擾人清夢...
通常在這些濕濕熱熱的時候,小昆虫就會出來搞搞陣...尤其是在晚間睡覺時候,至怕就是不停有蚊子飛過耳邊的聲音,趕也趕不掉,搞到睡眠的質素都差一大截,雖然遇到此情況不多,只是間中一兩晚,可能現值初夏蚊子較多,又可能窗口近山,大雨過後就會多蚊蟲...雖則家中有放養式的小寵物——檐蛇,但仍然都有蚊,幸好只是偶然所以就沒有刻意去想法子處理...
可能要趁周末時噴些殺蟲水,有陣味點都可以趕趕牠們.....
把口鞋晒...
今日看到篇報導,消委會檢測市面上的方包,當中包括白方包及麥方包,報導所講方包大致上安全可放心食用,唯獨有些方包樣本含防腐劑,呢樣要注意一下,消委會仲講麥方包有較高營養,其實平時有睇開些健康資訊,都已經有講麥麵包好過白麵包,我都吃了麥方包好耐,不講健康與否都已經食慣了,我覺得口感味道都好些,就正如食慣了糙米飯,再食白飯就好似爭了些什麼,點都要落些糙米五穀類一同煮才好吃...
怪就怪森伯把口唔係刁晒...係鞋晒!!!!
心繫香港?!!
傳媒都好喜歡報導一些移居外地港人的新聞,可能是城中熱話,每逢有什麼日子(會以數字作口號),他們一到十,日日月月都有得記念,森伯完全唔清楚,亦唔會深究...但見個標題寫到人在他方,千名港人依然心繫香港...又係好老土要講句:唔睇標題由自可,一睇把幾火!!
講到心繫香港,但人就走咗...只係遊吓行,做吓樣!!咁樣就叫心繫香港,簡直笑話!!真心愛一個家,唔會畀藉口自己放棄她,而去另覓另一頭家...
同樣地真心愛一個地方,唔會放棄她,而是留守這地盡己之力去維護她,保護她,建設她...
舍下周圍樹木多,蚊子自然也多。入夜後牠們就會出動,因為蚊香蚊油之類太刺激,只是放置蚊燈,比較好用。不過太長時間也受不了。
回覆刪除對呀,通常家居環境有花草樹木都會較惹蚊蟲,蚊香味太濃而且釋出的煙怕對人有影響,未用過!!聽講香茅油可以驅蚊蟲,某些連鎖藥房可能有,會買來試試.......
刪除十分認同你的看法:「真心愛一個地方,唔會放棄她,而是留守這地盡己之力去維護她,保護她,建設她...」
回覆刪除這是人之常情,真心愛跟口講愛是兩回事,講的如何天花龍鳳都可以,但是否做到...就要問問自己!!!!
刪除看到那些人背棄了香港,以為投奔自由,誰知去到才省起香港的好處,這刻才會興起「心繫香港」的念頭,此時已是悔不當初了。正是人離鄉賤,物離鄉貴。
刪除當初他們就是認為香港唔好才走,但有些人可能去到才發覺唔適合,但頭已洗濕了,都沒有其他辦法,唯有硬著頭皮都要留守下去……
刪除其實很多都是成年人,後果怎樣也要自己承擔……
都有可能,荷李活電影都可以是一種宣揚的渠道,宣揚"大尾角"主義,但很多人都看得津津樂道,完全不覺有什麼問題,但另一邊廂若果是"鍾角"拍些類似電影,就會畀人話係洗腦電影,做同樣的事,但效果就完全不一樣,更可能連想睇的人都冇幾個.......
刪除聽回來的歧視問題就很多,但移到外地居住的親人就少聽到,可能有遇到,但要面子沒有跟我們說......我覺得或多或少都總有歧視,正如你所講:遇不上就好彩,遇到就冇話可說........呢啲就是真真正正中國人在異鄉生活的生存之道!!!!!
有時都好想秋葉可以寫多些有關香港政治或國家民族等的網誌,一齊傾吓可能會幾多東西可以講......
自從19年起,我在網誌寫的時事感想有很多,再寫或許會重複。 如果不怕我老生常談,也可一說。
刪除近日某位博友先生提出一本書來討論,在有空閒時,我或會先寫一篇回應的感想。在此謝過來訪敝博 !
唔好意思,一時忘形,在貴博寫了國與國的名字,犯了你的大忌,我已把6月19日清晨6:26的整段留言刪去。
刪除可能對很多人來講19年的情況太使人難忘,所以有所感受亦不足為奇,寫網誌最好就是可以有自己的平台發表自己的感受或意見...
刪除現在都很少人看過一本書後會作出評論或讀後感想,因為睇書的人都少了,你們現在仍有書想拿來討論,相信會是本好書,期待~~~
不要緊,只要不是一些敏感內容,都沒有問題...平時我打博都會再三檢查,如要寫些資料性都會進一步核實,免得有偏頗的內容...
刪除我唔識點噴可驅蚊?爬就得啫,飛飛都得?
回覆刪除通常飛來飛去的昆蟲用味驅除,所以有人點蚊香,不過蚊未暈人就暈...哈哈
刪除大陸蚊勁啲,佢哋唔怕蚊香,照樣吸你血。
刪除徙置區天台小學都有畢業宿營,免費喺烏溪沙玩一周好開心,遠古時係坐船去,床頂吊咗蚊帳。森哥小學有冇畢業宿營。
又未聽過大陸蚊勁啲,相信都唔會有人畀蚊叮完,還會攞隻蚊查佢來自邊鼠……
刪除細路仔只要有得去宿營玩,餵蚊都唔緊要!
年代久遠,都唔記得了!
細路時覺得西方乜都好、好時尚,乜都跟,有網絡後睇翻多啲知識就少食咗麵包,早餐長年食原味燕麥片才夠健康。希望可長命啲畀森卜內留言。
回覆刪除其實食早餐又沒有跟東方定西方,只是由細到大都食,認為問題不大,後來資訊看多了,就變成這樣唔食得,那樣唔食得...最近的資訊又話燕麥片不宜食太多,有麩質兼且現在的麥類好有問題喎!!!
刪除好感動..............我都希望森卜可以長寫長有,今周本來冇乜野食!!!!
食太多燕麥會影響 鈣、鐵等礦物質嘅吸收,所以,我下午茶唔食燕麥片(聽講可減肥),每日限食一杯。
刪除某些人有麩質敏感、有乳糖不耐症、蝦蟹敏感、花生敏感……真係乜都有,見怪不怪。
疫情期間,好多卜友都無聲消失。森哥依然堅持係好難得,我要support。
不過,早餐有碗熱麥皮又會幾充實,好似擁有一份營養豐富的早餐,但對我來講燕麥又不是太適合~~~~
刪除你講到的食物敏感是比較極端,他們掂少少都不能!!!應該華人較少,外國人較多有這種情況!!!
好多卜友都無聲消失...我識唔識架?!!森伯份人做事有恆心貫徹始終...已成為一個生活習慣都想繼續寫,原動力就是仍有你們一班好好博友的支持,同埋大家都啱傾......
森哥咁多嘢唔食得,唔通係混血兒,外星人後代。
刪除識唔識都走咗啦! 無法挽留。
現在有很多要誡的食物,現在都有吃了……
刪除無法挽留……?!咁一爺想挽留邊位先!!
我都無興趣、無心機寫卜,明白對方心態,又點會叫人繼續,一切從森出發,尊重佢哋嘅自由選擇,最緊要大家開心。
刪除寫博冇得迫自己,想寫就寫......仲想睇下一爺有冇咩生活可以分享吓~~~~~~~~
刪除類似扶植法輪功,係西方政治操控,好快就會消聲匿跡。
回覆刪除冇啦!!!!其實每個國家都唔會任由一些反對勢力滋長!!!
刪除所謂的民主國家也是如此~~~~~
民主國都唔立法管制槍枝,背後黑勢力太大,總統都怕咗唔多管,唔民主、冇人權、係危險國家。
刪除民主睇你點睇 ,就算畀你去到自由國家裡,都唔等同你做咩都可以,只是啲人一廂情願的想法……
刪除美國唔會畀其他國家自由民主,由其是你唔親美、咖過佢、唔聽話。遏止中國往高科技發展,唔滿意他國總統唔親美真係乜卑鄙嘢都做得出,畀錢別國反對黨並控制選情打低你,捉你個總統回美去坐監,暗殺,出兵攻打你,抹黑污蔑……呢個就係我理解『民主』真面目,根本係虛假,只係美化自己,假情假意。
刪除一個做慣"大佬"的國家,佢都唔希望突然地位下降,唔係話純為面子問題,都仲有很多方面,經濟上都有影響,不能再以印鈔票去找數,仲有其他東西,只要一日做大佬,很多東西都照樣擁有,都明白的.........捉總統回X去坐監,暗殺........呢啲嘢在blog講唔講得架??!仲響我個博度講!!!!!
刪除自從了解多了,很多時所謂的"民主"都只是表面化,實質最緊要係人民生活安定,有飯開有餸食......
未走就破壞。走咗又心繫香港,思覺失調。如果在彼岸撈得好仲會講心繫香港?攪吓小動作又有籍口衆籌,錢又袋袋平安。
回覆刪除對,你就正正講出他們的所作所為,當時在他們的立場不是破壞,而是做了"正義"之事,以為搞完場大龍鳳會"改變"世界......
刪除有些人真的會以聚籌為目的,但有些人(真正認識都有)他們冇錢袋,人遊行佢遊行,人破壞佢支持...正正是現時所講的 "真心膠" ~~~~
如果真係心繫香港就唔會破壞香港, 一走了之的人仍說心繫香港, 就好似嗰啲不肖子, 丟下父母不理卻仍然對人說心愛父母一樣, 厚顏無恥!
回覆刪除只要某些人自我感覺良好,做什麼也是合理的(他們自己認為...),你的比喻令我想起,現在的確有些人移到外地可能丟下父母在香港,對年長的父母來講可能頓時失了些依靠~~~~
刪除