近排都多了遊走超市，以前大多數都只去超市買些簡單食物，現在就較多買些可以煮的餸，至於平時的自煮生活多以蒸飯為主，但事實有些食材的確需要煎煎炒炒才保持鮮味，如果只得蒸就侷限幾樣食材可以，如果要蒸煮菜類、瓜類等就不能...
疫情下好多人都變為家中大廚，不過對森伯來講疫唔疫情都係要食，所以都要的起森肝練習下多些開鑊煮餸...森伯奉行簡約，煮得熟，食得到就OK~~唔會要求太高，求其就得啦!!!
平時要買食材都會去附近超市，唔想拎太遠，至於呢間A字頭的超市，就只買些少東西就算，主要到呢間生活百貨買其他東西，但見有超市都喜歡睇睇有什麼特別東西賣!!
A字頭呢間公司好似是日資百貨，所以同場有很多日本食品，咖哩磚都很多，其實咖哩磚用法好簡單，煮定雞肉薯仔，擲一兩粒咖哩磚落去同煮就可以，很方便，諗起都惹味!!呢種日式咖哩該是啡色，不同平時食開的黃色咖哩粉，若果喜歡咖哩菜式，呢度幾多選擇，都想買可惜森伯燥底，唔可以食太多辛辣東西，睇睇就算...
咖喱磚最後有冇買?
回覆刪除嗚~嗚~王子冇仔細睇!!!!
刪除答案在博文最後......睇睇就算!!!!
不知是幸還是不幸, 早年父母為維持一家生計, 兩人都要工作, 我自小學階段已經是一家之煮, 亦因此而對烹飪產生濃厚興趣, 雖然難以成為名廚, 但一日三餐, 絕無難度。
回覆刪除自小要訓練煮飯，某程度上也是好的，起碼不愁三餐搞不掂，現在的小朋友就是恃寵生驕的一群，自小唔識煮飯，長大後就必然外出食，連自己煮食的基本求生本能也欠缺...
刪除認同，有時煮煮下都產生了興趣...
我沒有用咖喱磚，以前習慣用咖哩粉，現在發覺黃薑粉都很用好的。
回覆刪除我不能吃太多薑成份的食材，就算普通咖哩粉都含有黃薑粉，相信咖哩磚冇咁辛辣~~~
刪除我去街市買餸。
回覆刪除我唔食辣都愛咖哩，加椰漿更加好。
附近沒有大型街市，要行都遠...通常買些少餸菜都會揀超市~~~~
刪除就算落黃色的咖哩粉都好少咋，椰漿仲有其他用途!!
時間唔多，買嘢講求就腳，等森哥退休後會變嘛？行遠啲多啲運動又平啲呢？
刪除遲吓先算，超市貨品的價錢雖然貴少少，但對我來講始終方便，附近就買到，而且落雨打風都可以照去，唔駛濕身...
刪除工欲善其事，必先利其器。我見人哋用氣炸煱整出黎啲嘢好吸引，搞到我心郁郁，不過，炸嘢唔多好就打消呢個念頭。森哥有咩煮食神器方便整菜嘅想買呀？
回覆刪除如果你覺得價錢OK咪買部玩吓，見人都可以整幾多嘢食...不過我家中的納米廚房又未必能擺太多廚具，原本想買部蚊型的蒸煮鍋都冇位...哈哈哈
刪除冇咩特別神器，蒸嘢用飯煲，煮嘢用煎pan...
香港黃金地衍生出好多納米小窩居，常常遇到唔夠位問題，要花盡心思點樣設計間屋，要配合森哥煮食習慣而度身打造一個便捷實用嘅厨房。所以，我好鍾意睇日本收納短片，同埋斷捨離短片，從中偷師，真係狠心掉走唔多用嘅，騰出空間放有用嘅。
刪除又冇什麼度身訂造，家家戶戶的廚房都差唔多，只不過唔想太多廚具阻礙地方，又唔係咩大廚放太多廚具都未必時時用...日本的收納空間節目?!!幾時做冇留意...
刪除有冇發覺香港人做的節目同日本人做的節目唔同，日本人節目多點實用性，而且比較貼地的生活模式...
唔知係咪80年代中，美國輕鬆用廣場協議打低日本後，經濟崩塌，迷失幾拾年都無起色，樓價同時勁跌，由供3代貸款嘅高樓價，到失去投資房產信心，啲人咪少咗花巧奢華，多咗實際文化，節目都要同調。
刪除最愛 的式 戶型，入門玄關走廊係厨房，另一邊係浴室厠所，頭頂閣仔做睡房，行多步就係開揚高樓底大廳，光猛大窗接露台，設計用盡每寸空間，屋細比例合理，住得好舒適，又唔使花時間打掃。
不過，碰到中國咁強勁對手，米國顯得無從入手，自己唔夠力要拉幫結派圍攻，中國仲愈打壓愈強，啲招數反而傷翻自己。哈哈！報應。
我諗日本人應該約八十年代開始經濟起飛，日本文化都是由她起飛時開始為人認識，又兼且當時的卡通，日劇，日本文化等...都是伴著很多人成長，對港人來講，深受日本文化影響，呢班人大了就時時都會揀日本旅遊，有些人竟然講句：返日本等如返鄉下...聽到耳都側~~想深一層由始至終，日本才是一個侵略的民族，有歷史為證，在這裡都不講太多...我都讚賞日本人做事認真，出品精美...但稱日本為鄉下就講不出口!!!!!!!
刪除日本人勝在民族性強，他們相當團結，反觀中國人民族意識薄弱如散沙一盤，當有什麼事情發生，唔認自己係中國人都可以~~~~~~~~~
團結：所以，對待外地人不好，日本吞併 琉球小國 即沖繩島， 琉球人變成二等公民，明知會係攻擊目標咁高危，都安排設立美軍機地喺冲繩。分別你我。
刪除敵我分明：世界已被霸主撕裂，一分為二，打杖打到戰鬥民族醒覺，加入西方夢碎，轉投亞洲，壓迫到兩大亞國背靠背。金磚五國開高峯會議後，伊朗、阿根庭即申請加入，未來，沙地、印尼……都有興趣入會， 新興發展中國家 BRICS 陣營 同 已發展國家 G7 陣營 拗手瓜，大聲疾呼、反抗剝削。印尼輪值主持G20會都要唔會聽西人話堅持 邀請俄出席。因為中國崛起，為發展中國家帶來新希望，原來，除了虛偽民主制，仲有讓你享有發展富裕起來嘅人權同自由。
家事，國事，天下事，真係環環緊扣，冇一個國家可以置身事外...所謂地球村，人人都可能受到牽連~~~~好多小國都唔想做人家的應聲狗，或契細佬...都寧願跟過第二個嘞!!!!!!
刪除現在諗諗乜都係假，邊個都想食得飽著得暖，天下太平過日子~~~~對平民百姓來講咁就滿足!!!!
我會將生嘅青菜切碎切薄墊飯盒底，整盒飯餸用中高檔叮9分鐘後菜身爽脆，淋啲醬汁撈兩撈，口感同快炒差唔多。睇網上話研究最能減少蔬菜營養素喺烹調中流失。
回覆刪除森哥食得生嘅蔬菜沙律嗎？
現時買生的菜不是種種都可以生食，搵到有機就最好，生的菜不會吃得太多，而且又冇其他配料所以都冇認真去食呢種生機飲食法，平時都會熟食，熟食襟飽少少~~
刪除森哥除咗整饅頭同蒸糕了得，仲有咩撚手小菜？
刪除暫時只是煮多了，未有咩撚手小菜，有的話又可以呃篇blog......哈哈
刪除大骨湯 (包括骨頭、關節結締組織、肌腱、 骨髓 和 韌帶 )對腸道炎同關節炎好。如果係自體免疫關節痛嘅話，由於係自己免疫系統攻擊自己關節，兵仔改為攻擊食咗落肚嘅入侵關節，呢招 調虎離山 、異形換影 會有效！又啱中國傳統以形補形概念。
刪除你常常煲這種大骨湯飲?!!完全冇聽過，差唔多成隻豬髀買返屋企煲......平時如要飲湯通常都係清清地，太多肉類的老火湯，有益都變冇益~~~
刪除咖哩我都好鍾意食，但都係少食為妙。
回覆刪除如果係正宗咖哩都好有益，屬天然調味香料...就番自己體質能否接受!!!!
刪除日式咖哩磚，簡單易用，我都有買，整吓咖哩薯仔雞翼之類！🤪
回覆刪除係啦，相信很多人一煮咖哩餸，都會諗起配薯仔雞翼，都算係名菜......
刪除我也喜歡自己煮飯餸，出下吃只是偶一為之。對於辛辣的東西，聞到香氣，可惜我很敏感受不了，也許沒有這種口福吧。
回覆刪除更正：出 “外” 吃只是偶一為之。
刪除自己煮較好，起碼調味料可以自己控制，亦可因應自己的口味嘛...辛辣料都有很多種，有些的確好搶味，但有些都比較香，咖哩是其中一!!!!
刪除