除了我們常常講：一年容易又中秋...之外，發覺一年容易又端午，對港人來講端午節是否一個大節，記得端午又好少吃做節飯...所以理應端午節又未必是個大節日，通常大家圍埋一起吃粽，睇龍舟，已經是應節活動...
講起吃粽，一向有糯米做的應節食品都甚少吃，不過今年就破晒戒，但是自己冇買粽，最主要都係"靠黐"，不會吃太多，少少地就可以...
記得幾年前，差不多近端午都會見到城門河有人練習龍舟，呢幾年都沒有見，可能關疫情事，相信不設有觀眾席免得群眾聚集...年年都會看電視直播划龍舟，事實也很少專注看，只不過有些塾底聲音又夠晒氣氛，端午過後就踏入悶熱的天氣，夏季都來到了，一年又走到一半了...
香港地中英文化融合，所以特別多有特色的節日，問過新移居外地的人士，外地的唐人圈子都沒有特別慶祝端午節，只是大家夾份做些簡單粽過節，所以今時今日仍身處香港這地方，都要好好珍惜每個節日所帶來的歡樂!!
緊接端午節係【行船爭解纜，月餅我賣先】呢個廣告。
回覆刪除以前阿媽會包好多糭(40~50隻)紅豆、綠豆、鹼水都有，我最愛傳統綠豆糭，喜歡跟家傳食法落砂糖，好奇怪鹹嘅配甜調味，反而見人加豉油我好唔習慣，剩底好多鹹蛋白就蒸水蛋、滾冬瓜瘦肉湯、醃肉…
個個月都有人練習，因為世界各地都會邀請香港隊去參加比賽，我對住城門河咪知道囉！
唔係日日都要好開心生活咩？得節日咋！
今日見甘筍減咗$2咪去買，入口有平咗$18燕麥片加燕麥飯組合賣，啱啱有2個阿婆企我隔離，我好好心(阿婆讚我)講畀阿婆聽，見星期三長者卡有9折我打蛇隨棍上問佢借用，所以，我都享用咗長者卡優惠，真係好心有好報。
月餅廣告冇咁快，到新曆八月就有廣告，隨著每個節日的來臨，就感到一年好快過~~
刪除通常糯米食品或多或少都配搭甜食，年糕甜，糯米飯都要配甜甜地的食材，而粽也是糯米都會點砂糖，可能這樣一鹹一甜才有味道!!
整粽要功夫時間，屋企人唔會在家整，通常買現成，好耐以前有些類似小販檔，一到時節就會街上擺檔，佢地的手勢都唔差，她們也是靠自己一門手藝在時節裡找些外快，都算雙贏!!
乜你住沙田城門河附近?!!博友都幾多住沙田，我只是車程會經過...通常節日有氣氛，家人之間也藉此聚聚，時代不同了，可能有些人只顧假期自己找節目~~~
你冇講到詳情，做咩好心事情幫兩位阿婆呢??仲讚你?!!連阿婆都唔放過，借倚濕一濕腳!!!!!!!
仲諗住森哥咁注重衛生 唔會吼街邊檔添？
刪除我細個半夜會有人响街叫賣: 裹~~~(拉長)蒸糭，會當宵夜食，森哥未出世吖！
私隱呀！森哥唔知冇損失啦！
9折咗呢啲超市品牌都仲有賺啦！價X棧失驚無神夠期貨殺價都買平過佢$1，阿婆又冇蝕咩嘢。
機會難逢我買咗4個組合，阿婆問我點解買咁多，份量夠我4個月每日早餐食。撞啱集齊五個條件(特價+周三+阿婆長者卡+幫忙+我嘅厚面皮)，今日已經取消特價，唔把握下次冇機會啦！有時我都會貪小便宜，等有禮送才去捐血。哈哈！
平日我都冇欲望買鹹肉糭食，即係我唔算喜歡食糭啦！當然唔會趁熱鬧買唔值咁貴嘅端午糭食！保持頭腦清醒，活出真我個性。
以前好少食粽，是否街檔買都無什麼關係！叫賣粽冇乜印象，細時見賣裹蒸粽多數走鬼檔……
刪除又好少周圍格過價才會買，通常價錢覺得OK就買……你常講的價x棧，真係冇行過，知道荃灣有間……你多唔多去A字頭的百貨超市？！同樣周三都有優惠，有些東西都好抵，有去…不過多數不是周三，而且買嘢唔多，所以有冇折都某乜所謂，去多數買衣服用品居多，咁森伯冇你咁識攞優惠，簡直算到盡！捐血都可以貪小便宜，你先諗到！
其實唔係節日都少食粽，相對會選糯米雞和珍珠雞，有荷葉香味仲好食，不過一向糯米都係戒物，所以都甚少食！應節食品要在節日食才有意思，因為貴咗唔抵買就唔食……好似被錢控制了節日的盡慶！！
沙田區冇A喇！本區已滿足晒生活需要，無須跨區買嘢啦！
刪除價xx路線未必夾到森哥需要。
反過來講，啲人被節日 時間枷鎖 捆綁住，被商人套路，難道其它日子食就冇咁盡慶？所謂 有心唔怕遲，十月都係拜年時。平時祝人生日快樂，點解只睇到白板上一個小汙點而唔係一整大片白板，祝人唔生日都快樂，有364天咪仲著數，跳出框框思考啦！
沙田真係乜都有，不過我覺得沙田區可能大，所以比較混亂唔集中……
刪除價xx與數字屋相似，而且佢地點唔就腳，所以少行！
你果啲真係歪理當真理，你分分鐘可以在孟蘭節慶祝生日和農曆新年，你的邏輯思維話日日都可以慶祝……金錢用得其所最為重要，適當時候做適當事情最理想！！
港人一年有三個生日，咁森哥全部都會慶祝？咪有三個願望。
刪除我真係喺某個中國節日出世架！但我都係唔用農曆生日去慶祝，阿媽會喺節日烚隻蛋畀我。阿媽話我家姐係舊曆7月14出世，查過萬年曆後知道係講笑。
拜山日出世咪好唔大吉利是！唔通閏日出世要等4年才慶祝，無得許願中六合彩，蝕咗。
心態比數字更重要！初老後，我會借啲意忘記幾多歲，哈哈！最緊要氣力、血管、心臟、肌肉、皮膚、頭髮……年輕過真實年齡我就開心喇！
當然唔會三個生日都慶祝喇，基本上新曆那個會慶祝，因為好易記~~~如果願望能達成，一個都足夠......森老伯好知足!!!!
刪除其實踏正節日生日又會幾好，好似普天同慶你的生日，但要睇是什麼節日!!!!其實你都算大家庭，有阿哥有家姐，而且生日阿媽會烚隻蛋給你...我哋烚蛋就冇興食生日蛋糕...
人越大或人越老...有好多人都寧願避生日正日唔大肆慶祝，費事又畀人計幾多歲...所以閏日出世有啲人會鍾意都唔奇...
乜都假......至緊要就係樣貌年輕過真實年齡，當然身體質素保持年輕都好重要!!!
哈哈！畀森哥點醒我，醜都有好處，只有好似森哥班靚仔才驚愈老愈醜，我唔怕因為人已經醜無可醜，唔使花好多時間、精神、金錢保持美貌。
刪除又啱啱相反...靚慣就唔怕醜，森伯果類就係醜慣，才想保持年青樣，起碼有一樣好......
刪除我發覺一個人保持精神奕奕，有年青的外貌，連帶身體機能都有活力啲~~~~
城門河龍舟比賽是端午節其中一個大賽，我以前比較神心，帶備重重的單反及鏡頭，長途跋涉走去城門河影龍舟競渡，可以感受到節日的歡樂氣氛。
回覆刪除好少機會端午節當日去城門河睇賽事，一來不是太熱衷，二來大熱天時人太迫，所以睇電視直播都差唔多，過節日都是看環境氣氛，歡樂的感覺也是由此而帶動~~
刪除借用享用咗長者卡優惠，真係好心有好報，哈哈，其實，方便吓冇問題，慳得一蚊得一蚊都好呀。
回覆刪除自己又好少借用別人的優惠，你講起記得有次去某餅家買唐餅，有位長者主動將個優惠分給我，平了很多都多謝她!!
刪除我都試過呀！看見收銀機前面的女士結帳，我送給她一張唔啱我用的優惠券。
刪除優惠券不是人人都適合，通常有些限制和期限……不過買東西時遇到有著數，相信很多人都唔會抗拒！
刪除我呢邊扒龍舟係西人一種team building 活動。
回覆刪除當為一種運動都唔錯，個個人都有份玩，齊齊嘩！
刪除在疫情回落之中，在電視看到今天健兒們能夠出海扒龍舟，真是高興得很 ! 有些市民也樂於出去走走，湊湊熱鬧。
回覆刪除也很多年沒有包糉了，因隨時都可以吃到，就不想花功夫了。但也不是是任何人包的糉子都好吃，因餡料和味道都不同。
還有糯米雞和珍珠雞，味道都不錯，但這些太多油，只能偶然吃吃。
看到扒龍舟是5月3日的電視畫面。深夜追劇吃糉一樂也。
刪除今年仲有龍舟健兒划龍舟？！又冇留意，應該他們年年都有，唔會突然停了……
刪除現在香港地什麼食品也能買，都唔需要自己包，實在要太多功夫……
原來秋葉自己識包粽，真係叻叻……的確買回來吃又簡單得多，食住粽睇龍舟相當應節！
你好嗎? 很久無見！
回覆刪除好耐冇見，火木，近況如何？……多點來聚舊！！
刪除我3年前開始沒有工作了，所以有更多時間來探你！
刪除無論怎樣也好，生活過得滿意就是一切，可享受下無拘束的生活......要常來!!!!!!!
刪除我都有應節食左五月糉，天氣真係越來越熱呀！
回覆刪除一踏入端午節，日子越來越熱了！今年我都有淺嘗五月粽！
刪除端午節，都會買些少糉應吓節嘅！（∩▽∩）
回覆刪除一到節日，都不少得應節食品，講到粽，相信好多人都選擇買來吃！
刪除