一向中秋都是喜歡節日之一,不單有過節氣氛之外,還可以一年一度食月餅,但見商場都比較人多,預計去的時候就不能去,結果又係益超市...
森伯食月餅都有演化,之前會選擇淨蓮蓉,後來選擇單黃都好,到最後反而要雙黃,因為黃多可以唔需要食太多甜到漏的蓮蓉...食番傳統老餅家的朋餅夠晒傳統風味,咁大個人都係第一次買整整一盒月餅回來過節............
有些活動平時你唔會做,但過時過節做就別具意義,就好似今年就自己動手設計燈籠,睇睇好似小朋友做勞作...
亮燈儀式...黃色似月亮,圓圓的外型十分配合中秋的人月倆圓!!也是森blog對大家博友的祝願!!!!!
首先祝你中秋節快樂!月餅呢家嘢我一向麻麻,以前在職期間都會收到一兩盒,總係食唔哂,退休後沒有這福利,又覺得中秋要有個月餅先似樣,所以近呢兩三年中秋都係自己去買一個同老婆分享,少食多滋味。
回覆刪除我都祝peace兄有個開心的追月夜,雖然現在都盡量少食太甜的東西,但中秋月餅都係一年一次……
刪除現在散裝月餅都有很多選擇,少吃的買一兩個最適合!
最近好忙咁喎!又買咁多月餅。恭喜晒森哥;人月倆(人)圓。…sweet… sweet…食甜蜜月餅。
回覆刪除得… 隻揪 …咁單簡,真係無時間……要陪…。戥森哥開心。
月餅除了可以自己食,仲可以招呼其他人……不過月餅有排擺,可以自己慢慢嘆都冇所謂,我都未聽過sweet sweet 會食甜蜜月餅?!肯定呢啲係一爺想慳錢,呃啲情人兩個人食sweet sweet 月餅……
刪除咩隻揪 ,要陪?!好深唔明!!
正所謂:有情飲水飽,物輕情意重,分享月餅又點算呃呢!有錢佬都係食月餅。拜金情人只啱富豪,平民要快啲飛咗佢啦!
刪除猜燈謎嘛!得一隻秋字,我估係『隻揪』囉!哈哈!
用晒時間去陪伴人哋,餘下小小只夠寫一個字咁多啦!
諗縮數呢家野唔係森伯諗,係一爺啲情人會知道,叫人賺飽月餅,只有一爺先會做得出!哈哈
刪除根本就唔係燈謎,係人都知秋字代表中秋,燈籠不是平面,寫一個字都唔易!
一盒月餅都唔平,原來森哥同情人一餐至少係百盒月餅 。(希望我呢個窮鬼無講少咗啦!)
刪除有錢仔當然唔理解窮人生活啦!
有啲人真係字字千金,我寫一個字應該冇人會讚賞。
森伯近排一盒月餅都未食過,仲講幾百盒,月餅夠就算唔需要食太多……
刪除你啲有錢仔真係唔理解森伯呢類赤貧長者的生活!仲好意思講!😒
寫個字都要講錢?!一個字代表一個節日祝願!!
森哥就踩我對情人洗二百幾蚊食一餐係孤寒刻薄,咁森哥同情人約會定好闊卓?咩行情?我唔知喎!唔怪得我仲係單身狗。
刪除窮人個錢大過天。
樂字就話快樂啫,我諗唔到呢個『秋』係祝願咩?等森哥指教吓。
盒餅食成個月?我4日內清,焦急症。
就算食月餅頂多一個多,都冇可能同一餐食一盒!!森伯啲孤寒情人都係飲水飽,實在連一個似樣啲菠蘿包都買唔起!😔
刪除雖然未至於錢大過天,但一毫子都要慳……
古時的人到秋天過後要算今年的結果,祝願大家今年秋後算好帳,有個滿意的秋收……
森伯好細食,一盒月餅都有排吔……😋
寫得很靚,祝中秋節快樂、幸福美滿!
回覆刪除多謝Stella讚賞,要在立體燈籠上寫字唔易,各位博友知寫乜字,森伯已經老懷安慰……
刪除我都祝Stella有個開心的追月夜!
月餅從來不用買,家人公司有得送,我只會留起一,兩個,其餘會送給親朋好友及樓下管理員,大家開心過節,森伯設計個燈籠看似簡單,但心意已值萬金,祝森伯中秋節快樂﹗
回覆刪除先補祝羊羊中秋快樂!
刪除不用買月餅已不錯,每年的月餅都甚少機會送給人,無端端送人一兩個餅又有點怪 ,月餅襟擺可以慢慢品嘗……
謝謝你讚賞,一個秋字就正正代表秋天已到 一年很快便過!
補祝你中秋節快樂!
回覆刪除謝謝ManMan……補祝你中秋快樂!
刪除