雖則中秋已過，但氣溫仍十分酷熱，其實又是否很少見？！當然不是！現在的夏季相當漫長，睇怕要去到十月中才感到涼意……
特別之秋當然並不是只講氣溫……
今個中秋，暫時都未有食過月餅，只因早個星期前快測陽性，平時已經得閒無事少出街，自疫苗通行証後，幾乎都冇外出飲食，但事出必有因，相信都應該知是什麼原因，既然件事發生了都要繼續生活，一連串的事都要做，先向衛生署申報 ，公司請假等等……
相信有很多人初時都唔知可以點做，但衛生署都有清楚指示，而且有真人接聽電話，有想問都可以問，申報後就收到物資包同隔離令，可以畀我揀，一定選擇家居隔離啦……餘下的時間只好休息。
我沒有吃什麼特別藥，只有多飲水咋！
因為未有打過任何covid疫苗，所以都要隔離兩星期，今週經歷過唔少，很難幾句去交代，現在唯有等快測轉陰……
早日康復，我昨天打了第四針。
回覆刪除謝謝Stella，未確診前都冇諗過打，到現在……仲唔駛打啦！
刪除確診一次抗體功效相當於打咗一針，因為抗體只維持一段時間，之後一路減弱，以現在60歲人士要打四針計算，你仍有3針要打才可保平安。
刪除唔會打針喇，未中都冇諗住打，中左仲唔駛諗，防疫政策時時改變，第五針未打完，第六第七針又已經等住打，做順民都唔應該失去理智！事實外國很多地方已停止迫針……
刪除祝森伯早日康復﹗原來無打疫苗要隔離兩星期，相信好快就完左隔離，如有甚麼吾舒服，即刻預約睇醫生﹗
回覆刪除謝謝羊羊的關心，若果有打過疫苗隔離一星期便可，當然要檢測係陰性才可，未打針就要多個星期及陰性證明！
刪除據說中了招會有抗體，亦等如打了一針。看來您的情況是輕症，很快就會痊癒過來。
回覆刪除謝謝秋葉，這點又沒有留意，只知確診後康復可幾個月內不用打針，很多人都認為病毒傳越傳越弱，又或者在多人感染的地方，很多人都已經有抗體，所以減低重症的機會，不過病毒好蠱惑，我不敢掉以輕心！
刪除我也奇怪以森兄那麼小心，竟然都會中招，真是不能掉以輕心 ! 聽電視上的專家說：中招的抗體比打了一針更高，也要隔一段時間才可以打針，如果以前未曾打過針的，這就當是第二針。
刪除如果接重“科興”，必須要打齊4針才算夠效力。“復必泰” 只打3針也可以。
聽說有人打齊針了，仍然感染中招，也有人中完又中。真是要小心一些，免得變了重症就不好了。
其實連我自己都唔相信會中招，很小心都未必有用，要來就來 不過每日都會碰上很多人，身邊有誰是帶毒者不會知道，如果真係要打都會打科興，較為傳統的疫苗，不過暫時打疫苗對我的誘因不大，可以選擇不打就不打，身邊都有人係為左可以堂食走去打針，我就一定唔會咁做！這樣秋葉打齊了針嗎？最怕越打越多無了期！
刪除無論有冇中招都好，都應該避免去人多地方，不應除下口罩通街吃東西，這個最危險……
早已聽說這些新冠疫苗只是用來減輕病情，根本沒有免疫能力，就算打了幾多針，都會有中招的可能。
刪除個人的呼吸道一向比較敏感，又聽聞有些人打了針會有不良的反應，我一直不想去打針。以為少出外吃喝遠行就是了。 誰知疫情來勢洶洶，超市、冷氣大街市都要用上「安心出行」才可以進入。
因此我在徵詢醫生的意見下，打了第一針，方便在本區辦事與購物。據說針效只得3個月，所以都要再繼續打下去。
據說有多名小朋友都在疫情中去世，確是令人怵目驚心。
所以有冇打過疫苗 ，都要小心，免得感染，有人打齊針之後就確診，都不能百分百安心……
刪除有時要外出買生活所需，就變得麻煩，幸好，這階段還不需要疫苗通行證也能買些少東西 ，通常會打新冠疫苗的人，平時都有打開流感針，我認識的人當中，每季都有打流感針，所以都順理成章打埋新冠針，打疫苗與否真要睇個人需要 ，現在做家長都幾頭痕，唔為小孩打疫苗又怕他們不能上學，社交等……其實外國都禁止小童太細打疫苗，大陸都比較少聽為太細年紀之小童打疫苗，所以現在做家長都好難作出決定……
疫苗期得三個月？！仲以為終生免疫！據知疫苗冇得一年打幾次之多…………
記得我們在嬰兒期，已經接種了牛痘疫苗，就可以終身免疫，因此這個病症已經在世界上消失了 ! 可是這個新冠病毒來勢洶洶，藥廠方面己經等不及了，匆匆推出減輕症狀的疫苗，與輕症的口服劑，而且定價很貴 ! 在各國爭相採購之下，西方藥廠都大賺美金。他們定下一些賠償金，給有不良反應的索償者，當然都不過是九牛一毛。
刪除*我從來沒有打過流感針，因此要付出很大勇氣去打新冠疫苗。幸好順利過關。
嬰兒時期打過什麼針都完全沒有印象，係呀，以前打的疫苗很多也是終身免疫，很少聽到年年都要打，不過也明白，現在的病毒時時變異，不時也要更新疫苗，似電腦病毒……
刪除初時中左招都以為有新口服藥食，原來沒有，最主要都係靠自身抵抗力去應對，西方藥廠或疫苗研發公司肯定會賺一大筆，今次新冠情況係未聽過有賠償，無論有什麼情況的不良反應都係自己處理，與這些藥品公司無關！！
秋葉原來冇打流感針，咁你真係好勇，不過認為有需要就打，都係視乎情況而定！！
所謂：多事之秋。有時係防不勝防，煮到黎要硬食。
回覆刪除兩年幾咁耐都唔中，或然率分分鐘低過拾幾億份之一，仲低過中六合彩。亦都証明森哥抗疫手段高明。好彩揀喺病毒最弱才感染，加上後生仔身體強壯，危機險性低，病好要劏雞還神。
有咗抗體唔驚打針副作用，可以去打三針啦！出入方便啲。
係無病徵？還是似普通感冒咁呀？
糧草點算？由其是新鮮蔬菜水果。
有冇戴罪犯手環？
早日康復。
謝謝一爺，你講得啱有時真係防不勝防 ，本身仲以為是一般感冒 ，當感到康復之際要搭車上班時，竟然驗到雙線……
刪除你仲話後生，森伯嗰類係高危一族😁，比著年初大爆疫前可能要在醫院門前吃風兼冇人理……你有道理，如果正正是哪段時間都幾慘烈……睇怕好番真係要答謝神恩！！
出入都OK, 不須要為著呢度去果度去而打針，森伯唔會出街食，所以患過後生活都係一樣，呢個病係患完可以再患！！
像感冒差唔多，不過比一般感冒時間長，變長新冠的機會大……仲諗新鮮食物？！有得食已經好感恩 ，呢樣唔駛擔心！
而家戴住犯罪手環，好有監獄風雲feel……😔
感覺森哥就係果個塌樹校巴司機，呢劫一定要受，人物、時間、空間、事情巧妙交接，駛前多幾吋就算命仔保得住都會重傷殘廢，冇校巴擋煞， 災難劫數全落在賓士司機。校巴有小童嘅傷者會更多。劫數經典係震驚世界911恐怖襲擊。事情好似冥冥中有主宰， 埋怨都冇用 ，我希望自己碰到咩都放開懷抱， 做到豁達。
刪除另一樣就係cam拍低晒全個過程，雖然周圍裝晒cam冇咗私隱權，好處能揭露真相，仲能保護好人免被壞人傷害，我一等一好人係讚成裝架！可降低罪案率，天下太平。
喺Lift 度遇過幾次身穿保護袍人士上樓，應該係拎嘢畀居家隔離者，森哥係咪咁樣 三步不出閨門 呀！
未食月餅可用黎還神，儀式好似生日咁點蠟燭、許願、吹熄、切餅、食餅。
相信森伯冇校巴司機咁好彩 ，發生同樣的情況 ，森伯變左塊柿餅都似……果位司機真係要還神，咁患新冠又唔可以相提并論，邊有一爺咁好彩，又唔駛揸校巴，又冇中新冠……一爺有時間都要還吓神！！
刪除其實繁榮都市都應該多點閉路電視，一來可以減低罪案，二來發生什麼事都有憑證……
白袍人都有可能畀物資確診人士，不能外出就唯有這樣，這樣也好，確診人士不能周圍走，外出不小心就會傳染更多人……
你當個月餅係生日蛋糕？！唔會喇，食就食唔搞太多……
總之，森哥咩嘢都唔好彩，全部好彩都畀晒我，我唔會喺手指罅漏啲好彩畀你。我係無神論，我要買啲垃圾食物還畀好努力嘅『男神』。
刪除係藍色保護袍，些少透視，森哥裏面真空就乜都睇晒，唔係白袍。
換個角度睇，懂感恩『無』嘅美好，無事就係好事，無病無痛就幸福，喺跟進產品開發進度時，如常嘅即係無新聞、冇爆鑊，電郵來往都會用鬼佬呢句 no news is good news，一路順風你話幾爽呢！按日常平淡生活已好幸福，唔好要求過多，咁諗會開心啲，平淡不等於沉悶。
一睇一爺個樣都成個福相，有乜不好事都可以跨過，就算係無神論都要還神，表達出一份感恩心……
刪除唉～供奉男神都要慳家，仲要係垃圾食物…唔怪得男神冇眷顧你😀😀
人地防疫十分認真，你都要諗人真空上陣，著晒成身保護衣，見到都怕怕喇！不過一爺勝在有阿Q精神，懂得自我開解，冇喇，當一個人遇到病痛好自然就會覺得平淡是福原來是一直追求的願望！！
阿森哥呀！垃圾食物係由西方 Junk Food 翻譯過來，史前讀理科老師好注重 terms' definition，用我語言講佢定義係 an unhealthy food with low nutritional value。係同價值無關，好豪華嘅都會係垃圾食品。 月餅都幾垃圾架，一個要$5X都唔平。
刪除如有神助，我全心全力自己幫助自己，我就係自己嘅果個神仙，還神都要還自己、獎勵自己先啦！好多垃圾食品都好可口，食到唔停口呀！哈哈！『男神』係我。
我就係用未來病痛來推動我呢個懶鬼做運動同食唔太好味嘅健康飲食，不過，呢股動力唔強，總有意志薄弱嘅時候，堅持高好/壞比例啦！
冇喇，垃圾食物的定義可以因個人而定，有些人可能覺得麥噹噹的食物係寶，在森伯月餅都係寶，據養生的角度看月餅又冇你講到咁垃圾...蓮子可以安神健脾胃，蛋黃又有蛋白質，不過唯獨糖份太高~~~都唔算好垃圾~~
刪除你做得很對，懂得自愛的人才配得到人家的尊重和愛惜，不過以一爺的富豪級身家，不用垃圾食物來奬勵自己，改為鮑蔘翅肚來祭自己五臟廟仲實際~~~~我仲以為一爺有個男神等你供奉!!!!哈哈哈
未來的事係預計唔到，不過未雨綢繆就最醒目，有時到事情發生想來補救已經太遲，覺得係對自己有幫助的東西，就繼續去做吧，森伯都支持你!!!!
弊在蓮蓉餡料和餅皮混入大量油脂同糖造架！根據衞生防護中心報告，1 個雙黃蓮蓉月餅，等如 11 茶匙砂糖和 11 茶匙油，熱量更相等於 3 碗半白飯！高糖、高油、高熱量：三高啦！你估係紅棗蓮子百合糖水清清哋咁有益咩！我失禁(一日食一個有凸才肯放手)都係避之則吉。森哥係咪收受利益至講到咁健康呀！
刪除用少少垃圾黎調劑生活都無妨。
森哥常將鮑蔘翅肚掛喺口，我反而越禁越想，好恨食糖果餅乾，我呢個男神易養好多。
我覺得講易行難，努力中！
唔知一爺是否用垃圾食物供奉得個男神多，搞到一爺男神食滯左.......男士食東西好少咁計較等如幾多羹鹽，幾多羹糖，幾多羹油...有得食就食，通常唔過量就可以了，有冇聽過：用心計較般般錯；退步思量事事難，想得太多就會樣樣唔食得~~~~~~
刪除哈哈哈，森伯都想收受利益...月餅唔算好邪惡，月餅同快餐唔同，快餐用人工糖，人造油脂來炸，唔健康......但傳統月餅用豬油，黃糖，不過後期的白蓮蓉才用白砂糖，不過相對口味就沒有太甜，所以想買的是傳統餅家的黃蓮蓉，相對較好...都係一年一會，節日食物志在大家開心share食!!!!餅乾麵包太喜歡，早餐必吃!!!
森源兄中招了，要多點休息，好快就冇事，但要留意這段期間身體變化，祝早日康復！
回覆刪除謝謝peace兄的關心……會加緊留意身體狀況！
刪除隔離期間都唯有休息，都沒有什麼可以治療，多飲水休息望早點痊癒！
祝君安好，希望你早日康復！
回覆刪除謝謝你，承你貴言！
刪除