有好處，食完能化痰，清一清喉嚨！
係呀，在傾閒偈的當中實包括頂撞幾句，咁先可以多啲野傾嘛……😆
跟C9學嘅！美食藝術博大高森。
刪除有店舖標榜石磨咩(豆漿、腸粉、糊仔)順滑細緻都係呃人，同機打無差别。
中醫叫人唔好食生冷嘢，細路時初流入嘅鬼佬沙律同日本魚生，首試時都戰戰兢兢、驚肚仔痛，一試難忘。
19年有一排我突然要飲暖水腸胃適服啲，後來夏天熱辣辣飲凍飲後又唔使喎！凍、辣刺激喉嚨唔啱初癒森哥。
中藥/中式老火湯一劑都用上拾幾種材料，我學咗每餐多樣化，藥米糊都要用執藥模式咁用多幾種料加入芝麻、杞子、淮山、百合、蓮子、花生、腰果、合桃、圓肉、紅棗…叫饍全呀！一餐乜都補充。
對自己範疇不太熟悉的，都可以請教身邊很多生活上的老師...
刪除現在很少機會食到真正石磨的食品，一般都是機攪，冇咩所謂都食唔出有咩分別...
鬼佬沙律都可以接受，但魚生真係好少食，基本上森伯唔鍾意食生的肉類，記得有次去食自助餐生蠔，食完都肚仔痛~~~
又好少會飲太冷藏的飲品，除非突然想飲!!!當然喇，病癒後最好飲熱東西!!!
唔係叫饍全，係十全才對，諗起十全大補酒...其實什麼食療方越少材料越好，太多好複雜...睇你以上的材料都係補氣又補血的材料!!!要買齊都唔容易!!!
終於都好番啦，不過之後樣樣都要小心，早前同媽媽去睇醫生，聽到有個病人同姑娘的對話，嗰位是年青人，中了後周身骨痛，痛到瞓吾到，要來睇醫生，重有無記性，森伯要留意有無冠後遺症﹗
回覆刪除係呀，一定會小心……好多人中完新冠後，反而好驚有所謂長新冠的後遺症，呢樣冇得驚，唯有多點做運動，增強抵抗力，好似話曬下太陽都幾好，作適合自己的調理，包括食療，將長新冠的影響減至最低，我認為只要癒後調理好，過一段日子就會回復正常！！
刪除保重啊，我班朋友成日話我體質異於常人，9個人打邊爐8個人中晒，得我完全冇事；早排我老豆中招，我又冇事。
回覆刪除多謝TIC…都有聽過人咁講，話差不多成枱人中晒，只得佢無事，很多人都認為關抵抗力事，但我認為亦有可能佢地本身有些基因不怕這些病毒，所以就算入侵了也不會有任何影響……
刪除以前總以為自己都冇去人多的地方，冇咁易中招嘅，怎料唔知點解真係中咗，只好怨句何必偏偏選中我，中過招後，心態有了些改變，總是杯弓蛇影，少少唔妥都以為自己又中。
回覆刪除所以話病毒入侵係冇得預計，有可能中了招都唔知什麼原因，不過我今次係能夠推斷出來，中了招後都會小心，唔想再中，正如你所講，人好易杯弓蛇影，就算有些少頭赤鼻水，都以為又再中招，不過防疫措施盡力做喇，萬事小心，減低再染的風險！
刪除恭喜你康復，建議你見中醫調理身體，我剛打完第四針，暫時未感染。
回覆刪除多謝Stella...暫時都OK~~如果一路以來都未感染過就最好，要小心免受感染!!!
刪除森少好識得以飲食來調理身體，好像用白色食物來補肺，是附合中醫理論的方法，相信健康不會有大問題。不過出入政府的辦事處，必須要掃碼用安心出行，如果不打針，就辦不了事。
回覆刪除謝謝秋葉...一向都有關注飲食健康的資訊，中醫講五行，記得黑色食材屬水可補腎，而白色食材屬金可補肺，綠色食材屬木可補肝等等...這套理論都很有趣~~~
刪除在這段期間，都很少要出入政府機構，平時買野食亦不太需要這電子針卡，如果不能堂食我又冇所謂...所以對我來說影響不大，而且今次衛生署亦都冇留難沒有打針的人，唯獨要隔離日數多一個星期而已...