現在的餐具真係幾多花樣，有次經過一間大型的連鎖百貨，裡面有隻碟分成幾格，其實都幾好一來可以限制食量，二來餸還餸，飯還飯，食完洗碗都方便啲，有種碟頭飯的感覺!!
外出食碟頭飯，通常都冇咩特別飯菜想揀，都係以粟米肉粒飯為大多數，貪佢簡簡單單沒有太多調味...外出食得多，而在家裡都可以嘗試整呢個飯!!
我今次用紙包的忌廉粟米(因有味道)再加隻蛋及少量雞肉，煮的時間不用太長，所以都算是個懶人餸，幾好撈飯...發覺呢個餸唔單止配飯，配意粉都好好味!!!自己整的顏色賣相好似差少少，因為第一次整!吸收多些經驗可能會較好...
雖然到現在仍未能解釋到，火腩支竹飯何謂男人的浪漫，但呢個茶記熱選的show me your love，原來就正正是粟米肉粒飯的諧音，真係唔知去到茶餐廳有冇人會咁叫!!如果真係show me your love，整個懶人餐，真的不夠誠意~~~哈哈
不過自家整的show me your love味道就非常好，每逢多醬汁的飯菜，都是趁熱食最好，唔講咁多開飯lu~~
show me your love 粟米肉粒
回覆刪除一個茶記的熱選飯菜~~~
刪除粟米肉粒，清清地又健康喎！
回覆刪除對呀，唔需要太多調味，清清地幾好!!
刪除“粟米肉粒飯、粟米魚塊飯、豆腐火腩飯”，都是以往我在外會叫的碟頭飯，除了“粟米肉粒飯”的質量比較穩定，其餘兩款也不是個個廚房都做得好。如果魚塊和豆腐炸得過火，中間不夠嫰滑，
回覆刪除尤其是一般都沒有為豆腐上鹽入味，真是吃之無味，棄之可惜。
*
一般所謂“粟米斑塊”，其實只是其他魚塊，但要把魚塊炸得恰當，裡面要嫰滑才好吃。舍區附近也有一間食店做到這個效果，不錯。 可是因疫情關係，這食店曾經轉手，現在做得如何就不知道了。
你提到的菜式，都會是茶餐廳必有的菜式，可能這樣才夠地道...外出食都唔會太在意吃些什麼，對胃口就可以，一般都會揀些輕食又易填肚就最好，因為出到街好少感到肚餓...
刪除外邊吃魚塊有時都會落幾多炸漿，好易搞到魚塊成舊粉，有些店舖慳成本，可以成舊都係粉漿，而且又諗到炸魚塊都會用百日油，所以好少叫~~~~炸豆腐就好好吃，通常都係羅漢齋伊麵...看來，秋葉對茶餐廳的食物要求都幾高...
係呀，根本茶記所謂的粟米斑塊，根本就係其他魚塊，這是個公開的秘密，不過大家都叫慣叫熟斑塊，所以都冇人再追究，幾廿蚊的一個飯有斑塊食，都冇咩可能......
疫情期間都有很多食店關門大吉，可能疫情過後就會重開，所謂的止住血先喇!!
「出到街好少感到肚餓...」係咁閣下時常去街，真係會慳番唔少銀両。你都講中晒個要點：「有些店舖慳成本，可以成舊都係粉漿，」魚塊像是隱形的，一的魚嘅感覺都冇，我都估係做咗手腳來騙d食客。
刪除*
不過我又想知道在外這家食店是否騙人，所以都會叫這樣的碟頭飯來試吃。 都是舍區附近的一家小廚兼茶餐廳好，
他不會低估食客的口味，更為愛吃魚的食客，設有即蒸的
鯇魚小菜，與泰式煎封黃花魚，這樣做的黃花魚很好吃，可惜是將近吃畢，就會覺得是鹹了一些。
森少你不喜歡吃魚，看來與你說魚是多餘的。粟米肉粒飯確是很多人的首選，你也不愁寂寞了。
請問邊度茶餐廳，重有幾廿蚊的一個碟頭飯咁抵 ? 是否回到八十年代尾 ? 舍區這家小廚兼茶餐廳，燒味飯還有30多元一碟，由廚房出來的，起碼要4、5 、60元了。
刪除不論平貴，至緊要好味，肉不辣不太油，兼有蔬菜伴碟。
如果d菜式油淋淋，或者辣到飛起，幾貴送來我都不吃。
又唔會慳好多，出到街都會預外出吃東西，出街前一早講定，唔會臨時諗!!!外出食都預了食物貨不對辦，通常幫襯些知名食肆，就算搵笨都唔會太大失望~~~不過都唔一定，講好彩指數...
刪除原來有餐廳專食魚的，對愛魚客來講唔錯!!秋葉真好記性，眾多飯菜中真係唔會選擇食魚，外出食更加唔會!!!
都係一時時啦，餐牌仲有其他餸菜可以挑選!!!!
我講的幾廿蚊係指，幾個廿蚊...差唔多啦!!!基本上至少都四五十元，不似秋葉叫過碟頭飯閒閒地都要上百元!!!
家中附近的街坊茶餐廳都有些飯是六七十元，睇睇有什麼食材，只是茄子南瓜之類，沒有什麼貴價材料，所以證明外出食飯都漲價了!!!
不過對現在為食的港人來講，價錢不是第一考慮，正如你講好味才重要!!!!
原來是我看錯，把你寫的 “幾廿蚊”當做“廿幾蚊”；與你說我「叫過碟頭飯閒閒地都要上百元 ! 」都是一場誤會吧了 !
刪除其實，本區的外賣飯餸盒，真係收廿幾蚊一盒咋。粟米魚塊飯的魚塊做得幾好，但是那天的粟米甚少。我是基層窮人，有時都會食廿幾蚊一個飯盒gar。
可能早六、七年前都有廿幾蚊個飯，不過物價一年比一年高，近年多有政府的消費券，物價更加貴...而且自己多數自家煮食，好簡單又可以一餐，所以外邊飯盒什麼價都沒有理會...偶爾才外出吃飯......
刪除秋葉謙虛，吃廿多元的飯都唔一定是基層人士，簡單一餐飯覺得OK，又唔錯喎!!最緊要可以慳時間唔需要大費周章自己煮嘛!!
廿幾蚊一個飯盒，算係平㗎啦！但係我都係自己煮的多，為求合口味，花些工夫時間都要㗎啦。
刪除當周圍賣六七十蚊一個飯，自然就覺得廿令蚊好抵食，正如你講價錢其次，口味才是首選...
刪除自己整起碼衛生和調味料可控制!!!
一格格諗起平價飯堂。都係普通碟好，易洗易收納。
回覆刪除森哥呢句係感嘆號還是問號。
整畀未確定對象食求愛表白。
中釋 『大叔的愛』。
除咗呢味，粟米魚肚羹、忌廉粟米湯我都鍾意。
我仲以為你話諗起監倉...呢種碟畀細路仔或要按份量食的成年人，提你要幾多澱粉質，幾多菜幾多肉的比例，都想買返隻不鏽鋼用成世...哈哈
刪除邊個整畀邊個食都冇咩所謂，呢個餸咁簡單又易食，好多人都唔介意整，唔介意食!!!
真係見過有間食店譯為「大粟的愛」很多飯款都同粟米有關...粟米加任何東西整都喜歡，但齋食碌粟米就麻麻.........
我講親身經歷…監倉…唔通咁森哥曾經滄海？唔怪得話自己係粗人，森哥真係好粗呀！我甘敗下風！
刪除咁你快啲買翻個用一世無憂嘅格仔餐盤，打不爛、撞唔崩， 所以，令我閃過鋼碗諗頭，啱晒我呢個就黎變得遴遴迍迍嘅老人家，不過，獨居習慣改變，都唔用碗食飯，自制盒飯一定要裝入玻璃盒、大瓷碟，喺雪櫃拎出黎叮8分鐘就食得。
微波爐鋼盒超貴，等我再老啲笨手笨腳、又唔肯入老人院嘅頑固耆英才考慮。
係喎！我唔應該將森比己，我就賣剩庶啫，搶手貨、有本事森哥係人哋倒追，失敬²。
牛油鹽焗成轆粟米又啱我。不過，了解營養後老身要避開牛油。
有時又唔一定要經歷過才知道，只是感覺似...森伯所指的粗人，係魯粗啫...都唔敢話粗豪，因為自己唔夠豪......
刪除人越大越覺得生活唔想太過花巧，做太多複雜的東西，簡簡單單最好，可以慳功夫之餘，個人都可以減少些生活上的壓力!!
我自己認為，就算幾方便也好，也不贊成用太多微波爐去叮餸叮飯，家中的飯煲也可以用來蒸東西，時間也十分快捷，放些水就可以蒸，都方便...
如果成日要用，貴些少又何妨!!
人哋倒追?!!...你估拍緊電視劇咩?!~~個飯自己食，有時自己鍾意食乜就食乜唔駛顧慮太多，都唔錯!!
本身好少咬粟米，所以冇諗到搽牛油在粟米上........
我覺得森哥係粗豪，豪爽大方不小心眼、唔易嬲(我)，豪唔係豪奢！
刪除青頭仔乜花巧都想嘗試，有見識歷練嘅森哥當然趨向簡單。我都花心思簡化事情，慳番啲時間放空。
我都研究過微波爐加熱致癌，應該某類蔬菜如翠玉瓜、洋蔥等喺>120°C[高温*]煮會釋出致癌丙烯酰胺，[時間愈長*]愈多，舊餸嘅青菜類煮完又煮都會好多致癌物質[翻煮*]，所以，我唔用高檔，只用次檔(低温)，試咗唔同時間，以最短剛剛夠熱(短時間)。而高危如洋蔥、青菜、蕃茄都係生嘅，叮完都係半生熟(唔翻煮)。
等爛咗才算。鋼材係比玻璃/瓷輕巧唔滑手，更啱老人用。
冲涼後抹身我唔用超大浴巾，改用面巾，次次洗。
人越年紀大，自己性格都有很大的改變，記得年紀越小的時候，好少器，人哋做錯講錯都會容易動怒，後來人越大越想得通，無論什麼人講錯或做錯都可以一笑置之，當你諗身邊大多數的人都是生命中的過客，你就會放低不再動怒...久而久之人都大方左!!!
刪除人老左，體力都差咗，仲搞咁多咩!!......梗係越簡單越好!!!!哈哈哈
家中沒有微波爐，基本上很多都是用明火煮，用電就只有飯煲，不過有機會都想買多個小蒸鍋...方便蒸煮!!!
隔夜菜不要過三餐呀~~肉類就唔緊要，不過自己整就多數一餐食晒，因為煮的份量唔多~~~
知道森伯喜歡用不鏽鋼餐具是因為老人家手腳唔靈活，隨時驚打爛...一爺真聰穎，竟然爆響口!!!!!!!!
用大毛巾，唔會喇，香港的潮濕天氣洗左有排晾乾!!!!
燥底容易肝火盛，森哥由內而外，用心法調整，好識疏肝喎！
刪除我只用雙煲雙爐： 普通鋼煲+真空煲/電磁爐+微波爐，履行簡約生活。冇電飯煲又冇開煤氣爐 ，天時暑熱仲冲凍水涼 ，冇用一滴氣。
幾層蒸盤叠高成個古塔咁嘅蒸煲？還係電蒸爐？
森哥依然係花漾老男， 不要在乎真實數字，身體真實狀態保持青春，唔使人照顧才要緊 【註：森目中 “老” 嘅定義 比一般人低卅年】
小時候都係用面巾，虛榮心作祟，見電視啲成功或有錢人士係要用嘅，影像話被包裹好舒服温暖，生活質素上一級係用大毛巾嘅。現實係唔會日日洗，感覺唔乾淨才洗，唔係最衞生。佔用洗衣機空間洗小好多其他衣物。晾乾花長時間。諗深一層面巾更好。
用森法調整...?!!都冇咩森法，最緊要慳水又慳力~~~~
刪除唔用一滴氣，咁你唔駛炒餸煲豆粥?!...平時蒸東西會用電飯煲，都想買個小型的萬用鍋，襯返個窩居，你講的古塔蒸籠好專業，森伯都冇咁多野蒸喇...
叫得花漾都唔會係老男，通常花漾多數指後生，戲名都有：花漾年華...一爺拋錯書包!!!!森伯完全接受老，而且都唔到你控制，或者一爺實在太年輕，未感覺到........哈哈哈
電視上的有錢人家多數用浴袍，但時下有幾多個人會咁著?!什麼都從簡單就算，都唔想搞太多~~~~
電磁爐無火，夏天煮食都唔熱呀！
刪除森哥逆齡生長，外表還年青，美魔仔。
去酒店有浴袍提供會穿著。
唔熱又點會熟?!!電磁爐好多電磁波...暫時唔諗買，唯一好處過熱會自動關閉~~
刪除阿伯...用美魔仔形容，我反而buy比較得意!!!!
酒店的浴袍都未必重用再洗，畀客人作紀念品...
磁力變動令鐵鍋自己發熱係物理現象，類似冬天時森哥做運動自己發熱，周圍空氣依然好凍。明火類似暖爐傳熱，森哥周圍空氣變熱，再傳熱畀森哥感受暖意。電磁爐唔會似煤氣爐令厨房好熱，好多舊嘅職業厨房都花錢改用電磁爐，係好嘢。
刪除我都贊同森哥唔好咁快用新嘢(智能電話/電磁爐/新冠病毒針…)，等你心安理得啦！一貫你講你嘅，我做我嘅，我講我嘅，你做你嘅。世界只有一大國自認係自由民主 去強迫 他國聽晒佢話 完全 奪走你嘅豉油，極為可恥
據講電磁爐的電磁波很多，通常一般家用的電器產品，都有電磁波，若然你睡覺的地方充滿著各種電器，就好有機會吸收到電磁波，輕則有機會影響睡眠質素，重則影響身體，但有時好難避免，始終現代化的都市人都會用上各種電器...不過煮食上都唔好懶或怕清潔廚房，用明火煮食較好，用火自然整熟，因為古時人都會鑽木取火來用...商家就貪方便，都唔會理得太多，話時話，食肆用電磁爐的確比較清潔衛生但無鑊氣...這個我也不反對，但家中就會用明火煮食!!!
刪除你有你講，我有我做...唔怪得成日有交嗌啦!!!!哈哈哈哈......有時真理越辨越明啫!!!!
其實好早已經有人講過，手機有電磁波，多接觸就會對頭部有影響~~雖然唔知對定錯，自己都好少用手機煲電話粥，微波爐相信唔會買，但電磁爐第日老痴呆可能要迫住買，驚有火警~~~~~><，新冠病毒針唔敢打，據講啲後遺遲下會發出來...厚驚驚!!!!
呢個飯當有本地粟米賣嘅時候我就會整。
回覆刪除用忌廉粟米較好味，聽過人講...當中加些鮮粟米增加口感~~~~
刪除去到茶記對阿姐講 "Show me your love"，也許會有意想不到的收穫。
回覆刪除咁和平兄會唔會吼正阿姐過來，專登叫呢個飯呢?!!哈哈...
刪除森伯多數去集團式的茶記，去到櫃位叫個餐畀錢就可以...冇咁浪漫~~~~
我當然唔敢咁放肆啦，我怕面上多了個五指印架.... :p
刪除哈哈，有家室係要檢點啲............
刪除簡簡單單又一餐都好正架。
回覆刪除對呀，對森伯來講，極簡單都可以一餐，慳功夫!!!
刪除