時間過得很快，霎眼間又到秋季了，氣溫也不知不覺間涼了，但對森伯來講只是涼了些，現在的四季分別不明顯，有人話只有夏和冬兩季...
本應都係時候去換換季，但始終疫情關係都未必能外出太多，在早前就去買些衣服，當時還是夏季尾!!趁秋涼未來臨之際，就買些短袖衣等等!
無論買什麼衣著都是以簡單為主，大致上都會揀淨色的，當然太過老色都唔考慮，淺色就最保險，還有一種綠色，森伯會覺得幾好睇，嚴格來講森伯稱呢種綠為軍綠色，其實有畫畫溝顏色的經驗，都知呢種是淺墨綠色，其實綠色本身都唔多喜歡，尤其著上身，但這種墨綠色又覺得OK，同日都見個軍綠色袋，於是一併買回來...
不止是衣履，就算用品呢種軍綠色都幾好睇，又唔知大家對顏色有冇偏好?!!...
大多數麻甩佬著得花喱碌都唔好睇，細路哥同女性就得，我都偏向淨色及簡單花紋。
回覆刪除夏天會揀鮮色衫，運動衫嗰種鮮色，夾晒陽光氣色，冬天就要黑沉沉，吸熱暖啲。
夏天好易濕晒，我要買快乾排汗質地嘅，爽身又冇臭味。
咁啱嘅，我曾經都有個咁嘅腰包 ，顏色、布料、大細都相同，係款式唔同。
襯埋頂綠帽呢？
我老咗唔會年年買新衫。
近日有秋意，好舒服。
其實麻甩裝都有橫間同直紋衫，都總算沒有太過單調，不過淨色衫看起來比較簡單整潔...
刪除鮮色衫甚少揀，唔知你有冇同感?!!運動服的螢光色系真係唔得，除了行山怕迷路之外，螢光色唔多喜歡~~
現在年紀漸長，太沉色就變為老色，會揀番啲淺色系較好...香港一向潮濕氣候，商家都會出些快乾的衣物料，而且又比較輕身!!呢款腰包好普通，撞款都唔奇...至於腰包甚少外出用，這袋用來作收納物品放在家用.....
哈哈哈......有時發覺雖然同大家blog友素未謀面，但有時諗起的大家都相同，我都有諗過最好帽就唔好綠，不過冇打出來...費事又話森伯搞爛gag!!!!
鮮肉、鮮果、鮮花、鮮色我都唔怕，夏天常著，朝氣勃勃。營光色揀唔落手，運動裝束中搭少少我接受到。我咩顏色都著包括紅色、粉紅色、紫色……等女性化顏色都著得，森哥怕咗咩顏色？怕鮮色太搶成為焦點，唔切合森哥低調形象。
刪除唔知有老色喎！係咩顏色？黑色都好型仔呀！見工、見客、飲宴都係莊重黑色。我係老人，唔怕老色，係你呢啲後生仔才嫌棄啦！
個腰包係以前出外旅遊才用，已爛咗，實唔撞。出街以前我好少嘢，放晒入褲袋，愈老愈多，腰包裝唔晒，為咗把縮骨遮我要個大啲嘅袋。
會介意撞衫嗎？你會睇咩人，係型男嘅頓時覺得自己有品味，係醜男就恨不得立即除衫祼露上身展示魔鬼。
其實都有很多男士會穿著粉紅色恤衫，都要睇這種色配搭什麼衣款，自己會揀些不太起眼的藍，白，灰衣服，普通款兼唔太起眼，著過再著都冇乜人發現，如果著件粉紫，粉紅衫就會畀人見到時時都著，可能一爺平時唔會重複著，著一兩次就變為回收物...
刪除怕紅色，粉紅色，鮮橙色，鮮黃色......都幾多色唔啱著!!!!!
係啦，指的係黑色衫，雖然話係老色，但今次都買左一件黑色polo tee~~~~~
袋都係必需之物對森老伯來講，尤其現在電話,銀包,細水樽等等...一把縮骨遮要大個袋，你把遮都唔嘢少喎!!!!
其實男士好少撞衫，最多撞款...之不過正正常常的衣著大家都差唔多，我覺得比較少人注意!!!!
恤衫日日換，同一價錢梗係買唔同顏色，讓生活多姿彩。
刪除不但只著，食都一樣，每餐定食齊紫、紅、黑、黃、橙、白，雖然餐餐重複，耗時準備，我又唔厭喎！睇黎我比森哥更好色。顏色心理學反映我貪心又花心。哈哈！唔準嘅！
森哥大口氣話：『著一兩次就變為回收物...』 係森哥呢類有錢佬才諗到咁創造性用法，我諗唔到，亦做唔出。森哥好誇！
大 『啲』 係大小小咁解，發覺森哥好誇。
我一個款最多買多一件，即是有兩隻唔同色，用來替換~~~多姿彩係形容生活模式，唔係講啲衫既色彩!!
刪除睇嚟一爺的好色同森伯的好色唔同，食物未必食晒七種顏色，有時懶起來今日明日都係煮同一樣食材，食得唔好嘥...
對一爺啲大富豪來講，一兩件衫如身外物，著一兩次係平常不過的事，拎去米蘭站當回收都唔奇!!!!
我邊有誇，又係你自己講：為咗把縮骨遮我要個大啲嘅袋......森伯平時唔多外出，所以一買東西都多少少，購物袋要比較大!!!!
返工恤衫款式變化好輕微，咁森哥對著恤衫要求好講究……又出屎橋叫人揾出噚日件衫有咩唔同地方，想人哋昅實你。
刪除記得有次喺美國轉機，個女關員喺閘口檢查我本護照後突然好開心指注佢個大心口要我睇，吓！乜事呀！我睇咗一陣，原來胸前職員牌個英文姓氏同我一樣，即係她父親來自香港，我諗佢好少碰到同姓港人，因為呢個機場係我第一次黎，轉機時間唔多，穩陣啲我都係快啲走，只講咗幾句。
咁底底都係一式兩件？我買一包幾條，有得揀我偏向灰色，因為黑、深藍色唔可以著淺色褲，白色又易泛黃。
我仲以為你返工的衫五顏六色~~~~恤衫唔多著，森伯著的恤衫係輕便款，著POLO tee比較多......
刪除呢啲屎橋在粵語長片睇到都覺得老土，何況到今時今日2022...乜一爺仲有諗出黎呃人架?!!
我諗係個女關員，見到一爺風流倜儻，俊朗不凡的外表，想主動結識你啫!!始終外國的女孩較主動~~~XXXXXXD...聽你咁講，你的姓氏可能少有，特別姓氏有好處，容易被人記得!!!
黑、深藍色底底唔可以著淺色褲?!!乜一爺平時著開透視褲?!!，正常衣著來講條褲一定布料厚，唔會顯示些什麼，照你咁講褲袋也不能袋東西，襪都要淺色?!!...
陽光嘅我啲恤衫係五顏六色。恤衫西褲斯文莊重見供應商、見客好啲。
刪除唔算小，但班上好少有同姓同學。
香港撞到係有機會，喺美國機會就好微，大家都好興奮。算盤打埋可能係親戚，風流倜儻……森哥想亂倫。
名人、明星Fashion 係透視裝襯森色底。夏天著淺薄才涼快，性感時刻。白色醫院人員會睇到單行薄。(橫間底)
襪係黑、灰、森藍。
噚日去強檢測驗摸門釘，3號風球唔使開工，嘩！呢個時候仲有啲咁嘅優差呀！
有一爺打扮莊重又唔失禮，每單生意都十拿九穩...做老闆大可放心!!!!
刪除唔算少但又好少同班同學有呢個姓?!!!百家姓都有很多特別姓氏，時時覺得個姓特別，名就要普通...如果個姓普通，改個名就要特別...
兩個原來係同宗，或親戚，邊有咁橋!!如果係大姓，撞中鍾意的機會都好大，好可能隨時變為"同姓戀"~~哈哈
斷估你都唔會著住荷里活名星的透視褲去見客卦!!!!
3號風球已經唔使開工，咁又真係幾嘆!!!!乜強檢唔係分秒必爭?!!可以鍾意幾時閂門就閂門......如有些人專程搭車去又摸門釘，真係畀佢吹脹~~~
呢隻色都幾好睇，不過，我見到呢隻色嘅T恤就聯想起澤連斯基....
回覆刪除哈哈哈哈哈哈...在打blog時都想補番句呢種短袖Tee就會聯想起澤連司機，不過到最後都冇打這句...費事畀大家鈎起俄烏之戰啦~~~
刪除顏色各有感覺，我較喜歡藍色。
回覆刪除對呀，對顏色的偏好都各有不同，深藍色也是常選的顏色之一~~~
刪除這種軍綠色，相信喜愛的多數是男性。我喜歡綠色，但我絕對不會穿上綠色的衣服。
回覆刪除我最喜歡米色結連車繡花朵的一種。此外，還十分喜歡色彩繽紛帶有民族服裝設計的衣飾。
其實軍綠色系應該來自軍服的迷彩衫，所以呢種色好少設計女裝衣服~~~~
刪除相信只限呢種軍綠色，如果真正綠色相信都好多人唔喜歡，因為普通綠色的衫會影到人面青青...
見到你話有繡花圖案，相信秋葉都比較喜歡有傳統味道的衣著，喜歡民族設計的風格...
以前曾經學過車繡花朵，都是以衣車在衣物上，以紙樣作同色的車繡，是非常低調的浪漫加工。
刪除我時時覺得在衣料上能親自繡花好不簡單，以前一些國貨公司或一些檔口，都可以見到繡花枕頭袋，通常圖案一點也不馬虎，通常是花鳥畫，相信是機織的，現在完全看不到，可能國貨公司仲有...不過已不多見了，唔知秋葉知唔知我講邊種呢?!!
刪除可能您對於車繡和手繡的認識不多，所以混淆了。
刪除自古以來中國的手工藝都很出色，女性大多學習手繡的工藝，最為人樂道的「雙面繡」 出自蘇州，稱為“蘇繡”。
湖南的繡花工藝也很有名，稱為“湘繡”；
廣東的稱為 “粵繡”或“廣繡”； 還有 “福建”和 “潮州”的刺繡也很有名。
*
至於近代興起用衣車，車出花朵或字樣圖案的方法，雖然不用以人手一針一線地刺繡出來，可以快速生產，不過，也有一定的難度，尤其是車針的跳動很快，對眼睛的傷害更大。
*
小時家母也喜歡買些繡花枕頭袋回家用，色彩艷麗手工精美，這是車繡不到的效果。 車繡一般較為粗疏。
但知道最新出的一種不用人手，完全以程式驅動的車繡衣車問世，是進步的，但我未曾見過它的製成品，不便置評。
對呀，森伯對刺繡方面的確不熟...
刪除相信現在中國仍有很多民間工藝依然留存，係喎，你提起「雙面繡」，去國貨公司買野又唔記得睇和影~~~哈哈
當然喇，中國地方之大，每個省市都有每個省市的人民風情，飲食，特產，工藝都有獨自的特色，這些工藝品欣賞的人漸漸不多，而且老師傅也越來越珍貴，所以名家出的工藝品都很有價值...
我相信當時的枕頭袋是機織的，因為產量都有很多，而且買的不貴，現在看起來就感覺是民間工藝品，但以前給人的印象是過時大鄉的感覺...
現在很多製衣的成品，很多都係由機械代替人手，產量多而且品質都較有保障，相對人手做的一針一線就變得更有價值的地方!!!
墨綠色好靚，以前都有一件T恤都係墨綠色。
回覆刪除yeah!!!我都覺得呢種墨綠色好靚，就算用品，都會先揀呢種色，等於抹茶的顏色...
刪除我喜愛卡通T。
回覆刪除喜歡卡通T的人，相信比較可愛!!!!
刪除這顏色不錯。我甚麼顏色的衣服都有一、兩件，但最偏愛紫色。
回覆刪除甚麼顏色的衫都有也不錯，隨時可以看場合來選擇衣色...
刪除紫色衫比較少有賣，呢隻色...森伯著上身未必好睇!!