一講到港式早餐，相信大家隨口都講到多種食物，而在三餐之中，早餐真的比較多元化，任你配搭都可以...自家整都大把選擇，至於講到外出食，都不能不提茶餐廳、茶樓、快餐店等...其實森伯都好少在這三個地方吔早餐，多數自己整...如要揀，會揀茶樓，老人家始終都鍾意嘆下一盅兩件~~~
至於提到早餐，大多數的人都喜歡在一份早餐裡，加多杯飲品...可能這樣的早餐才叫完美!!而茶餐廳早餐，點都唔少得奶茶、咖啡、阿華田，檸水等...
多款之中我會揀奶茶，曾幾何時都試過買些材料自家沖奶茶，仲記得用立頓的紅茶包加淡奶，沖出來都同樣好味，不過就唔會產生副作用，咩副作用?!!...事關每次飲完某間茶餐廳叫的奶茶，都係超級提神，飲完多數唔駛訓，功效似咖啡!!我諗係個茶的問題......
反而現在的回味不是杯奶茶，而是不知什麼時候才能不用電子針卡都可以自由堂食~~~~
奶茶同咖啡都係我敵人，只有壞處無好處。
回覆刪除開會或開夜車呢對孖寶都幫唔到手，唔知係咪我BB仔時抽過腦積水，差DD係咁大，個腦short short 哋，最有價值嘅提神作用係失效嘅，所以，開會時我要不停寫嘢，保持郁動先至唔會瞓。
最弊係喺美國同尊貴客仔開會，Jetlag準時喺下晏4點到埗，我立刻魂飛魄散，所以，我會事先聲明，好在我個底都好好，一向好勤力，班鬼見我唔妥就放工。
如果每日早餐飲一杯奶茶，連續一周後就會上茶癮，唔飲會頭痛，飲完一陣間就無頭痛。
咖啡又利尿。
孖寶嘅單寧酸 阻止 鐵/鈣 吸收，老人家吸收力比後生仔差，仲畀佢阻吓，唔貧血/骨質疏鬆就假喇！
現代的食物，好似都冇乜邊種係百分百安全，水果又話農藥又話糖份高，麵飯又話高碳水食物，鮮魚又話重金屬微膠粒...真係冇樣唔係敵人，不如隨森想食的時候就食唔過量~~~~~
刪除咁嚴重抽過腦積水?!!的確太過提神或影響頭腦的食物不要食，尤其酒類因為酒精可以上腦，小心呀!!平時飲咖啡奶茶對我冇影響，照訓覺，但呢間連鎖茶餐廳的奶茶，飲完唔駛訓唔係一次半次~~~~
班鬼見我唔妥就放工......咩唔妥?!!你講到你好似high咗忽得咁款!!!!唔會喇，我冇奶茶或咖啡的上隱，不過人大了，會好喜歡有咖啡味的食品，例如蛋糕，雪糕等!!!!
好少長期飲咖啡，利唔利尿又真係冇為意~~~~~~
呢個當然啦，如果血唔夠的人，唔好飲太多咖啡，阻鐵質的吸收~~無論咖啡奶茶都少飲，若然下次再去這間茶餐廳叫個柚子茶算，唔駛成晚畀咗佢...杯奶茶~~XXXD
森哥點評一直都很有高度，格局很大，喜歡睇，感謝森哥。
刪除森哥敵人比我仲多啦！入侵森身內激戰，起咗生理反應，復發關節炎，明搞硬你。
鬼門關走一趟，命硬……大步檻過，BB仔太細過，都係阿媽講返我才知。動過腦，佢覺得我最蠢。
後生時我錯誤覺得飲得酒好叻架，亦都係工作技能之一，仿同食煙交際文化，好喜歡鬥酒，真係攞命搏。識得三個飲得之人，一個肝硬化(首份工請我嗰日本仔上司)，二個早C咗。(工厰舊同事4X/6X歲，有個同我差唔多年紀) 錯認壞為好，唏噓人生，為酒……唔值得吖！
餐廳係溝埋幾種茶葉，某茶葉影響森哥。
立頓三合一奶茶我都會上癮架！佢一定落咗嗎啡！哈哈！
睡魔急call，眼皮合上，苦撐又合上，講嘢遲緩。開會由朝開到晚，佢哋5點收工，我4點幾都唔過份。
啱啱去第11次捐血，驗出血色素偏低，唔捐得，我都打咗過突，都好正常健康飲食作息，又話60天啲血會自己生翻出黎，呃人架！捐血捐到貧血。佢話好多人都係咁，好正常，畀咗兩樽鐵丸我，平時捐血後係畀一樽。
咁森哥成晚要畀邊個(s)？
有靠山可以夜間工作。
邊有講到點評咁誇張，大家都只係分享自己的生活感受和看法!!!乜乜生理反應...又乜乜搞硬你...呢類的回應詞只有一爺獨有~~~~~~
刪除我都感謝一爺的留言，總算是寫BLOG生涯裡的點點趣味，還有其他BLOG友都有幫森BLOG加持!!!!!!!
動過腦，佢覺得我最蠢>>>>>唔係化?!!...通常都係飲酒食煙最多身體問題喇!!!尤其現在人越大一些唔健康的飲食更加要少做為妙，因為年紀越大很多病痛都自然來!!!!你現在知道都唔遲!!
茶餐廳溝茶葉都唔奇，所以下次未必再要奶茶，不過呢段疫情期間，森伯都唔知幾時再可以堂食...你既然講究健康，少飲三合一的東西，寧願自己買奶買糖自己沖還好!!
我之前有事入廠都有check過，當時話血色素唔夠，食左鐵丸少少時間，但事隔左成年幾，現在情況又唔知呀!!!但係當時都驚架?!!...無端端血色素唔夠，人年紀老邁就會諗野很負面...但其後聽好多人講，包括親人或其他人都有呢個問題，唔知唔知好多人都要食鐵丸...可能現在都市人飲食出了問題而導致血色素偏低!!!
哈哈哈...咁又唔駛畀邊個旁邊加個(s)，好簡單咪畀返森伯自己有覺好訓囉.....
叛逆嘅我又點會被奶茶牽住頭痛走，早就轉營養飲品。
刪除缺鐵係唔覺架！有定期捐血咪可以免費知道自己仲係咪『鐵漢』，2樽鐵丸都要$8X，賺咗啦！救人助己，何樂而不為呢！
中醫講嘅血氣不足應該係缺鐵，唔夠氧氣輸送各處細胞。
近期轉變嘅都係由好立克7.9mg鐵轉阿華田5.6mg，相差2.3mg有咁大，另一樣係蠔豉轉淡菜，但鐵質相約。我每日有食肉、烤果仁、雜豆糖水都補充到每日需要嘅10mg。如再捐都低，要食豬潤/豬橫脷。
食素係好易缺乏鐵、鋅、鈣、B12、D、奧米加3油、蛋白質。所以，森哥缺鐵係毫不意外。
刪除現在所謂的營養飲品，實在太多化學成份，不如買純可可粉或純咖啡粉可能更好，有時都係只想飲杯野送早餐...
咁講都市人大家都可能有缺鐵問題，如果你唔怕甜可以食葡萄乾或黑色的桑椹乾，或紅豆沙，有用又比較自然~~
中醫所講的氣血虛，可能指貧血或唔夠血，真係要補番多少少鐵質!!!!用食療最好，好過你成日食鐵丸!!!
你當森伯食梗長齋!!!!!只係食肉有限制，絕非大魚大肉果類!!!
你估得45日嘅短命首相咁化學咩，帶英尋死路，係有醫生推薦嘅老人奶粉，不過，我依家飲相宜營養好立克/阿華田，細過飲佢，大個仔飲象徵成人茶/啡，老咗返兜，人生兜兜轉轉又回到森源點。哈哈！
刪除早年有食高糖提子乾，太好食，1磅1周食晒要煞停。近排雜豆糖水餐餐歎。精明人知道動物肉含更易吸收嘅血紅素鐵，血淋淋內臟最多，我要化身吸血鬼，唔怕44吋長腿馬小玲捉，因為Halloween黎喇！
車仔麵配豬血原來係中國人智慧，要申請人類健康文化遺產。
森哥食半長齋喎！前世半身罪孽今生還！
據講雖然佢既首相生涯咁短暫，但都有每年百萬港紙袋終身，我哋恨唔到咁多……
刪除我覺得所謂的營養奶粉，商業味較重，飲左有冇益處真係某人知，以前都飲好立克，美祿之類，逢即溶飲品都應該少飲……有閒情就自攪豆漿，唔攪買現成也好，近年維x奶出了無糖豆奶，飲落唔錯，勝在可以加些芝麻粉等，都方便……唔需要日日飲，趕時間就飲清水！現在的動物內臟唔多健康，多數唔揀來食！提子乾每日食少少就好了，豬紅唔會食！
唔好信咁多前世今生，隨自己森意做就最好！！
民主自由都浪費納稅人血汗錢，冇話咩制度係最好，反而有賢人當元首最重要。
刪除雖然醫生都賣假針紙和醫商勾結，營養標籤係受商品說明條例管制唔可作假。從前佢真係唔健康，成份只含人造味加糖，但要畀機會人哋進步，一晃幾拾年已富營養素，維他命A D E C B 鈣 銅 鐵 鎂 鋅 碘 鏻 葉酸 多到拾隻手指數唔晒，平過豆漿加芝麻，窮人揀CP值高最抵食嘅。佢哋有咩害呢？
如果唔夠，我才計劃係每月食一次內臟，少量唔怕。依家都冇豬紅、雞紅賣。
好彩我哋唔係同事，樣樣都持相反意見，工作會拖慢，人攰心累。 要食碗多豆糖水甜入心化解吓。
所謂的民主選舉，到最後都做唔長，最緊要係選賢能擔大旗……冇己見，睇選票做事，咁樣就叫好君主？！
刪除營養奶粉未食過，當裡面越多營養就等同食維他命丸，人老了反而想食較天然的食物……有些商家好蠱惑，起個名叫營養奶粉，營養飲品……誤導消費者，其實食一些化學食品……仲令消費者以為自己食得好健康，中了商人計謀！！
今時今日超市仲有鴨血賣，當然包裝得靚靚……
做同事梗係唔得喇！一個小小的project都有排拗😄又加上森伯燥底隨時爆粗都似～
都係做博友最適合👍
制度係死嘅，人係活嘅，靠人走向盛衰，西方好逸惡勞，近來走向歪路，盛極而衰，歷史係重演。清朝末落，大陸推倒重來，勵精圖治，肅貪倡廉，消滅貧窮，強國崛起，由模仿到創新，係前人未做過嘅，要吸人才，摸索合適特有路線，一步步推進策劃藍圖，中國對全球經濟增長 貢獻38%，G7只得18%，許多聰慧國家領導人已睇出東昇西降，世界巨變正在發生中。
刪除知道自己煮原形食物係最有益，加工食品要少食，盡量唔好食加工營養補充丸。貼上『專業營養』奶高價賣$170，我用$50就買到老牌子，我並無落入圈套內，你估係近排流行貴貴『新肉』咩！我目的係代替天然牛奶打好鈣質基礎，其他礦物係額外津貼，唔係樣樣加工非純天然食品都係唔得嘅，可惜錢同時間都有限，我揀啱架。
我哋前世撈亂骨頭，網友激抝都無傷大雅。
有點感覺現在的西方只是食老本，很多時候一成不變就容易被人爬頭，不過一個國家的興衰都要睇很多方面，總之身為中國人，如果中國真的能復興起來都應該值得高興...
刪除所以真的十分之唔明白，到今時今日都仲有人想中國唔掂，佢哋就最開心，最諷刺係呢班都係中國人......當中國強大起來，中國人去到那裡都不會受到白眼及歧視，呢點好重要~~~~
咁好?!!...點樣原價賣$170，用$50就買到，係咩老牌子先?!!你唔係講咩好立克同阿華田呀?!!今時今日呢兩隻飲品都變了很多，完全今非昔比!!!!呢類飲品好怕擺耐了變一舊舊，你用咩溝?!!煉奶定鮮奶?!!
你講的近排流行貴貴『新肉』，未試過，見到都想試食一次!!唔係咁多地方見到~~~~
你唔好講到好似台灣劇什麼：孽緣之三生三世~~~~XXXXXD...邊有撈亂骨頭咁大劑，同你拗只屬小兒科!!!!
邊有咁大隻蛤乸 ，$50係立克/華田。飛砂走奶，我淨係用水冲已夠(唔係三合一)，好好味喎！
刪除乜係小兒科咋！原來我放大咗，枉我成日擔心會過森哥條紅線。
我以為你識人買，所以有筍價，最近運用消費券買多了無糖豆奶飲，係老牌子佢標明係非基因改造，應該比較好，用來溝粉飲，用水齋溝好立克，溝唔埋！！🤔
刪除森伯條……底線已經set得好低，可以畀你講下黃嘢，及超敏感的政治嘢！！😆
我的早餐真係超級簡單，就係每朝自己沖一碗麥皮，少少糖唔要奶，並非因為考慮健康問題，純粹因為唔喜歡太複雜，因為好快又午餐。
回覆刪除麥皮對我來講麻麻地，可能唔適合自己，所以甚少食麥皮，記憶中煮好的麥皮粥落煉奶好好味...我現在煮東西都是越簡化越好，好快就食完一餐!!!!
刪除咖啡奶茶與我沒有失眠副作用，年輕時間中飲汽水，現在間中飲咖啡奶茶，其實甚麼都不過量就好了！
回覆刪除一般的咖啡奶茶對我也沒有什麼影響...
刪除係呀，凡食物食得過量就唔好，適可而止最保險!!!
咖啡同奶茶兩樣都好少飲，因為飲左會好難訓得着。
回覆刪除可能因人而異，本身我對咖啡同奶茶都冇問題，一時時都唔定~~
刪除對於奶茶與茶葉茶我都比較敏感，所以在外改以阿華田與清水代替。在家多飲清水。
回覆刪除本來一向不敢飲咖啡，但是愛好咖啡的表妹，送了很多名牌咖啡獨立沖包給我，我人情難卻，飲了一半，一半送給愛咖啡的人。
又好少聽到人對茶葉茶敏感，最近的醫學研究又話茶好好，我自己都好少買茶葉沖茶，多數用簡單的茶包，因為唔係飲得多，比較簡單方便!!!咖啡都不是每天要喝的飲品，對我來講甚至不喝也可以，如果飲咖啡都係純為口癮~~
刪除係呀!!自己唔飲送人最好，免得浪費~~
茶葉的成份很複雜，兒童在18歲之前，是不適宜飲咖啡與茶葉茶。上茶樓飲了茶那天，晚上就睡不著，我自覺敏感。
刪除你講起可能係店舖用茶葉來沖奶茶，並非茶包，但一飲完就唔駛訓，可能茶葉的物質才是醒神的原因...尤其紅茶葉!!你提醒了我~~
刪除香港人幾鍾意飲奶茶，但我不太喜歡，因為飲後胃痛，反而飲咖啡冇事。
回覆刪除係呀，好可能茶本身有種物質唔係人人都受得，以前聽長輩們講茶或咖啡空肚時不要喝...否則削胃!!!
刪除只喝過兩、三次奶茶，不大喜歡這飲料。
回覆刪除有時大眾都認為好味的食物都未必個個喜歡，好睇個人...
刪除