相信有很多人都喜歡吃零食,其實講起零食大家都可能數到幾十種,其實又點止那麼少,而且在香港真的隨處有售...可見這裡零食有龐大的市場,但在這個時候,就偏偏有間陪伴港人多年的零食連鎖店全線結業...正如開頭所講,售賣零食的地方實在太多,所以都唔一定會光顧這間店,原來這間零食店差不多已有三十年歷史,當中都有其他品牌的零食店一同競爭,要經營得好都不容易...
我一向對零食麻麻地,所以專登去幫襯這類以糖果為主的零食店真係少之又少,但其實這間店據講是賣涼果!!!記憶中都幫襯過一次半次,相當少~~~一些主打日、韓直送的零食已成為時下大熱,所以要站得住腳也不易~~
如要森伯揀樣現時會買的零食,我會選乾果或堅果類,起碼比較天然少古怪添加,相片中的果乾是芒果乾在餅店買,初時以為是蕃薯乾,相信是餅舖整的芒果蛋糕,餘下的芒果片用來焗乾變芒果乾出售,味道甜甜地唔錯,最好係十令蚊就有咁多塊!!!!哈哈
我買生嘅果仁翻黎,份量拿2把手,用微波爐分2段共6分鐘烤到脆身可口,冇添加劑、冇糖、有鹽、係最健康嘅零食。甜嘅黑朱古力同提子乾就間唔中買黎食,始終,糖化有害身體。
回覆刪除端午節剛過,榮華就出 試爐月餅$29/個,搶盡先機。
打錯咗,係冇鹽呀!
刪除真好,你常分享你的飲食心得...你哋啲後生就話,如果常常用爐烘食物,森伯又出青春痘,唔係應該話老人痘先啱!!!
刪除記得長輩們常講,間中要吃點甜東西,可以潤下身體機能...常食就唔會,吃些不會抗拒,我都時時要吔提子乾,有食療作用,之前都會不覺間食多了,現在要限制食,太多就太甜~~有益變冇益!!!!
多謝提醒,$29個都唔係好平,有蓮蓉蛋黃的唐餅都有其他可選擇!!!!
先天油脂分泌失控,面上全年長痘無休,好學上網求教,知道凡士林鎖水,讓肌膚飲飽水,再鎖死佢才唔出油,自始,痘痘遠離我,困擾我幾拾年嘅問題,早晚洗面後只花1分鐘搽吓咁鬼簡單就解決咗,冤枉咁多年,依家日日食熱氣果仁都無事。
刪除提子乾有乜食療作用?等森哥同我補習吓。
上文森哥唔信我留言話八月月餅緊貼五月糭咁快推出,我想證明我講嘅。
屋企幢大廈喺8號只得一個人感染呢兩日就要強檢,係我首次挖鼻哥窿,仲諗住要登記地址,只用ID同電話號碼,冇人排隊,好快搞掂,上次大爆發時有好多case都唔使強檢,明顯有足夠資源可多檢測。好在唔使圍封,剝奪自由。
油份失控就唔應該食太多熱氣食物,堅果翻叮都好熱氣,等同餅乾...凡士林乾燥時止痕幾有用...
刪除其實每樣身體問題,可能都有個好簡單的處理方法可以搞掂,不過遇唔遇到呢個簡方又是一個問題~~
你日日食熱氣果仁都冇事?!!...問題唔出在塊面上,可能出在其他地方,熱氣野是身體毒素,點都要找些地方排出架!!!!
葡萄乾煲水可以清肝毒,齋食葡萄乾可以補身體的鐵元素,素食者可以常吃,仲有好多自己上網搵...當然喇乜都唔好食過量,糖份很高......
以前聽人講月餅幾時都有,不過啲人平時甚少買,對於月餅黐(黐線個黐)的森伯來講,平時都好少買,就等八月十五先食到夠!!!!
如果係我都會配合下政府,呢個時勢某辦法!!!!
長痘成因多,你我大不同,因人而異,我成功控油滅痘。
刪除凡士林貼心護體,腋下、腳踭、頭皮、大腿內側在不同季節都大派用場。從前,洗頭2日後好快頭痕,一𢲷就勁甩頭皮,我醫師上身,判斷係皮膚乾燥,自從,洗頭後趁濕塗抹頭皮,保濕效果奇佳,撐到6、7日才頭痕,應該冇人咁做,咁嘅危險動作森哥就唔好學我喇!所以我用量大,吼住日x城8折時入平貨,安心放幾年都唔壞。小林打造我嘅完美肌膚功勞大。
睇勻網上資料,我又一啲熱氣症狀都冇喎!唔通我孤寒底中和咗?我食夠纖維、飲夠水日日排毒好正常。可能我每日都食三大碗雜豆糖水(含寒凉綠豆)剋制住,陰陽平衡,中西都話要衡勻飲食。
清肝七大食物:十字花科類菜、甜菜頭、薑黃、蒜頭、初榨欖油、牛油果、菇類。
好快趣唔夠24小時收到陰性結果短訊。我的香港心,不厭其煩,我要出鞘斬斷傳播鏈。
我見你喜歡叮食物,估計你都比較喜歡吃熱氣的香口野,唔出痘痘就奇怪...
刪除講真冬天比較乾燥,用凡士林OK既,但夏季用有點立黐黐,搽面都冇問題,但加埋汗水都冇咩可能一年四季都用,撐到六、七日才頭痕......森伯一定唔得,肯定把髮立爆似成年冇洗頭,除非當髮蠟用!!!!凡士林有分大中細,細的凡士林最Q版,多數我買中型就夠......打造完美肌膚真係好難得,唔怪得一爺常常保持到18歲的外表...哈哈哈
每人的體質都唔同,有啲人食少少熱氣野就上火,有些極寒底的人,點食煎炸野都冇事,所以因人而異!!!
你講的清肝食物都冇一杯葡萄乾水咁勁(我估...)因為上述的食物未必係針對性~~~~
你幢咩大廈?!!成日有人中招,要檢測?!你哋可以慳番買快速測試包,日日都有核酸做......政府一方面就好有恆心每幢問題大廈做檢驗,另一方面又放寬酒吧,現在就爆到七彩~~~~~~~~
香口嘢係人都鍾意啦!(如果冇害處!)
刪除係叮唔係油炸,走油健康好多。
唔好18歲呀!我暗瘡爆不停……爛面吖!我的悲慘大半生。
係人試過森哥都話你勁啦!
趁病毒弱唔死人,森哥快啲衝去感染,咁就唔驚下個變種,機不可失。聰明人喺身後放火燒草咁就唔怕前面山火煞到,正是智囊團開放酒吧,快啲全民感染。
都未必...有些人怕熱氣就產生對香口野有抗拒!!!叮都熱氣,揀些即食唔需要做太多功夫~~~
刪除爛面...你講到好似被毀容咁款!!!正值青春年少期,個個塊面都爛爛哋!!!!!
你又知係人試過森伯後都話勁!!!!你好叻叻~~~~啲人試過森伯整既糕都話勁好,勁正,勁好食~~~~哈哈哈
你哋啲後生就話衝出去感染下,當傷風感冒.....森伯果類老人家感染左,就會畀醫院踢出門口日曬雨淋,好悲慘~~~~~
生活就是受著智囊來擺佈,聰明人要自求多福!!!!!!!
愈快樂愈墮落,森哥上火唔受得就唔好食啦!即食係奸商加工,唔好懶,都係買原始糧食自己加工有益。
刪除刻在我面上及心中烙印。醜醜醜!
除咗米飯班主,都好難有人擺佈森哥。
冇辦法,森伯老人家燥底!!!!飲水都可能熱氣...又唔需要時時都有被害妄想症,可能都有些良心商戶~~~~
刪除醜都有分好多種,有些人可以醜得可愛得意!!!!
森伯都可以被好多東西擺佈,所以要講句:自求多福........
嗰間零食店我以前有幫襯買八仙果牛肉乾,牛肉乾有獨立包裝細細件去旅行坐長途車零食解悶,之後轉左大包裝我就再沒有幫襯過。
回覆刪除發覺零食做到細細包,的確會受歡迎,可以方便攜帶,但諗深一層太多無謂包裝又唔太環保,零食太大件就分開細件帶都差唔多...
刪除可能少留意,都冇理會這零食店是否還在營業...
我都好少食零食,主餐為主。
回覆刪除那就是飲食的正確態度,但偶爾食少少也不為過......
刪除嗰間零食店以前幫襯過不少。
回覆刪除呢間零食店關門大吉都算是大新聞...可能包括很多人的回憶!!!!!
刪除我個人覺得疫情對零食店影響不算很大,相信這店執笠是因為其定位問題,因為她主要對像是遊客,一般來說各店舖面積都幾大,租金費,冇遊客白付租金就難捱,更何況,現在零食店開到成行成市,競爭激烈。
回覆刪除其實現時香港很多商舖的經營同遊客都有直接關係,所謂牽一髮動全身,很多零售生意都會受到影響...
刪除相信現時度度都有零食賣,尤其些大型日式百貨進場,要買零食都會貪新鮮去試試,純為試新口味的心態!!!!
我很喜歡零食,以前吃得太多,現在減少吃,太多化學物質。
回覆刪除現今的包裝食品,很多都有添加化學物,都好難避免,所以會揀些較自然的小食而已~~~
刪除可能一向少吃零食,近日在一家新開的大型食物場「生記」見到很多佳記沒有的新貨品,一時高興買下多款食品,一大包獨立包裝的芝麻糊、一大罐腰果、花生醬......吃多了,就受不了 !
回覆刪除大型食物場「生記」?!!即是那間店?!...很難怪,很多人一見到貨架上林林總總的食品,都會雀躍到周圍睇睇買買~~
刪除你買的食品都好正,自己都很久沒有買過包裝芝麻糊,加些水就有得飲超方便!!!
怕吃多了,就自己控制份量食就冇問題!!!!有時零食都可以減點生活壓力...